25 mg li tabletkalar – och-qizil, dumaloq, ikki tomoni qabariq, qandli qobiq bilan qoplangan tabletkalar. 50 mg li tabletkalar – qizg‘ish-jigarrang, dumaloq, ikki tomoni qabariq, qandli qobiq bilan qoplangan tabletkalar.

Nosteroid yallig‘lanishga va revmatizmga qarshi vositalar. Sirka kislotasining hosilalari va birikmalari.

M01AV05.

So‘rilishi Diklofenak tez va to‘liq so‘riladi. So‘rilishi bevosita preparat qo‘llanganidan keyin boshlanadi, so‘rilgan moddaning miqdori esa, gastrorezistent tabletkalar ko‘rinishida qo‘llanayotgan diklofenak natriyning ekvivalent dozasi qabul qilinganida so‘rilayotgan miqdoriga muvofiq keladi. Qon plazmasidagi preparatni maksimal kontsentratsiyasi 3,8 mkmol/l ni tashkil qiladi va 50 mg dozali tabletka qabul qilinganidan keyin 20-60 minut davomida erishiladi. Preparat ovqatlanish vaqtida qo‘llanganida, garchi so‘rilishini boshlanishi va tezligi biroz sekinlashsa xam, diklofenakning so‘rilish miqdoriga ta’sir etmaydi. Taqsimlanishi Diklofenakning qon zardobi oqsillari bilan bog‘lanishi 99,7% ni tashkil qiladi, asosan albumin bilan (99,4%) Taqsimlanish hajmi 0,12-0,17 l/kg ni tashkil qiladi. Diklofenak sinovial suyuqligiga o‘tadi, u yerda uning maksimal kontsentratsiyasiga qon plazmasidagi cho‘qqi qiymatlarga erishilganidan keyin 2-4 soat o‘tgach erishiladi. Sinovial suyuqligidan yarim chiqarilish davri 3-6 soatni tashkil qiladi. Qon plazmada cho‘qqi darajalarga erishganidan keyin 2 soat o‘tgach ta’sir qiluvchi moddaning sinovial suyuqligidagi kontsentratsiyasi plazmadagiga qaraganda yuqoriroq bo‘ladi va yana 12 soat davomida shunday bo‘lib qoladi. Biotransformatsiyasi Diklofenakning biotransformatsiyasi qisman intakt molekulaning glyukuronizatsiyasi yo‘li orqali yuz beradi, ammo asosan biotransformatsiya bir martalik va ko‘p martalik gidroksillanish va metoksillanish yo‘llari orqali yuz beradi, va bir necha fenol metabolitlarining (3’-gidoksi-, 4’-gidroksi-, 5’-gidkoksi-, 4’,5-digidroksi- va 3’-gidroksi-4’-metoksi-diklofenak) hosil bo‘lishiga olib keladi. Ularning asosiy qismi keyinchalik glyukuronidli kon’yugatlarga aylanadi. Bu fenol metabolitlaridan ikkitasi biologik faol, ammo diklofenakka nisbatan ahamiyatli kam darajada namoyon bo‘ladi. Chiqarilishi Diklofenakning qon plazmasidan to‘liq tizimli klirensi 263±56 ml/min (o‘rtacha ± standart og‘ish) ni tashkil qiladi. Qon plazmasidan yakuniy yarim chiqarilish davri 1-2 soatni tashkil qiladi. To‘rt metabolitining, shu jumladan ikki farmakologik faollarining yarim chiqarilish 1-3 soatni tashkil qiladi. Amalda nofaol metaboliti, 3’-gidoksi-4’-metoksi-diklofenak ancha davomliroq yarim chiqarilish davriga ega. Dozaning taxminan 60% siydik bilan metabolitlari ko‘rinishida, 1% dan kamrog‘i esa o‘zgarmagan modda ko‘rinishida chiqariladi. Qolgan qismi metabolitlari ko‘rinishida ahlat bilan chiqariladi. Alohida guruh patsiyentlardagi farmakokinetikasi Patsiyentning yoshiga bog‘liq preparatni so‘rilishi, metabolizmi va chiqarilishida ahamiyatli farqlar kuzatilmagan. Buyraklar faoliyatini buzilishi bo‘lgan patsiyentlarda preparat odatdagi sxema bo‘yicha qo‘llanganida, preparatning bir martalik dozasining kinetikasi, o‘zgarmagan ta’sir qiluvchi moddaning kumulyatsiyasini har qanday shakli borligini ko‘rsatmaydi. Kreatinin klirensi minutiga 10 ml dan kamroq bo‘lgan patsiyentlarda qon plazmasida metabolitlarining nazariy muvozanatli kontsentratsiyalari sog‘lom patsiyentlarga nisbatan taxminan 4 marta yuqori. Biroq oxir oqibatda bu metabolitlari safro bilan chiqariladi.

