oq-krem tusli kukun

antibiotik (tsefalosporinlar guruhi).

So‘rilishi Mushak ichiga yuborilganidan keyin plazmada tsefuroksimning maksimal kontsentratsiyasi 30 dan 45 minutgacha bo‘lgan davrda kuzatiladi. Taqsimlanishi Plazma oqsillari bilan bog‘lanishi yuborish usuliga qarab, 33-50% ni tashkil qiladi. Tsefuroksimning ko‘pchilik mikroorganizmlar uchun minimal bostiruvchi kontsentratsiyasidan yuqori kontsentratsiyalariga suyak to‘qimasi, sinovial va ko‘z ichki suyuqliklarida erishish mumkin. Tsefuroksim, miya pardasi yallig‘langanida, gematoentsefalik to‘siq orqali o‘tadi. Metabolizmi Tsefuroksim metabolizmga uchramaydi va kalava filtratsiyasi hamda naychalar sekretsiyasi yo‘li bilan chiqariladi. Chiqarilishi Mushak ichiga (m/i) yoki vena ichiga (v/i) yuborilganidan keyin zardobdan tsefuroksimni yarim chiqarilish davri taxminan 70 minutni tashkil etadi. Hayotini birinchi haftalarida tsefuroksimni yarim chiqarilish davri kattalarga qaraganda 3-5 marta uzayishi mumkin. Probenetsidni yondosh qabul qilish antibiotik ekskretsiyasini uzaytiradi, bu zardobda tsefuroksimning maksimal kontsentratsiyasini oshishiga olib keladi. Parenteral yuborilganidan keyin 24 soat davomida tsefuroksim o‘zgarmagan holda buyraklar orqali deyarli to‘liq (85-90%) chiqariladi, preparatning katta qismi birinchi 6 soatda chiqariladi. Zardobdagi tsefuroksimni darajasi dializda pasayadi. Xavfsizligi bo‘yicha klinika oldi tadqiqotlarining ma’lumotlari Qo‘shimcha ma’lumotlar yo‘q

Zinatsef™ ko‘pchilik beta-laktamazalarga chidamli va grammusbat va grammanfiy mikroorganizmlarning keng ta’sir doirasiga nisbatan faol bo‘lgan tsefalosporinlar guruhiga mansub bakteritsid antibiotikdir. Preparatni tsefuroksimga sezgir bo‘lgan bakteriyalar chaqirgan kasalliklarni davolash uchun, shuningdek qo‘zg‘atuvchi hali aniqlanmagan davrda ham qo‘llash mumkin. Tsefuroksim natriyga nisbatan sezgirlik geografik manzil va vaqtga qarab o‘zgaradi. Shuningdek, agar mavjud bo‘lsa, sezuvchanlik bo‘yicha mahalliy ma’lumotlarni ham hisobga olish zarur (Farmakologik xususiyatlari, Farmakologik samaralari bo‘limlariga qarang) Quyidagi holatlarda qo‘llanadi: respirator infektsiyalar: masalan, bakterial pnevmoniya, o‘tkir va surunkali bronxit, infektsiyalangan bronxoektazlar, o‘pka abstsessi, ko‘krak qafasi a’zolarini operatsiyadan keyingi infektsion kasalliklari;LOR-a’zolarining infektsiyalari: masalan, sinusit, tonzillit, faringit va o‘rta quloq otiti;siydik chiqarish yo‘llarining infektsiyalari: masalan, o‘tkir va surunkali piyelonefrit, tsistit, simptomsiz bakteriuriya;yumshoq to‘qimalarning infektsiyalari: masalan, tsellyulit, saramas va jarohat infektsiyalari;suyaklar va bo‘g‘imlarning infektsiyalari: masalan, osteomiyelit va septik artrit;akusherlik va ginekologik infektsiyalar, ju jumladan kichik chanoq a’zolari kasalliklari;gonoreya, ayniqsa penitsillin bilan davolash mumkin bo‘lmagan holatlari;boshqa infektsiyalar, shu jumladan septitsemiya, meningit, peritonit;qorin bo‘shlig‘i a’zolarida o‘tkazilgan jarrohlik, chanoq a’zolaridagi jarrohlik, yurak-qon tomir va ortopedik operatsiyalar, kizilung‘ach, o‘pka va tomilarda o‘tkazilgan operatsiyalardan so‘ng asoratlar xavfi yuqori bo‘lganda infektsion asoratlarni oldini olish. Ko‘pgina hollarda Zinatsef™ bilan o‘tkazilgan monoterapiya samarali hisoblanadi, lekin zarurati bo‘lganida, ayniqsa ovqat hazm qilish yo‘llarida va ginekologik operatsiyalardan so‘ng, preparatni aminoglikozid antibiotiklari yoki metronidazol bilan birga (peroral, suppozitoriyda yoki inyektsiya orqali) qo‘llash mumkin. Pnevmoniyani va surunkali bronxit kasalligi zo‘rayishini davolashda Zinnat™ (tsefuroksim aksetil) bilan peroral davolashga o‘tishdan oldin  Zinatsef™ qo‘llash samarali hisoblanadi.

