oqdan sarg‘ish ranggacha bo‘lgan kristall kukun.

tsefalosporinlar guruhi antibiotigi.

J01DD04

Vitatsef mushak ichiga (m/i) yuborilganidan keyin tez va to‘liq so‘riladi. Preparatni biokirishaolishligi 100% ni tashkil qiladi. Tseftriakson m/i yuborilganidan keyin qon plazmasidagi maksimal kontsentratsiyasiga (Cmax) 2-3 soat o‘tgach, vena ichiga (v/i) yuborilganidan keyin infuziyani oxirida erishiladi. 0,5 va 1,0 g tseftriakson m/i yuborilganida Cmax muvofiq ravishda 38 va 76 mkg/ml ni tashkil qiladi. 0,5; 1,0 va 2,0 g tseftriakson v/i yuborilganida Cmax muvofiq ravishda 82, 151 va 257 mkg/ml ni tashkil qiladi. Preparatning qondagi barqaror kontsentratsiyaga 4 sutka davomida erishiladi. Preparat albuminlar bilan qaytuvchan bog‘lanadi va bu bog‘lanish kontsentratsiyaga teskari proportsional. Agar tseftriaksonning qondagi kontsentratsiyasi 100 mg/l dan kam bo‘lsa, preparatning 95% albuminlar bilan bog‘lanadi, kontsentratsiyasi 300 mg/l gacha oshganida esa 85% bog‘lanadi. Albuminni interstitsial suyuqlikdagi kontsentratsiyasini pastligi tufayli undagi tseftriaksonning erkin ulushi qon zardobidagiga nisbatan yuqoriroq. Preparat organizmning barcha to‘qimalari va suyuqliklariga yaxshi kiradi. O‘pkada, burunning shilliq qavatida, bodomsimon bezda, o‘rta quloqda, miokardda, buyrakda, jigarda, o‘t yo‘llarida, suyaklar va bo‘g‘imlarda, prostata bezida, plevral,  sinovial va orqa miya suyuqliklarida yuqori kontsentratsiyalarni hosil qiladi. Kattalarda tana vazniga 50 mg/kg dozada yuborilganidan 2-24 soatdan keyin orqamiya suyuqligidagi kontsentratsiyasi meningitning eng ko‘p tarqalgan qo‘zg‘atuvchilari uchun minimal bostiruvchi kontsentratsiyasidan bir necha marta yuqori bo‘ladi. Preparat yo‘ldosh to‘sig‘i orqali o‘tadi, ko‘krak suti bilan kam miqdorda chiqariladi. Tseftriaksonning taqsimlanish hajmi (Vd) 7­12 l ni tashkil qiladi. Kattalarda tseftriaksonning yarim chiqarilish davri (T½) taxminan 8 soatni tashkil qiladi. Yangi tug‘ilgan chaqaloqlarda va keksa bemorlarda T½ 2­3 marta ko‘proq. Tseftriaksonning umumiy plazma klirensi minutiga 10­22 ml ni, buyrak klirensi minutiga 5­12 ml ni tashkil qiladi. Preparat asosan o‘zgarmagan shaklda siydik bilan (50-60%) va safro bilan (40­50%) chiqariladi. Agar buyrak faoliyati buzilgan bo‘lsa, preparatni safro bilan, jigar patologiyasida siydik bilan chiqarilishi oshadi.

Vitatsefga sezgir mikroorganizmlar chaqirgan infektsiyalar: sepsisda, meningitda; qorin bo‘shlig‘i a’zolarining infektsiyalarida (masalan, peritonit); suyaklar va bo‘g‘imlarning infektsiyalarida; teri va yumshoq to‘qimalarining infektsiyalarida; jarohat infektsiyalarida; siydik-jinsiy tizimining infektsiyalarida; nafas tizimining infektsiyalarida (pnevmoniya, bronxit); gonoreya va boshqalarda; jarrohlik operatsiyalaridan keyingi infektsiyalarning oldini olishda qo‘llanadi.

Vitatsef m/i yoki v/i (oqim bilan yoki tomchilab) yuboriladi. Mushak ichiga yuborish uchun erituvchi sifatida 3,5 ml 1% li lidokain gidroxloridi eritmasi ishlatiladi ­ 1 g preparat 3,5 ml lidokain gidroxloridi eritmasida eritiladi va dumba mushagining yuqori tashqi kvadrantiga chuqur yuboriladi.

Diareya, ko‘ngil aynishi, qusish, stomatit, glossit, eozinofiliya, leykopeniya, granulotsitopeniya, anemiya, trombotsitopeniya, teri toshmasi, allergik reaktsiyalar. Kam hollarda: bosh og‘rig‘i, bosh aylanishi jigar fermentlari faolligini oshishi, plazmada kreatinin darajasini oshishi, haroratni oshishi, qaltirash, soxtamembranoz kolitini rivojlanishi va boshqalar. Ko‘rsatilgan nojo‘ya reaktsiyalar odatda preparat bilan davolash to‘xtatilganidan keyin o‘z­o‘zidan o‘tib ketadi.

Tsefalosporinlar antibiotiklariga yuqori sezuvchanlikda qo‘llash mumkin emas.

Xloramfenikol va Vitatsef o‘rtasida antagonizm, Vitatsef va aminoglikozidlar o‘rtasida esa sinergizm aniqlangan. Vitatsef eritmasini kaltsiy saqlovchi infuzion eritmalar (Ringer suyuqligi va Gartman suyuqligi) bilan aralashtirish, shuningdek Vitatsefni boshqa antibakterial preparatlar (vankomitsin) va aminoglikozidlar bilan bir vaqtda yuborish tavsiya qilinmaydi.

Preparat bilan davolash vaqtida superinfektsiya rivojlanishi mumkin. Tseftriakson qon zardobidagi albumin bilan bog‘langan bilirubinni siqib chiqarish qobiliyatiga ega. Shuning uchun giperbilirubinemiyasi bo‘lgan yangi tug‘ilgan chaqaloqlarga va chala tug‘ilgan bolalarda Vitatsef alohida ehtiyotkorlik bilan qo‘llaniladi. Homiladorlik va laktatsiya Vitatsef homiladorlikning I uch oyligida qo‘llash mumkin emas. Preparatni homiladorlikning II va III uch oyligida faqat ona uchun davolashdan kutilayotgan foyda homila uchun potentsial salbiy havfdan ahamiyatli darajada ustun bo‘lsagina qo‘llash mumkin. Preparat ko‘krak sutiga o‘tadi, shuning uchun laktatsiya davrida preparat alohida ehtiyotkorlik bilan qo‘llaniladi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda, quruq joyda saqlansin.

Doza oshirib yuborilganida o‘tuvchan xarakteriga ega entsefalopatik ko‘rinishlar rivojlanishi mumkin. Davolash: simptomatik davolash o‘tkaziladi. Maxsus antidoti yo‘q. Gemodializ yoki peritoneal dializni qo‘llash samarali emas.

Retsept bo‘yicha

2 yil.