Voltaren® Rapid 25 mg va 50 mg Quyidagi o‘tkir holatlarda qisqa muddatli davolashda (maksimum 2 hafta): posttravmatik og‘riq, yallig‘lanish va shishlar, masalan, paylarni cho‘zilishlari oqibatidagi;operatsiyadan keyingi og‘riq, yallig‘lanish va shish, masalan, stomatologik yoki ortopedik operatsiyalardan keyingi;yallig‘lanish bilan kechadigan ginekologik kasalliklardagi davom etgan og‘riq va/yoki yallig‘lanishda, masalan, birlamchi dismenoreya yoki adneksitda;umurtqa pog‘onasi tomonidan og‘riq sindromlari;bo‘g‘imdan tashqari to‘qimalarning revmatik kasalliklari;LOR-a’zolarining infektsiyalarida yordamchi vosita sifatida, masalan, yaqqol og‘riq va yallig‘lanish bilan birga kechuvchi faringotonzillitda, otitda. Voltaren® Rapid 50 mg katta patsiyentlarga darakchi simptomlar bilan yoki ularsiz kechuvchi migren xurujlari. Infektsion-yallig‘lanish kasalliklarini davolashning umumiy qabul qilingan davolash rejasiga ko‘ra, etiotrop vositalarni ham qo‘llash kerak. Faqatgina haroratni oshishi Voltaren® Rapidni qo‘llash uchun ko‘rsatma bo‘laolmaydi.

Umumiy tavsiyalarga muvofiq preparatni kasallikning simptomlarini yengillashtirish uchun yetarli bo‘lgan minimal vaqt davomida eng past samarali dozalarda qo‘llash kerak. Tabletkalarni chaynamasdan, suv bilan, yaxshisi ovqatdan oldin butunligicha yutish kerak. 14 yoshdan katta bolalar  uchun sutkalik doza 50-100 mg ni tashkil qiladi, uni 2-3 qabulga bo‘lish kerak. 150 mg bo‘lgan maksimal sutkalik dozani oshirish kerak emas. Hozirgi vaqtda 18 yoshgacha bo‘lgan bolalarda migrenning xurujlarini davolash uchun Voltaren® Rapidni qo‘llash bo‘yicha ma’lumotlar yo‘q. Kattalar uchun tavsiya qilinadigan preparatning sutkalik dozasi 100-150 mg ni tashkil qiladi. Simptomlar o‘rtacha ifodalangan xolda, odatda, preparatni 75-100 mg sutkalik dozada qo‘llash yetarli bo‘ladi. Sutkalik dozani 2-3 bo‘lib qabul qilish kerak. Birlamchi dismenoreyada Voltaren® Rapidning sutkalik dozasini har bir bemorga aloxida tanlash kerak. Sutkalik doza odatda 50-100 mg ni tashkil qiladi. Zarurati bo‘lganida, keyingi bir necha xayz ko‘rish tsikllarida doza maksimal – 200 mg sutkalik dozagacha oshiriladi. Voltaren® Rapid tabletkalarini qo‘llashni birinchi simptomlar boshlanganida boshlash va reaktsiya va simptomatikaga qarab bir necha kun davomida davom ettirish kerak. Migren Preparatni xurujning birinchi belgilarida qo‘llash kerak. Tavsiya qilingan doza 50 mg ni tashkil qiladi. Keyingi 50 mg ni birinchi qabuldan keyin 2 soat o‘tgach qo‘llash mumkin. Zarurati bo‘lganida, preparatni 4-6 soatdan keyin davom ettirish mumkin, lekin preparatning maksimal sutkalik dozasi 200 mg ni tashkil qilishini yodda tutish kerak.

