dumaloq, yassi, bir tomonida “ZP/F” logotipi va kesigi bo‘lgan oq rangli tabletkalar.

nosteroid yallig‘lanishga qarshi vositalar.

M01AV55

Diklofenak natriy – ichga bir marta qo‘llanganidan keyin ichakda tez va to‘liq so‘riladi, faol moddaning taxminan 50% jigar orqali birinchi o‘tishda metabolizmga uchraydi. 50 mg dozada preparatning qon plazmasidagi maksimal kontsentratsiyasi 1-2 soatdan keyin kuzatiladi va 1,5 mkg/ml (5 mkmol/l) ni tashkil qiladi. Ovqat so‘rilishini sekinlashtiradi, biroq so‘rilayotgan faol moddaning miqdori o‘zgarmaydi. Preparatni qon plazmasi oqsillari bilan bog‘lanishi 99,7% ni tashkil qiladi, bunda preparatning katta qismi (99,4) albuminlar bilan bog‘lanadi. Bo‘g‘im bo‘shlig‘idagi sinovial suyuqlikka yaxshi o‘tadi. Sinovial suyuqlikdan yarim chiqarilish davri – 3-6 soatni tashkil qiladi. Preparatning 60% metabolitlari ko‘rinishida buyraklar orqali, qolgan qismi esa o‘t-safro bilan chiqariladi. Buyraklar faoliyatini yaqqol buzilishi (kreatinin klirensi minutiga 10 ml dan kam) bo‘lgan bemorlarda o‘t-safro bilan chiqayotgan metabolitlarining ulushi oshadi, shuning uchun qonda ularning kontsentratsiyasini oshishi kuzatilmaydi. Paratsetamol ichga qabul qilinganida yaxshi va tez so‘riladi. Plazmada cho‘qqi kontsentratsiyasiga 30-90 minutdan so‘ng erishiladi. Organizmning deyarli barcha to‘qimalariga o‘tadi, yo‘ldoshga oson o‘tadi va ko‘krak suti bilan chiqariladi. Buyraklar orqali asosan metabolitlari holida chiqariladi. Yarim chiqarilish davri 1,5 soatdan 3 soatgacha o‘zgarib turadi. Jigar faoliyatini buzilishida preparatni organizmdan chiqarilishi sekinlashadi, bu esa metabolitlarini organizmda to‘planishiga olib keladi. Jigarda metabolizmga uchraydi va siydik bilan chiqariladi, metabolitlari farmakologik jihatdan faol emas, biroq to‘planganida jigar nekroziga olib kelishi mumkin.

Quyidagi kasalliklardagi kuchsiz va  o‘rtacha ifodalangan og‘riq sindromida qo‘llanadi: LOR–a’zolarining kasalliklari (faringit, tonzillit, otit);o‘t-safro chiqarish yo‘llarining kasalliklari (o‘t-safro sanchig‘i);siydik chiqarish yo‘llarining kasalliklari (buyrak sanchig‘i);bosh miya tomirlarining kasalliklari (migren);ayollar jinsiy a’zolarining kasalliklari (algodismenoreya, adneksit)tayanch-harakat apparatining kasalliklari (revmotoid artrit, osteoartroz, osteoxondroz);bo‘g‘imdan tashqari to‘qimalarning kasalliklari (tendovaginit, bursit)artrozlar;spondiloartrozlar;nevralgiya;mialgiya;jarohatlardan keyingi va operatsiyalardan keyingi og‘riqlar;tish og‘rig‘i;isitma sindromi.

Ichga. Tabletkalar butunligicha, chaynamasdan, yetrli miqdordagi suyuqlik bilan qabul qilinadi. Davolashni boshida kattalarga va tana vazni 60 kg dan ortiq 12 yoshdan oshgan o‘smirlarga sutkada 2-3 Zedpar forte tabletkasini buyurish tavsiya etiladi. Preparatni ovqatdan oldin qabul qilgan afzalroq. Me’daning yuqori sezuvchanligida preparat ovqat qabul qilinganidan keyin qo‘llanadi. Kasallikning o‘rtacha ifodalangan belgilarida, shuningdek uzoq muddatli davolashda, odatda sutkada preparatning 2 tabletkasini – bir tabletkadan ertalab va kechqurun qabul qilish yetarlidir. Maksimal bir martalik doza – 2 tabletka. Preparatni qabul qilish muddati – 7 kun, bolalarda – 3 kun. Tana vazni 30 kg dan ortiq 12 yoshdan oshgan bolalarga ½ tabletkadan sutkada 2-3 marta buyuriladi. Har bir navbatdagi qabul qilish orasidagi interval kamida 4 soat. Kattalarni davolashning maksimal davomiyligi – 7 kun, bolalarni – 3 kunni tashkil qiladi.

