oq yoki deyarli oq rangli kukun.

viruslarga qarshi vosita.

J05AB01

2,5 mg/kg, 5 mg/kg va 10 mg/kg dozada 1 soat davomida vena ichiga tomchilab yuborilganda maksimal kontsentratsiyasi muvofiq ravishda 5,1, 9,8 va 20,7 mkg/ml ni tashkil qiladi. Maksimal kontsentratsiyasi 7 soatdan keyin muvofiq ravishda – 0,5, 0,7 va 2,3 mkg/ml ni tashkil qiladi. Preparatni 1 yoshdan oshgan bolalarga 250 va 500 mg/kv.m. dozada buyurilganda maksimal va minimal kontsentratsiyasi kattalarga 5 va 10 mg/kg dozada buyurilgandagiga o‘xshash bo‘ladi. Yangi tug‘ilgan chaqaloqlar va 3 oylikkacha bo‘lgan bolalarda 10 mg/kg dozada sutkada 3 marta 1 soat davomida vena ichiga tomchilab yuborilganda maksimal kontsentratsiyasi 13,8 mkg/ml va minimal kontsentratsiyasi – 2,3 mkg/ml ni tashkil qiladi. Atsiklovir gematoentsefalik to‘siq (GET) va yo‘ldosh to‘sig‘i orqali o‘tadi, ko‘krak suti bilan ajraladi. Atsiklovir a’zolar va to‘qimalarga (shu jumladan, bosh miya, buyraklar, o‘pka, jigar, ko‘z yoshi suyuqligi, ichak, mushaklar, taloq, bachadon, qin sekreti, sperma, amniotik suyuqlik, gerpetik pufaklar ichidagisi) yaxshi kiradi. Plazma oqsillari bilan bog‘lanishi 9-33% ni tashkil qiladi. 9-karboksimetoksimetilguanin (8,5-14% atsiklovir) metabolitini hosil qilib jigarda metabolizmga uchraydi. Kalavalar filtratsiyasi va kanalchalar sekretsiyasi yo‘li bilan asosan buyraklar orqali chiqariladi: vena ichiga yuborilganda – 80% o‘zgarmagan ko‘rinishda kamroq miqdorda (2% dan kamroq) ichak orqali chiqariladi. Vena ichiga yuborilganda yarim chiqarilish davri kattalarda 2,9 soat, 3 oylikkacha bo‘lgan bolalarda 3,8 soat (sutkada 3 marta 10 mg/kg 1 soat davomida vena ichiga tomchilab yuborilganda), 1 yoshdan 18 yoshgacha bo‘lgan bolalar va o‘smirlarda – 2,6 soatni tashkil qiladi. Og‘ir darajadagi surunkali buyrak yetishmovchiligi bo‘lgan bemorlarda – 20 soat, gemodializda – 5,7 soatni (bunda plazmada atsiklovirning kontsentratsiyasi dastlabki ko‘rsatkichdan 60% ga pasayadi) tashkil qiladi. Buyrak yetishmovchiligida (kreatinin klirensiga bog‘liq ravishda) quyidagilarni tashkil qiladi: kreatinin klirensi (KK) minutiga 80 ml – 2,5 soat, minutiga 50-80 ml – 3 soat, minutiga 15-50 ml – 3,5 soat, anuriyada – 19,5 soat, gemodializ o‘tkazish vaqtida – 5,7 soat, doimiy ambulator peritoneal dializda – 14-18 soatni tashkil qiladi.

Birlamchi va qaytalanuvchi og‘ir genital gerpesni davolash (shu jumladan, immunitetni buzilishi bo‘lgan patsiyentlarda).Immuniteti susaygan bemorlarda oddiy gerpes virusi chaqirgan teri va shilliq qavatlarni shikastlanishi bilan kechuvchi birlamchi va qaytalanuvchi oddiy gerpesni davolash.1 i 2 tip Herpes simplex virusi chaqirgan entsefalit.Immunitetni buzilishi bo‘lgan va immun statusni buzilishi bo‘lmagan bemorlarda Varicella zoster virusi chaqirgan o‘rab oluvchi gerpesni davolash.Ko‘zlarni, quloqlarni shikastlanishi bilan kechuvchi, shuningdek 50 yoshdan oshgan patsiyentlarda o‘rab oluvchi gerpesni davolash.Yangi tug‘ilgan chaqaloqlarda Herpes simplex virusi chaqirgan tarqalgan infektsiya.Immunitetni buzilishi bo‘lgan bemorlarda suvchechakni davolashda qo‘llanadi.