Quyidagi nojo‘ya samaralar Voltaren® Rapid preparati va/yoki diklofenakning boshqa dori shakllari qisqa yoki davomli kursda qo‘llanganida xabar berilgan reaktsiyalarni o‘z ichiga oladi. Nojo‘ya samaralari paydo bo‘lishining tez-tezligi (dastlab eng tez-tezlari) quyidagi qoidalarni ishlatish bilan tasniflanadi: juda tez-tez (>1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda (<1/10000), shu jumladan yakka hollar ham. Qon yaratish tizimi va limfatik tizimi tomonidan buzilishlari: juda kam hollarda – trombotsitopeniya, leykopeniya, anemiya (shu jumladan gemolitik va aplastik anemiya), agranulotsitoz. Immun tizimi tomonidan buzilishlari: kam hollarda – o‘ta yuqori sezuvchanlik; anafilaktik va anafilaktoid reaktsiyalar (xususan arterial gipotenziya va shok); juda kam hollarda – angionevrotik shish (xususan yuzni shishi). Ruxiy buzilishlar: juda kam hollarda – dezoriyentatsiya, depressiya, uyqusizlik, tungi dahshatli tush ko‘rishlar, ta’sirchanlik, psixotik buzilishlar. Markaziy nerv tizimi tomonidan buzilishlar: tez-tez – bosh og‘rig‘i, bosh aylanishi; kam hollarda – uyquchanlik; juda kam hollarda – paresteziyalar, xotirani buzilishi, tirishishlar, xavotirlik xissi, tremor, aseptik meningit, ta’mni buzilishi, insult. Ko‘rishni buzilishlari: juda kam hollarda – ko‘rishni buzilishi, ko‘rishni xiralashishi, diplopiya. Eshitish va vestibulyar apparatini buzilishlari: tez-tez – vertigo; juda kam hollarda – quloqlarda shovqin, eshitishni yomonlashishi. Yurak tomonidan buzilishlar: juda kam hollarda – yurakni urib ketishi, ko‘krakda og‘riq, yurak yetishmovchiligi, miokard infarkti, arterial gipertenziya. Tomir tizimi tomonidan buzilishlar: juda kam – vaskulit. Nafas tizimi ko‘krak qafasi va ko‘ks oralig‘i a’zolari tomonidan buzilishlar: kam hollarda – astma (shu jumladan dispnoe); juda kam hollarda – pnevmonit. Me’da-ichak yo‘llari tomonidan buzilishlar: tez-tez – ko‘ngil aynishi, qusish, diareya, dispepsiya, qorinda og‘riq, meteorizm, ishtahani yo‘qolishi; kam hollarda – gastrit, me’da-ichakdan qon ketishi, qonli qusish, gemorragik diareya, melena, me’da-ichak yaralari (qon ketishi yoki perforatsiya bilan yoki ularsiz); juda kam hollarda – kolit (shu jumladan gemorragik kolit va yarali kolitni zo‘rayishi yoki Kron kasalligi), qabziyat, stomatit, glossit, qizilo‘ngach faoliyatini buzilishi, diafragmasimon intestinal strikturalar, pankreatit. Gepatobiliar tizimi tomonidan buzilishlar: tez-tez – transaminazalar darajasini oshishi; kam hollarda – gepatit, sariqlik, jigar faoliyatini buzilishlari;

Ta’sir qiluvchi moddaga yoki yordamchi moddalarga o‘ta yuqori sezuvchanlik.Atsetilsalitsil kislotasini yoki boshqa nosteroid yallig‘lanishga qarshi vositalar qo‘llanganidan keyin anamnezdagi bronxospazm, eshakemi yoki o‘tkir rinit, nazal poliplar kabi allergik reaktsiyalar yoki allergiyaga o‘xshash simptomlarda.Me’da yarasi va/yoki duodenal yaralar, me’da-ichak qon ketishilari yoki perforatsiya.Ichakning yallig‘lanish kasalliklari (Kron kasalligi yoki yarali kolit).Og‘ir jigar yetishmovchiligi (Chayld-Pyu shkalasi bo‘yicha S sinfi, jigar tsirrozi va astsit).Og‘ir buyrak yetishmovchiligi (kreatinin klirensi <30 ml/min).Og‘ir yurak yetishmovchiligi (NYHA bo‘yicha III-IV sinfi).Yurakdagi operatsiyadan keyin operatsiyadan keyingi og‘riqni davolash.Homiladorlikning oxirgi uch oyligi.

