sariq-jigarrang rangli ikki tomonlama qabariq, kapsulasimon shaklli, plyonka qobiq bilan qoplangan, bir tomoniga “GX CG5” yozuvi tushirilgan tabletkalar

Viruslarga qarshi vosita. Nukleozid analogi.

So‘rilishi Lamivudin me’da-ichak yo‘llaridan yaxshi so‘riladi. Uning kattalarda ichga qabul qilinganidan keyin biokiraolishligi odatda 80–85% ni tashkil etadi, qon zardobida (Smax) maksimal kontsentratsiyasiga erishishning o‘rtacha vaqti (Tmax) esa, taxminan 1 soatni tashkil etadi. Preparat terapevtik dozalarda, ya’ni sutkasiga bir marta 100 mg dozada tayinlanganida, Smax  (qon zardobidagi kontsentratsiya) 1,1–1,5 mkg/ml ni tashkil etadi, kontsentratsiyaning eng past darajasi 0,015–0,20 mkg/ml bo‘lgan. Lamivudin ovqat bilan birga qabul qilinganda Tmax ni uzaytiradi va Smax ni (47% gacha) kamaytiradi, bunda ovqat qabul qilinishi lamivudinning umumiy so‘rilish darajasiga (AUC “kontsentratsiya-vaqt” farmakokinetik chizig‘i asosida hisoblangan) ta’sir ko‘rsatmaydi, shu bois lamivudinni ovqat paytida ham, ovqat qabul qilinmaydigan paytda ham tayinlash mumkin. Taqsimlanishi Vena ichiga yuborilganida, lamivudinni taqsimlanish hajmi o‘rtacha 1,3 l/kg ni tashkil etadi. Terapevtik dozalar diapazonida lamivudin bir tekis farmakokinetikaga ega bo‘lib, plazma oqsillari bilan oz miqdorda bog‘lanadi. Lamivudin markaziy nerv tizimiga va orqa miya suyuqligiga o‘tadi. Ichga qabul qilinganidan keyin 2-4 soatdan so‘ng lamivudinning likvor va zardobdagi kontsentratsiyasining nisbati taxminan 0,12 ni tashkil etadi. Metabolizmi Lamivudinning katta qismi buyrak tomonidan o‘zgarmagan ko‘rinishda chiqariladi. Dorilarning lamivudin bilan o‘zaro ta’sir qilish ehtimoli, jigardagi sezilarli bo‘lmagan (5-10%) metabolizmi va plazma oqsillari bilan kuchsiz bog‘lanish tufayli past. Chiqarilishi Lamivudinning tizimli klirensi o‘rtacha qariyb, 0,3 l/soat/kg ni tashkil etadi. Yarim chiqarilish davri – taxminan 5-7 soat. Lamivudinning katta qismi kalava filtratsiyasi va organik kationlar transporti tizimi yordamida faol sekretsiya yordamida o‘zgarmagan holda buyrak orqali chiqariladi. Buyrak klirensi ulushiga lamivudin eliminatsiyasining 70% ga yaqini to‘g‘ri keladi. Bemorlarning alohida guruhlari

Lamivudin surunkali V gepatitini V gepatiti virusi (V GV)ning replikatsiyasi fonida davolash uchun qo‘llanadi.

Lamivudinni ovqat qabul qilishdan qat’iy nazar qabul qilish mumkin. Lamivudin bilan davolash paytida davolash tartibi amal qilinishini nazorat qilish zarur. HBeAg va/yoki HBsAg serokonversiyasiga erishilganidan keyin normal immunitet ko‘rsatkichlariga ega bemorlarda lamivudin bilan davolashni to‘xtatish mumkin. Lamivudinni shuningdek, keyingi davolash samarasiz (gepatitning zo‘rayish belgilari) bo‘lganida ham bekor qilish mumkin. Lamivudin bekor qilinganida, patsiyentlar gepatitni qaytalanishi alomatlarini aniqlash uchun shifokor nazorati ostida bo‘lishlari lozim (“Maxsus ko‘rsatmalar”ga qarang). Davolashni to‘xtatish gepatit dekompensatsiyasiga ega patsiyentlarga tavsiya etilmaydi. Ayni paytda lamivudin bekor qilinganidan keyin uzoq vaqt serokonversiyaning saqlanishi bo‘yicha ma’lumotlar yetarli emas. Lamivudinni rasmiy tavsiyalarga muvofiq qabul qilish zarur. Ichga qabul qilish uchun eritma shaklidagi lamivudin bolalarda va tabletkalar to‘g‘ri kelmaydigan bemorlarda qo‘llash uchun mo‘ljallangan.

