Oq yoki biroz sarg‘imtir rangli kukun.

Antibiotik (tsefalosporinlar guruhi).

J01DA10

Sog‘lom ko‘ngillilarga mushak ichiga (m/i) bir marta 0,5 yoki 1,0 g yuborilganida maksimal kontsentratsiyaga (Cmax) (muvofiq ravishda 11,7 va 20,5 mkg/ml) 30 minut davomida erishiladi. Vena ichiga (v/i) 0,5; 1 yoki 2 g yuborilganidan keyin 5 minut o‘tgach, muvofiq ravishda Cmax 38,9; 101,7 va 214,4 mkg/ml. Qon plazmasi oqsillari bilan (asosan albuminlar bilan) bog‘lanishi – 25-40% tashkil qiladi. Organizmning ko‘pchilik to‘qimalari (miokard, suyaklar, o‘t pufagi, teri, yumshoq to‘qimalarda) va suyuqliklarida (sinovial, perikardial, peritoneal, orqa-miya, plevra orqali chiqishi), balg‘amda, safroda, siydikda terapevtik kontsentratsiyalarni hosil qiladi. Yo‘ldosh orqali o‘tadi, ko‘krak sutiga kiradi. Plazmadan yarim chiqarilish davri (T1/2) yuborish yo‘lidan qat’iy nazar, taxminan 1 soatni tashkil qiladi. Yuborilgan dozaning taxminan 60% infuziya boshlanganidan keyin 6 soat davomida – buyrak orqali chiqariladi. Tsefotaksimning taxminan 20-36% o‘zgarmagan holda chiqib ketadi, 15-25% antibakterial faollikka ega dezatsetiltsefotaksim shaklida (asosiy metabolit), 20-25% – boshqa ikki nofaol metabolitlar – M2 va M3 ko‘rinishida chiqariladi. 1 g dozada takroran har 6 soatda v/i 14 sutka davomida yuborilganida kumulyatsiya kuzatilmaydi. Yangi tug‘ilgan chaqaloqlarda tsefotaksimning T1/2 0,75-1,5 soatni tashkil qiladi, chala tug‘ilgan bolalarda – 1,4-6,4 soatni tashkil qiladi. Buyrak yetishmovchiligida T1/2  2,5 soatdan oshmaydi va keksa yoshdagi (80 yoshdan oshgan) shaxslarda T1/2  taxminan 2 marta (2,5 soatgacha) oshadi.

Sezgir mikroorganizmlar tomonidan chaqirilgan og‘ir bakterial infektsiyalar: nafas yo‘llari va LOR-a’zolarining (enterokokkli infektsiyalardan tashqari), teri va yumshoq to‘qimalarining (shu jumladan infektsiyalangan jaroxatlar va kuyishlar), suyaklar va bo‘g‘imlarning, siydik-chiqarish yo‘llarining, kichik chanoq a’zolarning infektsiyalari, akusher-ginekologik infektsiyalar (shu jumladan xlamidioz, gonoreya, shu jumladan penitsillinazani ishlab chiqaruvchi mikroorganizmlar tomonidan chaqirilgan infektsiyalar) bakteriyemiya, septitsemiya, peritonit, intraabdominal infektsiyalar, bakterial meningit (listeriozli infektsiyadan tashqari), endokardit, Laym kasalligi, tif isitmasi, immuntanqislik fonidagi infektsiyalar; jarrohlik operatsiyalardan keyingi (shu jumladan me’da-ichak yo‘llaridagi) infektsiyalarni oldini olishda qo‘llanadi.

Parenteral (v/i oqim bilan yoki tomchilab) va m/i. Dozalash tartibi va davolash kursining davomiyligi infektsiyaning og‘irligi va ko‘rsatmalarga qarab shaxsiy ravishda belgilanadi. M/i yuborish uchun 0,5 g preparat 2 ml, 1 g – 4 ml inyektsiya uchun suvda eritiladi. Dumba mushagiga chuqurroq qilib yuboriladi. V/i oqim bilan yuborish uchun 0,5 g preparat 2 ml, 1 g – 4 ml inyektsiya uchun suvda eritiladi. Asta-sekin 3-5 minut davomida yuboriladi. V/i tomchilab yuborish uchun, 1-2 g preparat 50-100 ml 5% glyukoza eritmasida yoki 0,9% natriy xloridning inyektsiya uchun izotonik eritmasida eritiladi. 50-60 minut davomida yuboriladi. Kattalar va 12 yoshdan oshgan bolalar uchun preparatning odatdagi sutkalik dozasi har 8 soatda – 1 g ni tashkil qiladi. Og‘ir hollarda dozani har 12 soatda 2 g gacha oshiriladi yoki yuborishlar sonini sutkada 3-4 martagacha oshirib, umumiy sutkalik dozani maksimum – 12 g gacha (meningitda) yetkaziladi. O‘tkir gonoreyada m/i bir marta 0,5-1,0 g yuboriladi. Yangi tug‘ilgan chaqaloqlar va kichik yoshdagi bolalar uchun preparatning odatdagi sutkalik dozasi sutkada 50-200 mg/kg ni tashkil qiladi, uni 12 dan 6 soatgacha bo‘lgan oraliq bilan alohida qabul qilishlarga bo‘lib qo‘llanadi. Chala tug‘ilgan chaqaloqlar uchun sutkalik doza 50 mg/kg dan oshmasligi kerak. Buyrak faoliyati buzilishi bo‘lgan hollarda doza kamaytiriladi. Boshlang‘ich anuriyada (kreatininni chiqarilishi 5 ml/min) odatda doza yarmiga kamaytiriladi.

