оқ ёки деярли оқ рангли кукун.

вирусларга қарши восита.

J05AB01

2,5 мг/кг, 5 мг/кг ва 10 мг/кг дозада 1 соат давомида вена ичига томчилаб юборилганда максимал концентрацияси мувофиқ равишда 5,1, 9,8 ва 20,7 мкг/мл ни ташкил қилади. Максимал концентрацияси 7 соатдан кейин мувофиқ равишда – 0,5, 0,7 ва 2,3 мкг/мл ни ташкил қилади. Препаратни 1 ёшдан ошган болаларга 250 ва 500 мг/кв.м. дозада буюрилганда максимал ва минимал концентрацияси катталарга 5 ва 10 мг/кг дозада буюрилгандагига ўхшаш бўлади. Янги туғилган чақалоқлар ва 3 ойликкача бўлган болаларда 10 мг/кг дозада суткада 3 марта 1 соат давомида вена ичига томчилаб юборилганда максимал концентрацияси 13,8 мкг/мл ва минимал концентрацияси – 2,3 мкг/мл ни ташкил қилади. Ацикловир гематоэнцефалик тўсиқ (ГEТ) ва йўлдош тўсиғи орқали ўтади, кўкрак сути билан ажралади. Ацикловир аъзолар ва тўқималарга (шу жумладан, бош мия, буйраклар, ўпка, жигар, кўз ёши суюқлиги, ичак, мушаклар, талоқ, бачадон, қин секрети, сперма, амниотик суюқлик, герпетик пуфаклар ичидагиси) яхши киради. Плазма оқсиллари билан боғланиши 9-33% ни ташкил қилади. 9-карбоксиметоксиметилгуанин (8,5-14% ацикловир) метаболитини ҳосил қилиб жигарда метаболизмга учрайди. Калавалар февральацияси ва каналчалар секрецияси йўли билан асосан буйраклар орқали чиқарилади: вена ичига юборилганда – 80% ўзгармаган кўринишда камроқ миқдорда (2% дан камроқ) ичак орқали чиқарилади. Вена ичига юборилганда ярим чиқарилиш даври катталарда 2,9 соат, 3 ойликкача бўлган болаларда 3,8 соат (суткада 3 марта 10 мг/кг 1 соат давомида вена ичига томчилаб юборилганда), 1 ёшдан 18 ёшгача бўлган болалар ва ўсмирларда – 2,6 соатни ташкил қилади. Оғир даражадаги сурункали буйрак етишмовчилиги бўлган беморларда – 20 соат, гемодиализда – 5,7 соатни (бунда плазмада ацикловирнинг концентрацияси дастлабки кўрсаткичдан 60% га пасаяди) ташкил қилади. Буйрак етишмовчилигида (креатинин клиренсига боғлиқ равишда) қуйидагиларни ташкил қилади: креатинин клиренси (КК) минутига 80 мл – 2,5 соат, минутига 50-80 мл – 3 соат, минутига 15-50 мл – 3,5 соат, анурияда – 19,5 соат, гемодиализ ўтказиш вақтида – 5,7 соат, доимий амбулатор перитонеал диализда – 14-18 соатни ташкил қилади.

Бирламчи ва қайталанувчи оғир генитал герпесни даволаш (шу жумладан, иммунитетни бузилиши бўлган пациентларда).Иммунитети сусайган беморларда оддий герпес вируси чақирган тери ва шиллиқ қаватларни шикастланиши билан кечувчи бирламчи ва қайталанувчи оддий герпесни даволаш.1 и 2 тип Ҳерпес симплех вируси чақирган энцефалит.Иммунитетни бузилиши бўлган ва иммун статусни бузилиши бўлмаган беморларда Вариcэлла зостер вируси чақирган ўраб олувчи герпесни даволаш.Кўзларни, қулоқларни шикастланиши билан кечувчи, шунингдек 50 ёшдан ошган пациентларда ўраб олувчи герпесни даволаш.Янги туғилган чақалоқларда Ҳерпес симплех вируси чақирган тарқалган инфекция.Иммунитетни бузилиши бўлган беморларда сувчечакни даволашда қўлланади.