Voltaren® Rapid preparatini va/yoki diklofenakning boshqa dozalari va shakllarini qo‘llashda o‘zaro ta’sirning quyidagi turlari kuzatilgan. Litiy. Bir vaqtda qo‘llanganida diklofenak qon plazmasida litiyning kontsentratsiyasini oshirishi mumkin. Qon plazmasida litiyning darajasini nazoratini o‘tkazish tavsiya qilinadi. Digoksin. Bir vaqtda qo‘llanganida diklofenak qon plazmasida digoksinning kontsentratsiyasini oshirishi mumkin. Qon plazmasida digoksinning darajasini nazoratini o‘tkazish tavsiya qilinadi. Siydik haydovchi va antigipertenziv vositalar. Boshqa NYAQV bilan bo‘lgani kabi, diklofenak va siydik haydovchi yoki antigipertenziv preparatlarni (masalan, beta-adrenoblokatorlar, angiotenzin-aylantiruvchi ferment (AAF) ingibitorlari) antigipertenziv samarani pasayishiga olib kelishi mumkin. Shuning uchun bu preparatlarning majmuasini ehtiyotkorlik bilan qo‘llash kerak, patsiyentlarga esa, ayniqsa keksa yoshda, arterial bosimni vaqti-vaqti bilan nazorat qilish kerak. Patsiyentlar suyuqlikning kerakli dozalarini olishlari kerak, buyraklarning faoliyatini majmuaviy davolash boshlanganidan keyin, keyinchalik esa – muntazam, nefrotoksiklik xavfini yuqoriligi tufayli, ayniqsa diuretiklar va AAF ingibitorlari qo‘llanganida, nazorat qilish kerak. Kaliy tejovchi diuretiklarni qo‘llash bilan bir vaqtda davolash qon zardobida kaliyning darajasini oshishiga olib kelishi mumkin, shuning uchun doimo kaliyning darajasini tekshirish kerak. Boshqa NYAQV va kortikosteroidlar. Diklofenakni tizimli ta’sirga ega boshqa NYAQV yoki kortikosteroidlar bilan bir vaqtda qo‘llash MIY tomonidan nojo‘ya reaktsiyalarning paydo bo‘lishi tez-tezligini oshirishi mumkin. Antikoagulyantlar va antitrombotik vositalar ehtiyotkorlik bilan buyuriladi, chunki bir vaqtda diklofenakni qo‘llash, qon ketishlari xavfini oshirishi mumkin. Garchi klinik tekshirishlar diklofenakni antikoagulyantlarning samarasiga ta’sir ko‘rsatishini ko‘rsatmasa ham, bir vaqtda diklofenak va antikoagulyantlarni olayotgan patsiyentlarda qon ketishi paydo bo‘lishi xavfini oshishi haqida alohida xabarlar bor. Bunday patsiyentlarning xolatini doimiy nazorat qilish tavsiya etiladi. Serotoninni qayta qamrab olinishining selektiv ingibitorlari (SQQOSI). Tizimli ta’sirga ega NYAQP, shu jumladan diklofenakni va SQQOSI bir vaqtda buyurish me’da-ichak yo‘llaridan qon ketishining xavfini oshirishi mumkin. Diabetga qarshi preparatlar. Klinik tekshirishlar diklofenakni peroral diabetga qarshi vositalari bilan, ularning klinik samarasiga ta’sir qilmasdan bir vaqtda buyurish mumkinligini ko‘rsatgan. Biroq gipoglikemiya va giperglikemiyaning rivojlanishi haqida alohida xabarlar bo‘lgan, bu diabetga qarshi preparatlarning dozasini to‘g‘rilashni talab qiladi. Majmuaviy davolash davomida qondagi glyukozaning darajasini nazorat qilish tavsiya qilinadi. Metotreksat. Metotreksat bilan davolashdan kamida 24 soat oldin yoki keyin NYAQV ehtiyotkorlik bilan qo‘llanadi, chunki qonda metotreksatning kontsentratsiyasi oshadi va toksikligi kuchayadi. Tsiklosporin. Diklofenak, boshqa NYAQV kabi, buyrak prostaglandinlariga ta’siri oqibatida tsiklosporinning nefrotoksikligini oshirishi mumkin. Shuning uchun diklofenakni tsiklosporinni qabul qilayotgan patsiyentlarga nisbatan kichikroq dozalarda qo‘llash kerak. Xinolon qatori antibiotiklari. Xinolonlar va NYAQV ni bir vaqtda qo‘llash bilan paydo bo‘lishi mumkin bo‘lgan tirishishlar haqida alohida xabarlar bo‘lgan. CYP2C9 ning kuchli ingibitorlari. Diklofenak va CYP2C9 ning kuchli ingibitorlari (sulfinpirazon va vorikonazol kabi) bilan bir vaqtda ehtiyotkorlik bilan buyuriladi, bu diklofenakning metabolizmini susayishi hisobiga diklofenakning qon plazmasidagi cho‘qqi kontsentratsiyasini va uning organizmga ta’sirini ahamiyatli oshishiga olib kelishi mumkin. Giperkaliyemiyani chaqiruvchi preparatlar. Kaliy tejovchi diuretiklar, tsiklosporin, takrolimus yoki trimetoprim bilan yo‘ldosh davolash kaliyning zardobdagi darajasini oshirishi mumkin. Shuning uchun qon zardobidagi kaliyning darajasini tez-tez nazorat qilish kerak. Fenitoin. Fenitoin bir vaqtda diklofenak bilan ishlatilganida mumkin bo‘lgan fenitoinning ta’sirini oshishi tufayli, plazmada fenitoinning kontsentratsiyasini monitoringini amalga oshirish tavsiya qilinadi.

