oq yoki sarg‘ish tusli oq rangli, uzunchoq shaklli, silliq, qulupnay hidli, shirin tabletkalar. Bir tomonida “IOSA” yozuvi va riskasi va boshqa tomonida “1000” yozuvi bor.

antibiotik, makrolid.(1-avlod)

01FA07

Makrolidlar guruhiga mansub antibakterial preparat. Ta’sir mexanizmi ribosomalarning 50S-subbirligi bilan qaytuvchan bog‘lanishi oqibatida mikrob hujayrasida oqsil sintezini buzilishi bilan bog‘liq. Terapevtik kontentratsiyalarda, odatda, bakteriyalarni o‘sishi va ko‘payishini sekinlashtirib, bakteriostatik ta’sir ko‘rsatadi. Yallig‘lanish o‘chog‘ida yuqori kontentratsiyalari hosil bo‘lganida bakteritsid ta’sir ko‘rsatishi mumkin. Djozamitsin grammusbat bakteriyalar (Staphylococcus spp., shu jumladan Staphylococcus aureus ning metitsillinga sezgir shtammlari), Streptococcus spp., shu jumladan Streptococcus pyogenes va Streptococcus pneumoniae, Corynebacterium diphteriae, Listeria monocytogenes, Propionibacterium acnes, Bacillus anthracis, Clostridium spp., Peptococcus spp., Peptostreptococcus spp.), grammanfiy bakteriyalar (Neisseria meningitides, Neisseria gonorrhoeae, Moraxella catarrhalis, Bordetella spp., Brucella spp., Legionella spp., Haemophilus ducreyi, Haemophilus influenzae, Helicobacter pylori, Campylobacter jejuni), (Bacteroides fragilis ning sezgirligi o‘zgaruvchan bo‘lishi mumkin), Chlamydia spp., shu jumladan, Chlamydia trachomatis, Chlamydophila spp., shu jumladan, Chlamydophila pneumoniae (ilgari Chlamydia pneumoniae deb nomlangan), Mycoplasma spp., shu jumladan, Mycoplasma pneumoniae, Mycoplasma hominis, Mycoplasma genitalium, Ureaplasma spp., Treponema pallidum, Borrelia burgdorferi larga nisbatan faol. Djozamitsin, odatda, enterobakteriyalarga nisbatan faol emas, shuning uchun me’da-ichak yo‘llaridagi mikrofloraga biroz ta’sir ko‘rsatadi. Qator hollarda eritromitsin va 14- va 15-halqali makrolidlarga mikroorganizmlar (streptokokklar, stafilokokklar)ning rezistentligi bo‘lganida ham preparat o‘zining faolligini saqlab qoladi. Djozamitsinga rezistentlik, 14- va 15-halqali makrolidlarga nisbatan kamroq uchraydi.

Ichga qabul qilinganidan keyin djozamitsin me’da-ichak yo‘llaridan tez va to‘liq so‘riladi, ovqat qabul qilish biokiraolishligiga ta’sir qilmaydi. Djozamitsinning zardobdagi maksimal kontentratsiyasiga, qabul qilinganidan keyin 1 soat o‘tgach erishiladi. 1 g dozada qabul qilinganida qon plazmasidagi maksimal kontentratsiyasi 2-3 mkg/ml ni tashkil etadi. Djozamitsinning taxminan 15% plazma oqsillari bilan bog‘lanadi. Djozamitsin a’zolar va to‘qimalarga (bosh miyadan tashqari) keng taqsimlanadi, plazmadagi kontentratsiyalardan yuqori kontentratsiyalarni hosil qiladi va uzoq vaqt davomida terapevtik kontentratsiyalarda saqlanib turadi. Ayniqsa moddaning yuqori kontentratsiyalari o‘pkada, bodomsimon bezlarda, so‘lakda, terda va ko‘z yoshi suyuqligida aniqlanadi. Balg‘amdagi kontentratsiyasi plazmadagi kontentratsiyasidan 8-9 marta yuqori. Yo‘ldosh to‘sig‘i orqali o‘tadi, ko‘krak sutiga chiqariladi. Djozamitsin jigarda metabolizmga uchraydi va faol bo‘lmagan metabolitlari hosil bo‘ladi va asosan safro bilan chiqariladi. Preparatning yarim chiqarilish davri 1-2 soatni tashkil etadi, biroq jigar faoliyatini buzilishlari bo‘lgan patsiyentlarda uzayishi mumkin. Preparatni buyrak orqali chiqarilishi 10% dan oshmaydi.

