50 mg li dozasi: plyonka qobiq bilan qoplangan, bir tomonida “Pfizer” gravirovkasi va ikkinchi tomonida “ZLT-50” gravirovkasi va bo‘lish uchun chizig‘i bo‘lgan, oval shaklidagi ikki tomonlama qavariq, oq rangli tabletkalar. 100 mg li dozasi: plyonka qobiq bilan qoplangan, bir tomonida “Pfizer” gravirovkasi va ikkinchi tomonida “ZLT-100” gravirovkasi bo‘lgan, oval shaklidagi ikki tomonlama qavariq, oq rangli tabletkalar.

antidepressant.

Sertralin – antidepressant, serotoninni (5-NT) qayta qamrab olinishining kuchli selektiv ingibitori (SQQOSI) hisoblanadi. Noradrenalin va dofaminni qayta qamrab olinishiga juda kuchsiz ta’sir ko‘rsatadi. Terapevtik dozalarda qo‘llanilganida sertralin odam trombotsitlarida serotoninni qayta qamrab olinishini bloklaydi. Nazorat ostidagi klinik tadqiqotlarda ko‘ngillilarda rag‘batlantiruvchi, sedativ yoki antixolinergik ta’siri aniqlanmagan, shuningdek psixomotor faoliyatni buzilishi qayd etilmagan. Sertralin doriga qaramlikni chaqirmaydi, uzoq muddat davomida qabul qilinganida tana vaznini oshishini keltirib chiqarmaydi. Hayvonlardagi modellarda 5-NT qayta qamrab olinishini selektiv susaytirilishi tufayli, sertralin katexolaminlar faolligini kuchaytirmasligi, muskarin (xolinergik), serotoninergik, dofaminergik, adrenergik, gistaminergik, GAMK- yoki benzodiazepinli retseptorlarga yaqinlikka ega emasligi ko‘rsatilgan. Hayvonlardagi modellarda sertralin shuningdek kardiotoksik ta’sirga ega emasligi ko‘rsatilgan. Hayvonlarda uzoq muddat davomida qo‘llanilishi boshqa antidepressantlar va obsessivga qarshi preparatlar uchun xos bo‘lgan manfiy teskari bog‘lanish turi bo‘yicha bosh miyada noradrenalin retseptorlarining yo‘lga solinishi bilan bog‘liq bo‘lgan. Sertralin preparatni suiste’mol qilinishiga olib kelmaydi. Suiste’mol qilinishi rivojlanishiga sertralin, alprazolam va dekstroamfetaminni qodirligini o‘rganishga doir platsebo nazorat qilinadigan ikki karra sinalmagan qiyosiy tadqiqotda sertralin uchun bunday qobiliyat qayd etilmagan. Mazkur kuzatuvdan qarama-qarshi ravishda alprazolam va dekstramfetaminni qabul qilgan patsiyentlar platseboga nisbatan preparatlarni suiiste’mol qilinishi rivojlanishiga katta moyillikni ko‘rsatganlar. Suiste’mol qilinishiga moyillik darajasi preparatni ijobiy hissiyotlar, ko‘tarinki kayfiyat va suiste’mollikni keltirib chiqarishga qodirligi kabi ko‘rsatkichlarni aniqlashga asoslangan. Kokainni mustaqil ravishda yuborishga o‘rgatilgan rezus makakalarda sertralinni qabul qilish, fenobarbital va dekstramfetamindan farqli ravishda ijobiy rag‘bat sifatida ta’sir ko‘rsatmagan.

