ikki tomonlama qavariq, sariq rangli, kapsula ko‘rinishidagi, qobiq bilan qoplangan, har bir tomonida “GX 625” gravirovkasi va riska chizig‘i bo‘lgan tabletkalar.

viruslarga (OITV) qarshi vosita.

J05AF06.

So‘rilishi Abakavirni ichga qabul qilinganida tez va yaxshi so‘riladi. Ichga qabul qilinganida abakavirning mutloq biokiraolishligi kattalarda taxminan 83% ni tashkil etadi. Abakavirni tabletka holida ichga qabul qilinganida maksimal kontsentratsiyasiga erishish vaqti (tmax) taxminan 1,5 soatni tashkil etadi. Abakavirning tabletka shakli uchun “kontsentratsiya-vaqt” egri chizig‘i ostidagi maydon (AUC) ko‘rsatkichi ichga qabul qilish uchun eritma holidagi abakavirning xuddi shunday ko‘rsatkichidan farqlanmaydi. Abakavirni ichga 300 mg dan sutkada 2 marta qabul qilinganida muvozanatli holatga erishilganida Cmax (maksimal kontsentratsiya) o‘rtacha 3 mkg/ml ni tashkil etadi, AUC esa preparatning dozasini qabul qilishlar orasidagi 12 soatlik davri davomida – o‘rtacha 6,02 mkg·soat·ml–1 (sutka davomida – 12 mkg·soat·ml–1) ni tashkil etadi. Abakavir tabletkasi 600 mg dozada bir marta qabul qilinganidan so‘ng Cmax o‘rtacha taxminan 4,26 mkg/ml, AUC esa – o‘rtacha 11,95 mkg·soat·ml – 1 ni tashkil etadi. Abakavir preparatini 300 mg dozada sutkada 2 marta qabul qilgan va tahlil uchun sinamalarni yig‘ishda 24-soatlik vaqtdan oldin faqat bir dozasini (300 mg) qabul qilgan OITV bilan infektsiyalangan 20 ta patsiyentda o‘tkazilgan tadqiqotlarning ma’lumotlariga ko‘ra, muvozanat holatida hujayra ichidagi karbovir-TF ni o‘rtacha geometrik yakuniy yarim chiqarilish davri (T1/2) 20,6 soat (zardobdagi abakavirning kontsentratsiyasi uchun o‘xshash ko‘rsatkich – 2,6 soat) ni tashkil etadi. OITV bilan infektsiyalangan 27 patsiyentda o‘tkazilgan kesishgan klinik tadqiqotlarda abakavirni 600 mg dan kuniga 1 marta qabul qilinganida muvozanatli farmakokinetik ko‘rsatkichlar abakavirni 300 mg dan kuniga ikki marta qabul qilingandagi ko‘rsatkichlar bilan bir xil bo‘lgan. Abakavirni 600 mg dan kuniga 1 marta qo‘llanganida, mononuklear periferik qonda karbovir-TF ning hujayra ichidagi miqdori abakavirni 300 mg dan kuniga ikki marta qabul qilingandagiga nisbatan yuqori bo‘lgan (24 soat davomida muvozanatli holatda “kontsentratsiya-vaqt” egri chizig‘i ostidagi maydon (AUC24,ss) 32% ga muvozanat holatida maksimal sutkalik kontsentratsiyasi (Cmax24,ss) 99% ga oshishi kuzatilgan), bu OITV bilan infektsiyalangan patsiyentlarga preparatni shunday qabul qilish tartibi mumkinligidan dalolat beradi. Ziagen preparatining sutkalik dozasini bir marta qabul qilinganidagi samaradorligi va havfsizligi klinik tadqiqotlarda (CNA30021) ko‘rsatilgan. Ovqat iste’mol qilish abakavirni so‘rilishini sekinlashtiradi va Cmax ni kamaytiradi, biroq AUC ga ta’sir qilmaydi. Shuning uchun abakavirni ovqat bilan ham, o‘zingiz ham qabul qilish mumkin. Maydalangan tabletkalarni oz miqdordagi yarim qattiq ovqat yoki suyuqlik bilan birga qabul qilish, preparatning farmakokinetikasiga ta’sir qilmaydi, va demak klinik samaradorligiga ham ta’sir qilmaydi. Bunday xulosa, patsiyent butun tabletkani maydalashi, ovqat va suyuqlikka qo‘shishi va darhol qabul qilishini taxmin qilinib, faol moddaning fiziokimyoviy va farmakokinetik ko‘rsatkichlariga va suvda eruvchanligiga asoslangan. Taqsimlanishi va plazma oqsillari bilan bog‘lanishi Vena ichiga yuborilganida abakavirning taqsimlanish hajmi taxminan 0,8 l/kg ni tashkil etadi, bu preparatni to‘qimalardan oson o‘tish xususiyatidan dalolat beradi. OITV bilan infektsiyalangan patsiyentlarda o‘tkazilgan tadqiqotlar, abakavirni orqa miya suyuqligi (OMS) ga yaxshi o‘tishi, bunda orqa miya suyuqligidagi abakavirning AUC ni plazmadagi abakavirning AUC ga nisbati 30-44% ni tashkil etishini ko‘rsatdi. Farmakokinetik tadqiqotlarning I fazasida, abakavirni 300 mg dan sutkada 2 marta qabul qilinganidan so‘ng 1,5 soat o‘tgach, uning OMS dagi kontsentratsiyasi 0,14 mkg/ml ni tashkil etishi aniqlangan. Abakavirni 600 mg dan sutkada 2 marta qo‘llanganida OMS dagi preparatning kontsentratsiyasi, abakavirni qabul qilinganidan so‘ng 0,5-1 soatdan keyin o‘lchanganida 0,13 mkg/ml dan, 3-4 soatdan keyin o‘lchanganida 0,74 mkg/ml gacha oshgan. Shunday qilib, hatto agar abakavirni 600 mg dan sutkada 2 marta qabul qilinganidan so‘ng 4 soatdan keyin OMS da aniqlanadigan abakavirning kontsentratsiyasi bunday davolash tartibida maksimal darajaga erishilgan deb hisoblanmasa, u allaqachon IC50 dan (0,08 mkg/ml yoki 0,26 mkmol/l) 9 marta yuqori bo‘ladi. In vitro sharoitlarda o‘tkazilgan tadqiqotlarda, terapevtik dozalarda abakavir odam qonidagi plazma oqsillari bilan o‘rtacha (taxminan 49%) bog‘lanishi aniqlangan. Bu, abakavir boshqa preparatlarni plazma oqsillari bilan bog‘langan joyidan siqib chiqarishi orqali o‘zaro ta’sir qilish ehtimoli kamligidan dalolat beradi. Metabolizmi Abakavir asosan jigarda metabolizmga uchraydi, va preparatning qabul qilingan dozasini 2% dan kamroq qismi siydik bilan o‘zgarmagan holda chiqariladi. Odam organizmida abakavir asosan alkogoldegidrogenaza ta’sirida metabolizmga uchrab, 5-karbon kislotasini hosil qiladi va glyukuron kislotasi bilan kon’yugatsiyalanishi orqali preparatning umumiy yuborilgan dozasini taxminan 66% ni tashkil etuvchi 5-glyukuronidni hosil qiladi. Bu metabolitlar siydik bilan chiqariladi. Chiqarilishi Abakavirning yarim chiqarilish davri o‘rtacha taxminan 1,5 soatni tashkil etadi. Abakavirni ichga 300 mg dan sutkada 2 marta uzoq muddat davomida qabul qilish preparatni ahamiyatli darajada to‘planishiga olib keladi. Abakavirni chiqarilishi jigarda metabolizmga uchrashi oqibatida amalga oshadi, keyinchalik metabolitlari asosan siydik bilan chiqariladi. Yuborilgan dozasining taxminan 83% buyraklar orqali metabolitlar holida va o‘zgarmagan abakavir ko‘rinishida, qolgan qismi esa – axlat bilan chiqariladi. Ayrim patsiyentlar guruhi Keksa yoshdagi shaxslar 65 yoshdan oshgan patsiyentlarda abakavirning farmakokinetikasi o‘rganilmagan. Keksa yoshdagi patsiyentlarni davolashda jigar, buyrak va yurak faoliyatini buzilishlari ko‘proq kuzatilishini, shuningdek yondosh kasalliklarni va qabul qilayotgan dori preparatlarini hisobga olish kerak. Buyrak faoliyatini buzilishlari bo‘lgan patsiyentlar Abakavir asosan jigarda metabolizmga uchraydi; uning 2% dan kamroq qismi buyraklar orqali o‘zgarmagan holda chiqariladi. Buyrak yetishmovchiligining terminal bosqichida abakavirning farmakokinetikasi buyrak faoliyati normal bo‘lgandagi bilan taxminan bir xil. Shuning uchun buyrak faoliyatini buzilishida dozani to‘g‘rilash talab etilmaydi. Jigar faoliyatini buzilishlari bo‘lgan patsiyentlar Abakavir asosan jigarda metabolizmga uchraydi. Jigar faoliyatini yengil darajada buzilishlari (Chayld-Pyu shkalasi bo‘yicha 5-6 ball) bo‘lgan patsiyentlarda abakavirning farmakokinetikasini o‘rganish bo‘yicha o‘tkazilgan tadqiqotlarning natijalari AUC ni o‘rtacha 1,89 marta va yarim chiqarilish davrini 1,58 martaga oshishidan dalolat beradi. Jigar faoliyatini buzilishi abakavirning metabolitlarini AUC ko‘rsatkichiga ta’sir qilmaydi, biroq bunda ularni hosil bo‘lish va chiqarilish tezligi pasayadi. Jigar faoliyatini yengil darajada buzilishi bo‘lgan patsiyentlar davolanish maqsadida abakavirni 200 mg dan sutkada 2 marta qabul qilishlari mumkin. Jigar faoliyatini o‘rtacha va og‘ir darajadagi buzilishlari bo‘lgan patsiyentlarda abakavirning farmakokinetikasi o‘rganilmagan, shuning uchun bu patsiyentlar guruhida abakavirni qo‘llash mumkin emas. Klinik samaradorligi OITV bilan infektsiyalangan, ilgari antiretrovirus vositalar bilan davolanmagan olmagan katta yoshdagi patsiyentlar 48 hafta davomida Ziagen preparatini lamivudin va zidovudin bilan, shuningdek indinavir preparatini lamivudin va zidovudin bilan majmuada qabul qilgan, randomizatsiyalangan, ikki tomonlama yashirin, qiyosiy tadqiqodning natijalarini tahlil qilish qiyosiy preparatlar majmuasining virusologik samaradorligi bir xil ekanligini ko‘rsatdi. Biroq zardobda OITV-1 RNK ning dastlabki kontsentratsiyasi 100 000 kopiya/ml dan ortiq bo‘lgan patsiyentlarning kichik guruhida indinavir qo‘shilgan davolash tartibi samaraliroq bo‘lgan. Virus RNK sining dastlabki kontsentratsiyasi 100 000 kopiya/ml dan kam bo‘lganida har ikkala davolash tartibining samaradorligi bir xil bo‘lgan. OITV bilan infektsiyalangan, ilgari antiretrovirus preparatlarni qabul qilmagan, 770 patsiyent ishtirok etgan ko‘p markazli, ikki tomonlama yashirin, nazoratli tadqiqodlarda (CNA30021) Ziagenni bir marta va ikki martalik qabul qilish tartiblari qiyoslangan. Patsiyentlar ikki guruhga randomizatsiyalangan. Birinchi guruhdagi patsiyentlarga Ziagen 600 mg dan sutkada 1 marta, ikkinchi guruhga – 300 mg dan sutkada 2 marta buyurilgan; Ziagen bilan bir vaqtda har ikki guruhdagi patsiyentlar 300 mg dan sutkada 1 marta lamivudin va 600 mg dan sutada 1 marta efavirenz qabul qilishgan. Qon zardobida virus RNK sining dastlabki kontsentratsiyasiga qarab, patsiyentlar 2 ta kichik guruhga bo‘lingan – 1 ml qon zardobida OITV-1 RNK ning kontsentratsiyasi 100 000 kopiyadan kam va OITV-1 RNK ning kontsentratsiyasi 100 000 kopiyadan ortiq bo‘lgan kichik guruhlarga bo‘lingan. Davolash davomiyligi kamida 48 haftani tashkil etgan. Tadqiqod natijalari quyidagi jadvalda keltirilgan.