Me’da-ichak yo‘llari tomonidan: ko‘ngil aynishi, qusish, anoreksiya, noxushlik hissi (epigastral sohada og‘riqlar va spazmlar), meteorizm, ishtahani pasayishi. Kam: qon ketishi, perforatsiya bilan asoratlanadigan me’da-ichak yo‘llarining eroziv-yarali buzilishlari, aftozli stomatit, ezofagit; Markaziy nerv tizimi tomonidan: bosh og‘rig‘i, bosh aylanishi, yuqori charchoqlik. Kam hollarda: ko‘rishni buzilishi (ko‘rishni xiralashishi, diplopiya), quloqlarda shovqin, qo‘zg‘aluvchanlik, tirishishlar, uyquni buzilishi, depressiya, havotirlik hissi, ruhiy buzilishlar. Dermatologik reaktsiyalar: teri toshmasi, eshakemi, bullyoz toshmalar, ekzema, eritrodermiya, sochlarni to‘kilishi, fotosensibilizatsiya; Jigar faoliyati tomonidan: jigar faoliyatini buzilishi, shu jumladan gepatit (sariqlik bilan yoki sariqsiz). Qon yaratish tizimi tomonidan: alohida hollarda: trombotsitopeniya, leykopeniya, agranulotsitoz, gemolitik anemiya, aplastik anemiya; Yurak-tomir tizimi tomonidan: alohida hollarda taxikardiya, ko‘krak qafasi sohasida og‘riq, arterial gipertenziya, dimlangan yurak yetishmovchiligi. Allergik va immunobiologik reaktsiyalar: kam hollarda – bronxial astma xurujlari, tizimli anafilaktik (anafilaktoid) reaktsiyalar. Har qanday g‘ayri-tabiiy reaktsiyalar paydo bo‘lgan holda, preparatni keyingi qo‘llash bo‘yicha albatta shifokor bilan maslahatlashing.

preparatning komponentlariga yuqori sezuvchanlik;anamnezida bronxospazm, eshakemi, o‘tkir riniti bo‘lgan yoki diklofenak, paratsetamol, atsetilsalitsil kislotasi yoki boshqa NYAQV ni qo‘llash natijasida allergiyaning boshqa simptomlarining mavjudligi;zo‘rayish bosqichidagi me’da-ichak yo‘llarining eroziv-yarali shikastlanishlari (shu jumladan peptik yara, kron kasalligi, nospetsefik yarali kolit);homiladorlik, laktatsiya;12 yoshgacha bo‘lgan bolalarqon yaratish faoliyatini buzilishi, nafas yo‘llarining surunkali obstruktiv kasalliklari, burun poliplari, pichan isitmasi;buyraklar va jigar faoliyatini yaqqol buzilishlari;glyukozo-6-fosfatdegidrogenazaning tug‘ma tanqisligi.