Vena ichiga tomchilab kamida 1 soat davomida yuboriladi. Flakon ichidagisi qo‘llashdan bevosita oldin aseptik sharoitlarda eritiladi. Eritma tayyorlash uchun inyektsiya uchun suv yoki natriy xloridining 0,9% li eritmasi ishlatiladi: flakonga 10 ml eritma qo‘shiladi va to‘liq eriguncha jadal chayqatiladi. Tayyorlangan eritma keyinchalik atsiklovirning yakuniy kontsentratsiyasi – 0,5% (5 mg/ml) gacha qo‘shimcha ravishda suyultiriladi: odatda bir flakon ichidagisi kamida 50 ml fiziologik eritmada yoki muvofiq ravishda ikkita flakon ichidagisi (500 mg atsiklovir) – 100 ml fiziologik eritmada suyultiriladi. Shunday qilib, tayyorlangan eritma vena ichiga sekin yoki tomchili infuziya uchun ishlatiladi. Infuzion eritmaning hajmi minimizatsiya qilinishi kerak bo‘lgan bolalar va yangi tug‘ilgan chaqaloqlarga eritmani yuborish uchun bir flakon ichidagisi (250 mg atsiklovir) 10 ml inyektsiya uchun suv yoki fiziologik eritmada eritish kerak. So‘ngra 1:5 nisbatga muvofiq miqdorda infuzion eritma qo‘shiladi. Masalan, 100 mg atsiklovir saqlovchi eritmani tayyorlash uchun 4 ml tayyorlangan eritmaga 5 mg/ml atsiklovir kontsentratsiyali eritma hosil bo‘lguncha 20 ml infuzion eritma qo‘shish kerak. Infuzion eritmalar sifatida quyidagilar ishlatiladi: natriy xloridining izotonik eritmasi (0,9% li) yoki Ringer laktat eritmasi. Tayyorlangan eritma 15oS dan 25oS gacha haroratda 12 soat davomida turg‘unligini saqlaydi. Eritmalarni muzlatish mumkin emas. Infuziya uchun tayyorlangan eritmalarda biron-bir xiralashish yoki kristallizatsiya aniqlanganda, ularni ishlatish mumkin emas.

Me’da-ichak yo‘llari tomonidan: ishtahani pasayishi, ko‘ngil aynishi, qusish, “jigar” fermentlari faolligini oshishi. Yurak-qon tomir tizimi tomonidan: arterial bosimni (AB) pasayishi. Markaziy nerv tizimi (MNT) tomonidan: bosh og‘rig‘i, holsizlik, bosh aylanishi, ongni chalkashishi, gallyutsinatsiyalar, qo‘zg‘alish yoki uyquchanlik, isitma, tremor, tirishishlar, ruhiy buzilishlar (shu jumladan, deliriy), koma. Bu reaktsiyalar preparatni yuqori dozalarda vena ichiga qabul qilayotgan bemorlarda, shuningdek buyrak yetishmovchiligi va OITS bo‘lgan patsiyentlarda ehtimoli yuqori va odatda qaytuvchan xarakterga ega. Siydik-tanosil tizimi tomonidan: periferik shishlar, gematuriya, qonda mochevina va kreatinin kontsentratsiyasini oshishi (lekin, doza to‘g‘ri tanlanganda va suyuqlik adekvat tushishida kuzatilmaydi), o‘tkir buyrak yetishmovchiligi. Qon yaratish tizimi tomonidan: anemiya, leykopeniya, leykotsitoz, neytropeniya yoki neytrofilez, trombotsitopeniya yoki trombotsitoz, DVS-sindrom, gemoliz. Allergik reaktsiyalar: allergik teri reaktsiyalari (qichishish, toshma, Layell sindromi, eshakemi, ko‘p shaklli eritema, shu jumladan Stivens-Djonson sindromi), anafilaktik reaktsiyalar. Sezgi a’zolari tomonidan: ko‘rishni buzilishi. Mahalliy reaktsiyalar: yuborish joyida flebit yoki yallig‘lanish. Boshqalar: limfoadenopatiya.

