ZOKSON (2 mg li tabletkalar): oq yoki deyarli oq rangli, uzunchoq shaklli, ikki tomoni qavariq, tomonlarining birida “ZX 2” gravirovkasi va bo‘lish uchun riskasi bo‘lgan tabletkalar. ZOKSON (4 mg li tabletkalar): oq yoki deyarli oq rangli, uzunchoq shaklli, ikki tomoni qavariq, tomonlarining birida “ZX 4” gravirovkasi va bo‘lish uchun riskasi bo‘lgan tabletkalar.

antigipertenziv vositaalfa-adrenoblokator)

S02SA04

Doksazozin ichga qabul qilinganidan so‘ng me’da-ichak yo‘llaridan yaxshi so‘riladi           (80-90%). Qon plazmasidagi maksimal kontsentratsiyaga preparatni ichga qabul qilingandan keyin 1-2 soat o‘tgach erishiladi. Qon plazmasi oqsillari bilan 98% gacha bog‘lanadi. Doksazozin jigarda ahamiyatli darajada biotransformatsiyaga uchraydi, metabolitlari farmakologik faollikka ega emas. Biokiraolishligi – 69-70% (tizim oldi metabolizmi) ni tashkil etadi. Jigar funktsiyasini buzilishi bo‘lgan patsiyentlarda, shuningdek jigar metabolizmini o‘zgartira oladigan preparatlarni qabul qilganda preparatning biotransformatsiya jarayoni buzilishi mumkin. Preparatni plazmadan chiqarilishi ikki fazali bo‘lib, yakuniy yarim chiqarilish davri – 22 soatni tashkil qiladi. Doksazozin jigarda butunlay bistransformatsiyaga uchraydigan dori vositalari qatorida jigar funktsiyasi buzilgan patsiyentlarga buyurilganida ehtiyotkorlikka rioya etish kerak (“Ehtiyotkorlik bilan” qismiga qarang). Ichga qabul qilingan doksazozinning katta qismi nofaol metabolitlar ko‘rinishida, qabul qilingan dozaning 5% dan kamroq qismi o‘zgarmagan holda ichak orqali chiqariladi. Keksa yoshdagi patsiyentlar va buyrak kasalliklari bo‘lgan patsiyentlarda preparatning farmakokinetikasi o‘rganish bo‘yicha tadqiqotlarda ahamiyatli farmakokinetik farqlar aniqlanmagan.

prostata bezining xavfsiz giperplaziyasi;arterial gipertenziya (majmuaviy davolash tarkibida) da qo‘llanadi.

