Oqdan yoki deyarli oqdan kulrang tusli och kremsimon rangligacha bo‘lgan torpedasimon shaklli suppozitoriylar. Suppozitoriylar yuzasida oq karash paydo bo‘lishiga yo‘l qo‘yiladi.

Surunkali prostatitni davolovchi vosita.

G04BX

Sezgir mikroorganizmlar chaqirgan, shu jumladan siydik jinsiy yo‘llarining yallig‘lanish kasalliklari bilan birga kechuvchi o‘tkir va surunkali bakterial prostatit. Prostata bezidagi jarrohlik aralashuvlardan oldingi va undan keyingi holatlar.

Rektal, ichak o‘z-o‘zidan yoki tozalovchi xo‘qnadan bo‘shalganidan keyin 1 suppozitoriydan kuniga bir marta qo‘llanadi. Qo‘llashdan oldin suppozitoriyni kontur uyali o‘ramdan olish kerak. Vitaprost® Plyus preparati kiritilganidan so‘ng patsiyent 30-40 minut davomida o‘rnida yotgani yaxshi. Davolash kursi prostata sekretida qo‘zg‘atuvchi yo‘qolgunicha davom etadi va 10 kundan 30 kungachani tashkil qiladi (davolashning davomiyligini shifokor har bir patsiyent uchun shaxsiy ravishda belgilaydi).

Preparatning komponentlariga o‘ta yuqori sezuvchanlik. 18 yoshgacha bo‘lgan bolalar (skeletning o‘sish va shakllanish davri).

Vitaprost® Plyus preparati bilan davolash davrida mikroblarga qarshi vositalar – ftorxinolonlar bilan, dozani oshirib yuborilishini rivojlanishi va nojo‘ya ta’sirlarning tez-tezligini oshishiga yo‘l qo‘ymaslik uchun, bir vaqtda qo‘llashni cheklash kerak. Jigar tsirrozida dozalash tartibini to‘g‘rilash (buyraklarning normal faoliyati sharoitida) talab etilmaydi. Davolanish davrida uzoq vaqt quyosh nurlarining ta’siri va sun’iy ultrabinafsha yoritishni ishlatilishidan saqlanish kerak. Fotosensibilizatsiyaning birinchi belgilarida (terining sezuvchanligini oshishi, kuyishi, giperemiya, shish, g‘o‘ddalar, toshmalar, qichishish, dermatitni hosil bo‘lishi), o‘ta yuqori sezuvchanlikda, neyrotoksiklikning ko‘rinishlarida (qo‘zg‘alish, tirishishlar, tremor, yorug‘likdan qo‘rqish, ongni chalkashishi, toksik psixozlar, gallyutsinatsiyalarda) davolashni to‘xtatish kerak.

25oS dan yuqori bo‘lmagan haroratda. Bolalar ololmaydigan joyda saqlansin.

Retseptsiz

Rektal suppozitoriylar 400 mg+20mg. 5 suppozitoriy polietilen bilan laminatsiya qilingan polivinilxlorid kontur uyali o‘ramga joylangan. Bir yoki ikki kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutida.

2 yil. Yaroqlilik muddati o‘tganidan keyin preparat ishlatilmasin.