Agarda Siz qandaydir boshqa dori preparatlarni qabul qilayotgan bo‘lsangiz, albatta shifokorni xabardor qiling! Preparat kaliy tejovchi diuretiklar bilan bir vaqtda buyurilganida qonda kaliyning darajasi oshishi mumkin. Dori preparatlarini bunday birga qo‘llanishida, kaliyning darajasini nazorat qilish lozim. Bilvosita antikoagulyantlar bilan bir vaqtda buyurilganida qon ketishlari rivojlanishi mumkin. Preparat qon plazmasida litiy, digoksin va tsiklosporinning kontsentratsiyasini oshirishi mumkin, shuning uchun ular birga qo‘llanganida oxirgi preparatlarning dozasini to‘g‘rilash lozim. Metotreksatni qabul qilishdan 24 soat oldin yoki keyin preparatni buyurishda extiyot bo‘lish kerak, chunki bunday hollarda qonda metotreksatning kontsentratsiyasi oshadi va uning toksik ta’siri kuchayadi. Fenotiazin bilan birga qo‘llanganida, kutilmagan gipotermiya, azidotimidin bilan esa – neytropeniya rivojlanishi mumkin. Preparat xloramfenikolning toksikligini kuchaytiradi, bilvosita antikoagulyantlar, difenin, peroral gipoglikemik preparatlarning ta’sirini kuchaytirishi va tiazid diuretiklarning diuretik va natriy uretik samarasini susaytirishi mumkin. Boshqa nosteroid yallig‘lanishga qarshi preparatlar, shuningdek glyukokortikoidlar bilan birga qo‘llanganida nojo‘ya ta’sirlarini ko‘payishi va kuchayishi yuz beradi.

Anamnezida me’da-ichak yo‘llarining eroziv-yarali buzilishlari bo‘lgan bemorlarga, shuningdek jigar, buyraklar, qon yaratish a’zolarining faoliyatini yaqqol buzilishi bo‘lgan patsiyentlarga preparatni buyurishda extiyotkorlikka rioya qilish lozim. Preparat yuqori dozalarda trombotsitlar agregatsiyasini bostirishi mumkin, shuning uchun gemostazi buzilgan patsiyentlarni sinchiklab kuzatish lozim. Preparatni keksalarda, surunkali yurak yetishmovchiligi, arterial gipertoniyasi, porfiriyasi bo‘lgan bemorlarda, shuningdek bevosita jiddiy jarroxlik aralashuvlaridan keyingi davrda ehtiyotkorlik bilan qo‘llash lozim. Preparat bilan davolanish vaqtida jigar, buyraklar faoliyatini va pereferik qon manzarasini nazorat qilish kerak. Diklofenak va paratsetamol ona sutiga o‘tadi, shuning uchun laktatsiya davrida preparatni buyurishning zarurati bo‘lganida emizishni to‘xtatish kerak. Preparatni qo‘llash vaqtida bosh aylanishini yoki ko‘rishni buzilishini his etayotgan patsiyentlar avtomobil boshqarishlari va potentsial xavfli mexanizmlar bilan ishlashlari mumkin emas. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, salqin, yorug‘likdan himoyalangan joyda 25ºC dan yuqori bo‘lmagan xona haroratida saqlansin.

Simptomlari: spetsifik simptomlari yo‘q. Buyraklar faoliyatini buzilishini rivojlanishi yoki tez avj olib boruvchi ko‘rinishidagi yuz va hiqildoqning shishlari, xansirash kabi allergik reaktsiyalar bo‘lishi mumkin. Davolash: me’dani yuvish ko‘rsatilgan, SH-guruhi donatorlarini yuborish tavsiya etiladi. Kaltsiy glyukonati yoki kaltsiy xloridini v/i ga yuborish, zarurati bo‘lganida glyukokortikoidlarni v/i ga yuborish, faollashtirilgan ko‘mir buyurish, shuningdek simptomatik davolashni o‘tkazish kerak. Preparatning tarkibiga paratsetamol kirishini hisobga olish kerak. Ichga 6 g dan ko‘proq paratsetamolni qabul qilish, jigarda og‘ir shikastlanishini chaqirishi mumkin, xatto jigar komasigacha rivojlanishi mumkin. Intoksikatsiya belgilarida (ko‘ngil aynishi, qusish, uyquchanlik, jigarni kattalashishi, sariqlikda) darhol shifokorni chaqirish va me’dani yuvish lozim. Qandaydir g‘ayri-tabiiy reaktsiyalar paydo bo‘lgan hollarda preparatni keyinchalik qo‘llash yuzasidan albatta shifokor bilan maslahatlashing.

Retsept bo‘yicha

10 tabletkadan PVX va alyumin folgali kontur uyali o‘ramda. 10 kontur uyali o‘ram qo‘llash bo‘yicha yo‘riqnomasi bilan birga karton qutida.

3 yil.