So‘rilishi Maksimal kontsentratsiyasi (Smax) va “kontsentratsiya-vaqt” egri chizig‘i ostidagi maydon (AUC) 50-200 mg oralig‘idagi dozaga proportsional bo‘lib, bunda farmakokinetik bog‘liqlikning bir tekis chiziqli xarakteri aniqlanadi. Sertralinni 14 kun davomida 50 mg dan 200 mg gacha dozada sutkada bir marta qo‘llanilganida qon plazmasida sertralinning kontsentratsiyasi preparat qabul qilinganidan so‘ng 4,5-8,4 soatdan keyin  Smax ga yetgan. So‘rilishi yuqori, past tezlikda kechadi. Ovqatlanish vaqtida biokiraolishligi ozgina (25% ga) o‘zgaradi. Taqsimlanishi Sertralinning taxminan 98% i qon plazmasi oqsillari bilan bog‘lanadi. Metabolizmi Sertralin jigar orqali birinchi bor o‘tayotganida faol biotransformatsiyaga uchraydi. Metabolizmning asosiy yo‘li – N-demetillash. Plazmada aniqlangan asosiy metaboliti N-desmetilsertralinning in vitro sharoitidagi faolligi sertralinga nisbatan sezilarli darajada (taxminan 20 marta) kam va in vivo sharoitidagi depressiya modellarida aslida faol emas. N-desmetilsertralinni yarim chiqarilishi davri 62 soatdan 104 soatgachani tashkil etadi. Sertralin ham va N-desmetilsertralin ham oksidlanuvchi dezaminlashdan va keyinchalik qisqarish, gidroksidlash va glyukuron kislotasini qo‘shilishi jarayonidan o‘tadi. Sog‘lom ko‘ngillilarga nishonlangan sertralin yuborilganida qon plazmasida 5% dan kam radioaktiv sertralin qayd etilgan. Yuborilgan dozaning taxminan 40–45% to‘qqiz kundan keyin siydikda aniqlangan. O‘zgarmagan sertralin buyrak orqali chiqarilmaydi. Aynan shu davrda yuborilgan sertralinning taxminan 40–45%, shu jumladan 12–14% o‘zgarmagan sertralin najasda aniqlangan. Desmetilsertralinni AUC (0-24 soat), Smax va Smin qiymatlari doza va vaqtga bog‘liq ravishda 1-kundan 14-kunga qadar taxminan 5–9 marta oshadi. Chiqarilishi Sertralinni o‘rtacha yarim chiqarilish davri (T1/2) yosh va keksa patsiyentlarda 22-36 soatni tashkil etadi. Davolash boshlanganidan keyin 1 haftadan so‘ng (dozani sutkada bir marta qabul qilinadi) muvozanat kontsentratsiyasiga erishilgunga qadar yakuniy T1/2 ga mos ravishda preparatning taxminan ikki barobar kumulyatsiyasi kuzatiladi. N-desmetilsertralinning T1/2 qiymati 62-104 soat oralig‘ida o‘zgarib turadi. Sertralin va N-desmetilsertralin faol biotransformatsiyaga uchraydi; hosil bo‘ladigan metabolitlar buyrak va ichak orqali teng miqdorlarda chiqariladi. Sertralin o‘zgarmagan holda buyrak orqali katta bo‘lmagan miqdorda (< 0,2%) chiqariladi. O‘smirlar va keksa insonlarda farmakokinetika profili 18 yoshdan 65 yoshgacha bo‘lgan patsiyentlardagiga nisbatan farqlanmaydi. Patsiyentlarning alohida guruhlari Bolalarda qo‘llanilishi Obsessiv-kompulsiv buzilishlari (OKB) bo‘lgan bolalarda sertralinning farmakokinetikasi kattalardagi xuddi shundayicha (garchi bolalarda sertralin metabolizmi ancha faolroq bo‘lsa-da) o‘xshashligi ko‘rsatilgan. Biroq, bolalarda tana vazni ancha pastligini hisobga olgan holda qon plazmasida sertralinning o‘ta yuqori kontsentratsiyalariga yo‘l qo‘ymaslik uchun preparatni kichikroq dozada qo‘llash tavsiya etiladi (“Qo‘llash usuli va dozalari” bo‘limiga qarang). O‘smirlar va keksa yoshli patsiyentlar O‘smirlar va keksa yoshli patsiyentlarda farmakokinetika profili 18 yoshdan 65 yoshgacha bo‘lgan patsiyentlardagi farmakokinetika profilidan farq qilmaydi. Jigar faoliyati yetishmovchiligida qo‘llanilishi Sertralin ko‘p marta qabul qilinganida yengil kechuvchi jigar tsirrozi bo‘lgan bemorlarda preparatning yarim chiqarilishi davri T1/2 ni oshishi va AUC va Smax qiymatlari sog‘lom insonlardagiga nisbatan deyarli uch barobar ko‘payishi kuzatiladi. Ikkita guruhda qon plazmasi oqsillari bilan bog‘lanishida muhim farqlar qayd etilmagan. Sertralin jigar faoliyati buzilgan bemorlarda qo‘llanilganida preparatning dozasini pasaytirish yoki preparatni qabul qilish orasidagi intervalni ko‘paytirish maqsadga muvofiqligini muhokama qilish zarur. Buyrak yetishmovchiligida qo‘llanilishi Sertralin faol biotransformatsiyaga uchraydi, shu sababli buyraklar orqali o‘zgarmas holda katta bo‘lmagan miqdorda chiqariladi. Yengil va o‘rtacha darajada ifodalangan buyrak yetishmovchiligi (kreatinin klirensi (KK) minutiga 30-60 ml) bo‘lgan bemorlarda va o‘rtacha yoki og‘ir darajali buyrak yetishmovchiligi (KK minutiga 10-29 ml) bo‘lgan bemorlarda sertralinning farmakokinetik parametrlari (AUC0-24 va Cmax) uni ko‘p marta qabul qilinganida nazorat guruhidagilardan jiddiy farq qilmagan. Barcha guruhlarda sertralinni yarim chiqarilishi davri T1/2 bir xil bo‘lgan, shuningdek qon plazmasi oqsillari bilan bog‘lanishda ham farqlar bo‘lmagan. Kutilganidek, sertralinni uncha katta bo‘lmagan buyrak ekskretsiyasini inobatga olgan holda, buyrak yetishmovchiligi ifodalanganligiga bog‘liq ravishda uning dozasiga tuzatish kiritish talab qilinmasligi aniqlangan.