Kattalar va bolalarda OITV-infektsiyasini majmuaviy antiretrovirus davolash tarkibida qo‘llanadi.

Ziagen preparatini ovqatlanishdan qat’iy nazar qabul qilish mumkin. Aniq dozalashni ta’minlash maqsadida tabletkalarni bo‘lmasdan qabul qilish afzal. Tabletkalarni yutishda qiyinchilik tug‘dirgan patsiyentlarga Ziagen preparati ichga qabul qilish uchun eritma holida buyuriladi. Biroq, muqobil usul sifatida tabletkalarni bo‘lib va maydalab, oz miqdordagi yarim qattiq ovqatga yoki suyuqlikka qo‘shishga ruxsat beriladi. Olingan aralashmaning butun miqdorini darhol ichga qabul qilish kerak. Kattalar va tana vazni 30 kg dan ortiq bo‘lgan o‘smirlar Ziagenning tavsiya etilgan dozasi – sutkada 600 mg ni tashkil etadi. Preparat 300 mg (1 tabletka) dan sutkada 2 marta yoki 600 mg (2 tabletka) dan sutkada 1 marta buyuriladi. Tana vazni 30 kg dan kam bo‘lgan 3 oylik va undan katta bolalar: Tana vazni 14 kg dan 21 kg gacha bo‘lgan bolalar: Ziagenning tavsiya etilgan dozasi – ½ tabletkadan sutkada 2 marta.Tana vazni 21 kg dan ortiq 30 kg dan kam bo‘lgan bolalar: Ziagenning tavsiya etilgan dozasi – ½ tabletka ertalab va 1 tabletka kechqurun qabul qilinadi. Tana vazni kamida 30 kg bo‘lgan bolalar: Ziagenni tavsiya etilgan dozasi 300 mg (1 tabletka) dan sutkada 2 marta yoki 600 mg (2 tabletka) sutkada 1 marta qabul qilinadi.

