oq, kapsulasimon shaklli, bir tomonida firma gravirovkasi bo‘lgan, qobiq bilan qoplangan tabletkalar.

antibiotik (makrolidlar guruhi)

J01FA10

Azitromitsin me’da-ichak yo‘llaridan tez so‘riladi, bu uning kislotali muhitga chidamliligi va lipofilligi bilan bog‘liq. 500 mg ichga qabul qilinganidan keyin azitromitsinning qon plazmasidagi maksimal kontsentratsiyasiga 2,5-2,96 soatdan keyin erishiladi va u 0,4 mg/l ni tashkil qiladi. Biokirishaolishligi 37% ni tashkil qiladi. Azitromitsin nafas yo‘llariga, urogenital yo‘llarining a’zolari va to‘qimalariga (xususan prostata beziga), teri va yumshoq to‘qimalarga yaxshi kiradi. To‘qimalardagi yuqori kontsentratsiyasi (qon plazmasidagidan 10-50 marta yuqori) va uzoq muddatli yarim chiqarilish davri azitromitsinni qon plazmasining oqsillari bilan past darajada bog‘lanishi, shuningdek uni eukariot xujayralariga kirish xususiyati va rN past bo‘lgan lizosomalarni o‘rab turgan muhitda yig‘ilishi bilan bog‘liq. Bu o‘z navbatida, katta taxminiy taqsimlanish hajmini (31.1 l/kg) va yuqori plazma klirensini belgilaydi. Azitromitsinning asosan lizosomalarda to‘planish xususiyati xujayra ichki qo‘zg‘atuvchilarining eliminatsiyasi uchun muhimdir. Fagotsitlar azitromitsinni infektsiya joylashgan joyga yetkazishi isbotlangan bo‘lib, u joyda u fagotsitoz jarayonida ajralib chiqadi. Azitromitsinning infektsiya o‘chog‘idagi kontsentratsiyasi sog‘lom to‘qimalardagiga nisbatan (o‘rtacha 24-34% ga) ishonchli darajada yuqori va yallig‘lanish shishining darajasi bilan to‘g‘ri keladi. Fagotsitlardagi yuqori kontsentratsiyasiga qaramasdan, azitromitsin ularning faoliyatiga sezilarli ta’sir ko‘rsatmaydi. Azitromitsin yallig‘lanish o‘chog‘ida, oxirgi doza qabul qilinganidan keyin 5-7 kun davomida bakteritsid kontsentratsiyalarda saqlanadi, bu qisqa davolash kurslarini (3 kunlik va 5 kunlik) ishlab chiqish imkoniyatini beradi. Jigarda demetillanadi, hosil bo‘lgan metabolitlari faol emas. Azitromitsinni qon plazmasidan chiqarilishi 2 bosqichda o‘tadi: yarim chiqarilish davri preparat 8 soatdan 24 soatgacha bo‘lgan oraliqda qabul qilinganidan keyin 14-20 soatni va 24 soatdan 72 soatgacha oraliqda – 41 soatni tashkil qiladi, bu preparatni sutkada 1 marta qabul qilish imkoniyatini beradi.

Preparatga sezgir mikroorganizmlar chaqirgan quyidagi infektsion-yallig‘lanish kasalliklarda: Yuqori nafas yo‘llarining va LOR a’zolarining infektsiyalari (angina, sinusit, tonzillit, faringit, o‘rta otit);Quyi nafas yo‘llarining infektsiyalari (bakterial va atipik pnevmoniyalar, bronxit);Teri va yumshoq to‘qimalarning infektsiyalari (saramas, impetigo, ikkilamchi infitsirlangan dermatozlar);Chlamydia trachomatis chaqirgan urogenital yo‘llarining infektsiyalari, (asoratlanmagan uretrit va/yoki tservitsit);Layma kasalligi (borrelioz), boshlang‘ich bosqichini davolash uchun (erythema migrans);Me’da va o‘nikki barmoq ichakning Helicobacter Pylori bilan assotsiatsiyalangan kasalliklarida (majmuaviy davolash tarkibida) qo‘llanadi.