Turli etiologiyali depressiyalar (davolash va oldini olishda)Obsessiv-kompulsiv buzilishlar (OKB)Sarosimali buzilishlarPosttravmatik stressor buzilishlar (PTSB)Ijtimoiy fobiya.

Sertralin ichga qabul qilish uchun, ertalab yoki kechqurun sutkada bir marta, ovqatlanishdan qat’iy nazar buyuriladi.

Eng ko‘p uchraydigan nojo‘ya ta’sir bo‘lib, ko‘ngil aynishi hisoblanadi. Ijtimoiy fobiyani davolashda erkaklarda seksual faoliyatni buzilishi (eyakulyatsiyani buzilishi) platseboni qo‘llash fonidagi 0% ga nisbatan, sertralinni qo‘llaganda 14% holatlarda qayd etilgan. Ushbu nojo‘ya holatlar dozaga bog‘liq va davolash davom ettirilganida ko‘pincha o‘tib ketadi. 1-jadvalda sertralin qo‘llanilganida kuzatilgan nojo‘ya reaktsiyalar to‘g‘risidagi axborot postmarketing (tez-tezligi noma’lum) va platsebo nazoratli klinik tadqiqotlar vaqtida olingan ma’lumotlar asosida taqdim etilgan (tadqiqotlar sertralinni qabul qilayotgan 2542 ta patsiyentlar va platseboni qabul qilayotgan 2145 ta patsiyentlar ishtirokida o‘tkazilgan). Mazkur tadqiqotlar depressiyasi, OKB, sarosimali buzilishlari, PTSB yoki ijtimoiy fobiyasi bo‘lgan patsiyentlarda o‘tkazilgan. 1-jadvalda sanab o‘tilgan ayrim nojo‘ya reaktsiyalar davolash davom ettirilganida jadalligi va uchrash tez-tezligi bo‘yicha kamayishi mumkin va umuman olganda davolashni to‘xtatishga olib kelmaydi. Juda tez-tez≥ 10%Tez-tez≥ 1% va <10%Tez-tez emas≥ 0,1% va <1%Kam hollarda≥ 0,01% va <0,1%Juda kam hollarda<0,01%Tez-tezligi noma’lumMavjud ma’lumotlar asosida aniqlash mumkin emas 1-jadval

sertralin va preparatning boshqa komponentlariga nisbatan ma’lum yuqori sezuvchanlikda qo‘llash mumkin emas;6 yoshgacha bo‘lgan bolalarda (obsessiv-kompulsiv buzilishlarda (OKB)), boshqa ko‘rsatmalar uchun preparatni 18 yoshdan kichik patsiyentlarda qo‘llash mumkin emas;ajitatsiya, tremor va gipertermiya bilan namoyon bo‘luvchi serotonin sindromini rivojlanish xavfi tufayli sertralinni qaytmas ta’sirdagi monoaminooksidaza ingibitorlari (MAOI) bilan qo‘llash mumkin emas. Qaytmas ta’sirdagi MAOI qo‘llash bekor qilinganidan keyin 14 kun ichida sertralinni qabul qilish mumkin emas, sertralin bilan davolashni esa qaytmas ta’sirdagi MAOI bilan davolash boshlanishiga qadar 7 kun oldin to‘xtatish lozim (“Boshqa dori preparatlari bilan o‘zaro ta’siri” va “Maxsus ko‘rsatmalar” bo‘limlariga qarang);pimozid bilan bir vaqtda qo‘llash mumkin emas (“Boshqa dori preparatlari bilan o‘zaro ta’siri” bo‘limiga qarang).