O‘ta yuqori sezuvchanlik HLA-B*5701 allel genini borligini aniqlash yuzasidan skriningni boshlashdan oldin o‘tkazilgan klinik tadqiqodlarning ma’lumotlariga ko‘ra, abakavir qabul qilgan patsiyentlarning taxminan 5% da o‘ta yuqori sezuvchanlik holatlari, kam hollarda o‘lim bilan tugagan holatlar kuzatilgan. Abakavirga o‘ta yuqori sezuvchanlik poliorgan shikastlanishlar bilan xarakterlanadi. O‘ta yuqori sezuvchanligi bo‘lgan ko‘pchilik patsiyentlarda bunday reaktsiya rivojlanganida isitma va toshma (odatda makulo-papulyoz yoki urtikar) kuzatiladi, ba’zi hollarda bunday ko‘rinishlar mavjud bo‘lmaydi. O‘ta yuqori sezuvchanlik reaktsiyalarining simptomlari abakavir bilan davolanish boshlanganidan so‘ng istalgan vaqtda paydo bo‘lishi mumkin, biroq ular asosan davolanishning dastlabki 6 haftasi (bu reaktsiyani boshlanish vaqtini medianasi – 1 sutka) davomida rivojlanadi. O‘ta yuqori sezuvchanlik reaktsiyalarining ko‘rinishlari quyida keltirilgan. O‘ta yuqori sezuvchanligi bo‘lgan, kamida 10% patsiyentlarda uchraydigan simptomlar qalin shrift bilan ajratilgan. Teri va uning hosilalari tomonidan: toshma (odatda makulo-papulyoz yoki urtikar). Me’da-ichak yo‘llari tomonidan: ko‘ngil aynishi, qusish, diareya, qorinda og‘riq, og‘iz shilliq qavatida yaralarni hosil bo‘lishi. Nafas tizimi tomonidan: hansirash, yo‘tal, tomoqda og‘riq, kattalardagi respirator distress sindrom, nafas yetishmovchiligi. Nerv tizimi tomonidan: bosh og‘rig‘i, paresteziyalar. Qon yaratish tizimi va limfatik tizimlari tomonidan: limfopeniya. Jigar va me’da osti bezi tomonidan: jigar fermentlari faolligini oshishi, jigar yetishmovchiligi. Tayanch-harakat tizimi tomonidan: mialgiya, kam hollarda – mioliz, artralgiya, kreatinfosfokinazaning faolligini oshishi. Siydik chiqarish tizimi tomonidan: zardobda kreatinin kontsentratsiyasini oshishi, buyrak yetishmovchiligi. Boshqalar: isitma, toliqish hissi, lohaslik, shishlar, limfadenopatiya, arterial gipotoniya, kon’yunktivit, anafilaktik reaktsiyalar kuzatilishi mumkin. O‘ta yuqori sezuvchanlik reaktsiyalari bo‘lgan bemorlar dastlab yuqoridagilarni nafas a’zolarining kasalliklari (pnevmoniya, bronxit, faringit, respirator virusli infektsiya), gastroenterit yoki boshqa preparatlarni qabul qilish bilan bog‘liq bo‘lgan noxush reaktsiyalar sifatida qabul qilishlari mumkin. O‘ta yuqori sezuvchanlik reaktsiyalari rivojlanganida Ziagen preparatini qabul qilishni davom ettirish, simptomlar susayib borganidan so‘ng preparat qabul qilishni qaytadan boshlangandagi kabi og‘ir asoratlarga, hatto o‘limga olib kelishi mumkin. Shuning uchun sanab o‘tilgan simptomlardan birontasi paydo bo‘lganida, o‘ta yuqori sezuvchanlik reaktsiyalarini istisno qilish uchun patsiyentni yaxshilab tekshirish kerak. Agar o‘ta yuqori sezuvchanlik reaktsiyalarini istisno qilish mumkin bo‘lmasa. Ziagen yoki abakavir saqlovchi boshqa preparatlar (Kiveksa, Trizivir) ni takroran buyurish qat’iy man etiladi. Agar o‘ta yuqori sezuvchanlik reaktsiyalari rivojlanganida, patsiyentlar Ziagen qabul qilishni davom ettirsalar, klinik ko‘rinishlari yaqqolroq namoyon bo‘ladi, Ziagen preparati bekor qilinganida esa, odatda qaytadi. Anamnezida o‘ta yuqori sezuvchanlik reaktsiyalari bo‘lgan patsiyentlar tomonidan Ziagen preparatini qabul qilishni qaytadan boshlash bir necha soat davomida reaktsiyalarni takroran rivojlanishiga olib keladi. Takroriy o‘ta yuqori sezuvchanlik reaktsiyasi birinchisiga qaraganda og‘irroq kechishi va hayot uchun havfli arterial gipotenziya