Preparatga sezgir mikroorganizmlar tomonidan chaqirilgan quyidagi infektion-yallig‘lanish kasalliklarini davolashda qo‘llanadi: Yuqori nafas yo‘llari va LOR-a’zolarining infektiyalari: tonzillit, faringit, paratonzillit, laringit, o‘rta quloq otiti, sinusit; difteriya (difteriya anatoksini bilan davolashga qo‘shimcha), skarlatina (penitsillinga o‘ta yuqori sezuvchanlik bo‘lganida). Quyi nafas yo‘llarining infektiyalari: o‘tkir bronxit, surunkali bronxitni zo‘rayishi, kasalxonadan tashqari pnevmoniya, shu jumladan atipik qo‘zg‘atuvchilar chaqirgan pnevmoniya, ko‘kyo‘tal, psittakoz. Stomatologik infektiyalari: gingivit, perikoronit, periodontit, alveolit alveolyar abstess. Oftalmologiyadagi infektiyalar: blefarit, dakriotsistit. Teri qoplamalari va yumshoq to‘qimalarning infektiyalari: follikulit, furunkul, furunkulez, abstess, kuydirgi, saramas, akne, limfangit, limfadenit, flegmona, panaritsiy, jarohat (shu jumladan operatsiyadan keyingi) va kuyish oqibatidagi infektiyalar. Siydik-jinsiy tizimining infektiyalari: xlamidiyalar va/yoki mikoplazmalar chaqirgan uretrit, tervitsit, epididimit, prostatit, gonoreya, sifilis (penitsillinga o‘ta yuqori sezuvchanlik bo‘lganida), venerik limfogranulema. Me’da-ichak yo‘llarining H.pylori bilan bog‘liq kasalliklari: me’da va o‘n ikki barmoqli ichak yara kasalligi, surunkali gastrit va boshqalarni majmuaviy davolashda qo‘llanadi.