Вена ичига томчилаб камида 1 соат давомида юборилади. Флакон ичидагиси қўллашдан бевосита олдин асептик шароитларда эритилади. Эритма тайёрлаш учун инекция учун сув ёки натрий хлоридининг 0,9% ли эритмаси ишлатилади: флаконга 10 мл эритма қўшилади ва тўлиқ эригунча жадал чайқатилади. Тайёрланган эритма кейинчалик ацикловирнинг якуний концентрацияси – 0,5% (5 мг/мл) гача қўшимча равишда суюлтирилади: одатда бир флакон ичидагиси камида 50 мл физиологик эритмада ёки мувофиқ равишда иккита флакон ичидагиси (500 мг ацикловир) – 100 мл физиологик эритмада суюлтирилади. Шундай қилиб, тайёрланган эритма вена ичига секин ёки томчили инфузия учун ишлатилади. Инфузион эритманинг ҳажми минимизация қилиниши керак бўлган болалар ва янги туғилган чақалоқларга эритмани юбориш учун бир флакон ичидагиси (250 мг ацикловир) 10 мл инекция учун сув ёки физиологик эритмада эритиш керак. Сўнгра 1:5 нисбатга мувофиқ миқдорда инфузион эритма қўшилади. Масалан, 100 мг ацикловир сақловчи эритмани тайёрлаш учун 4 мл тайёрланган эритмага 5 мг/мл ацикловир концентрацияли эритма ҳосил бўлгунча 20 мл инфузион эритма қўшиш керак. Инфузион эритмалар сифатида қуйидагилар ишлатилади: натрий хлоридининг изотоник эритмаси (0,9% ли) ёки Рингер лактат эритмаси. Тайёрланган эритма 15оС дан 25оС гача ҳароратда 12 соат давомида турғунлигини сақлайди. Эритмаларни музлатиш мумкин эмас. Инфузия учун тайёрланган эритмаларда бирон-бир хиралашиш ёки кристаллизация аниқланганда, уларни ишлатиш мумкин эмас.

Меъда-ичак йўллари томонидан: иштаҳани пасайиши, кўнгил айниши, қусиш, “жигар” ферментлари фаоллигини ошиши. Юрак-қон томир тизими томонидан: артериал босимни (АБ) пасайиши. Марказий нерв тизими (МНТ) томонидан: бош оғриғи, ҳолсизлик, бош айланиши, онгни чалкашиши, галлюцинациялар, қўзғалиш ёки уйқучанлик, иситма, тремор, тиришишлар, руҳий бузилишлар (шу жумладан, делирий), кома. Бу реакциялар препаратни юқори дозаларда вена ичига қабул қилаётган беморларда, шунингдек буйрак етишмовчилиги ва ОИЦ бўлган пациентларда эҳтимоли юқори ва одатда қайтувчан характерга эга. Сийдик-таносил тизими томонидан: периферик шишлар, гематурия, қонда мочевина ва креатинин концентрациясини ошиши (лекин, доза тўғри танланганда ва суюқлик адекват тушишида кузатилмайди), ўткир буйрак етишмовчилиги. Қон яратиш тизими томонидан: анемия, лейкопения, лейкоцитоз, нейтропения ёки нейтрофилез, тромбоцитопения ёки тромбоцитоз, ДВС-синдром, гемолиз. Аллергик реакциялар: аллергик тери реакциялари (қичишиш, тошма, Лаелл синдроми, эшакеми, кўп шаклли эритема, шу жумладан Стивенс-Джонсон синдроми), анафилактик реакциялар. Сезги аъзолари томонидан: кўришни бузилиши. Маҳаллий реакциялар: юбориш жойида флебит ёки яллиғланиш. Бошқалар: лимфоаденопатия.

Ацикловир ёки препаратнинг ҳар қандай бошқа компонентига юқори сезувчанлик;Лактация даврида қўллаш мумкин эмас.