Tizimli ta’sirga ega NYAQV qo‘llash bo‘yicha umumiy ogohlantirishlar Me’da-ichak qon ketishlari, yara yoki perforatsiyalar hosil bo‘lishi xavfini kamaytirish uchun, ular NYAQV bilan davolashning har qanday davrida, TsOG-2 ga nisbatan selektivlikdan qat’iy nazar va xatto darakchi simptomlari yoki anamnezida moyillikning omillari yo‘qligida ham paydo bo‘lishi mumkin, qisqa vaqt davomida eng kam samarali dozani qo‘llash kerak. MIY tomonidan buzilishlari, jigar faoliyatini buzilishlari yoki anamnezida me’da yoki ichak yarasiga gumon bo‘lgan patsiyentlarda ushbu preparatni faqat mutloq ko‘rsatmalar holida sinchkov nazorat ostida qo‘llash kerak. Platsebo-nazoratli tekshirishlarda TsOG-2 ning ayrim selektiv ingibitorlari qo‘llanganida trombotik kardiovaskulyar va tserebrovaskulyar asoratlarning yuqori xavfi paydo bo‘lishi namoyish qilingan. Hozirgi vaqtda bu xavfni alohida NYAQV ni TsOG-1/ TsOG-2 bilan selektivligi bilan bevosita korrelyatsiya qilishi aniq ma’lum emas. Hozirgi vaqtda qiyoslash uchun diklofenakning maksimal dozalari bilan davomli davolashga nisbatan klinik ma’lumotlarning yo‘qligi tufayli, bunday yuqori xavf mavjudligini istisno qilish mumkin emas. Hozirgi vaqtgacha bunday ma’lumotlar olinmagan, klinik tasdiqlangan yurak ishemik kasalligi, tserebrovaskulyar buzilishlari, periferik arteriyalarning obliteratsiya kasalliklari yoki ahamiyatli xavf omillari (masalan, gipertenziya, giperlipidemiya, qandli diabet, chekish) bo‘lgan patsiyentlarga diklofenakni buyurishdan oldin, xavf-foyda nisbatini sinchiklab baholash kerak. Bunday xavf mavjudligi tufayli eng qisqa vaqt davomida samarali eng past dozalarni qo‘llash kerak. NYAQV qabul qilayotgan patsiyentlarda nojo‘ya kardiovaskulyar asoratlarning potentsial xavfini minimumga yetkazish uchun, ayniqsa yurak qon-tomir xavf omillari bo‘lgan patsiyentlarda, davolashning yo‘l qo‘yilgan eng kam davomiyligida, minimal samarali dozani qo‘llash kerak. NYAQV buyraklarga ta’siri suyuqlikni tutilishi va shishlar va/yoki arterial gipertenziya bilan bog‘liq. Shuning uchun yurak tomonidan buzilishlari yoki suyuqlikni tutilishiga moyilligi bo‘lgan boshqa holatlari bo‘lgan patsiyentlarda diklofenakni ehtiyotkorlik bilan qo‘llash kerak. Bir vaqtda diuretiklarni yoki AAF ingibitorlarini qabul qilayotgan, yoki gipovolemiya rivojlanishining yuqori xavfiga ega bo‘lgan patsiyentlarda preparat ehtiyotkorlik bilan qo‘llanadi. Voltaren® Rapid tabletkalari gastrorezistent qobiq bilan qoplanmagan. Ta’sir qiluvchi moddaning me’dada ajralib chiqishida shilliq qavatining mahalliy qo‘zg‘alishi paydo bo‘lishi mumkin. Barcha NYAQV, shu jumladan diklofenak qo‘llanganida me’da-ichak qon ketishlari, yaralar yoki perforatsiya rivojlanishi xaqida xabar berilgan, ular fatal bo‘lishi va darakchi-simptomlar yoki anamnezdagi jiddiy me’da-ichak buzilishlar bilan yoki ularsiz paydo bo‘lishi mumkin. Keksa patsiyentlarda bunday asoratlar odatda jiddiyroq asoratlarga ega bo‘ladi. Voltaren® Rapid preparati bilan davolanayotgan patsiyentlarda me’da-ichak qon ketishlari yoki yaralar paydo bo‘lganida, ushbu dori vositasini bekor qilish kerak. Juda kam hollarda NYAQV, shu jumladan Voltaren® Rapidni qo‘llash bilan bog‘liq bo‘lgan jiddiy teri reaktsiyalari (ayrim hollarda fatal), shu jumladan eksfoliativ dermatit, Stivens-Djonson sindromi va toksik epidermal nekroliz haqida xabar berilgan. Bunday reaktsiyalarni paydo bo‘lishining eng yuqori xavfi davolashning boshida bo‘ladi, bu reaktsiyalarni paydo bo‘lishi esa, odatda davolashning birinchi oyi davomida yuz beradi. Toshmaning, shilliq qavatlarining shikastlanishini birinchi belgilari paydo bo‘lganida yoki o‘ta yuqori sezuvchanlikning boshqa belgilarida Voltaren® Rapid preparatini bekor qilish kerak. Barcha analgetiklarni qo‘llashdagi kabi, bosh og‘rig‘ini davolash uchun preparatni uzoq muddat qo‘llashda holatni yaxshilanishi yoki yomonlashishi kuzatilishi mumkin (dori vositalarini xaddan ziyod qo‘llash oqibatidagi bosh og‘rig‘i). Agar bosh og‘rig‘i analgetiklarni xaddan ziyod qo‘llash oqibatida paydo bo‘lsa, analgetiklarning dozasini oshirish kerak emas. Bunday hollarda davolashni to‘xtatish kerak. Preparatlarni xaddan ziyod qo‘llash oqibatidagi bosh og‘rig‘ini, analgetiklarni muntazam qabul qilishga qaramasdan yoki oqibatida bosh og‘rig‘ining xurujlari tez-tez yoki har kuni bo‘lib turadigan patsiyentlarda gumon qilish mumkin. Boshqa NYAQV qo‘llashdagi kabi, kam xatto diklofenakni oldingi qo‘llashsiz allergik reaktsiyalar (shu jumladan anafilaktik-anafilaktoid reaktsiyalar) rivojlanishi mumkin. Boshqa NYAQV kabi Voltaren® Rapid o‘zining farmakokinetik xususiyatlari tufayli infektsiyaning belgilari va simptomlarini niqoblashi mumkin. Ogohlantirishlar Umumiy. Sinergik ta’sirining afzalligi yuzasidan dalillarning yo‘qligi, shuningdek qo‘shimcha nojo‘ya samaralarini yuz berishi