Kattalar va 14 yoshdan katta o‘smirlar uchun tavsiya etilgan sutkalik dozasi 1 g dan 2 g gacha djozamitsinni tashkil etadi. Sutkalik doza 2-3 marta qabul qilishga bo‘linishi kerak. Zarurati bo‘lganida dozasi sutkada 3 g gacha oshirilishi mumkin. 1 yoshdagi bolalarning o‘rtacha tana vazni 10 kg bo‘ladi. Tana vazni kamida 10 kg bo‘lgan bolalar uchun sutkalik dozasi 1 kg tana vazniga 40-50 mg hisobidan kelib chiqib, 2-3 marta qabulga bo‘lib, har kuni buyuriladi: tana vazni 10-20 kg bo‘lgan bolalarga 250-500 mg (suvda eritilgan 1/4-1/2 tabletka) dan kuniga 2 marta, tana vazni 20-40 kg bo‘lgan bolalarga 500-1000 mg (suvda eritilgan 1/2-1 tabletka) dan kuniga 2 marta, 40 kg dan ortiq bo‘lgan bolalarga 1000 mg (1 tabletka) dan kuniga 2 marta buyuriladi. Odatda davolash davomiyligi shifokor tomonidan belgilanadi va infektiyaning og‘irligi va xarakteriga qarab, 5-21 kunni tashkil etadi. JSST (Jahon Cog‘liqni Caqlash tashkiloti) ning tavsiyalariga muvofiq stafilokokkli tonzillitni davolash davomiyligi kamida 10 kunni tashkil etishi kerak. Antixelikobakter davolash sxemalarida djozamitsin 1 g dozada kuniga 2 marta 7-14 kun davomida boshqa preparatlarning standart dozalari bilan majmuada (famotidin kuniga 40 mg yoki ranitidin 150 mg dan kuniga 2 marta + djozamitsin 1 g dan kuniga 2 marta + metronidazol 500 mg dan kuniga 2 marta; omeprazol 20 mg (yoki lansoprazol 30 mg, yoki pantoprazol 40 mg, yoki ezomeprazol 20 mg, yoki rabeprazol 20 mg) kuniga 2 marta + amoksitsillin 1 g dan kuniga 2 marta + djozamitsin 1 g dan kuniga 2 marta; omeprazol 20 mg (yoki lansoprazol 30 mg, yoki pantoprazol 40 mg, yoki ezomeprazol 20 mg, yoki rabeprazol 20 mg) kuniga 2 marta + amoksitsillin 1 g dan kuniga 2 marta + djozamitsin 1 g dan kuniga 2 marta + vismut trikaliy ditsitrati 240 mg dan kuniga 2 marta: famotidin kuniga 40 mg + furazolidon 100 mg dan kuniga 2 marta + djozamitsin 1 g dan kuniga 2 marta + vismut trikaliy ditsitrati 240 mg dan kuniga 2 marta) buyuriladi. Me’daning shilliq qavatini rN-metriya bilan tasdiqlangan axlorgidriyali atrofiyasi bo‘lganida: amoksitsillin 1 g dan kuniga 2 marta + djozamitsin 1 g dan kuniga 2 marta + vismut trikaliy ditsitrati 240 mg dan kuniga 2 marta buyuriladi. Oddiy va sharsimon xusnbuzarlarda djozamitsinni birinchi 2-4 hafta davomida 500 mg dozada kuniga ikki marta buyurish tavsiya qilinadi, keyin 8 hafta davomida 500 mg djozamitsin kuniga bir marta tutib turuvchi davolash sifatida buyuriladi. Vilprafen Solyutab dispersiyalanuvchi tabletkalari ikki turli yo‘llar bilan qabul qilinishi mumkin: ularni butunligicha, oz miqdordagi suv bilan yoki qabul qilishdan oldin avval suvda eritib qabul qilish mumkin. Tabletkalarni kamida 20 ml suvda eritish kerak. Qabul qilishdan oldin hosil bo‘lgan suspenziyani yaxshilab aralashtirish kerak.

Noxush reaktiyalar, ularni qayd etish chastotasi bo‘yicha quyidagi gradatsiyalarga muvofiq keltirilgan: juda tez-tez: > 1/10; tez-tez: > 1/100 dan < 1/10 gacha; tez-tez emas: > 1/1000 dan < 1/100 gacha; kam hollarda: > 1/10000 dan < 1/1000 gacha; juda kam hollarda < 1/10000. Me’da-ichak yo‘llari tomonidan Tez-tez – me’dada diskomfort hissi, ko‘ngil aynishi; Tez-tez emas – qorinda diskomfort hissi, qusish, diareya; Kam hollarda – stomatit, qabziyat, ishtahani pasayishi; Juda kam hollarda – soxta membranoz kolit. O‘ta yuqori sezuvchanlik reaktiyalari Kam hollarda – eshakemi, Kvinke shishi va anafilaktoid reaktiyalar. Juda kam hollarda – bullyoz dermatit, ko‘p shaklli ekssudativ eritema, shu jumladan Stivens-Djonson sindromi. Jigar va o‘t chiqarish yo‘llari tomonidan: Juda kam hollarda – jigar faoliyatini buzilishi, sariqlik. Sezgi a’zolari tomonidan: Kam hollarda eshitishni dozaga bog‘liq o‘tkinchi buzilishlari to‘g‘risida xabar berilgan. Boshqalar: juda kam hollarda – purpura.

djozamitsin va preparatning boshqa komponentlariga o‘ta yuqori sezuvchanlik; boshqa makrolidlarga o‘ta yuqori sezuvchanlik; jigar faoliyatini og‘ir darajadagi buzilishlarida qo‘llash mumkin emas.