ZOKSON preparati ovqat qabul qilishdan qat’iy nazar buyuriladi, kuniga 1 marta qabul qilinadi. Tabletkani chaynamasdan, yetarli miqdordagi suv bilan ichga qabul qilish kerak. Prostata bezining xavfsiz giperplaziyasi. Ortostatik gipotenziya va sinkopal holatning (hushdan ketish) yuzaga kelish xavfini minimal darajaga yetkazish uchun ZOKSON preparatining tavsiya etiladigan boshlang‘ich dozasi sutkada 1 mg ni tashkil etadi, 1 marta qabul qilinadi (“Maxsus ko‘rsatmalar” qismiga qarang). Urodinamika ko‘rsatkichlari va PBXG belgilari namoyon bo‘lishini individual xususiyatlariga qarab, sutkalik dozani 2 mg gacha, keyin 4 mg gacha va maksimal sutkalik dozani 8 mg gacha oshirish mumkin. Dozani oshirish uchun tavsiya etilgan interval 1-2 haftani tashkil etadi. Odatda samarani bir maromda ushlab turuvchi tavsiya qilinadigan doza 2-4 mg ga teng, sutkada 1 marta qabul qilinadi. Arterial gipertenziya Davolashni ortostatik gipotenziya va/yoki sinkopal holatni (hushdan ketish) (“birinchi doza” fenomeni) rivojlanish ehtimolini minimal darajaga yetkazish 1 yoki 2 hafta davomida sutkasda 1 marta 1 mg dan boshlash tavsiya etiladi (“Maxsus ko‘rsatmalar” qismiga qarang). Birinchi dozani qabul qilgandan so‘ng patsiyentda 6-8 soat davomida AB ni monitoringini o‘tkazish kerak. Bu “birinchi doza fenomeni” rivojlanishi mumkinligi sababli talab etiladi, ayniqsa bu holat diuretiklar qabul qilish fonida ko‘proq namoyon bo‘ladi. Agar lozim bo‘lsa, davolanishning navbatdagi 1 yoki 2 haftasida, sutkalik doza 2 mg gacha oshirilishi mumkin. AB ni kutilgan darajasigacha pasaytirishga erishish uchun patsiyentning preparatni qabul qilishga nisbatan patsiyentning reaktsiyasiga qarab, sutkalik dozani asta-sekin bir xil intervallar oralig‘ida 4 mg, 8 mg va maksimal sutkalik doza 16 mg gacha oshirib borish kerak. Odatda samarani bir maromda ushlab turuvchi doza sutkada 1 marta 2-4 mg ni tashkil etadi. Agar davolashga diuretik yoki boshqa gipotenziv vosita qo‘shilsa, shifokorning nazorati ostida patsiyentning holatiga qarab, ZOKSON preparatini dozasiga tuzatish kiritish lozim. Agar ZOKSON preparati bilan davolash bir necha kunga to‘xtab qolsa, preparatni qayta qo‘llashni boshlang‘ich dozadan boshlash kerak. Keksa yoshdagi patsiyentlarda qo‘llanishi. Dozani korrektsiyalash talab etilmaydi. Buyrak yetishmovchiligida qo‘llanishi. Buyrak yetishmovchiligi bo‘lgan patsiyentlarda doksazozinning farmakokinetikasi o‘zgarmaydi, preparatning o‘zi esa mavjud bo‘lgan buyrak disfunktsiyasini yomonlashtirmaydi, shuning uchun bunday patsiyentlarga preparat odatdagi dozalarda qo‘llanadi. Jigar funktsiyasini buzilishlari bo‘lgan bemorlarda qo‘llanishi. Ehtiyotkorlik bilan qo‘llanadi (“Maxsus ko‘rsatmalar” qismiga qarang). Bolalarda qo‘llanishi. ZOKSON preparatining samaradorligi va xavfsizligi bo‘yicha yetarli ma’lumotlari bo‘lmaganligi sababli 18 yoshdan kichik bolalarga qo‘llash mumkin emas.