Zinatsef™ vena ichiga va/yoki mushak ichiga yuborish uchun mo‘ljallangan. Tananing bir sohasiga mushak ichiga ko‘pi bilan 750 mg eritma yuborish mumkin. Tsefuroksim, shuningdek, aksetil efiri (Zinnat™) shaklida peroral qo‘llash uchun mavjud. Bu davolashning parenteral shaklidan peroral shakliga o‘tish klinik jihatdan zarur bo‘lgan hollarda, bosqichma-bosqich davolash muolajasini bitta antibiotik yordamida qo‘llash imkoniyatini beradi. Umumiy tavsiyalar Kattalar Tavsiya etilgan dozasi 750 mg ni tashkil etadi, sutkada 3 marta mushak ichiga yoki vena ichiga yuboriladi. Og‘irroq holatlarda preparat vena ichiga 1,5 g dozada sutkada 3 marta yuboriladi. Zarurati bo‘lganida Zinatsef™ preparatini har 6 soatda yuborish mumkin, sutkalik doza esa 3 dan 6 g gachani tashkil etishi mumkin. Ba’zi infektsiyalarda Zinatsef™ preparatini 750 mg yoki 1,5 g dozada sutkada 2 marta (mushak ichiga yoki vena ichiga) buyurish, keyinchalik Zinnat™ preparatini qabul qilish samaralidir. Go‘daklar va bolalar Sutkada 30-100 mg/kg, 3 yoki 4 marta yuborishga bo‘linadi. Ko‘pchilik infektsiyalar uchun optimal dozasi sutkada 60 mg/kg ni tashkil etadi. Yangi tug‘ilgan chaqaloqlar Sutkada 30-100 mg/kg, 2 yoki 3 yuborishga bo‘linadi (“Farmakokinetikasi”ga qarang). Gonoreyani davolash Kattalar Tavsiya etilgan dozasi bir marta 1,5 g (750 mg dan ikkita dozasi inyektsiya uchun turli joylarga mushak ichiga, masalan, har ikkala dumbaga) yuboriladi. Meningit Zinatsef™ sezgir shtammlar chaqirgan bakterial meningit kasalligida monoterapiya vositasi sifatida qo‘llanadi. Kattalar 3 g vena ichiga har 8 soatda buyuriladi Go‘daklar va bolalar Vena ichiga sutkada 150-250 mg/kg, 3 yoki 4 marta yuborishga bo‘linadi. Yangi tug‘ilgan chaqaloqlar Vena ichiga sutkada 100 mg/kg buyuriladi. Profilaktika Kattalar Qorin bo‘shlig‘i, chanoq a’zolarida o‘tkaziladigan operatsiyalarda va ortopedik aralashuvlarda Zinatsef™ preparati 1,5 g dozada kirish anesteziyasi vaqtida vena ichiga yuboriladi. Operatsiyadan keyin 8 va 16 soat o‘tgach Zinatsef™ preparati 750 mg dan mushak ichiga qo‘shimcha ravishda yuborilishi mumkin. Yurakda, o‘pka, qizilo‘ngach va qon tomirlarda o‘tkaziladigan operatsiyalarda kirish anesteziyasi vaqtida Zinatsef™ preparati 1,5 g dozada vena ichiga, so‘ngra 24-48 soat davomida 750 mg dan sutkada 3 marta mushak ichiga yuboriladi. Bo‘g‘imni total protezlashda Zinatsef™ning 1,5 g quruq kukunini suyuq monomerni qo‘shishdan oldin metil-metakrilat tsement polimerining har bir paketini ichidagisi bilan aralashtirish mumkin.