tufayli, Voltaren® Rapid va boshqa tizimli ta’sirga ega NYAQV ni, shu jumladan TsOG-2 ning selektiv ingibitorlarini bir vaqtda qo‘llashdan saqlanish kerak. Keksa yoshli patsiyentlarda preparatni ehtiyotkorlik bilan qo‘llash kerak. Xususan, keksa yoshli jismoniy zaif patsiyentlarga yoki tana vazni normadan past patsiyentlarga past samarali dozalarni buyurish tavsiya qilinadi. Voltaren® Rapid tabletkalari saxaroza saqlaydi, shuning uchun kam uchraydigan nasliy fruktozani o‘zlashtiraolmaslik, glyukoza-galaktozani kam so‘rilishi yoki saxaraza-izomaltazaning yetishmovchiligi bo‘lgan patsiyentlarga tavsiya qilinmaydi. Anamnezdagi astma. Astma, mavsumiy allergik rinit, burun shilliq qavatini shishi (masalan, nazal poliplar), o‘pkalarning surunkali obstruktiv kasalligi (O‘SOK) yoki nafas yo‘llarining surunkali infektsiyalari (ayniqsa, allergik rinitning simptomlariga o‘xshash ko‘rinishlar) bo‘lgan patsiyentlarda, NYAQV qabul qilinganida, boshqa patsiyentlarga qaraganda ko‘proq astmani zo‘rayishi (analgetiklarni o‘zlashtiraolmaslik yoki analgetik astma deb nomlanuvchi), Kvinke shishi, eshakemi kabi nojo‘ya samaralari paydo bo‘ladi. Yuqorida ko‘rsatilganlar boshqa preparatlar qo‘llanganidagi allergik ko‘rinishlarga, masalan, toshma, qichishish, eshakemiga ham taalluqli. Me’da-ichak yo‘llariga (MIY) ta’siri. Boshqa NYAQV qo‘llashdagi kabi, MIY tomonidan buzilishlarga ishora qiluvchi, yoki anamnezida me’da yoki ichakning yarasi, qon ketishi yoki perforatsiyasiga ko‘rsatmalari bo‘lgan simptomlari bo‘lgan patsiyentlarga Voltaren® Rapid preparatini buyurishda sinchkov tibbiy nazorat va alohida ehtiyotkorlik kerak. MIY qon ketishining xavfi NYAQV dozasi oshirilganida, shuningdek anamnezida yarasi bo‘lgan patsiyentlarda, ayniqsa agar asoratlari (qon ketish yoki perforatsiya) bo‘lgan bo‘lsa, va keksa yoshli patsiyentlarda oshadi. Bunday patsiyentlarda MIY toksik ta’sirining xavfini kamaytirish uchun, davolashni past samarali dozalardan boshlash va saqlab turish kerak. Bunday patsiyentlarga, shuningdek atsetilsalitsil kislotasi yoki MIY ga zararli ta’sir xavfini oshiruvchi boshqa preparatlarni saqlovchi preparatlar bir vaqtda qo‘llash kerak bo‘lgan patsiyentlar uchun, himoyalovchi vositalarni (masalan, proton pompasining ingibitorlari yoki mizoprostol) qo‘llash bilan majmuaviy davolashni buyurish imkoniyatini ko‘rib chiqish kerak. Anamnezida MIY zaharli ta’siri bo‘lgan patsiyentlar, ayniqsa keksa yoshli, shifokorga har qanday odatdagi bo‘lmagan abdominal simptomlar (ayniqsa MIY qon ketishi) haqida xabar berishlari kerak. Bir vaqtda yaralar yoki qon ketishi xavfini oshirishi mumkin bo‘lgan dori vositalarini (tizimli ta’sirga ega bo‘lgan kortikosteroidlar, antikoagulyantlar, antitrombotik preparatlar yoki serotoninni qayta qamrab olinishining selektiv ingibitorlari) qo‘llayotgan patsiyentlarga preparat ehtiyotkorlik bilan buyuriladi. Jigarga ta’siri. Jigar tomonidan buzilishlari bo‘lgan patsiyentlarga doimiy tibbiy kuzatuvni ta’minlash kerak, chunki ularning holati yomonlashishi mumkin. Boshqa NYAQV qo‘llashdagi kabi, jigarning bir yoki ko‘proq fermentlarining darajasi oshishi mumkin. Bu diklofenak klinik sinovlarda qo‘llanganida juda tez-tez (taxminan 15% patsiyentlarda) kuzatilgan, lekin juda kam klinik ko‘rinishlar bilan birga kechgan, Ko‘pchilik hollarda jigar fermentlarining chegara darajalarigacha oshishi kuzatilgan. Ko‘pincha (2,5% hollarda) bunday o‘sish o‘rtacha bo‘lgan (normaning yuqori chegarasidan ≥3 -<8 marta yuqori), shu vaqtning o‘zida yaqqol oshishining tez-tezligi (normaning yuqori chegarasidan ≥8 marta yuqori) taxminan 1% da qolgan. Yuqorida ko‘rsatilgan klinik tekshirishlar davomida jigar fermentlarining darajasini oshishi 0,5% hollarda jigar shikastlanishining klinik ko‘rinishlari bilan birga kechgan. Fermentlarning darajasini o‘sishi, odatda preparat bekor qilinganidan keyin qaytuvchi bo‘lgan. Voltaren® Rapid preparati faqat qisqa davolash kursi (2 haftadan ko‘p emas) uchun tavsiya qilinganligini ta’kidlash kerak. Diklofenak uzoq muddatli davrga buyurilgan holda jigar faoliyatini muntazam kuzatish ogohlantirish chorasi hisoblanadi. Agarda jigar faoliyatini buzilishi kuzatilsa, agar klinik belgilari yoki simptomlari jigar kasalligini rivojlanishidan dalolat bersa yoki agarda boshqa simptomlar, masalan eozinofiliya, toshma paydo bo‘lsa, ushbu preparatni qo‘llashni to‘xtatish kerak. Gepatit prodromal simptomlarsiz paydo bo‘lishi mumkin. Jigar fermentlarining darajasini oshishidan tashqari, kam jigar tomonidan og‘ir reaktsiyalar haqida, shu jumladan sariqlik va fulminant gepatit, jigar nekrozi va jigar yetishmovchiligi haqida xabar berilgan, ular ayrim hollarda fatal bo‘lgan. Xurujni qo‘zg‘atishining extimoli tufayli, jigar porfiriyasi bo‘lgan patsiyentlarga diklofenak ehtiyotkorlik bilan qo‘llanadi. Buyrakka ta’siri.