Nojo‘ya reaktsiyalar me’yoriy-huquqiy faoliyati bo‘yicha Tibbiy lug‘atning (MedDRA) klassifikatsiyasiga monand tizimli-a’zo sinflari bo‘yicha taqsimlangan. Nojo‘ya ta’sirlarning uchrash tezligini ko‘rsatish maqsadida JSS klassifikatsiyasi qo‘llanilgan: tez-tez (≥10%); tez (≥1% va <10%); kam (≥0,1% va <1%); ba’zida (≥0,01% va <0,1%); juda kam (<0.01%); uchrash tezligi noma’lum (mavjud ma’lumotlarga ko‘ra nojo‘ya samaralarning uchrash tezligini aniqlash imkoniyati yo‘q). Infektsion va parazitar kasalliklar: tez-tez – nafas yo‘llarining infektsiyalari, siydik chiqarish yo‘llarining infektsiyalari. Qon va limfatik tizimi tomonidan buzilishlar: juda kam hollarda – trombotsitopeniya, leykopeniya. Immun tizim tomonidan buzilishlar: tez-tez emas – allergik reaktsiyalar; juda kam hollarda – anafilaktik reaktsiyalar. Modda almashinuvi va ovqatlanish tomonidan buzilishlar: tez-tez emas – anoreksiya, ishtahani kuchayishi, tana vaznini oshishi, podagra. Ruhiy buzilishlar: tez-tez emas – ta’sirchanlik, bezovtalik, uyqusizlik, xavotirlik, depressiya. Nerv tizimi tomonidan buzilishlar: tez-tez – uyquchanlik, bosh og‘rig‘i, bosh aylanishi; tez-tez emas – gipesteziya, tremor, hushdan ketish, miyada qon aylanishini buzilishi; juda kam hollarda – paresteziya, ortostatik bosh aylanishi. Ko‘rish a’zolari tomonidan buzilishlar: juda kam hollarda – ko‘rishni noaniqligi; uchrash tezligi noma’lum – intraoperatsion atonik rangdor parda sindromi (“tor qorachiq” sindromi varianti). Eshitish a’zolari va labirint buzilishlari: tez-tez – vertigo; tez-tez emas – quloq shang‘illashi. Yurak tomondan buzilishlar: tez-tez – yurak urishini his qilish, taxikardiya; tez-tez emas – stenokardiya, miokard infarkti; juda kam hollarda – bradikardiya, aritmiya. Qon tomirlar tomonidan buzilishlar: tez-tez – AB ni yaqqol pasayishi, ortostatik gipotenziya; juda kam hollarda – yuz terisini qizib ketishi. Nafas tizimi, ko‘krak qafasi va ko‘ks oralig‘i a’zolari tomonidan buzilishlar: tez-tez – hansirash, rinit, yo‘tal, bronxit; tez-tez emas – burun qonashi; juda kam hollarda bronxospazm. Me’da-ichak yo‘llari tomonidan buzilishlar: tez-tez – qorinda og‘riq, dispepsiya, og‘iz bo‘shlig‘i shilliq qavatini qurishi, ko‘ngil aynishi; tez-tez emas – meteorizm, diareya, qabziyat, qusish, gatsroenterit. Jigar va o‘t yo‘llari tomonidan buzilishlar: juda kam hollarda – xolestaz, gepatit, sariqlik. Laborator va instrumental ma’lumotlar: kam hollarda – jigar transaminazalarining faolligini oshishi. Teri va teri osti to‘qimalari tomonidan buzilishlari: tez-tez – terini qichishishi, tez-tez emas – teri toshmalari; juda kam hollarda – purpura, alopetsiya, eshakemi. Skelet-mushak va biriktiruvchi to‘qimalar tomonidan buzilishlar: tez-tez – belda og‘riq, mialgiya; tez-tez emas – artralgiya; kam hollarda – mushak spazmlari, mushaklarni bo‘shligi. Buyrak va siydik chiqarish yo‘llari tomonidan buzilishlar: tez-tez – tsistit, siydik ushlab tura olmaslik; tez-tez emas – siyishni tezlashishi, dizuriya, gematuriya; kam hollarda – poliuriya; juda kam hollarda – nikturiya, sutkalik diarezni oshishi. Jinsiy a’zolar va sut bezlari tomonidan buzilishlar: tez-tez emas – erektil disfunktsiya; juda kam hollarda – ginekomastiya, priapizm; uchrash tezligi noma’lum – retrograd eyakulyatsiya. Umumiy buzilishlar va yuborilgan joydagi buzilishlar: tez-tez – asteniya, periferik shishlar, ko‘krak qafasida og‘riq, grippsimon sindrom; tez-tez emas – yuzdagi shishlar, turli joylarda joylashgan og‘riqlar; juda kam hollarda – kuchli toliqish, lohaslik.

xinazolin hosilalariga (masalan, prazozin, terazozin, doksazozinga) yoki preparatning har qanday yordamchi komponentlariga yuqori sezuvchanlik;18 yoshgacha bo‘lgan bolalar;og‘ir darajadagi jigar yetishmovchiligi (bu toifadagi patsiyentlarda qo‘llash tajribasi yo‘q);anuriya;avj olib boruvchi buyrak yetishmovchiligi;anamnezda ortostatik gipotenziya kuzatilgan patsiyentlarda qo‘llash;arterial gipotenziya (faqat prostata bezining xavfsiz giperplaziyasi ko‘rsatmalariga tegishli);yondosh yuqori siydik chiqarish yo‘llari obstruktsiyasi;siydik chiqarish yo‘llarining surunkali infektsiyalari;qovuqdagi toshlar;emizish davrida (arterial gipertenziyani davolash maqsadida);laktozani o‘zlashtira olmaslik, laktaza tanqisligi yoki glyukoza-galaktoza malabsorbtsiyasi (tarkibida laktoza saqlaganligi sababli). Monoterapiyada: qovuq to‘lib ketganligi sababli siydik tutib turolmaydigan (paradoksal ishuriya) patsiyentlarda qo‘llash mumkin emas.