bilan namoyon bo‘lishi, hatto o‘lim bilan yakunlanishi mumkin. O‘ta yuqori sezuvchanlik reaktsiyalari rivojlanganida patsiyent HLA-B*5701 allel genini tashib yurishidan qat’iy nazar, Ziagen va abakavir saqlovchi boshqa preparatlar (Kiveksa, Trizivir kabilar) ni qabul qilishdan butunlay saqlanishi kerak. Ba’zida o‘ta yuqori sezuvchanlik reaktsiyalari preparat bekor qilinganidan so‘ng Ziagen preparati bilan davolash takroran boshlanganida, asosiy simptomlari (toshma, isitma, lohaslik, toliqish, me’da-ichak yo‘llari va nafas tizimi tomonidan buzlishlar) dan faqat bittasini paydo bo‘lishi oqibatida rivojlanadi. Kam hollarda bunday reaktsiya preparat bekor qilinishidan oldin hech qanday o‘ta yuqori sezuvchanlik reaktsiyalari kuzatilmagan patsiyentlar tomonidan Ziagen preparati yana qabul qilinganida rivojlanadi. Ziagen qabul qilayotgan patsiyentlarda kuzatiladigan biroq o‘ta yuqori sezuvchanlik reaktsiyalaridan farq qiluvchi boshqa noxush ko‘rinishlarning tabiati hozirgacha noma’lum. Bu noxush ko‘rinishlar Ziagenni yoki u bilan bir vaqtda buyurilgan boshqa preparatlarni qabul qilish oqibati ekanligi, yoki ular kasallikni o‘zi bilan bog‘liq ekanligi hozirgi vaqtgacha aniqlanmagan. Quyida keltirilgan Ziagen preparatini qabul qilish bilan bog‘liq bo‘lgan noxush samaralarning ko‘pchiligi (ko‘ngil aynishi, qusish, diareya, isitma, toliqish, toshma) o‘ta yuqori sezuvchanlik reaktsiyalari rivojlanganida ham kuzatilishi mumkin. Shuning uchun bu simptomlarning istalgani paydo bo‘lganida o‘ta yuqori sezuvchanlik reaktsiyalarini tasdiqlash yoki istisno qilish uchun bemorni sinchiklab tekshirish kerak. Agar o‘ta yuqori sezuvchanlikka taxmin qilinishi oqibatida Ziagen preparati bekor qilinganida preparatni takroran qabul qilish taqiqlanadi. Yuqorida sanab o‘tilgan simptomlar paydo bo‘lganligi tufayli tanaffusdan keyin Ziagen preparati bilan yana davolashni faqatgina o‘ta yuqori sezuvchanlik reaktsiyalari istisno qilinganidan so‘ng va bevosita tibbiy kuzatuv ostida boshlash mumkin. Quyida keltirilgan nojo‘ya reaktsiyalarning aksariyati Ziagen preparatini qo‘llashni cheklamaydi. Uchrash tez-tezligiga qarab, ularni shartli ravishda quyidagi toifalarga bo‘lish mumkin: juda tez-tez (tez-tezligi 1/10 dan ko‘p), tez-tez (tez-tezligi 1/100 dan 1/10 gacha), tez-tez emas (tez-tezligi 1/1000 dan 1/100 gacha), kam (tez-tezligi 1/10000 dan 1/1000 gacha) va juda kam (tez-tezligi 1/10000 dan kam). Klinik tadqiqodlardan olingan ma’lumotlar Metabolizm va ovqatlanishni buzilishlari: tez-tez – ishtahani yo‘qolishi. Nevrologik buzilishlar: tez-tez – bosh og‘rig‘i. Me’da-ichak yo‘llari tomonidan buzilishlar: tez-tez – ko‘ngil aynishi, qusish, diareya. Tizimli buzilishlar va mahalliy reaktsiyalar: tez-tez – isitma, uyquchanlik, toliqish. Nazoratli klinik tadqiqodlarda Ziagen preparati bilan davolanish vaqtida laborator ko‘rsatkichlarni o‘zgarishi preparat olmayotgan patsiyentlarning nazorat guruhidagi kabi kam kuzatilishi ko‘rsatildi. Preparat qayd etilgandan keyingi kuzatishlardagi ma’lumotlar Metabolizm va ovqatlanishni buzilishi: tez-tez – giperlaktatemiya; kam hollarda – laktoatsidoz, yog‘ to‘qimasini to‘planishi / qayta taqsimlanishi. Bu noxush reaktsiyalarning tez-tezligi ko‘pchilik omillariga, shu jumladan abakavir bilan majmuada ishlatiladigan antiretrovirus preparatlariga bog‘liq. Me’da-ichak yo‘llari tomonidan buzilishlar: kam hollarda – pankreatit (abakavirni qo‘llash bilan bog‘liq bo‘lgan sabab – oqibati bog‘liqligi aniqlanmagan).

