Oval shaklli, chokli, tarang, tiniq, och-sariq rangli yumshoq jelatin kapsulalar.

Vitaminlar.

Preparatni: A va D gipo- va avitaminozlarida (tez-tez respirator kasalliklar, suyaklarning o‘sishini buzilishi, ko‘rishni pasayishi, teri, soch, tirnoqlar, tishlarning strukturasini buzilishi, raxit, rekonvalestsentsiya davrida);turli genezli osteopatiyalarni oldini olish va davolash: osteomalyatsiya, osteoporoz, sinishlarni sekinlashgan konsolidatsiyasi ko‘rinishlari bilan bo‘lgan “soxta” bo‘g‘imlar bo‘yicha operativ aralashuvlardan keyingi tiklanish davri, suyak qadog‘ini hosil bo‘lishini rag‘batlantirish;ateroskleroz va uning tomirli asoratlarini oldini olish;giperlipidemiyada;ko‘z kasalliklarini: pigmentli retinit, kseroftalmiya, keratomalyatsiya, kon’yunktivit, qovoqlarning ekzematoz shikastlanishini majmuaviy davolashda qo‘llanadi.

1-2 kapsuladan sutkada 3 marta, ovqatdan keyin, sovuq yoki biroz iliq suv bilan birga qabul qilinadi. Kapsulalarni ko‘p miqdordagi suv bilan birdaniga yutish tavsiya etiladi, ularni uzoq vaqt davomida og‘izda ushlab turish mumkin emas, chunki kapsula qobig‘ining tarkibiga kiruvchi jelatin uni yopishqoq qilib qo‘yadi, bu esa yutishni qiyinlashtiradi. Tavsiya qilinadigan doza: 7 yoshdan katta bolalarga – sutkada 3-4 kapsuladan. Kattalar uchun – sutkada 2-3 qabulga bo‘lingan 6-8 kapsula. Konkret dozani patologiyaning xarakteriga qarab davolovchi shifokor buyurishi kerak. Davolash kursi – 2-3 oy. Keyinchalik umumiy qon tahlilini o‘tkazish va natijalarga qarab preparatni qabul qilishni davom etish tavsiya qilinadi.

Dori vositasi tavsiya qilingan dozalarda qo‘llanganida odatda nojo‘ya ko‘rinishlari kuzatilmaydi. Ba’zida allergik reaktsiyalar bo‘lishi mumkin.

Preparatning komponentlariga yuqori sezuvchanlik, idiopatik giperkaltsiyemiya, giperkaltsiuriya, o‘pka tuberkulyozining faol shakllari, jigar va buyraklarning o‘tkir va surunkali kasalliklari, nefrourolitiaz, surunkali pankreatit (kasallikning zo‘rayishi mumkin), D gipervitaminozi, sarkoidoz, uzoq muddatli immobilizatsiya (katta dozalarda), tireotoksikoz (o‘ta yuqori sezuvchanlik ehtimoli), bir vaqtda fibratlarni, peroral antikoagulyantlarni bir vaqtda qabul qilish, og‘ir jarohatlar, jarrohlik operatsiyalari (qon ketish vaqtini oshishi xavfi tufayli), homiladorlik, laktatsiya davri, 7 yoshgacha bo‘lgan bolalarda qo‘llanmaydi.

D vitaminining faolligi, bir vaqtda tirishishga qarshi vositalar yoki barbituratlar bilan qo‘llanganida pasayishi mumkin. Estrogenlar bilan bir vaqtda qo‘llanganida A gipervitaminozining xavfi oshadi. A vitamini glyukokortikoidlarning yallig‘lanishiga qarshi ta’sirini pasaytiradi.

Preparatni boshqa A va D vitaminlarini saqlovchi vitamin preparatlari bilan birga, ushbu vitaminlarning dozasini oshirib yuborilishidan saqlash uchun qo‘llash tavsiya qilinmaydi. Dori vositasini homiladorlik va emizish davrida faqat shifokor bilan kelishilgandan keyin qo‘llash mumkin. Yurakning shikastlanishlarida, buyraklar, jigar va me’da-ichak yo‘llarining o‘tkir va surunkali kasalliklarida, me’da va o‘n ikki barmoq ichak yara kasalligida, gipotireozda, keksalik yoshida ehtiyotkorlik bilan qo‘llash kerak. Avtomobilni haydash va texnika bilan ishlash qobiliyatiga ta’sir qilmaydi. Preparatni bolalar ololmaydigan joyda saqlash va uni yaroqlilik muddati o‘tgach ishlatmaslik lozim.

Quruq, yorug‘likdan himoyalangan joyda, 15°S dan 25ºS gacha bo‘lgan haroratda saqlansin.

Simptomlari: kattalarda – uyquchanlik, bo‘shashish, bosh og‘rig‘i; bolalarda – haroratning oshishi, uyquchanlik, ko‘p terlash, qusish, teri toshmalari. Davolash: simptomatik, preparatni bekor qilish, kaltsiyni ovqat bilan organizmga tushishini keskin cheklash.

Retseptsiz

Yumshoq jelatin kapsulalar, 10 kapsuladan kontur uyali o‘ramda, 5 kontur uyali o‘ramdan qo‘llash bo‘yicha yuriknomasi bilan qutida.

2 yil.