ZOKSON preparatini ayrim bemorlarda fosfodiesteraza-5 (FDE-5) ingibitorlari (sildenafil, tadalafil, tardenafil, vardenafil, udenafil) bilan birga qo‘llash simptomatik arterial gipotenziyaga olib kelishi mumkin. (“Maxsus ko‘rsatmalar” qismiga qarang). ZOKSON preparatini boshqa alfa 1-adrenoretseptorlarning blokatorlari bilan birga qo‘llash tavsiya etilmaydi. ZOKSON preparati boshqa gipotenziv vositalarning antigipertenziv ta’sirini kuchaytiradi. Doksazozin qon plazmasi oqsillari bilan yuqori darajada (98%) bog‘lanadi. In vitro sharoitlarida o‘tkazilgan tadqiqotlari ma’lumotlari shuni ko‘rsatdiki, doksazozin quyidagi preparatlar: digoksin, fenitoin, varfarin yoki indometatsinning oqsil bilan bog‘lanishiga ta’sir etmaydi. Doksazozinni tiazid diuretiklar, furosemid, beta-adrenoblokatorlar, nosteroid yallig‘lanishga qarshi vositalar (NYAQV), antibiotiklar, ichga qabul qilinuvchi gipoglikemik vositalar, siydik kislotasini haydovchi vositalar va antikoagulyantlar bilan bir vaqtda qo‘llash bilan o‘tkazilgan klinik tadqiqotlarda noxush o‘zaro ta’sirlar kuzatilmagan. Ammo preparatlarning o‘zaro ta’sirini o‘rganish uchun tadqiqotlar o‘tkazilmagan. Doksazozinni “sekin” kaltsiy kanallarining blokatorlari va angiotenzinga aylantiruvchi fermentning ingibitorlari bilan birga qo‘llanganida o‘zaro nojo‘ya ta’sirlari aniqlanmagan. Jigarda mikrosomal oksidlanish induktorlar bilan bir vaqtda qo‘llanganida, doksazozinning samarasi oshishi, ingibitorlar bilan esa – pasayishi mumkin. Estrogenlar va simpatomimetik vositalar doksazozinning gipotenziv ta’sirini pasaytirishi mumkin. Epinefrinning (adrenalin) alfa-adrenostimulyator samarasini bartaraf etib, doksazozin taxikardiya va arterial gipotenziyaga olib kelishi mumkin. 22 sog‘lom erkak ko‘ngilli ishtirokida o‘tkazilgan ochiq randomizatsiyalangan platsebo-nazorati tadqiqotda tsimetidinning (400 mg dan kuniga 2 marta) to‘rt kunlik qabul qilish tartibining birinchi kunida doksazozinni bir dozasi sutkada 1 mg dan qabul qilish doksazozinning yarim chiqarish davrini va maksimal kontsentratsiyasini o‘rtacha ko‘rsatkichlarida (Smax) «kontsentratsiya-vaqt” (AUC) egri chizig‘i ostidagi maydonni statistik ahamiyatli o‘zgarishisiz 10% ga oshishiga olib kelgan. Doksazozinni tsimetidin bilan birga qo‘llash uchun AUC ni o‘rtacha 10% ga oshishi doksazozinni platsebo bilan birga qo‘llash uchun AUC ning o‘rtacha individual variabelligi (27%) ko‘rsatkichlari orasida yotadi.