Sertralinni MAOI bilan birgalikda, MAOIni qabul qilishni boshlashdan oldin 14 kun davomida va bekor qilinganidan keyin 14 kun davomida buyurish mumkin emas. Dozaga tuzatish kiritish zaruratini baholash maqsadida qonda tritsiklik antidepressantlar kontsentratsiyasini nazorat qilish lozim. Sertralin va tolbutamidni bir vaqtda qo‘llanilganida qonda glyukoza darajasini nazorat qilish zarur (“Boshqa dori preparatlari bilan o‘zaro ta’siri” bo‘limiga qarang). Serotonin sindromi SQQOSI qo‘llanilganida serotonin sindromi (SS) va xavfli neyroleptik sindrom (XNS) rivojlanishi hollari ta’riflangan. SQQOSI ni boshqa serotoninergik vositalar (shu jumladan triptanlar va fentanil va ularning analoglari, tramadol, deksometorfan, tapentadol, meperedin, metadon, pentazotsin) bilan, shuningdek serotoninning metabolizmiga ta’sir qiluvchi preparatlar (shu jumladan monoaminoksidaza ingibitorlari), antipsixotik vositalar va dofamin retseptorlarining boshqa antagonistlari bilan birga qo‘llanilganida mazkur asoratlar xavfi oshadi. SSning ko‘rinishlari bo‘lib, ruhiy holatni o‘zgarishi (xususan, ajitatsiya, gallyutsinatsiyalar, koma), vegetativ labillik (taxikardiya, arterial bosimni o‘zgarishlari, gipertermiya), neyromushak impuls o‘tkazuvchanligini o‘zgarishlari (giperrefleksiya, harakatlar muvozanatini buzilishi) va/yoki me’da-ichak yo‘llari tomonidan buzilishlar (ko‘ngil aynishi, qusish va diareya) bo‘lishi mumkin. SS ning ayrim ko‘rinishlari, shu jumladan gipertermiya, mushaklarning rigidligi, hayotiy muhim funktsiyalar parametrlarini tezda o‘zgarishlari bilan kechishi mumkin bo‘lgan vegetativ labillik, shuningdek ruhiy holatni o‘zgarishi xavfli neyroleptik sindromda (XNS) da rivojlanadigan simptomatikani eslatishi mumkin. Patsiyentlarni SS va XNS ning klinik ko‘rinishlarni rivojlanishi yuzasidan kuzatish zarur. QTc intervalini uzayishi yoki “piruet” (torsade de pointes) turidagi taxisistolik yurak qorinchasi aritmiyasi Sertralinni postmarketing qo‘llash vaqtida EKG da QTc intervalini uzayishi hollari va “piruet” (torsadedepointes) turidagi taxisistolik yurak qorinchasi aritmiyasi rivojlanishi to‘g‘risida xabarlar berilgan. Ko‘pgina hollar bunday holatlar rivojlanishi xavfi omillari bo‘lgan patsiyentlarda qayd etilgan. Shunday qilib, EKG da QTc intervalini uzayishi yoki “piruet” (torsade de pointes) turidagi taxisistolik yurak qorinchasi aritmiyasi rivojlanishi xavfi omillari bo‘lgan patsiyentlarda sertralinni qo‘llashda ehtiyotkorlikka rioya qilish lozim. Boshqa SQQOSI, antidepressantlar yoki antiobsessiv preparatlardan o‘tish Bir SQQOSI ni bekor qilish va boshqa shunday preparatni qabul qilishni boshlash o‘rtasidagi zarur bo‘lgan interval belgilanmagan. Boshqa SQQOSI, antidepressantlar yoki antiobsessiv preparatlardan, ayniqsa uzoq muddat davomida ta’sir qiluvchi preparatlardan, masalan, fluoksetindan sertralinga o‘tishda ehtiyotkorlikka rioya qilish zarur. Serotoninni neyronal qamrab olinishining bir ingibitoridan boshqasiga almashtirilganida “xoli bo‘lish davri”ga zarurat yo‘q. Biroq davolash kursi o‘zgarishlarida ehtiyotkorlikka rioya qilish talab qilinadi. Boshqa serotoninergik preparatlar, masalan, triptofan, fenfluramin