Surunkali V gepatitiga ega bemorlarda o‘tkazilgan klinik tadqiqotlar davomida lamivudinni yaxshi o‘zlashtira olinishi qayd etilgan. Laboratoriya ko‘rsatkichlarida (alanin-aminotransferazalar va kreatinfosfokinazalar oshishi bundan mustasno, quyidagiga qarang) nojo‘ya holatlar va siljishlarni rivojlanish tez-tezligi platsebo va lamivudin guruhlarida bir xil bo‘lgan (2-jadval). Eng keng tarqalgan nojo‘ya holatlarga lohaslik va toliqish, nafas yo‘llarning infektsiyalari, bosh og‘rig‘i, qorin bo‘shlig‘ida diskomfort va og‘riq, ko‘ngil aynishi, qusish va diareya kiritilgan. 2-jadval.

Anamnezda lamivudinga va preparatning boshqa har qanday komponentiga o‘ta yuqori sezuvchanlik.

Lamivudinning boshqa preparatlar bilan metabolik o‘zaro ta’siri ehtimoli lamivudinning cheklangan metabolizmi, uning qon plazmasi oqsillari bilan sezilarsiz darajada bog‘lanishi hamda preparatning asosan buyrak orqali o‘zgarmagan holda deyarli to‘liq chiqarilishi tufayli unchalik yuqori emas. Lamivudinning katta qismi organik kationlarning faol sekretsiyasi orqali chiqariladi. Asosiy chiqarilish mexanizmi organik kationlarni transporti tizimi yordamida faol buyrak sekretsiyasi bo‘lgan boshqa bir vaqtda buyuriladigan preparalar, masalan, trimetoprim bilan o‘zaro ta’siri bo‘lishi mumkinligini hisobga olish lozim. Boshqa preparatlar (xususan, ranitidin va tsimetidin) yuqorida ko‘rsatilgan mexanizm orqali faqat qisman chiqariladi va lamivudin bilan o‘zaro ta’sirga kirishmaydi. Asosan organik anionlarning faol transporti orqali yoki kalavalar filtratsiyasi yo‘li bilan chiqariladigan preparatlar ehtimol, lamivudin bilan klinik ahamiyatga ega bo‘lgan o‘zaro ta’sirga kirishmasligi mumkin. Trimetoprim + sulfametoksazol: trimetoprim + sulfametoksazolni 160 mg + 800 mg dozada bir vaqtda qo‘llanishi lamivudinning ekspozitsiyasini 40% ga oshishiga olib keladi. Lamivudin trimetoprim va sulfametoksazolning farmakokinetikasiga ta’sir qilmaydi. Ammo buyrak yetishmovchiligi mavjud bo‘lmaganida, lamivudinning dozasini kamaytirishga xojat yo‘q. Zidovudin: Lamivudin va zidovudin bir vaqtda qo‘llanganida, zidovudinning Cmax ko‘rsatkichi mo‘tadil (28% ga) oshgani kuzatilgan, biroq AUC sezilarli darajada o‘zgarmagan. Zidovudin lamivudinning farmakokinetikasiga ta’sir qilmagan (“Farmakokinetikasi” ga qarang). Alfa-interferon: Lamivudin va interferon-alfa bir vaqtda qo‘llanganida, farmakokinetik o‘zaro ta’sir kuzatilmagan. Bir vaqtning o‘zida lamivudin va immunodepressantlarni (masalan, tsiklosporin A) qabul qilgan bemorlarda klinik jihatdan ahamiyatli bo‘lgan nojo‘ya o‘zaro ta’sirlar qayd etilmagan, ammo bu borada maxsus tadqiqotlar o‘tkazilmagan. Zaltsitabin: Ushbu ikkita preparatni bir vaqtda qabul qilinganda, lamivudin zaltsitabinning hujayra ichidagi fosforlanishini susaytirishi mumkin. Shu boisdan lamivudin va zaltsitabinni bir vaqtda qo‘llash tavsiya etilmaydi. Emtritsitabin: Bir vaqtda qabul qilinganida lamivudin emtritsitabinning hujayra ichidagi fosforillanishini ingibirlashi mumkin. Lamivudinni emtritsitabin bilan bir vaqtda qo‘llash tavsiya etilmaydi.