Istalgan alfa 1-adrenoblokatorlar bilan davolanganda bo‘lgani kabi, ZOKSON preparati bilan davolanish vaqtida, ayniqsa davolanish boshida ko‘p bo‘lmagan patsiyentlarda bosh aylanishi va holsizlik yoki hushdan ketish bilan kechuvchi ortostatik gipotenziya kuzatilishi mumkin (“Qo‘llash usuli va dozalari” qismiga qarang). Shu sababli davolanishni boshida ortostatik ta’sirlarni rivojlanish ehtimolini minimal darajaga yetkazish maqsadida arterial bosim monitoringini o‘tkazib turish kerak. ZOKSON preparati bilan davolanishni boshlashdan oldin patsiyentga ortostatik gipotenziyaning simptomlarini rivojlanishidan qanday saqlanish kerakligi, xususan tana holatini keskin o‘zgartirishdan saqlanish kerakligi yuzasidan patsiyentni ogohlantirish kerak. ZOKSON preparati bilan davolashni boshlashdan oldin holsizlik va bosh aylanish holatlari kuzatilganda ehtiyot bo‘lish kerakligi haqida patsiyentga ko‘rsatmalar berish kerak. ZOKSON preparatini keksa patsiyentlarda ortostatik gipotenziya rivojlanish ehtimoli borligi tufayli, ehtiyotkorlik bilan qo‘llash zarur. Yoshga qarab bosh aylanishi, ko‘rish faoliyatini buzilishi va hushdan ketish holatlarini yuzaga kelish xavfi ortadi. Patsiyent alkogol iste’mol qilganda, uzoq muddat tik turganda yoki jismoniy mashqlar bajarganda, hamda issiq havoda ortostatik gipotenziya rivojlanish xavfi kuzatilishi mumkinligi yuzasidan patsiyentni ogohlantirish kerak. Prostata bezining xavfsiz giperplaziyasi. (PBXG). PBXG ni davolashni boshlashdan oldin uni o‘smaga aylanish holatini istisno qilish kerak. PBXG bilan xastalangan patsiyentlarda preparatni arterial bosim bo‘lganda ham va AB normal ko‘rsatkichlarida ham qo‘llash mumkin. AB ko‘rsatkichlari normal bo‘lgan PBXG bilan xastalangan patsiyentda preparat qo‘llanganida bosim ko‘rsatkichlari sezilarli darajada o‘zgarmaydi. Bunda arterial gipertenziya va PBXG bilan xastalangan patsiyentlarda ZOKSON faqat monoterapiyada qo‘llanilishi mumkin. Doksazozin qon plazmasida prostataga spetsifik antigeni (PSA) ning kontsentratsiyasiga ta’sir etmaydi. Intraoperatsion atonik rangdor parda sindromi. Intraoperatsion atonik rangdor parda sindromi (“tor qorachiq” sindromi varianti) alfa 1-adrenoblokatorlar bilan davolangan yoki davolanayotgan patsiyentlarni katarakta tufayli operatsiya o‘tkazilganda kuzatilgan. Intraoperatsion atonik rangdor parda sindromi jarrohlik aralashuvlarida kuzatiladigan asoratlarni uchrash tezligini oshishiga olib kelishi mumkinligi tufayli operatsiyadan oldin alfa 1-adrenoblokatorlarni ayni vaqtda qabul qilayotgan yoki ilgari qabul qilganligi haqida jarroh-oftalmologni ogohlantirish zarur. FDE-5 ingibitorlari bilan birga qo‘llanilishi. Doksazozinni FDE-5 ingibitorlari (masalan, sildenafil, tadalafil, vardenafil, udenafil) bilan birga qo‘llanganida ehtiyotkorlikka rioya qilish kerak, chunki vaqtida ikkala preparat ham tomirlarni kengaytirish xususiyatiga ega va ayrim patsiyentlarda simptomatik arterial gipotenziyaga olib kelishi mumkin. Ortostatik gipotenziyani rivojlanish xavfini  pasaytirish maqsadida FDE-5 ingibitorlari bilan davolashni alfa-adrenoblokatorlarni qo‘llash vaqtida patsiyentdagi gemodinamika ko‘rsatkichlari turg‘un holatiga kelganidan so‘ng boshlash tavsiya etiladi. Bundan tashqari, FDE-5 ingibitorlari bilan davolashni minimal doza bilan boshlash va doksazozin qabul qilingandan 6 soatlik intervalga rioya qilish tavsiya etiladi. Doksazozinni ajralib chiqishi uzaytirilgan preparatlarni qo‘llash bo‘yicha tadqiqotlar o‘tkazilmagan. Jigar funktsiyasini buzilishlari ZOKSON preparati jigar funktsiyasi buzilgan patsiyentlarga buyurilganda jigarda butunlay biotransformatsiyaga uchraydigan boshqa dori vositalari kabi maksimal dozalarni buyurmasdan ehtiyotkorlikka rioya qilish kerak. Qo‘llash tajribasi yetarli bo‘lmaganligi sababli ZOKSON preparatini og‘ir darajadagi jigar yetishmovchiligi bo‘lgan patsiyentlarga qo‘llash tavsiya etilmaydi. Laktozani o‘zlashtira olmaslik. Preparat laktoza saqlaydi. Laktozani nasliy o‘zlashtira olmasligi, laktaza tanqisligi yoki glyukoza-galaktoz malabsorbtsiyasi bo‘lgan patsiyentlarga preparatni qo‘llash mumkin emas. O‘tkir yurak patologiyasi bo‘lgan patsiyentlarda qo‘llash. Har qanday boshqa tomirlarni kengaytiruvchi va gipotenziv vositalar qo‘llanganida bo‘lgani kabi, ZOKSON preparati quyidagi o‘tkir yurak patologiyasi bo‘lgan patsiyentlarga buyurilganda ehtiyotkorlikka rioya qilish kerak: mitral klapani yoki aortal stenozi tufayli rivojlangan o‘pka shishi;yurakdan otilib chiqayotgan qon hajmi yuqori bo‘lgan yurak yetishmovchiligi;o‘pka arteriyasi emboliyasi, ekssudativ perikardit bilan bog‘liq o‘ng qorincha yetishmovchiligi;to‘lish bosimi past bo‘lgan chap qorincha yetishmovchiligi.

