sharsimon shaklli, och-sariq rangli yumshoq jelatin kapsulalar. Kapsula ichidagisi – tiniq, rangsiz yoki biroz sarg‘ish yoki sarg‘ish-yashil rangli, mentol hidli moysimon suyuqlik.

boshqa uxlatuvchi va sedativ vositalar.

N05CM

Sublingval qo‘llanilganda og‘iz bo‘shlig‘i shilliq qavatidan so‘riladi. So‘rilgandan keyin jigarda biotransformatsiyaga uchraydi va glyukuronidlar ko‘rinishida siydik bilan chiqariladi.

Nevrasteniya va funktsional kardialgiyani majmuaviy davolashda qo‘llanadi. Ushbu ko‘rsatmalar bo‘yicha buyurish faqat uzoq vaqt qo‘llashdagi tajribaga asoslangan.

Preparat til ostiga qo‘llanadi. Kapsulani to‘liq erib ketgunigacha og‘izda ushlab turish kerak. Bir kapsuladan kuniga 2-3 marta qo‘llanadi. Validolni sutkalik qo‘llash soni va qabul qilish davomiyligi davolashning samaradorligiga bog‘liq. Preparatni qabul qilgandan keyin 5-10 minut davomida terapevtik samara kuzatilmasa yoki yaqqolligi yetishmaganda boshqa davolashni burish uchun shifokorga murojaat etish kerak.

Allergik reaktsiyalar, ko‘ngil aynishi, jig‘ildon qaynashi, ko‘z yoshi oqishi, bosh aylanishi kuzatilishi mumkin. Mentolga kontakt allergiya og‘iz bo‘shlig‘ida achishish va yara paydo bo‘lishi, lixenoid toshma paydo bo‘lishi bilan kechadi. Mentolga allergik reaktsiyalar bosh og‘rig‘i, bradikardiya, mushak tremori, ataksiya, anafilaktik shok, terida eritematoz toshma bilan kechishi mumkin. Tez-tezligi noma’lum. Nojo‘ya reaktsiyalar, shu jumladan ushbu yo‘riqnomada ko‘rsatilmagan nojo‘ya reaktsiyalar paydo bo‘lgan hollarda dori vositasini qabul qilishni to‘xtatish va shifokorga murojaat etish kerak.

preparatning komponentlariga yuqori sezuvchanlik;yaqqol arterial gipotenziya;o‘tkir miokard infarkti;18 yoshgacha bo‘lgan bolalar;anamnezida tutqanoq yoki tirishish sindromi (shu jumladan febril tirishishlar) bo‘lgan patsiyentlarda qo‘llash mumkin emas. Ehtiyotkorlik bilan: me’da-qizilo‘ngach reflyusi, diafragmaning qizilo‘ngach teshigi churrasi, me’da-ichak yo‘llarining yallig‘lanishli va yarali kasalliklari, bronxial astma, bronxospazm va laringospazmga moyillikda ehtiyotkorlik bilan qo‘llanadi.

O‘zaro ta’sirini baholash bo‘yicha tadqiqotlar o‘tkazilmagan. Boshqa dori vositalarini bir vaqtda qabul qilgan hollarda shifokor bilan maslahatlashish kerak.

Kutilgan samaraga erishishni tezlashtirish uchun validol kapsulasini chaynash mumkin. Agar dori vositasini qabul qilish vaqtida simptomlar saqlansa yoki bemorning holatini yomonlashishi kuzatilsa, shifokorga murojaat etish kerak. Agar dori vositasini qabul qilgandan keyin yurak sohasidagi og‘riq o‘tib ketmasa, o‘tkir koronar sindromni inkor etish kerak. Qo‘lga, qorinning yuqori qismi, bo‘yinga irradiatsiya qiluvchi yurak sohasida og‘riq paydo bo‘lganda yoki nafas yetishmovchiligi (masalan hansirash) rivojlanganda shoshilinch tibbiy yordam zarur. Tarkibida metilparagidroksibenzoat va propilparagidroksibenzoat mavjudligi tufayli, allergik reaktsiyalar, shu jumladan sekinlashgan tipdagi reaktsiyalar kuzatilishi mumkin. Homiladorlik va emizish davrida qo‘llanishi Yetarli ma’lumotlar yo‘qligi tufayli homiladorlik va emizish davrida qo‘llash tavsiya etilmaydi. Bolalarda qo‘llanishi Yetarli ma’lumotlar yo‘qligi tufayli 18 yoshgacha bo‘lgan bolalarda qo‘llash tavsiya etilmaydi. Avtomobilni boshqarish va mexanizmlar bilan ishlash qobiliyatiga ta’siri Preparatni qabul qilganda diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug‘ullanganda (transport vositalarini boshqarish, harakatlanuvchi mexanizmlar bilan ishlash, dispetcher, operatorlik ishi) ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Namlik va yorug‘likdan himoyalangan joyda, 15°S dan 25°S gacha haroratda saqlansin.

Doza oshirib yuborilganda bosh og‘rig‘i, ko‘ngil aynishi, diareya, rektal yaralarni paydo bo‘lishi, me’da-ichak yo‘llari tomonidan buzilishlar, arterial bosimni pasayishi, nafas buzilishlari, yurak ritmini buzilishlari, ataksiya, qo‘zg‘alish, tutqanoq xurujlari, hushdan ketish va markaziy nerv tizimi tomonidan boshqa buzilishlar kuzatilishi mumkin. Doza oshirib yuborilgan holatda preparatni bekor qilish kerak. Davolash simptomatik.

Shifokor retseptisiz beriladi

Yumshoq jelatin kapsulalar, 10 kapsuladan kontur uyali o‘ramda, 2 yoki 3 kontur uyali o‘ram qo‘llash bo‘yicha yo‘riqnomasi bilan qutida.

2 yil.