Ichga, ovqatdan 1 soat oldin yoki 2 soat keyin, sutkada 1 marta. Kattalarga va 12 yoshdan oshgan va tana vazni 45 kg dan katta bolalarga: nafas yo‘llarining yuqori va quyi bo‘limlarining, LOR-a’zolarining infektsiyalarida, teri va yumshoq to‘qimalarning infektsiyalarida (surunkali migratsiyalanuvchi eritemadan tashqari) – sutkada 500 mg dan 1 qabulda, 3 kun davomida (kurslik doza – 1,5 g);siydik–jinsiy a’zolarining o‘tkir infektsiyalarida (asoratlanmagan uretrit yoki tservitsit) – bir marta 1 g buyuriladi;Laym (borrelioz) kasalligida I bosqichni davolash uchun (erythema migrans) – birinchi kuni 1 g va 500 mg dan har kuni 2 kundan 5 kungacha (kurs dozasi – 3 g);me’da va o‘n ikki barmoq ichakning Helicobacter pylori bilan assotsiatsiyalangan yara kasalligida – sutkada 1 g dan majmuaviy antixelikobakter davolashning tarkibida 3 kun davomida, davolash davomiyligi shifokor qarori bo‘yicha belgilanadi. Buyrak faoliyatini o‘rtacha buzilishi bo‘lgan patsiyentlar uchun (kreatinin klirensi minutiga 40 ml dan kam) dozani to‘g‘rilash talab qilinmaydi.

Azitromitsin kam hollarda nojo‘ya reaktsiyalarni chaqiradi. Nojo‘ya ta’sirlar tez-tezligi bo‘yicha quyidagi tarzda tasniflangan: juda tez-tez (>1/10); tez-tez (>1/100 dan <1/10 gacha), tez-tez emas (>1/1000 dan <1/100 gacha), kam hollarda (>1/10000 dan <1/1000 gacha), juda kam hollarda (<1/10000), noma’lum (mavjud ma’lumotlar asosida baholash mumkin emas). Nojo‘ya ta’sirlar har bir guruhda tez-tezligiga nisbatan ko‘proq uchraydiganlardan kamroq uchraydiganlargacha shkalasi bo‘yicha ko‘rsatilgan. Infektsion va parazitar kasalliklar: tez-tez emas – kandidoz, oral kandidoz, qin infektsiyasi, noma’lum – soxtamembranoz kolit. Qon va limfatik tizimi tomonidan buzilishlar: tez-tez emas – leykopeniya, neytropeniya, noma’lum – trombotsitopeniya, gemolitik anemiya. Immun tizimi tomonidan buzilishlar: tez-tez emas – Kvinke shishi, o‘ta yuqori sezuvchanlik, noma’lum – anafilaktik reaktsiyalar. Ruhiyatni buzilishi: tez-tez emas – nevroz, kam hollarda – bezovtalik, noma’lum-tajovvuz, havotirlanish. Nerv tizimi tomonidan: tez-tez – bosh aylanishi, bosh og‘rig‘i paresteziya, ta’mni buzilishi, tez-tez emas – gipesteziya, uyquchanlik, uyqusizlik, noma’lum – hushdan ketish, tirishishlar, psixomotor giperfaollik, ta’m va hid bilishni buzilishi, uyquni buzilishi, miasteniya gravis. Ko‘rish a’zolari tomonidan buzilishlar: tez-tez emas – ko‘rishni buzilishi. Eshitish a’zolarini buzilishi va labirint buzilishlari: tez-tez – karlik, tez-tez emas – eshitishni buzilishi, quloqlarni shang‘illashi, kam hollarda – bosh aylanishi. Yurak tomonidan buzilishlar: tez-tez emas – yurakni  urib ketishi noma’lum – torsade de pointes (piruet taxikardiyasi); aritmiya, shu jumladan ventrikulyar taxikardiya. Qon tomirlari tomonidan buzilishlar: noma’lum – gipotenziya. Me’da-ichak yo‘llari tomonidan buzilishlar: juda tez-tez – diareya, qorinda og‘riq, ko‘ngil aynishi, meteorizm, tez–tez – qusish, dispepsiya, tez-tez emas – gastrit, qabziyat, noma’lum – pankreatit, tilni oqarishi. Jigar va safro chiqarish yo‘llari tomonidan buzilishlar: tez-tez emas – gepatit, kam hollarda – jigar faoliyatini buzilishi, noma’lum – jigar yetishmovchiligi, jigar nekrozi, xolestatik sariqlik. Teri va teri osti to‘qimalari tomonidan buzilishlar: tez-tez – toshma, qichishish, tez-tez emas – Stivens-Djonson sindromi, fotosezuvchanlik, eshakemi; noma’lum – toksik epidermal nekroliz, ko‘p shaklli eritema. Skelet-mushak va biriktiruvchi to‘qima tomonidan buzilishlar: tez-tez – artralgiya. Buyrak va siydik-chiqarish yo‘llari tomonidan buzilishlar: noma’lum – buyraklarni o‘tkir yallig‘lanishi, interstitsial nefrit. Umumiy buzilishlar va yuborish joyida buzilishlar: tez-tez – charchoq, tez-tez emas – ko‘krakda og‘riq, shish, holsizlik, asteniya. Laborator va instrumental ma’lumotlar: tez-tez – qonda limfotsitlar sonini kamayishi, eozinofillar sonini oshishi, tez-tez emas – aspartataminotransferaza va alaninaminotransferaza darajasini oshishi, qon zardobida bilirubin miqdorini kamayishi, qon zardobida kreatinin, mochevina darajasini oshishi, qon zardobida kaliy miqdorini o‘zgarishi, noma’lum – EKG da QT intervalini uzayishi.

