tsilindrik shaklli, chetlari yarim sferik, silliq va yaltiroq yuzali, qattiq tiniq bo‘lmagan kapsulalar. 250 mg li doza uchun – kapsulaning raqami 2, korpusi kizil-jigarang va qopqoqchasi sariq  rangli jelatin  kapsulalar. 500 mg li doza uchun – kapsulaning raqami 0, korpusi kizil-jigarang va qopqoqchasi sariq  rangli  jelatin  kapsulalar. Kapsulaning ichidagisi – oq yoki deyarli oq rangli kukun yoki granulalar. Kapsulaning ichidagisini bosilganida parchalanadigan konglomeratlar yoki tsilindrik massa ko‘rinishida kompaktlanishiga yo‘l qo‘yiladi.

antibiotiklar (penitsillinlar guruhi).

J01CA04

Unga yaqin bo‘lgan ampitsillinga nisbatan amoksitsillin yaxshi o‘zlashtiriladi, me’da-ichak yo‘llari (MIY) ning shilliq qavatini ta’sirlamaydi, biokiraolishligi yuqori, qonda yuqori kontsentratsiyalarni hosil qiladi. Amoksitsillin me’da shirasida parchalanmaydi va deyarli to‘liq so‘riladi. Plazmada maksimal kontsentratsiyasiga 1-2 soatdan keyin erishiladi. Amoksitsillin plazma oqsillari bilan 20% ga bog‘lanadi. Yarim chiqarilish davri 1-1,5 soatni tashkil etadi. Qabul qilingan dozaning 60% o‘zgarmagan holda chiqariladi. Yangi tug‘ilgan chaqaloqlarda va keksa yoshdagi patsiyentlarda yarim chiqarilish davri oshishi mumkin.

LOR-a’zolarini streptokokklar, beta-laktamaza ishlab chiqarmaydigan stafilokokklar va H.influenzae chaqirgan infektsiyalari; teri va yumshoq to‘qimalarning Staphylococcus spp., penitsillinaza ishlab chiqaradigan shtammlaridan tashqari shtammlari va E.coli chaqirgan infektsiyalari; yuqori va quyi nafas yo‘llarining penitsillinaza ishlab chiqarmaydigan stafilokokklar, streptokokklar va H.influenzae chaqirgan infektsiyalari; erkaklar va ayollarda asoratlanmagan gonoreya (uretrit, endotservitsit, rektit); Helicobacter pylori chaqirgan me’da yarasi; o‘t chiqarish yo‘llarining infektsiyalari; stomatologik, buyrak va uro-genital infektsiyalarda qo‘llaniladi.

Ichga qabul qilinadi. Dozalash tartibi shaxsiy ravishda belgilanadi. Ichga qabul qilish uchun kattalar va 10 yoshdan oshgan (tana vazni 40 kg dan ortiq bo‘lgan) bolalar uchun bir martalik dozasi 250-500 mg ni tashkil etadi, kasallikni og‘ir kechishida doza yana takror (1 g gacha) yuboriladi. 5-10 yoshdagi bolalar uchun bir martalik dozasi 250 mg ni tashkil etadi. Kattalar va o‘smirlar uchun qabul qilishlar orasidagi interval 8 soatni, maksimal dozasi sutkada 4,5 g ni tashkil etadi. Quyi nafas yo‘llarining infektsiyalarida kattalarga preparatni 0,5 g dan har 8 soatda qabul qilish, bolalarga sutkada 1 kg tana vazniga 40 mg 3 marta qabulga bo‘lish tavsiya etiladi; asoratlanmagan gonoreyada – 3 g bir marta qabul qilinadi; qorin tifida, kattalarga – sutkada 2-4 g dan 14 kun davomida, bolalarga – sutkada 2 g dan 21 kun davomida qabul qilinadi; qorin tifi bakteriyalarini tashuvchilarga – sutkada 2-4 g koprokultura reaktsiyasi manfiy bo‘lgunicha qabul qilinadi; enterokolitlarda – sutkada 1-2 g qabul qilinadi.