Abakavirga yoki preparatning har qanday boshqa komponentiga yuqori sezuvchanlikJigar faoliyatini o‘rtacha va og‘ir darajadagi buzilishlari

In vitro sharoitlarda o‘tkazilgan tadqiqodlar va abakavirning asosiy metabolizm yo‘lini tahlil qilish tsitoxrom R450 orqali metabolizmga uchraydigan boshqa preparatlar bilan o‘zaro ta’sir qilish ehtimoli kamligini ko‘rsatdi. Abakavir tsitoxrom R450 tizimining 3A4 izofermenti ishtirokidagi metabolik reaktsiyalarni bostirmaydi. In vitro sharoitlarda o‘tkazilgan tadqiqodlar, abakavir CYP3A4, CYP2C9 va CYP2D6 izofermentlarning faolligini pasaytirmasligini ko‘rsatdi. Klinik tadqiqodlarda jigarda abakavirning ta’siri ostida ekzogen substantsiyalarning metabolizmini induktsiyalanishi aniqlanmadi. Shunday qilib, abakavirni OITV proteaza ingibitorlari va tsitoxrom R450 ning asosiy izofermentlari ishtirokida metabolizmga uchraydigan boshqa preparatlar bilan o‘zaro ta’sir qilish ehtimoli kam. Etanol. Etanol abakavirning metabolizmini sekinlashtiradi, bu farmakokinetik egri chizig‘i ostidagi maydon (AUC) ni 41% ga oshishiga olib keladi. Biroq bu o‘zgarishning klinik ahamiyati katta emas. Etanolning metabolizmiga abakavir ta’sir qilmaydi. Metadon. Farmakokinetik tadqiqodlarning ma’lumotlariga ko‘ra, abakavirni 600 mg dan sutkada 2 marta metadon bilan majmuada qo‘llanishi qon zardobida abakavirning maksimal kotsentratsiyasini (Smax) 35% kamaytiradi, zardobda maksimal kontsentratsiyaga erishish vaqtini (Tmax) 1 soatga oshiradi, lekin AUC ni o‘zgartirmaydi. Bu o‘zgarishlarning klinik ahamiyati katta emas. Aynan shu tadqiqodda abakavir metadonning klirensini 22% ga oshirishi aniqlangan. Ko‘pchilik hollarda bu o‘zgarishlar klinik jihatdan ahamiyatsiz o‘zgarishlar sifatida baholanadi, biroq ma’lum bir holatlarda metadonning dozasini o‘zgartirish talab qilinishi mumkin. Retinoidlar. Retinoidlar, masalan, izotretinoin, alkogoldegidrogenaza ishtirokida eliminatsiyalanadi, shuning uchun abakavir bilan o‘zaro ta’sir qilishi mumkin, biroq hozirgi vaqtgacha maxsus tadqiqodlar o‘tkazilmagan.