Azitromitsin va preparatning boshqa komponentlariga yuqori sezuvchanlik (shuningdek, boshqa makrolidlarga);Og‘ir jigar va/yoki buyrak yetishmovchiligi;12 yoshgacha bo‘lgan va tana vazni 45 kg kam bolalar (ushbu dori shakli uchun);Emizish davri;Ergotamin va digidroergotamin bilan bir vaqtda qo‘llash mumkin emas.

Antatsidlar (alyumin va magniy saqlovchi), etanol va ovqat azitromitsinni (peraral shakl uchun) so‘rilishini sekinlashtiradi va pasaytiradi, shuning uchun ovqat va keltirilgan dori vositalari bilan qabul qilish orasidagi interval 1 soat oldin yoki 2 soat keyinni tashkil qilishi kerak. Varfarin va azitromitsin birga buyurilganida (odatdagi dozalarda) protrombin vaqtini o‘zgarishi aniqlanmagan, ammo makrolidlar va varfarinni o‘zaro ta’sirlashuvida antikoagulyatsion samarani kuchayishini hisobga olib, patsiyentlarda protrombin vaqtini sinchiklab nazorat qilish kerak. Digoksin va azitromitsinni birga qabul qilinganida qonda digoksinning kontsentratsiyasini nazorat qilish kerak, chunki ko‘pchilik makrolidlar digoksinni ichakda so‘rilishini oshiradi, natijada qonda uning kontsentratsiyasini oshiradi. Triazolam, midazolam, tsimetidin, efavirenz, flukonazol, indinavir, trimetoprim/sulfametoksazol bilan birga qo‘llanganida ularning qondagi kontsentratsiyasiga azitromitsinning ta’siri haqida ma’lumotlar yo‘q, lekin bunday o‘zaro ta’sirini inkor etib bo‘lmaydi, chunki yuqorida keltirilgan preparatlar bilan makrolidlarning o‘zaro ta’sirlari mavjud. Azitromitsinni ergotamin yoki digidroergotamin bilan birga qo‘llanganida ularning zaharli ta’siri (vazospazm, dizesteziya) kuchayishi mumkin. Terfenadin va azitromitsinni birga qo‘llanganda ehtiyotkorlikka rioya qilish kerak, chunki terfenadin va turli xil antibiotiklarni bir vaqtda qo‘llash aritmiya va Q-T intervalini uzayishini chaqirishi aniqlanmagan. Bundan kelib chiqib, terfenadin va azitromitsinni birga qo‘llaganda yuqorida keltirilgan asoratlarni istisno qilib bo‘lmaydi. Azitromitsin tomonidan gepatotsitlarida mikrosomal oksidlanishni ingibirlanishi hisobiga tsikloserin, bilvosita antikoagulyantlar, felodipin, shuningdek SUR3A4 fermenti ishtirokida mikrosomal oksidlanishiga uchraydigan dori vositalarini (karbomazepin, terfekadin, tsiklosporin, geksobarbital, shoxkuya alkaloidlari, valproat kislotasi, dizopiramid, bromokriptin, fenitoin, peroral gipoglikemik vositalar, teofillin va boshqa ksantin hosilalari) chiqarilishini sekinlashtiradi va plazmadagi kontsentratsiyasi va zaharliligini oshiradi. Linkozamidlar azitromitsinning samaradorligini susaytiradi, tetratsiklin va xloramfenikol esa kuchaytiradi. Birga qo‘llanganida azitromitsin karbamazepin, didanozin, rifabutin va metilprednizolonning qondagi kontsentratsiyaga ta’sir ko‘rsatmaydi.