Preparat bilan davolashni boshida va davolash jarayonida patsiyentning holatini surunkali V gepatitini davolash tajribasiga ega shifokor muntazam ravishda nazorat qilib borishi lozim. Agar lamivudin bekor qilingan bo‘lsa yoki u samara bermasa, ayrim bemorlarda qayta qo‘zg‘alayotgan gepatitni tasdiqlovchi klinik alomatlar yoki laboratoriya ko‘rsatkichlari aniqlanishi mumkin. Gepatitni zo‘rayishi, eng avvalo, V gepatiti virusi DNK si darajasini takroriy oshishiga qo‘shimcha ravishda zardobdagi ALT darajasini ko‘tarilishi bilan namoyon bo‘ladi. Davolanishdan keyingi ALT ning oshish chastotasi bo‘yicha batafsil ma’lumotlar “Klinik tadqiqotlar” bo‘limidagi 1-jadvalda keltirilgan. Aksariyat holatlar o‘z-o‘zidan bartaraf bo‘lgan. Muvaffaqiyatsizliklar kamdan-kam bo‘lgan, lamivudin bilan davolashni bekor qilish bilan bog‘liq sabab-oqibat aloqasi noma’lum. Lamivudin bilan davolash to‘xtailganidan keyin patsiyentlarning umumiy holatini muntazam ravishda kuzatib borish, shuningdek gepatitni zo‘rayishi mumkinligi belgilarini aniqlash uchun 4 oy davomida funktsional jigar sinamalari (ALT va bilirubin miqdori) ning ko‘rsatkichlarini nazorat qilish lozim, keyinchalik patsiyentlarni ko‘rsatmalarga muvofiq, kuzatib borish kerak. Hozirgi vaqtda davolash kursi tugaganidan keyin gepatit zo‘rayishi yuz bergan patsiyentlarni lamivudin bilan takroriy davolashning samaradorligi borasidagi ishonchli ma’lumotlar yo‘q. Buyrak faoliyatini o‘rtacha va og‘ir buzilishlar bo‘lgan patsiyentlarda lamivudinning zardobdagi kontsentratsiyasi (AUC)  buyrak klirensinipasayishi sababli oshadi, shu boisdan kreatinin klirensi minutiga 50 ml kam bo‘lgan patsiyentlarni davolashda dozani kamaytirish lozim (“Qo‘llash usuli va dozalari”ga qarang). A’zo transplantatsiyasini o‘tkazgan yoki oxirgi bosqichdagi jigar kasalligi bo‘lgan patsiyentlar viruslarning faol replikatsiyasi xavfi yuqori bo‘lgan guruhga kiradi. Bunday patsiyentlarda jigar faoliyati juda susaygani tufayli, lamivudinni qo‘llash to‘xtatilganida yoki davolash paytida ushbu preparatning samaradorligi yo‘qolganida, gepatitni qayta faollashuvi og‘ir dekompensatsiyaga sabab bo‘lishi va bu hatto o‘lim bilan yakunlanishi mumkin. Bunday patsiyentlar uchun V gepatiti bilan bog‘liq parametrlarni, jigar va buyrak faoliyati ko‘rsatkichlarini hamda davolash paytida virusga qarshi javobni monitoring qilish tavsiya etiladi. Har qanday sabab tufayli davolash to‘xtatilgan hollarda ham bunday patsiyentlarni davolash to‘xtatilganidan keyin kamida 6 oy davomida monitoringni davom ettirish tavsiya qilinadi. Jigar yetishmovchiligi belgilari bo‘lgan patsiyentlarning holatini davolash paytida yoki undan keyin; zaruratga ko‘ra, tez−tez monitoring qilish kerak. Yo‘ldosh immunosupressiv davolash, shu jumladan, kimyoterapiyani olayotgan bemorlarda lamivudinni qo‘llash haqidagi ma’lumotlar unchalik ko‘p emas. Lamivudin bilan davomiy davolash jarayonida lamivudinga sezuvchanligi past bo‘lgan V VG (YMDD shtammi) subpopulyatsiyasi identifikatsiya qilingan (“Farmakologik xususiyatlari”, “Klinik tadqiqotlar”ga qarang). Ba’zida virusning ushbu turi gepatitni zo‘rayishini chiqarishi mumkin. O‘z ichiga lamivudinni olgan antiretrovirus davolash olayotgan yoki endi oladigan OITV-infektsiyasi bilan birga V virusli gepatiti bo‘lgan patsiyentlarni davolashda, odatda OIVT-infektsiyasini davolash uchun tayinlanadigan lamivudinning dozasini saqlab qolish zarur. Lamivudinni qabul qiluvchi homilador ayollarda V gepatiti virusining transplatsentar o‘tishi haqidagi ma’lumotlar mavjud emas. Yangi tug‘ilgan chaqaloqlarni V gepatitiga qarshi immunizatsiyalash bo‘yicha standart protsedurani o‘tkazish tavsiya etiladi. Lamivudin bilan davolanish V gepatitining boshqa odamlarga yuqish xavfini kamaytirmasligi va shu boisdan, tegishli ehtiyot choralariga amal qilish zarurligi haqida bemorlarni ogohlantirish lozim. Homiladorlik va laktatsiya davrida qo‘llanishi