Preparat OITV-infektsiyasini davolash tajribasiga ega bo‘lgan shifokor tomonidan buyurilishi kerak. O‘ta yuqori sezuvchanlik HLA-B*5701 allel genini borligiga skriningni boshlashdan oldin o‘tkazilgan klinik tadqiqodlarning ma’lumotlariga ko‘ra abakavir qabul qilayotgan patsiyentlarning taxminan 5% da preparatga kam hollarda o‘lim bilan yakunlanuvchi o‘ta yuqori sezuvchanlik rivojlanadi. Xavf omillari Klinik tadqiqodlarda HLA-B*5701 allel genini tashuvchanlik abakavirga o‘ta yuqori sezuvchanlik reaktsiyalarini rivojlanish havfini ahamiyatli darajada oshirishi ko‘rsatilgan. Prospektiv klinik tadqiqodlarda CAN 106030 (PREDICT-1) HLA-B*5701 allel geni mavjud bo‘lgan patsiyentlarga abakavir saqlovchi preparatlar buyurilmagan, bu klinik jihatdan taxmin qilingan o‘ta yuqori sezuvchanlik reaktsiyalarining rivojlanish tez-tezligini 7,8% (847 patsiyentdan 66 tasida) dan 3,4% (803 patsiyentdan 27 tasida) ga pasaytirish (r<0,0001), shuningdek teri-applikatsion sinamasi yordamida tasdiqlangan o‘ta yuqori sezuvchanlik reaktsiyasining rivojlanish tez-tezligini 2,7% (842 patsiyentda 23 tasida) dan 0,0% (802 patsiyentdan hech birida) gacha pasaytirish (r<0,0001) imkonini bergan. Shunday qilib, ushbu tadqiqodning natijalariga asoslanib, HLA-B*5701 allel genini tashuvchi-patsiyentlarning 48-61% da o‘ta yuqori sezuvchanlik reaktsiyalari shunday allel geni mavjud bo‘lmagan patsiyentlarning 0-4% ga nisbatan rivojlanishi ko‘rsatilgan. Shifokorlarga ilgari abakavir saqlovchi preparatlar buyurilmagan OITV bilan infektsiyalangan patsiyentlarga HLA-B*5701 allel genini tashuvchilikka skrining o‘tkazish tavsiya etiladi. Ilgari abakavir bilan davolanish yaxshi o‘zlashtirilgan HLA-B*5701-statusi ma’lum bo‘lgan patsiyentlarga abakavirni takroran buyurishdan oldin skrining o‘tkazish tavsiya etiladi. HLA-B*5701 allel geniga ega bo‘lgan patsiyentlarga abakavir saqlovchi preparatlarni qo‘llash tavsiya etilmaydi. Juda kam hollarda potentsial foyda havfdan ustun bo‘lganida, bunday patsiyentlarga abakavir saqlovchi preparatlarni buyurish muhokama qilinishi mumkin, bunda patsiyent sinchkov tibbiy kuzatuvda bo‘lishi kerak. Klinik ma’lumotlarga asoslanib o‘ta yuqori sezuvchanlik reaktsiyalarini istisno qilish mumkin bo‘lmagan barcha xollarda, jiddiy noxush samaralar yoki xatto o‘limni potentsial rivojlanish xavfini borligi sababli xatto HLA-B*5701 allel geni bo‘lmaganida ham abakavir qabul qilishni bekor qilish va qaytadan boshlamaslik kerak. Klinik manzarasi Abakavirga o‘ta yuqori sezuvchanlik poliorgan shikastlanishlari bilan xarakterlanadi. Eng ko‘p uchraydigan simptomlari – isitma va toshma, ko‘pchilik patsiyentlarda kuzatiladi. Abakavirga o‘ta yuqori sezuvchanlikning boshqa simptomlari: toliqish, lohaslik, me’da-ichak yo‘llari tomonidan buzilishlar, jumladan qusish, ko‘ngil aynishi, diareya va qorinda og‘riq; nafas tizimi tomonidan buzilishlar, jumladan hansirash, tomoqda og‘riq, yo‘tal, o‘pkalarni shikastlanishi (asosan, ko‘krak qafasini rentgenografiyasida aniqlanadigan mahalliy infiltrativ o‘zgarishlar ko‘rinishida) hisoblanadi.