Hayvonlarda o‘tkazilgan eksperimental tadqiqotlarda preparat teratogen ta’sirni ko‘rsatmagan bo‘lsa-da, u juda yuqori dozalarda qo‘llanganida homilani tirik qolishini pasayishi kuzatilgan. Ko‘rsatilgan dozalar odam uchun tavsiya etilgan maksimal dozalardan 300 marta yuqori bo‘lgan. Homilador ayollarda o‘tkazilgan nazoratli klinik tadqiqotlar yo‘qligi tufayli, homiladorlik vaqtida preparatni qo‘llash xavfsizligi aniqlanmagan. Shu sababli homiladorlik vaqtida ona uchun preparatni qo‘llashdan kutilgan foyda homila uchun potentsial xavfdan yuqori bo‘lgandagina preparat buyurilishi mumkin. Doksazozinni emizish davrida qo‘llash mumkin emas, chunki hayvonlarda o‘tkazilgan tadqiqotlar shuni ko‘rsatdiki, laktatsiya davrida kalamushlar sutida doksazozin to‘plangan, preparatning sut bilan ajralishi haqida ma’lumotlar yo‘q. Preparatni qo‘llash zarurati bo‘lganda, emizishni to‘xtatish kerak.

Yorug‘likdan himoyalangan joyda 10-25oS haroratda saqlansin.

Retsept bo‘yicha

2 mg, 4 mg tabletkalar. 2 mg li tabletkalar: 10 tabletkadan A1/PVX/PVDX li blisterda. 1, 3, 6 yoki 9 blister qo‘llash bo‘yicha yo‘riqnomasi bilan birga karton qutida. 4 mg li tabletkalar: 10 tabletkadan A1/PVX/PVDX li blisterda. 3, 6, 9 yoki 10 blister qo‘llash bo‘yicha yo‘riqnomasi bilan birga karton qutida.

3 yil.