Homiladorlik. Hayvonlardagi tadqiqotlar homiladorlik, embrional/fetal rivojlanishga, tug‘ruq yoki postnatal rivojlanishga bevosita yoki bilvosita toksik ta’sirini ko‘rsatmagan. Voltaren® Rapidni homiladorlikning birinchi ikki uch oyliklari davomida, agar ona uchun preparatni qo‘llashdan potentsial foyda, homila uchun xavfdan ustun bo‘lgan holdan tashqari holda qo‘llash mumkin emas. Preparatni homiladorlikning oxirgi III oyligi davomida qo‘llash mumkin emas, chunki tug‘ruq faoliyatini susaytirishi va homilada arterial yo‘lini muddatidan oldin yopilishi mumkin. Emizish. Boshqa NYAQV kabi diklofenak oz miqdorda ko‘krak sutiga o‘tadi, shuning uchun bolada nojo‘ya samaralarini rivojlanishidan saqlanish uchun Voltaren® Rapidni emizish davrida buyurish mumkin emas. Fertillik. Boshqa NYAQV kabi Voltaren® Rapid ayollarning fertilligiga ta’sir qilishi mumkin va shuning uchun homiladorlikni rejalashtirgan ayollarga tavsiya qilinmaydi. Homilador bo‘laolmaydigan ayollarda, shuningdek bepushtlikka tekshirilayotgan ayollarda, bu preparatni qo‘llashni to‘xtatish kerak.