va 5-NT-agonistlar Sertralinni neyrotransmitter impuls uzatilishiga yaqqol namoyon bo‘lgan ta’siri bo‘lgan boshqa preparatlar (triptofan, fenfluramin, 5-NT-agonistlar yoki tabobatda qo‘llaniladigan giyohlardan tayyorlanadigan preparatlar, teshik dalachoy) bilan bir vaqtda qo‘llanilishini ehtiyotkorlik bilan amalga oshirish va potentsial farmakodinamik o‘zaro ta’sirni hisobga olib, iloji boricha bundan saqlanish lozim. O‘z joniga qasd qilish xatti xarakatlari Depressiya, o‘z joniga qasd qilish fikrlarining yuqori xavfi, o‘ziga shikast yetkazish va o‘z joniga qasd qilishga moyillikga bog‘liqdir. Bunday xavf barqaror remissiyaga qadar saqlanib qoladi. Patsiyent holatini yaxshilanishi davolashning birinchi bir necha haftasida yoki undan ko‘proq vaqtda yuz bermasligini inobatga olgan holda bunday yaxshilanish yuzaga kelgunga qadar patsiyentni sinchkovlik bilan nazorat qilishni amalga oshirish lozim. Shuningdek sog‘ayishning boshlang‘ich bosqichlarida o‘z joniga qasd qilish xavfini oshishi odatdagi hol bo‘lib hisoblanadi. Sertralin buyurilishi mumkin bo‘lgan boshqa kasalliklar o‘z joniga qasd qilish hodisalarining yuqori xavfi bilan shuningdek bog‘liq bo‘lishi mumkin. Bundan tashqari, ushbu kasalliklar katta depressiv buzilish bilan kechishi mumkin. Shu boisdan katta depressiv buzilishni davolashdagi kabi aynan shunday ehtiyot choralarini amalga oshirish lozim. Anamnezda o‘z joniga qasd qilishga moyilligi bo‘lgan patsiyentlarda yoki davolanish boshlanishidan oldin o‘z joniga qasd qilishga moyilligi bo‘lgan patsiyentlarda o‘z joniga qasd qilish fikrlarining yoki urinishlarining yuqoriroq xavfi qayd etiladi. Bunday patsiyentlar ham davolash vaqtida sinchkov tibbiy kuzatuv ostida bo‘lishlari kerak. Sertralin bilan davolanayotgan barcha patsiyentlarni, ayniqsa xavf guruhiga mansub patsiyentlarni o‘z joniga qasd qilish xulq-atvori simptomlarini rivojlanishi yoki yomonlashuvini aniqlash maqsadida sinchkovlik bilan kuzatish lozim. Patsiyentlarni, ularning qarindoshlari va vasiylarini depressiya yuzaga kelishi yoki yomonlashuvi, o‘z joniga qasd qilish fikrlari yoki xulq-atvori paydo bo‘lishi, shuningdek xulq-atvorda har qanday o‘zgarishlar yuzasidan, ayniqsa davolash boshlanishida va preparatning dozasini har qanday o‘zgarishlarida, patsiyent holatini nazorat qilish zarurligi haqida ogohlantirish lozim. Ayniqsa depressiyasi bo‘lgan patsiyentlarda o‘z joniga qasd qilish urinishlari xavfini shuningdek nazarda tutish lozim. Shu boisdan, dozani oshirib yuborilishi xavfini kamaytirish maqsadida preparatning yetarlicha davolash samarasini ta’minlaydigan minimal dozasini qabul qilish lozim. Depressiyasi va boshqa ruhiy buzilishlari bo‘lgan patsiyentlarda o‘z joniga qasd qilish xatti-xarakatlari xavfi mavjud. Ushbu kasalliklarning o‘zi bunday xulq-atvorning kuchli rag‘batlantiruvchi omillari bo‘lib hisoblanadi. Depressiyasi yoki boshqa ruhiy buzilishlari bo‘lgan bolalar, o‘smirlar va yoshlarda (18-24 yoshdagi) antidepressantlar (SQQOSI va boshqalar) platseboga nisbatan o‘z joniga qasd qilish fikrlari va xatti-harakatlarini yuzaga kelishi xavfini oshirishi aniqlangan. Shu sababli, sertralin yoki har qanday boshqa antidepressantlarni bolalar, o‘smirlar va yoshlarda (24 yoshdan kichik) qo‘llaganda o‘z joniga qasd qilish xavfi va ularni qo‘llashdan keladigan foydani taqqoslash lozim. Bundan tashqari, 24 yoshdan katta bo‘lgan patsiyentlarda o‘z joniga qasd qilish xatti-harakatlari xavfini oshishi qayd etilmagan, 65 yoshdagi va undan katta bo‘lgan patsiyentlarda bunday xavfning pasayishi qayd etilgan. 