Allergik reaktsiyalar: kam holatlarda og‘ir allergik reaktsiyalar, anafilaktik shish va anafilaksiya qayd etilgan. Bunday reaktsiyalarning ayrimlari uzoq davom etadi va doimiy kuzatuvni va davolashni talab qiladi. Jigar funktsiyasini buzilishi: jigarning og‘ir kasalliklari bo‘lgan bemorlarda azitromitsinni ehtiyotkorlik bilan ishlatish lozim. Sariqlik, siydik rangini to‘qlashishi, qon ketishlariga moyillik yoki jigar entsefaliopatiyasi bilan bog‘liq asteniya tezda rivojlanganda jigar funktsiyasini tekshirishni o‘tkazish kerak. Ergotamin: bu dori vositalarini azitromitsin bilan birga qo‘llash mumkin emas. Ikkilamchi infektsiya: sezgir bo‘lmagan organizmlar, shu jumladan zamburug‘lar tomonidan chaqirilgan ikkilamchi infektsiya belgilarini monitoring qilish tavsiya qilinadi. Clostridium Difficile bilan assotsiyalangan diareya: og‘irlik darajasi yengil diareyadan o‘tkir kolitgacha o‘zgarishi mumkin. Bunday simptomlar paydo bo‘lganida shifokorga murojaat qilish lozim. Buyrak funktsiyasini buzilishi: og‘ir buyrak yetishmovchiligi (SKF<10 ml/min) bo‘lgan bemorlarda azitromitsinni tizimli ta’siri oshadi. EKG repolyarizatsiya va QT intervalini uzayishi: yuqori havf guruhidagi patsiyentlarni davolashda o‘ta ehtiyotkorlik zarur: nasliy yoki hujjat bilan tasdiqlangan QT intervalini uzayishi;QT intervalini uzaytiruvchi dori preparatlarini masalan, IA va III sinfi aritmiyaga qarshi, tsizaprid va terfenadinni bir vaqtda qabul qilish;elektrolit muvozanatini buzilishi, ayniqsa gipokaliyemiya va gipomagniyemiya;klinik ahamiyatli bradikardiya, aritmiya yoki og‘ir yurak yetishmovchiligi. Azitromitsin bilan davolanayotgan patsiyentlarda miasteniya simptomlarini zo‘rayishi mumkin. Streptokokk infektsiyalari: Azitromitsin o‘tkir faringitni davolashda samarali, ammo o‘tkir revmatik isitmani profilaktikasida uning samaradorligi to‘g‘risida ma’lumotlar yo‘q. Dozani qabul qilish o‘tkazib yuborilgan hollarda, o‘tkazib yuborilgan dozani iloji boricha tezroq, keyingilarini esa – 24 soatli interval bilan qabul qilish kerak. Antatsidlar bilan bir vaqtda qo‘llanganida 2 soatli tanaffusga rioya qilish kerak. Homiladorlik va laktatsiya. Qo‘llash tajribasi azitromitsinni homilaga zararli ta’sirini ko‘rsatmaydi. Shunga qaramay dori vositasini faqat juda zarur hollarda buyurish mumkin. Azitromitsin bilan davolanish vaqtida emizish to‘xtatiladi. Avtotransportni boshqarish va mexanik qurilmalarda hizmat ko‘rsatish qobiliyatiga ta’siri. Preparatni avtotransportni boshqarish va mexanik qurilmalarda hizmat ko‘rsatish qobiliyatiga ta’siri to‘g‘risida ma’lumotlar yo‘q. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda.

Azitromitsin dozasini oshirib yuborilishi to‘g‘risida ma’lumotlar yo‘q. Makrolid antibiotiklar dozasini oshirib yuborilishi eshitish qobiliyatini vaqtinchalik yo‘qolishi, kuchli ko‘ngil aynishi, qusish va diareya bilan birga kechadi. Dozani oshirib yuborilishiga shubha tug‘ilganida qusishni chaqirish va darhol shifokorga yordam uchun murojaat qilish lozim. Davolash: davolash simptomatik.

Sofarimex – Indústria química e Farmacêutica, S.A. Av. das Indústrias -Alto de Colaride- Agualva 2735-213 Agualva-Kasen, Portugaliya Ulashish: 3 174 Views

Sofarimex – Indústria química e Farmacêutica, S.A. Av. das Indústrias -Alto de Colaride- Agualva 2735-213 Agualva-Kasen, Portugaliya Ulashish: 3 174 Views

Retsept bo‘yicha

3 tabletkadan PVX/A1 blisterda. 1 blister qo‘llash bo‘yicha yo‘riqnomasi bilan birga karton qutiga joylangan.

3 yil.