– boshqa antibiotiklar Bakteriostatik antibiotiklar in vitro sharoitlarda boshqa antibiotiklarning bakteritsid samarasini pasaytirishi mumkinligi tufayli, djozamitsinni ular bilan birga buyurishga yo‘l qo‘ymaslik kerak. Djozamitsinni linkomitsin bilan birga buyurish mumkin emas, chunki ularning samaradorligi o‘zaro pasayishi mumkin. – ksantinlar Makrolid antibiotiklarning ayrim vakillari ksantinlarni (teofillinni) chiqarilishini sekinlashtiradi, bu intoksikatsiya belgilarini paydo bo‘lishiga olib kelishi mumkin. Klinik-eksperimental tadqiqotlar, djozamitsin boshqa makrolid antibiotiklarga nisbatan, teofillinni chiqarilishiga kamroq ta’sir qilishini ko‘rsatdi. – antigistamin preparatlar Djozamitsin va terfenadin yoki astemizol saqlovchi antigistamin preparatlar birga buyurilganida, hayotga xavf soluvchi yurak aritmiyalarini rivojlanishiga olib kelishi mumkin. – shoxkuya alkaloidlari Shoxkuya alkaloidlari va makrolid antibiotiklar birga buyurilganidan keyin vazokonstriktiyani (qon tomirlarni torayishini) kuchayishi to‘g‘risida ayrim xabarlar bor, shu jumladan djozamitsinni qabul qilish fonida ham yagona holat aniqlangan. – tiklosporin Djozamitsin va tiklosporini birga buyurish qon plazmasidagi tiklosporinning darajasini oshishi va nefrotoksik havfni chaqirishi mumkin. Plazmada tiklosporinning kontentratsiyasini muntazam nazorat qilish kerak. – digoksin Djozamitsin va digoksin birga buyurilganida qon plazmasida digoksinning darajasi oshishi mumkin.

Barqaror og‘ir diareyada hayot uchun xavfli bo‘lgan soxta membranoz kolit rivojlanishi mumkinligini hisobga olish kerak. Buyrak yetishmovchiligi bo‘lgan bemorlarda davolashni tegishli laborator sinamalar (endogen kreatinin klirensini aniqlash) ning natijalarini hisobga olgan holda o‘tkazish kerak. Turli makrolid antibiotiklarga kesishgan chidamlilik bo‘lishi mumkinligini hisobga olish kerak.

Homiladorlikda va emizish davrida foyda/xavf nisbati shifokor tomonidan baholanganidan keyin preparatni qo‘llashga ruxsat beriladi.

Transport vositalarini boshqarish va mexanizmlar bilan ishlash qobiliyatiga ta’siri aniqlanmagan. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach preparat qo‘llanilmasin.

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.

Hozirgi vaqtgacha dozani oshirib yuborilishining spetsifik simptomlari to‘g‘risida ma’lumotlar yo‘q. Dozasi oshirib yuborilgan hollarda “Nojo‘ya ta’sirlar” bo‘limida ta’riflangan, ayniqsa me’da-ichak yo‘llari tomonidan kuzatiladigan simptomlarni paydo bo‘lishini taxmin qilish mumkin.

Retsept bo‘yicha.

Dispersiyalanuvchi tabletkalar 1000 mg. 5 tabletkadan PVX/PVDX/alyuminiy folga blisterda. 2 blisterdan qo‘llash bo‘yicha yo‘riqnomasi bilan birga karton qutiga joylanadi.

3 yil.