18 yoshdan kichik bo‘lgan bolalar va o‘smirlarda qo‘llanilishi Sertralinni 18 yoshdan kichik bo‘lgan bolalar va o‘smirlarda qo‘llash mumkin emas, 6-17 yoshdagi OKB bo‘lgan patsiyentlar bundan mustasnodir. O‘z joniga qasd qilishga moyillik (o‘z joniga qasd qilishga urinishlar yoki suiqasd fikrlari) va dushmanlik kayfiyati (ko‘proq tajovuzkorlik, muxolif xulq-atvor va g‘azab) antidepressantlar bilan davolanayotgan patsiyentlarda platseboni qabul qilayotgan patsiyentlarga nisbatan ko‘proq kuzatilgan. Agar patsiyentni klinik baholash asosida davolashni amalga oshirish haqida qaror qabul qilingan bo‘lsa, patsiyentning holatini o‘z joniga qasd qilish hatti-harakatlari simptomlari yuzasidan sinchkovlik bilan nazorat qilish lozim. Bundan tashqari, preparatni bolaning o‘sishiga, jinsiy jihatdan yetilishiga hamda kognitiv va xulqini rivojlanishiga ta’siri haqidagi ma’lumotlar cheklanganligini hisobga olish lozim. Bolalarni uzoq muddat davolashda shifokorlar rivojlanishda normadan og‘ishlar yuzasidan monitoringni olib borishlari kerak. Bekor qilish sindromi Preparatni bekor qilinganida ko‘pincha bekor qilish simptomlari, ayniqsa preparatni qabul qilish birdaniga to‘xtatilganida yuzaga keladi. Bekor qilish simptomlari sertralinni qo‘llashni to‘xtatib qo‘ygan 23% patsiyentlarda va preparatni qo‘llashni davom ettirgan 12% patsiyentlarda kuzatilgan. Ushbu simptomlarni paydo bo‘lish xavfi bir nechta omillarga, shu jumladan davolash davomiyligiga va dozaga, shuningdek dozani pasaytirish tezligiga bog‘liqdir. Eng ko‘p uchraydigan reaktsiyalar, bosh aylanishi, sezuvchanlikni buzilishlari (shu jumladan paresteziya), uyquni buzilishi (shu jumladan uyqusizlik va chuqur uyqu), ajitatsiya yoki tashvish, ko‘ngil aynishi va/yoki qusish, tremor va bosh og‘rig‘i hisoblanadi. Odatda ushbu simptomlar yengil va o‘rtacha og‘irlik darajasida bo‘ladi, shunday bo‘lsada, ayrim hollarda ular og‘ir darajada bo‘lishi mumkin. Odatda ushbu simptomlar davolashni bekor qilishning birinchi bir necha kunlari davomida yuzaga keladi, ammo ehtiyotsizlik oqibatida dozani qabul qilishni o‘tkazib yuborgan patsiyentlarda bunday simptomlarni rivojlanishi haqida juda ham kam xabarlar mavjud. Odatda ushbu ko‘rinishlar chuqurlashib bormaydi va ikki hafta ichida o‘tib ketadi, ular ko‘proq (2-3 oy yoki undan ko‘p) davom etadigan ayrim holatlar bundan mustasnodimr. Shu boisdan, preparatni qo‘llashni patsiyentning holatiga qarab, bosqichma-bosqich, dozani bir necha hafta yoki oy davomida pasaytirib borgan holda bekor qilish tavsiya etiladi. Akatiziya/psixomotor qo‘zg‘alish Sertralinni qo‘llanilishi diskomfort yoki bezovtalik subyektiv hissiyoti bilan tavsiflanadigan akatiziyani rivojlanishi va tinch o‘tira olmaslik yoki joyida tinch