tiniq, rangsiz yoki biroz sarg‘ish suyuqlik.

K vitamini va boshqa gemostatik vositalar.

V02VA02.

Mushak ichiga yuborilganidan keyin oson va tez tizimli qon oqimiga so‘riladi. Plazma oqsillari bilan bog‘lanishi qaytuvchi xarakterga ega. Albuminlarning miqdori juda kam bo‘lgan bemorlarning qoni K vitaminini juda kuchsiz bog‘laydi, yoki umuman uni bog‘lamaydi. Asosan jigarda, taloqda, miokardda to‘planadi. Aylanish jarayoni eng jadal miokardda, skelet mushaklarida, biroz kuchsizroq – buyrakda yuz beradi. Buyrak orqali va safro bilan deyarli faqat metabolitlari ko‘rinishida chiqariladi. K vitaminining metabolitlari (monosulfat, fosfat va diglyukuronid-2-metil-1,4-naftoxinon) siydik bilan 70% gacha chiqariladi. K vitaminining ahlatdagi yuqori kontsentratsiyalari, uning ichak mikroflorasi tomonidan sintezlanishi bilan bog‘liq.

Vikasol qonuvchanlikda va sariqlik bilan kechuvchi gipoprotrombinemiya fonida, o‘tkir gepatitlarda, kapillyar va parenximatoz qon ketishlarda buyuriladi. Xirurgik aralashuvlar va jarohatlanishlardan keyin, me’da va o‘nikki barmoq ichak yara kasalligidagi, o‘tkir nur kasalligining yaqqol simptomlaridagi qon ketishlarda, burunda va gemorroidal davomli qon ketishlarda buyuriladi. Preparat chala tug‘ilgan chaqaloqlardagi gemorragik ko‘rsatmalarda, bachadon klimaks oldi va yuvenil qon ketishlarda, spontan qonuvchanlikda, operatsiyaga tayyorlashda, agar operatsiyadan keyingi davrda qon ketishini xavfi bo‘lsa, o‘pka qon ketishlarida, septik kasalliklar fonidagi gemorragik ko‘rinishlarda buyuriladi. Bundan tashqari, Vikasol-Darnitsani buyurish uchun ko‘rsatmalar bo‘lib, qon ketishlari va – K vitamini antagonistlari fenilin, neodikumarin va boshqa antikoagulyantlarning dozasini oshirib yuborish bilan bog‘liq bo‘lgan gipoprotrombinemiyalar hisoblanadi.

Preparat mushak ichiga yuboriladi. Kattalarga bir martalik doza – 10 mg, maksimal bir martalik doza – 15 mg, maksimal sutkalik doza – 30 mg ni tashkil etadi. Davolash davomiyligi – 3-4 kun, 4 kunlik tanaffusdan keyin zarurati bo‘lganida kurs takrorlanadi. Mumkin bo‘lgan kuchli parenximatoz qon ketishli xirurgik aralashuvlarda operatsiyadan oldin 2-3 kun davomida buyuriladi. Bolalarga: 1 yoshgacha – sutkada 2,5 mg, 1-2 yosh – sutkada 6 mg, 3-4 yosh – sutkada 8 mg, 5-9 yosh – sutkada 10 mg, 10-18 yosh – sutkada 15 mg. Doza 2 yuborishga bo‘linadi. Bolalar uchun davolash davomiyligini shifokor belgilaydi.

Allergik reaktsiyalar: yuz giperemiyasi, teri toshmasi (shu jumladan eritematoz, eshakemi), terini qichishishi, bronxospazm. Qon tizimi tomonidan: gemolitik anemiya, glyukoza-6-fosfatdegidrogenazaning tug‘ma tanqisligi bo‘lgan yangi tug‘ilgan chaqaloqlarda yoki Ye vitamini yetishmovchiligi bo‘lgan patsiyentlarda gemoliz, tromboemboliya. Yurak-tomir tizimi tomonidan: arterial bosimni tranzitor pasayishi, taxikardiya, pulsni kuchsiz to‘lishi. Yuborilgan joydagi reaktsiyalar: yuborilgan joyda og‘riq va shish, bir joyga takroriy inyektsiyalarda dog‘lar ko‘rinishidagi terining rangini o‘zgarishi. Vikosol lokal sklerodermiya chaqirishi mumkin. Boshqalar: giperbilirubinemiya, sariqlik (shu jumladan emizikli bolalarda yadroli sariqlik), bosh aylanishi, profuz terlash, ta’m tuyg‘ularini o‘zgarishi, qizish hissi kuzatiladi.