Homilador ayollarda o‘tkazilgan tadqiqotlar lamivudin yo‘ldosh orqali o‘tishini ko‘rsatdi. Yangi tug‘ilgan chaqaloqlarning tug‘ilgan paytidagi zardobida lamivudin kontsentratsiyasi ona qoni zardobi va kindik qonidagidek miqdorda bo‘lgan. Hayvonlarning reproduktiv faoliyatini o‘rganish yuzasidan tadqiqotlarda, teratogen ta’sirlar aniqlanmagan. Lamivudin homilador quyonlarga yuborilganida, u insonda erishilgan daraja bilan qiyoslanadigan darajada ta’sir qilganida, embrionlarni erta o‘limi ko‘rsatkichlarini biroz oshishini chaqirgan. Shunga qaramasdan, kalamushlarda, klinik ekspozitsiyadan taxminan 60 marta oshuvchi ekspozitsiyada (Cmax asosida), embrionlarni o‘limi yuzasidan dalillar yo‘q. Lamivudinni homiladorlik paytida faqat ona uchun kutilayotgan foyda, homila uchun bo‘lishi mumkin bo‘lgan xavfdan ustun bo‘lgan hollardagina qo‘llash mumkin. Hayvonlarda o‘tkazilgan tadqiqot natijalari inson uchun yaqqol to‘g‘ri kelmasligiga qaramasdan, quyonlardan olingan ma’lumotlar embrionlarni erta o‘lishi xavfi mavjudligini taxmin qilish imkonini beradi. Demak, lamivudin preparatini homiladorlikning birinchi uch oyligi davomida qo‘llash tavsiya etilmaydi. Agar homiladorlik lamivudin bilan davolash paytida yuz bergan bo‘lsa, unda preparat bekor qilinganidan keyin V gepatiti zo‘rayishi mumkinligini inobatga olish lozim (“Maxsus ko‘rsatmalar”ga qarang).

Simptomlari Eksperimental tadqiqotlar, lamivudinning juda yuqori dozalari toksik ta’sir ko‘rsatmasligini namoyish etdi. Odamlarda lamivudinning yuqori dozalarini qabul qilishning keyingi oqibatlari haqidagi ma’lumotlar yetarli emas. Shunday bo‘lsada, o‘lim bilan yakunlangan holatlar qayd etilmagan, barcha bemorlarning holati normallashgan. Lamivudinning dozasini oshirib yuborilishining spetsifik simptomlari aniqlanmagan. Davolash Doza oshirib yuborilganida, patsiyentning holatini nazorat qilish va standart davolashni o‘tkazish tavsiya etiladi. Lamivudinni chiqarish uchun uzluksiz gemodializni qo‘llash mumkin, biroq bu borada maxsus tadqiqotlar o‘tkazilmagan.

Retsept bo‘yicha

14 plyonka qobiq bilan qoplangan tabletkadan ikki yoklama alyuminiy folga va PVX plyonkasidan tayyorlangan blisterda. 2 blisterdan (2x14) qo‘llash bo‘yicha yo‘riqnomasi bilan birga karton qutida.

36 oy.