tura olmaslik bilan kechadigan harakatlanishga ehtiyoj bilan bog‘liq bo‘lishi mumkin. Ko‘pincha bunday simptomlar davolashning birinchi haftalarida kuzatiladi. Bunday patsiyentlarda dozani oshirilishi zarar keltirishi mumkin. Jigar faoliyatini buzilishi Jigar faoliyatini buzilishi bo‘lgan patsiyentlarda sertralinni qo‘llash zarurati bo‘lganida preparatning dozasi yoki qabul qilish tez-tezligini pasaytirish ehtimolini ko‘rib chiqish lozim. Sertralinni jigar faoliyatini og‘ir buzilishi bo‘lgan patsiyentlarda qo‘llab bo‘lmaydi. Buyrak faoliyatini buzilishi Kutilganidek, sertralinni sezilarli bo‘lmagan buyrak ekskretsiyasini hisobga olib buyrak yetishmovchiligini yaqqolligiga qarab, sertralinning dozasiga tuzatish kiritish talab qilinmasli aniqlangan. Elektr tirishtirish bilan davolash

Homiladorlik Homilador ayollarda sertralinni qo‘llash yuzasidan nazoratli ostidagi tadqiqotlar o‘tkazilmagan, shuning uchun mazkur toifadagi patsiyentlarda preparatni faqat ona uchun kutiladigan foyda homilaga yetkaziladigan potentsial xavfdan uchun bo‘lgan taqdirdagina qo‘llash mumkin. Biroq, katta hajmdagi ma’lumotlarda sertralin yuzaga keltiradigan tug‘ma nuqsonlarni induktsiyasiga oid dalillar topilmagan. Hayvonlarda o‘tkazilgan tadqiqotlar sertralinni reproduktiv faoliyatga ta’sir ko‘rsatishi mumkinligini ko‘rsatgan. Ehtimol, ushbu ta’sir sertralinni homilaga farmakodinamik ta’sirlari keltirib chiqaradigan onadagi toksiklik bilan bog‘liqdir. Onasi homiladorlik davrida sertralinni qabul qilgan ayrim yangi tug‘ilgan chaqaloqlarda preparatni bekor qilish reaktsiyalariga o‘xshash simptomlar kuzatilgan. Ushbu fenomen SQQOSI guruhidagi boshqa antidepressantlar qabul qilinganida ham kuzatilgan. Sertralinni qo‘llash nazarda tutilayotgan reproduktiv yoshdagi ayollarga samarali kontratseptsiya vositalaridan foydalanishni tavsiya etish lozim. Laktatsiya Ona sutida oz miqdorda sertralin va uning metaboliti N-desmetilsertralin aniqlangan. Yangi tug‘ilgan chaqaloqning qon plazmasida onaning qon plazmasidagi kontsentratsiyasining 50% aniqlangan (yangi tug‘ilgan chaqaloq salomatligiga sezilarli ta’sirsiz) bir holatdan tashqari, asosan yangi tug‘ilgan chaqaloqlarning qon plazmasida kam miqdorda sertralin aniqlangan. Laktatsiya davrida ushbu preparat bilan davolash tavsiya etilmaydi. Agar davolash zarur bo‘lsa, yaxshisi emizishni to‘xtatish kerak. Onasi Zoloft® preparatini va boshqa SQQOSI yoki NQQOSI ni homiladorlik davrida qabul qilgan yangi tug‘ilgan chaqaloqlarda qo‘shimcha ravishda kasalxonada davolashni, nafas olish tizimini qo‘llab-quvvatlashni va zond orqali oziqlantirishni talab qiluvchi asoratlar kuzatilgan. Onasi homiladorlikning kechki bosqichlarida, ayniqsa uchinchi uch oyligida sertralinni qabul qilgan yangi tug‘ilgan chaqaloqlarni sinchkov kuzatib borish lozim. Bunday yangi tug‘ilgan chaqaloqlarda respirator distress, tsianoz, apnoe, tirishishlar, tana haroratini nobarqarorligi, emizishda qiyinchiliklarni yuzaga kelishi, qusish, gipoglikemiya, gipotonus, gipertonus, giperrefleksiya, tremor, mushaklar tortishishi, yuqori qo‘zg‘aluvchanlik, letargiya, uzoq muddatli yig‘i, uyquchanlik va uxlashning qiyinligi