Nojo‘ya reaktsiyalar juda kam (<1/10,000) kuzatiladi va odatda yengil va qaytuvchan xarakterga ega. Ko‘pchilik reaktsiyalar bo‘yicha bunday hisoblash uchun yetarlicha ma’lumotlar mavjud bo‘lmaganligi sababli, qo‘shimcha nojo‘ya reaktsiyalarning uchrash soni tahminiydir. Bundan tashqari, Zinatsef™ bilan bog‘liq bo‘lgan nojo‘ya ta’sirlarning uchrash soni ko‘rsatmalarga qarab o‘zgarishi mumkin. Nojo‘ya reaktsiyalar qanchalik ko‘p uchrashini “tez-tez” darajasidan “kamdan-kam” darajasigacha aniqlash uchun klinik sinovlarning ma’lumotlari qo‘llandi. Barcha boshqa nojo‘ya ta’sirlar qanchalik ko‘p uchrashi (masalan, <1/10000), asosan, postmarketing ma’lumotlari asosida aniqlangan bo‘lib, kattaroq darajada nojo‘ya reaktsiyalar qanchalik tez-tez yuz berishini emas, balki ular haqida ma’lumotlar qanchalik tez-tez kelib tushishini aks ettiradi. Uchrash holatlari sonini aniqlash uchun quyidagi mezonlar qo‘llanadi: juda tez-tez (≥1/10), tez-tez (≥1/100 dan  <1/10 gacha), ba’zida (≥1/1 000 dan <1/100 gacha), kam (≥1/10 000 dan <1/1 000 gacha), juda kam (<1/10 000). Infektsiya va invaziyalarKam:Candida turi zamburug‘larini o‘sishiQon yaratish va limfatik tizimi tomonidan Tez-tez:neytropeniya, eozinofiliya;Ba’zida:leykopeniya, gemoglobin darajasini pasayishi, musbat Kumbs sinamasi;Kam:trombotsitopeniya;Juda kam:gemolitik anemiya.Tsefalosporinlar eritrotsitlarning membranalari yuzasida so‘riladi, preparatga qarshi antitelalar bilan o‘zaro ta’sirga kirishadi, bu musbat Kumbs sinamasiga (qonni kesishgan mutanosibligini tekshirish sinamasiga ta’sir ko‘rsatishi mumkin) va juda kam hollarda – gemolitik anemiyaga olib keladi.Immun tizimi tomonidanQuyidagilarni o‘z ichiga oluvchi o‘ta yuqori sezuvchanlik:Ba’zida:toshma, eshakemi va qichishish;Kam:medikamentoz isitmaJuda kam:interstitsial nefrit, anafilaksiya, teri vaskuliti.Shuningdek teri va teri osti to‘qimalari tomonidan buzilishlar, buyrak va siydik chiqarish yo‘llari tomonidan buzilishlarga ham qarang. Me’da-ichak yo‘llari tomonidanBa’zida:qorinda diskomfort;Juda kam:soxtamembranoz kolit (Maxsus ko‘rsatmalar bo‘limiga qarang)Jigar va o‘t chiqarish yo‘llari tomonidanTez-tez:jigar fermentlari faolligini o‘tuvchan oshishiBa’zida:bilirubin darajasini o‘tuvchan oshishi Jigar fermentlari va bilirubin miqdorini oshishi asosan jigar kasalliklari bo‘lgan patsiyentlarda uchraydi, ammo preparatni jigarga toksik ta’siri haqida ma’lumotlar yo‘q. Teri va teri osti to‘qimalari tomonidanJuda kam:     ko‘p shaklli eritema, toksik epidermal nekroliz, Stivens-Djonson sindromi; Shuningdek immun tizimi tomonidan buzilishlarga ham qarang. Buyrak va siydik chiqarish yo‘llari tomonidanJuda kam:qon plazmasida kreatinin darajasini oshishi, qonda azot mochevinasi miqdorini oshishi, kreatinin kliresini pasayishi (“Maxsus ko‘rsatmalar”, bo‘limi ga, shuningdek Immun tizimi tomonidan buzilishlarga  qarangUmumiy va mahalliy reaktsiyalarTez-tez:yuborilgan joyda, og‘riq va tromboflebitni o‘z ichiga olishi mumkin bo‘lgan reaktsiyalar. Yuqori dozalarda yuborilganida mushak ichiga inyektsiya qilingan joyda og‘riq ehtimoli ko‘proq, biroq odatda bu preparatni bekor qilishni talab qilmaydi.