Atsiklovir yoki preparatning har qanday boshqa komponentiga yuqori sezuvchanlik;Laktatsiya davrida qo‘llash mumkin emas.

Eritmalarni aralashtirganda vena ichiga yuborish uchun atsiklovirning ishqoriy reaktsiyasini (rN 11) e’tiborga olish kerak. Immunitetni rag‘batlantiruvchi vositalar bilan bir vaqtda buyurilganda samarani kuchayishi kuzatiladi. Probenetsid bilan bir vaqtda qo‘llanilganida atsiklovirning kanalchalar sekretsiyasi pasayadi va shu sababli atsiklovirning qon plazmasida kontsentratsiyasi va yarim chiqarilish davri oshadi. Atsiklovirni nefrotoksik preparatlar bilan birga buyurilganda nefrotoksik ta’sir rivojlanishi xavfi oshadi (ayniqsa buyrak faoliyatini buzilishi bo‘lgan patsiyentlarda). Mikofenolat mofetil va atsiklovirni bir vaqtda buyurilganda ikkala preparatlarning plazmadagi kontsentratsiyasi oshadi. Atsiklovir biologik yoki kolloid eritmalar, gidroksibenzoy efirlar (parabenlar) bilan nomutanosib va cho‘kmaga tushishi mumkin (farmatsevtik nomutanosiblik).

Atsiklovirni qo‘llaganda ayniqsa vena ichiga tez yuborilganda, nefrotoksik preparatlarni bir vaqtda qo‘llaganda, buyrak faoliyatini buzilishi bo‘lgan patsiyentlarda va degidratatsiyada atsiklovirning kristallaridan cho‘kma tushishi oqibatida o‘tkir buyrak yetishmovchiligi rivojlanishi mumkinligini e’tiborga olish kerak. Atsiklovirni qo‘llaganda qon plazmasida mochevina va kreatinin darajasini nazorat qilish kerak. Immuniteti susaygan bemorlarni atsiklovir bilan uzoq muddatli davolash uning ta’siriga sezgir bo‘lmagan virus shtammlarini paydo bo‘lishiga olib kelishi mumkin. Keksa yoshdagi bemorlarni davolash suv yuklamasini yetarli darajada oshirganda va shifokor nazorati ostida olib borish kerak, chunki bu toifadagi patsiyentlarda atsiklovirning yarim chiqarilish davri oshadi. Preparatni yuqori dozada qabul qilayotgan bemorlarda (masalan, gerpetik entsefalitda) patsiyentning organizmiga yetarli darajada suyuqlik tushishini ta’minlash kerak. Atsiklovir gerpesni jinsiy yo‘l orqali yuqishini oldini olmaydi, shuning uchun davolash davrida, hatto klinik ko‘rinishlar bo‘lmaganida ham jinsiy aloqadan saqlanish kerak.

Homiladorlikda ona uchun kutilgan foyda homila uchun potentsial xavfdan ustun bo‘lgan hollarda qo‘llash mumkin. Atsiklovir ko‘krak suti bilan ajraladi, shuning uchun laktatsiya davrida preparatni qo‘llash tavsiya etilmaydi. Tayyorlangan eritmani tayyorlangan vaqtdan keyin 12 soat davomida va xona haroratida (15oS dan 25oS gacha) saqlanganda ishlatish mumkin. Preparatning ishlatilmagan eritmalarini sovutgichda uzoq vaqt saqlash mumkin emas. Infuziya uchun eritilgan atsiklovirni ichga qabul qilish mumkin emas va ko‘zlarga tushishidan saqlanish lozim. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda saqlansin.

Simptomlari: azot mochevinani oshishi, giperkreatininemiya, buyrak faoliyatini buzilishi, letargiya, tirishishlar, koma. Davolash: hayotiy muhim faoliyatlarni bir maromda saqlab turish, gemodializ (peritoneal dializ samarasi kamroq).

Shifokor retsepti bo‘yicha

Infuziya uchun eritma tayyorlash uchun kukun, 250 mg. Rezina tiqin, alyumin qalpoqcha va plastik himoya qopqoq bilan berkitilgan tiniq, rangsiz shishali flakon. 5 flakondan qo‘llash bo‘yicha yo‘riqnomasi bilan karton qutida.

5 yil.