Ovqat hazm qilish tizimi tomonidan: ko‘ngil aynishi, diareya, glossit, stomatit bo‘lishi mumkin; ayrim hollarda – qon zardobida aminotransferazalarni biroz oshishi kuzatiladi. Allergik reaktsiyalar: kam hollarda – eshakemi, isitma, bo‘g‘imlarda og‘riq, Kvinke shishi; juda kam hollarda – ko‘p shaklli eritema, eksfoliativ dermatit, anafilaktik shok. Qorin tifi, leptospiroz yoki zahm sababli amoksitsillin qabul qilgan patsiyentlarda, bakteriyalarni lizisi bilan bog‘liq bo‘lgan Yarish-Gerksxeymer reaktsiyasi rivojlanishi mumkin. Qon yaratish tizimi tomonidan: trombotsitopeniya, agranulotsitoz, leykopeniya, eozonofiliya. MNT tomonidan: bosh aylanishi, toliqish bo‘lishi mumkin. Siydik chiqarish tizimi tomonidan: kam hollarda – interstitsial nefrit.

infektsion mononukleoz;limfoleykoz;MIY ni diareya yoki qusish bilan kechuvchi og‘ir darajadagi infektsiyalari;respirator virusli infektsiyalar;allergik diatez;bronxial astma;pichan isitmasi;penitsillin qatori antibiotiklariga ma’lum yoki taxmin qilingan yuqori sezuvchanlik.

Amoksitsillin va allopurinol bir vaqtda qo‘llanganida teri toshmasi paydo bo‘lishi mumkin. Amoksitsillin faqat ko‘payib borayotgan mikroorganizmlarga ta’sir qiladi, shuning uchun uni bakteriostatik antibiotiklar (masalan, tetratsiklinlar, xloramfenikol) bilan bir vaqtda buyurish mumkin emas. Amoksitsillinga sezuvchanlik sinamalari ijobiy bo‘lganida boshqa bakteritsid antibiotiklar (tsefalosporinlar, aminoglikozidlar) bilan majmuada buyurish mumkin. Probenetsid bilan bir vaqtda qo‘llanganida amoksitsillinni buyraklar orqali chiqarilishini buzilishi hisobiga, qon plazmasida uning kontsentratsiyasi uzoq vaqt davomida oshishi mumkin. Aksincha, amoksitsillinni to‘qimalarga taqsimlanishi va diffuziyasi probenetsid ta’sirida pasayishi mumkin. Amoksitsillin kam hollarda peroral kontratseptivlarning samaradorligini pasaytiradi. Antatsidlar bir vaqtda qabul qilinganida amoksitsillinni so‘rilishi pasayadi. Amoksitsillinni ichga qabul qilish uchun preparatlarini boshqa dori vositalari bilan nomutanosibligi bo‘yicha ma’lumotlar yo‘q.

Tsefalosporinlarga yuqori sezuvchanligi bo‘lgan patsiyentlarda kesishgan allergiya bo‘lishi mumkinligini hisobga olish kerak. Allergik reaktsiyalar rivojlanganida preparatni bekor qilish kerak. Davolash o‘tkazilganida suyuqlikni adekvat iste’mol qilish va yetarli darajada diurezni tutib turish juda muhim ahamiyatga egadir. Xolangit yoki xoletsistiti bo‘lgan bemorlarga antibiotiklarni faqat kasallik yengil darajada kechganida va xolestaz bo‘lmaganida buyurish mumkin. Uzoq muddat davolanganda rezistent mikroorganizmlar va zamburug‘larni ortiqcha o‘sib ketish ehtimolini hisobga olish kerak. Ikkilamchi infektsiya paydo bo‘lganida tegishli davolash buyuriladi. Tutqanoq va meningiti bo‘lgan patsiyentlarda va buyraklar faoliyati buzilganida tirishishlarni rivojlanish havfi yuqori bo‘ladi. Laborator ko‘rsatkichlarni nazorat qilish Preparat yuqori dozalarda uzoq muddat qo‘llanganida jigar faoliyati ko‘rsatkichlarini nazorat qilish, buyrak kasalliklari bo‘lgan patsiyentlarda shuningdek teri toshmalari paydo bo‘lganida siydik tahlilini o‘tkazish va buyrak faoliyati ko‘rsatkichlarini aniqlash kerak. Dinamikada antiteloga bog‘liq reaktsiyalar va gemolitik anemiyani aniqlash maqsadida qon hujayralari sonini aniqlash maqsadga muvofiqdir.

30oS dan yuqori bo‘lmagan, kuruq va yorug‘likdan himoyalangan joyda saqlansin.

Simptomlari: ko‘ngil aynishi, qusish, diareya, oqibatda suv-elektrolitlar muvozanatini buzilishi. Davolash: spetsifik antidoti yo‘q. Me’dani yuvish, faollashtirilgan ko‘mir, tuzli surgi vositalar buyuriladi; suv-elektrolitlar muvozanatini tutib turish bo‘yicha choralar o‘tkaziladi. Gemodializ.

Retsept bo‘yicha

250 mg yoki 500 mg kapsulalar. 6 kapsuladan PVX plyonka va alyumin folgali , blisterda, 2 kontur uyali o‘ram qo‘llash bo‘yicha yo‘riqnomasi bilan birga shaxsiy karton qutiga joylanadi.

3 yil.