Preparatning komponentlariga o‘ta yuqori sezuvchanlik. Giperkoagulyatsiya, tromboemboliya. Yangi  tug‘ilgan chaqaloqlarning gemolitik kasalligi. Og‘ir jigar yetishmovchiligi. Glyukoza-6-fosfatdegidrogenaza tanqisligida qo‘llash mumkin emas.

Peroral antikoagulyantlar bilan bir vaqtda qo‘llanganida antikoagulyant ta’sirini pasaytirishi mumkin. Bilvosita antikoagulyantlarning (shu jumladan kumarin va indandion hosilalarining) samarasini susaytiradi. Geparinning antikoagulyant faolligiga ta’sir qilmaydi. Keng ta’sir doirali antibiotiklar, xinidin, xinin, yuqori dozalarda salitsilatlar, sulfonamidlar bilan bir vaqtda qo‘llash, K vitaminining dozasini oshirishni talab etadi. Gemolitik dori vositalari bilan bir vaqtda qo‘llanganida nojo‘ya samaralarining namoyon bo‘lishini xavfi oshadi. Agregantlar va fibrinolizning ingibitorlari bilan bir vaqtda qo‘llanganida ularning gemostatik samarasi potentsiyalanadi.

Homiladorlik vaqtida ehtiyotkorlik bilan buyuriladi. Vikasol qo‘llanganida trombotsitlar agregatsiyasini tormozlanishi mumkinligini hisobga oshish kerak. Gemofiliya, trombotsitopenik purpura va Verlgof kasalligida preparat samarasizdir. Yangi tug‘ilgan chaqaloqlarning gemolitik kasalligini oldin olish uchun menadion natriy bisulfitiga qaraganda fitomenadionni qo‘llash yaxshiroq, chunki u yangi tug‘ilgan chaqaloqlarda (shu jumladan chala tug‘ilgan chaqaloqlarda) kamroq giperbilirubinemiya va gemolitik anemiyani chaqiradi. Homiladorlik yoki emizish davrida qo‘llanishi. Vikasol-Darnitsa homiladorlikda xavf preparatlariga kiradi. Preparatni I va II uch oyliklarida ko‘rsatmalar bo‘yicha, agar ona uchun foyda homila uchun xavf darajasidan yuqori bo‘lganida qo‘llash mumkin. Homiladorlikning III uch oyligida K vitaminini profilaktik buyurish, uning uchun yo‘ldoshning past o‘tkazuvchanligi tufayli samarali emas. Emizayotgan onalarga preparatni qo‘llash zarurati bo‘lgan hollarda, davolash davrida emizishni to‘xtatish lozim. Bolalar. Preparat pediatriya amaliyotida qo‘llanadi. Avtotransportni boshqarish yoki boshqa mexanizmlar bilan ishlashda reaktsiya tezligiga ta’sir qilish xususiyati. Preparat avtotransportni boshqarish yoki mexanizmlar bilan ishlashda reaktsiya tezligiga ta’sir qilmaydi. Agar davolanish davrida bosh aylanishi kuzatilsa, transport vositalarini boshqarish va mexanizmlar bilan ishlashdan saqlanish lozim. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Original o‘ramda, 2˚S dan 8˚S gacha bo‘lgan haroratda saqlansin.

Simptomlari: giperprotrominemiya va gipertrombinemiya, giperbilirubinemiya, sariqlik, jigar fermentlarining faolligini oshishi bilan nomoyon bo‘luvchi K gipervitaminozi; qorin og‘riqlari, qabziyatlar va diareya, umumiy qo‘zg‘alish, ajitatsiya va teri toshmalari kuzatiladi. Yakka hollarda bolalarda tirishishlar bilan namoyon bo‘luvchi toksikoz rivojlanadi. Davolash: Preparat bekor qilinadi. Qon ivish tizimining ko‘rsatgichlarini nazorati ostida antikoagulyantlar buyuriladi. Davolash simptomatik.

1 ml dan ampulada; 10 ampuladan kontur uyali o‘ramda; 2 kontur uyali o‘ramdan qutida.

2 yil.