kabi simptomlar kuzatilishi mumkin. Ushbu simptomlar bevosita serotoninergik ta’sirlar bilan bog‘liq bo‘lishi yoki preparatni qo‘llashni bekor qilinishi simptomlari bo‘lishi mumkin. Ko‘pchilik hollarda bunday asoratlar bevosita tug‘ilishdan keyin yoki tez orada (< 24 soat) boshlanadi. Ayrim hollarda klinik holat serotoninergik sindrom simptomlariga o‘xshash bo‘lishi mumkinligini inobatga olish lozim. Onasi SQQOSI ni homiladorlik davrida qabul qilgan yangi tug‘ilgan chaqaloqlarda yangi tug‘ilgan chaqaloqlarning vaqti-vaqti bilan avj oluvchi o‘pka gipertenziyasi (YATCHPO‘G) rivojlanishi xavfi shuningdek yuqori bo‘lishi mumkin. YATCHPO‘G 1000 homiladorlikka 5 holatni tashkil etadi va yangi tug‘ilgan chaqaloqlarda kasallik va o‘lim sabablaridan biri bo‘lishi mumkin. Bir nechta yaqinda o‘tkazilgan epidemiologik tadqiqotlar SQQOSI ni (shu jumladan Zoloft® preparatini) qabul qilish va YATCHPO‘G orasidagi bog‘liqlikni ko‘rsatadi. Fertillik Sichqonlarda o‘tkazilgan ikkita tadqiqotning birida sertralinni 80 mg/kg dozada (bu mg/m2 ga hisoblanganda odam uchun tavsiya etiladigan maksimal dozadan  4 marta ko‘p) qo‘llanilganida fertillikni pasayishi qayd etilgan. Bayon qilingan klinik holatlarga ko‘ra, ayrim SQQOSI ni qabul qilish sperma sifatiga ta’sir ko‘rsatadi, ammo bu ta’sir qaytuvchandir.

25°S dan yuqori bo‘lmagan haroratda saqlansin. Bolalar olaolmaydigan joyda saqlansin.

Boshqa preparatlar va/yoki alkogol bilan bir vaqtda yuborilganida yoki monoterapiyada qo‘llanilganida koma va o‘lim bilan yakun topuvchi holatga qadar avj oluvchi og‘ir zaharlanish rivojlanishi mumkin. Shu boisdan sertralinning dozasi xar qanday oshirib yuborilganida jadal davolashni o‘tkazish lozim. Dozani oshirib yuborilishi QT intervali uzayishi, “piruet” turidagi yurak qorinchasi taxisistolik aritmiyasini rivojlanishi (torsadedepointes), ko‘ngil aynishi, qusish, uyquchanlik, taxikardiya, ajitatsiya, bosh aylanishi, tremor, psixomotor qo‘zg‘aluvchanlik, diareya, kuchli terlash, mioklonus va giperrefleksiya bilan kechuvchi serotonin sindromini keltirib chiqarishi mumkin. Ayrim hollarda koma rivojlanishi qayd etilgan. Preparatni qo‘llash xavfsizligi patsiyentlar populyatsiyasiga va yondosh davolashga bog‘liq. Davolash: maxsus antidotlar yo‘q. Jadal tutib turuvchi davolash va organizmning hayotiy muhim funktsiyalarini doimiy nazorat qilish (jumladan sertralinni qo‘llash fonida QT intervali uzayishi mumkinligi tufayli EKG monitoringini olib borish). Qusishni chaqirish tavsiya etilmaydi. Ichni yumshatuvchi vosita bilan birga faollashtirilgan ko‘mirni yuborish me’dani yuvishga qaraganda ancha samarali bo‘lishi mumkin. Nafas yo‘llarini o‘tkazuvchanligini ta’minlash zarur. Sertralinda taqsimlanish hajmi kata, shu boisdan jadallashtirilgan diurez, dializni, gemoperfuziyani yoki qon quyishni o‘tkazish yetarli natija bermasligi mumkin.

Plyonka qobiq bilan qoplangan, 50 mg va 100 mg li tabletkalar. 14 tabletkadan PVX/alyuminli folgadan tayyorlangan blisterda joylangan. 1 yoki 2 blister qo‘llash bo‘yicha yo‘riqnomasi bilan birga karton qutida joylangan.

5 yil. O‘ramida ko‘rsatilgan yaroqlilik muddati tugaganidan keyin qo‘llanilmasin.