Nerv tizimi va sezgi a’zolari tomonidan: bosh og‘rig‘i, bosh aylanishi. Yurak-tomir tizimi va qon (qon yaratilishi, gemostaz) tomonidan: yurak aritmiyalari (oqim bilan tez yuborilganda), neytropeniya, tranzitor leykopeniya, granulotsitopeniya, eozinofiliya, trombotsitopeniya, agranulotsitoz, gipoprotrombinemiya, autoimmun gemolitik anemiya. Me’da-ichak yo‘llari tomonidan: ko‘ngil aynishi, qusish, qorin og‘rig‘i, diareya/qabziyat, meteorizm, disbakterioz, qon plazmasida LDG, IF, jigar transaminazalari faolligi va bilirubinni tranzitor oshishi; kam hollarda – soxta membranoz kolit, stomatit, glossit. Siydik-jinsiy tizimi tomonidan: qon plazmasida mochevina azoti va kreatinin miqdorini oshishi interstitsial nefrit, buyraklar faoliyatining buzilishi, oliguriya. Allergik reaktsiyalar: toshma, giperemiya, eshakemi, eozinofiliya, ko‘p shaklli ekssudativ eritema, Stivens-Djonson sindromi, toksik epidermal nekroliz, angionevrotik shish, anafilaktik shok. Boshqalar: superinfektsiya, vaginal va oral kandidoz, yuborilgan joydagi reaktsiyalar: m/i yuborilganida – og‘riq, inyektsiya joyida yumshoq to‘qimalarni yallig‘lanishi va zichlashishi v/i yuborilganida – flebit.

Preparatga yuqori sezuvchanlik (shu jumladan penitsillinlarga, boshqa tsefalosporinlarga, karbapenemlarga), homiladorlikning I uch oyligi (adekvat va qat’iy nazoratli tekshirishlar o‘tkazilmagan) va emizish davri (ko‘krak sutiga o‘tadi), anamnezida qon ketishlarni, enterokolitlarni bo‘lishi, 2,5 yoshgacha bo‘lgan bolalar (m/i yuborish uchun) da qo‘llash mumkin emas.

Aminoglikozidlar, polimiksin V va halqali diuretiklar (furosemid va boshqalar) bilan bir vaqtda qabul qilinganida nefrotoksik ta’siri kuchayadi. Antiagregantlar bilan (shu jumladan NYAQV bilan) birga qo‘llanganda qon ketishlar havfini oshiradi. Probenetsid preparatning ekskretsiyasini sekinlashtirib, uning plazmadagi kontsentratsiyasini va T1/2 oshiradi (nojo‘ya ko‘rinishlarini ehtimoli oshadi). Preparat  bitta shpritsda yoki bir infuzion eritmada boshqa antibiotiklarning eritmasi bilan nomutanosibdir.

Buyrak faoliyatini yaqqol buzilishi bo‘lgan bemorlarga, shuningdek penitsillinga yuqori sezuvchanligi bo‘lgan patsiyentlarga ehtiyotkorlik bilan buyuriladi, chunki kesishgan allergiya yuz berishi mumkin. Preparatni qo‘llash davrida Kumbsning to‘g‘ri musbat reaktsiyasi va siydikda glyukozani aniqlashda soxta-musbat reaktsiyasi bo‘lishi mumkin. Preparatni homiladorlik (II va III uch oyligida) va laktatsiya davrida qo‘llanishi, faqat onaga bo‘lgan foyda, homila va bolaga bo‘lgan potentsial xavfdan ustun kelganidagina o‘zini oqlaydi. “Halqali” diuretiklar, aminoglikozidlarni bir vaqtda buyurilganda ehtiyotkorlikka rioya qilish kerak. Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Quruq va yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: nerv-mushak qo‘zg‘aluvchanligini oshishi, tirishishlar, tremor, entsefalopatiya (ayniqsa buyrak yetishmovchiligi bo‘lgan patsiyentlarda). Davolash: simptomatik, hayotiy muhim faoliyatini tutib turish. Mahsus antidoti yo‘q.

Retsept bo‘yicha Ulashish: 20 145 Views

Inyektsion eritma tayerlash uchun kukun 1,0 dan, flakonlarda.

3 yil.