Eритмаларни аралаштирганда вена ичига юбориш учун ацикловирнинг ишқорий реакциясини (рН 11) эътиборга олиш керак. Иммунитетни рағбатлантирувчи воситалар билан бир вақтда буюрилганда самарани кучайиши кузатилади. Пробенецид билан бир вақтда қўлланилганида ацикловирнинг каналчалар секрецияси пасаяди ва шу сабабли ацикловирнинг қон плазмасида концентрацияси ва ярим чиқарилиш даври ошади. Ацикловирни нефротоксик препаратлар билан бирга буюрилганда нефротоксик таъсир ривожланиши хавфи ошади (айниқса буйрак фаолиятини бузилиши бўлган пациентларда). Микофенолат мофетил ва ацикловирни бир вақтда буюрилганда иккала препаратларнинг плазмадаги концентрацияси ошади. Ацикловир биологик ёки коллоид эритмалар, гидроксибензой эфирлар (парабенлар) билан номутаносиб ва чўкмага тушиши мумкин (фармацевтик номутаносиблик).

Ацикловирни қўллаганда айниқса вена ичига тез юборилганда, нефротоксик препаратларни бир вақтда қўллаганда, буйрак фаолиятини бузилиши бўлган пациентларда ва дегидратацияда ацикловирнинг кристалларидан чўкма тушиши оқибатида ўткир буйрак етишмовчилиги ривожланиши мумкинлигини эътиборга олиш керак. Ацикловирни қўллаганда қон плазмасида мочевина ва креатинин даражасини назорат қилиш керак. Иммунитети сусайган беморларни ацикловир билан узоқ муддатли даволаш унинг таъсирига сезгир бўлмаган вирус штаммларини пайдо бўлишига олиб келиши мумкин. Кекса ёшдаги беморларни даволаш сув юкламасини етарли даражада оширганда ва шифокор назорати остида олиб бориш керак, чунки бу тоифадаги пациентларда ацикловирнинг ярим чиқарилиш даври ошади. Препаратни юқори дозада қабул қилаётган беморларда (масалан, герпетик энцефалитда) пациентнинг организмига етарли даражада суюқлик тушишини таъминлаш керак. Ацикловир герпесни жинсий йўл орқали юқишини олдини олмайди, шунинг учун даволаш даврида, ҳатто клиник кўринишлар бўлмаганида ҳам жинсий алоқадан сақланиш керак.

Ҳомиладорликда она учун кутилган фойда ҳомила учун потенциал хавфдан устун бўлган ҳолларда қўллаш мумкин. Ацикловир кўкрак сути билан ажралади, шунинг учун лактация даврида препаратни қўллаш тавсия этилмайди. Тайёрланган эритмани тайёрланган вақтдан кейин 12 соат давомида ва хона ҳароратида (15оС дан 25оС гача) сақланганда ишлатиш мумкин. Препаратнинг ишлатилмаган эритмаларини совутгичда узоқ вақт сақлаш мумкин эмас. Инфузия учун эритилган ацикловирни ичга қабул қилиш мумкин эмас ва кўзларга тушишидан сақланиш лозим. Препарат болалар ололмайдиган жойда сақлансин ва яроқлилик муддати ўтгач қўлланилмасин.

25оС дан юқори бўлмаган ҳароратда сақлансин.

Симптомлари: азот мочевинани ошиши, гиперкреатининемия, буйрак фаолиятини бузилиши, летаргия, тиришишлар, кома. Даволаш: ҳаётий муҳим фаолиятларни бир маромда сақлаб туриш, гемодиализ (перитонеал диализ самараси камроқ).

Шифокор рецепти бўйича

Инфузия учун эритма тайёрлаш учун кукун, 250 мг. Резина тиқин, алюмин қалпоқча ва пластик ҳимоя қопқоқ билан беркитилган тиниқ, рангсиз шишали флакон. 5 флакондан қўллаш бўйича йўриқномаси билан картон қутида.

5 йил.