30oS dan yuqori bo‘lmagan haroratda saqlansin. Namlik ta’sirini oldi olinsin.

Simptomlari. Diklofenakning dozasini oshirib yuborish uchun xarakterli tipik klinik manzara yo‘q. Doza oshirib yuborilganida quyidagi simptomlar paydo bo‘lishi mumkin: qusish, me’da-ichak qon ketishlari, ich ketishi, bosh aylanishi, quloqlarda shovqin yoki tirishishlar. Og‘ir zaharlanish holida o‘tkir buyrak yetishmovchiligi va jigar shikastlanishi rivojlanishi mumkin. Davolash. Nosteroid yallig‘lanishga qarshi vositalar (NYAQV), shu jumladan diklofenak bilan o‘tkir zaharlanishni davolash, arterial gipotenziya, buyrak yetishmovchiligi, tirishishlar, me’da-ichak yo‘llari tomonidan buzilishlar, nafasni susayishi kabi asoratlarni tutib turuvchi va simptomatik davolashni o‘tkazishdan iborat. Jadallashtirilgan diurez, gemodializ yoki gemoperfuziya kabi maxsus davolash choralari, NYAQV chiqarilishiga, ularni oqsillari bilan yuqori darajada bog‘lanishi ekstensiv metabolizmi oqibatida yordam bermaydi. Potentsial toksik dozani oshirib yuborilishi holida faollashtirilgan ko‘mirni qo‘llash kerak; hayot uchun potentsial xavfli dozani oshirib yuborilishi holida – me’da ichidagisini chiqarib tashlashni amalga oshirish kerak (qusishni chaqirish, me’dani yuvish).

Retsept bo‘yicha

10 tabletkadan blisterda, 50 mg uchun 1 yoki 2 blisterdan karton qutida, 25 mg uchun 3 blisterdan karton qutida.

25 mg li tabletkalar uchun – 2,5 yil. 50 mg li tabletkalar uchun – 3 yil.