Tsefalosporin antibiotiklariga o‘ta yuqori sezuvchanlikda qo‘llash mumkin emas.

Boshqa antibiotiklar kabi, Zinatsef™ preparati ham ichak florasiga ta’sir qilishi mumkin, bu estrogenlarni qayta so‘rilishini pasayishiga va majmuaviy peroral kontratseptivlarning samaradorligini pasayishiga olib kelishi mumkin. Preparat glyukozuriyani fermentli usullar yordamida aniqlash natijalariga ta’sir qilmaydi. Zinatsef™ misni qaytarilishiga asoslangan usullar (Benedikt, Felling, Klinitest) yordamida aniqlash natijalariga ahamiyatsiz darajada ta’sir qilishi mumkin, biroq bu ba’zi boshqa tsefalosporinlar qo‘llangandagi kabi, soxta musbat natijalarga olib kelmaydi. Zinatsef™ qo‘llanayotgan bemorlarda qon/plazmadagi glyukozaning darajasini aniqlash uchun glyukozaoksidaza yoki geksokinaza usullaridan foydalanish tavsiya etiladi. Tsefuroksim kreatininning darajasini ishqoriy pikrat yordamida aniqlash natijasiga ta’sir qilmaydi Nomutanosiblik -Zinatseftm ni aminoglikozid antibiotiklari bilan bir shpritsda aralashtirish mumkin emas. – natriy gidrokarbonatining 2,74% li eritmasining rN eritmaning rangiga ta’sir qilmaydi, shuning uchun ushbu eritmani Zinatseftm ni eritishda foydalanmaslik kerak. Ammo, agar patsiyent natriy gidrokarbonatining infuzion eritmasini vena ichiga qabul qilayotgan bo‘lsa, Zinatseftm ni infuzion tizimning bevosita naychasiga yuborish mumkin. Mutanosibligi 15 ml inyektsiya uchun suvda eritilgan 1,5 g Zinatsef™ preparati va metronidazol (500 mg/100 ml) eritmalari aralashtirilganida har ikkala komponent o‘zining faolligini 25oS dan yuqori bo‘lmagan haroratda 24 soatgacha saqlaydilar. Zinatsef™ 1,5 g dozada azlotsillin eritmasi bilan (1 g 15 ml da yoki 5 g 50 ml da) mutanosibdir; har ikkala komponent o‘zining faolligini taxminan 4oS haroratda 24 soatgacha yoki 25oS dan yuqori bo‘lmagan haroratda 6 soatgacha saqlaydi. Zinatsef™ preparati (5 mg/ml) 5% hajm nisbatida yoki 10% hajm nisbatida ksilitol eritmasida 25oS dan yuqori bo‘lmagan haroratda 24 soatgacha saqlanishi mumkin. Zinatsef™ 1% lidokain gidroxloridini saqlovchi suvli eritmalar bilan mutanosibdir. Zinatsef™ eng keng qo‘llanadigan infuzion eritmalar bilan mutanosibdir va o‘zining xususiyatlarini hona haroratida 24 soat davomida saqlaydi. Inyektsiya uchun 0,9% li natriy xloridi eritmasi;Inyektsiya uchun 5% li glyukoza eritmasi;0,18% natriy xloridi eritmasi va 4% inyektsiya uchun glyukoza eritmasi;5% dekstroza eritmasi va 0,9% natriy xloridi eritmasi;5% dekstroza eritmasi va 0,45% natriy xloridi eritmasi;5% dekstroza eritmasi va 0,225% natriy xloridi eritmasi;10% inyektsiya uchun dekstroza eritmasi;10% invert qandni inyektsiya uchun suvdagi eritmasiRinger eritmasi;Ringer laktat eritmasi;6 M inyektsiya uchun natriy laktat eritmasi;Xartman eritmasi. 0,9% li natriy xloridi eritmasida va 5% dekstroza eritmasida Zinatseftmning barqarorligi gidrokortizon natriy fosfati borligida buzilmaydi. Zinatsef™ preparati quyidagi eritmalar bilan vena ichiga infuziya ko‘rinishida yuborilganida mutanosibdir va xona haroratida 24 soat davomida barqarordir: geparin (10 TB/ml yoki 50 TB/ml) 0,9% natriy xloridi eritmasida; kaliy xloridi (10 yoki 40 mekv/l) 0,9% natriy xloridi eritmasida.