Homiladorlik Homiladorlik vaqtida ayollarda abakavirni qo‘llash havfsizligi hozirgi vaqtgacha o‘rganilmagan. Kalamushlarning embrionlarini rivojlanishiga abakavirning toksik ta’siri haqida eksperimental ma’lumotlar mavjud, biroq bu samaralar quyonlarda kuzatilmagan. Homiladorlik vaqtida Ziagenni qo‘llash zarurati tug‘ilganida, ona uchun taxmin qilingan foyda va homila uchun potentsial havf nisbatini baholash kerak. Homiladorlik va tug‘ruq vaqtida qaytuvchan transkriptazaning nukleozid ingibitorlarini qabul qilgan onalardan tug‘ilgan yangi tug‘ilgan chaqaloqlar va emizikli bolalarning zardobida sut kislotasining kontsentratsiyasini biroz tranzitor oshganligi xaqida ma’lumotlar mavjud. Ehtimol, bu mitoxondrial buzilishlar bilan bog‘liq. Bu o‘zgarishning klinik ahamiyati hozirgi vaqtgacha aniqlanmagan. Bundan tashqari, yangi tug‘ilgan chaqaloqlarda rivojlanishni kechikishi, tutqanoq hurujlari va boshqa nevrologik buzilishlar xaqida juda kam ma’lumotlar mavjud, ammo homiladorlik va tug‘ruq vaqtida qaytar transkriptazaning nukleozid ingibitorlarini qabul qilish bilan bu o‘zgarishlar o‘rtasida sabab-oqibat bog‘liqligi aniqlanmagan. Bu ma’lumotlar homiladorlik vaqtida OITV ni vertikal yo‘l bilan yuqishini oldini olish uchun antiretrovirus preparatlarni qo‘llash bo‘yicha mavjud bo‘lgan tavsiyalarni inkor etmaydi. Laktatsiya Laktatsiya davrida kalamushlarda o‘tkazilgan klinik tadqiqodlar abakavir va uning metabolitlari ko‘krak suti bilan ajralib chiqishini ko‘rsatdi. Garchi bu hozirgi vaqtgacha tasdiqlanmagan bo‘lsa-da, abakavir va uning mtebolitlari ona sutiga o‘tishiga taxmin qilinadi. 3 oylikkacha bo‘lgan bolalarda abakavirni qo‘llash havfsizligi bo‘yicha ma’lumotlar yo‘q. Ba’zi patsiyentlar OITV bilan infektsiyalangan ayollarga har qanday holatlarda ham bolaga OITV ni yuqishini oldini olish uchun, unga emizishdan saqlanishni tavsiya etadilar. Shunday qilib, abakavirni qabul qilayotgan ayollarga bolani emizish tavsiya etilmaydi.

30oS dan yuqori bo‘lmagan haroratda saqlansin.

Simptomlari Klinik tadqiqodlarda Ziagen 1200 mg gacha bir martalik va 1800 mg gacha bo‘lgan sutkalik dozalarda qo‘llanganida nojo‘ya reaktsiyalar aniqlanmagan. Preparatning yuqoriroq dozalardagi ta’siri hozirgi vaqtgacha o‘rganilmagan. Davolash Ziagenning dozasi oshirib yuborilganida zaharlanish simptomlarini aniqlash va o‘z vaqtida davolashni boshlash uchun patsiyentni kuzatish kerak. Zarurat bo‘lganida, standart tutib turuvchi davolash o‘tkaziladi. Organizmdan abakavirni chiqarish uchun peritoneal dializ va gemodializning samaradorligi noma’lum.

Retsept bo‘yicha

10 tabletkadan PVX/A1 blisterda. 6 blisterdan qo‘llash bo‘yicha yo‘riqnomasi bilan birga karton qutida. Barcha o‘ramlari har bir mamlakatda bo‘lmasligi mumkin.

O‘ramida ko‘rsatilgan yaroqlilik muddati tugagan sana.