Preparat anamnezida penitsillinlar va beta-laktam antibiotiklariga allergik reaktsiyalari bo‘lgan patsiyentlarga buyurilganida juda ehtiyotkorlikka rioya qilish kerak.

Yorug‘likdan himoyalangan joyda, 25°S dan yuqori bo‘lmagan haroratda saqlansin. Saqlanganda Zinatsef™ning tayyorlangan eritmalari va suspenziyasining rangi to‘qroq bo‘lishi mumkin.

Simptomlari Tsefalosporin antibiotiklarini dozasini oshirib yuborilishi markaziy nerv tizimini ta’sirlanishi, buning natijasida tirishishlarga olib kelishi mumkin. Davolash Zardobdagi kontsentratsiyasini gemodializ yoki peritoneal dializ o‘tkazish yo‘li bilan pasaytirish mumkin.

Retsept bo‘yicha

750 mg tsefuroksim (tsefuroksim natriy ko‘rinishida) saqlovchi, brombutil yoki ftordan himoyalangan laminirlangan butil rezina tiqin bilan va tarani ochilishini oldini oluvchi qo‘shimcha berkituvchi qoplama bilan №1 shisha flakon (I yoki III turdagi shisha) qo‘llash bo‘yicha yo‘riqnomasi bilan birga karton qutiga joylangan. 5 (besh) alohida karton o‘ram (№1) hech qanday ma’lumotni saqlamagan tiniq polietilen plyonkaga birga joylangan. 1,5 g tsefuroksim (tsefuroksim natriy ko‘rinishida) saqlovchi, brombutil yoki ftordan himoyalangan laminirlangan butil rezina tiqin bilan va tarani ochilishini oldini oluvchi qo‘shimcha berkituvchi qoplama bilan №1 shisha flakon (I yoki III turdagi shisha) qo‘llash bo‘yicha yo‘riqnomasi bilan birga karton qutiga joylangan.

Kukunning yaroqlilik muddati 24 oy. Mushak ichiga yuborish uchun eritma suyultirilgandan so‘ng va bevosita vena ichiga yuborish uchun suvli eritmalar o‘zining faolligini 25oS yuqori bo‘lmagan haroratda 5 soat davomida 4oS (sovutgichda) yuqori bo‘lmagan haroratda 48 soat davomida saqlaydi.