oq yoki deyarli oq rangli kristall kukun.

Antibiotik (tsefalosporinlar guruhi).

J01DD62

Tsitobak Neo preparati yuborilganida tsefoperazonning dozasini taxminan 25% va sulbaktamning dozasini 84% buyraklar orqali chiqariladi. Tsefoperazonning katta qismi safro bilan chiqariladi. Tsefoperazon/sulbaktam yuborilganidan so‘ng tsefoperazonning o‘rtacha yarim yashash muddati 1,7 soatni, sulbaktamniki esa – 1 soatni tashkil etadi. Plazmadagi kontsentratsiyasi yuborilgan dozasiga proportsionaldir. 2 g tsefoperazon/sulbaktam vena ichiga 5 minut davomida yuborilganidan so‘ng tsefoperazon va sulbaktamning maksimal kontsentratsiyalarini o‘rtacha qiymati muvofiq ravishda 236,8 va 130,2 mkg/ml ni tashkil etadi. Bu sulbaktamning taqsimlanish hajmini (Vα=18,0-27,6 l) tsefoperazonning taqsimlanish hajmiga nisbatan (Vα = 10,2-11,3 l) katta ekanligidan dalolat beradi. Tsefoperazon ham, sulbaktam ham organizmning to‘qimalari va suyuqliklariga, jumladan safro, o‘t pufagi, teri, apendiks, falopiy naylari, tuxumdonlar, bachadon va boshqalarga jadal ravishda taqsimlanadi. Bolalarda tsefoperazonning o‘rtacha yarim yashash muddati taxminan 1,44 soatdan 1,88 soatgacha, sulbaktamniki esa – 0,91 soatdan 1,42 soatgacha bo‘ladi. Tsefoperazon va sulbaktam kompleks preparat shaklida birga qo‘llanganida ularning o‘rtasida farmakokinetik o‘zaro ta’siri yuzasidan ma’lumotlar mavjud emas. Ko‘p marta yuborilganidan so‘ng tsefoperazon/sulbaktamning komponentlarini farmakokinetikasida biron-bir ahamiyatli o‘zgarishlar va har 8-12 soatda qo‘llanganida ularni organizmda to‘planishi aniqlanmagan.

Preparatga sezgir mikroorganizmlar chaqirgan infektsion-yallig‘lanish kasalliklari: yuqori va quyi nafas yo‘llarining infektsiyalari;siydik chiqarish yo‘llarining yuqori va pastki bo‘limlarini infektsiyalari;intraabdominal infektsiyalar (shu jumladan, peritonit, xoletsistit, xolangit);septitsemiya;meningit;teri va yumshoq to‘qimalarning infektsiyalari;suyaklar va bo‘g‘imlarning infektsiyalari;kichik chanoq a’zolarining yallig‘lanish kasalliklari;endometrit;gonoreya. Tsitobak Neo preparatini keng ta’sir doirasiga ega ekanligini hisobga olib, ko‘pchilik infektsiyalarda ushbu preparat bilan monoterapiya o‘tkazish samarali bo‘ladi. Biroq zarurat bo‘lganida, Tsitobak Neo preparatini boshqa antibiotiklar bilan majmuada qo‘llash mumkin (aminoglikozidlar bilan bir vaqtda qo‘llanganida buyraklar faoliyatini nazorat qilish kerak).

Kattalarda Tsitobak Neo preparatini 2,0-4,0 g sutkalik dozada qo‘llash tavsiya etiladi. Sutkalik dozani teng qismlarga bo‘lish va har 12 soatda yuborish kerak. Og‘ir darajadagi yoki refrakter infektsiyalarda Tsitobak Neo preparatining sutkalik dozasi komponentlarning 1:1 nisbatida 8 g gacha oshirilishi mumkin (ya’ni 4 g tsefoperazon va 4 g sulbaktam). Tsefoperazon/sulbaktamni 1:1 nisbatda olayotgan bemorlarga, tsefoperazonni qo‘shimcha ravishda yuborish talab etilishi mumkin. Dozani teng qismlarga bo‘lish va har 12 soatda yuborish kerak. Sulbaktamning tavsiya etilgan maksimal sutkalik dozasi 4 g ni tashkil etadi. Bolalarda Tsitobak Neo preparatini sutkada 40-80 mg/kg dozada qo‘llash tavsiya etiladi. Dozani teng qismlarga bo‘lish va har 6-12 soatlarda yuborish kerak. Jiddiy va davolashga refrakter infektsiyalarda dozalar, komponentlarni 1:1 nisbatida sutkada 160 mg/kg gacha oshirilishi mumkin. Sutkalik doza 2-4 teng qismlarga bo‘linadi. Yangi tug‘ilgan chaqaloqlarda hayotining birinchi haftasi davomida preparatni har 12 soatda yuborish kerak. Bolalarda sulbaktamning maksimal sutkalik dozasi sutkada 80 mg/kgdan oshmasligi kerak. Yaqqol buyrak yetishmovchiligi bo‘lgan (KK minutiga 30 ml dan kam) bemorlarda Tsitobak Neo preparatining dozasi, preparatning tarkibiga kiruvchi sulbaktamning klirensini pasayishini kompensatsiya qilish uchun, o‘zgartiriladi. KK minutiga 15-30 ml bo‘lgan bemorlarda sulbaktamning maksimal dozasi 1 g tashkil etadi, har 12 soatda yuboriladi (sulbaktamning maksimal sutkalik dozasi 2 g), KK minutiga <15 ml bo‘lgan bemorlarda esa sulbaktamning maksimal dozasi 500 mg tashkil etadi, har 12 soatda yuboriladi (sulbaktamning maksimal sutkalik dozasi 1 g). Og‘ir darajadagi infektsiyalarda tsefoperazonni qo‘shimcha ravishda yuborish talab etilishi mumkin. Gemodializda sulbaktamning farmakokinetikasi ahamiyatli darajada o‘zgarishi va tsefoperazonni qon zardobidan yarim chiqarilish davri (T1/2) biroz pasayishi tufayli, Tsitobak Neo preparatini yuborishni dializdan keyin rejalashtirish kerak. Vena ichiga yuborish uchun eritmani tayyorlash va qo‘llash tartibi Takroriy infuziyalar uchun har bir Tsitobak Neo flakonining ichidagisi 5% dekstroza eritmasi, 0,9% natriy xlorid eritmasi va/yoki inyektsiya uchun steril suvning adekvat hajmida eritiladi, so‘ngra esa shu erituvchi bilan 20 ml gacha suyultiriladi. Infuziya 15-20 minut davomida o‘tkaziladi. Vena ichiga infuziya qilishga eritma tayyorlash uchun Ringer laktat eritmasi ishlatilishi mumkin, biroq uni boshlang‘ich eritish uchun qo‘llash mumkin emas. Vena ichiga inyektsiya qilish uchun har bir flakon ichidagisini yuqorida ko‘rsatilganidek eritish va kamida 3 minut davomida yuborish kerak. Mushak ichiga yuborish uchun eritma tayyorlash tartibi Mushak ichiga yuborishga eritma tayyorlash uchun 2% lidokain eritmasini ishlatish mumkin, biroq uni boshlang‘ich eritish uchun qo‘llash mumkin emas.

Ovqat hazm qilish tizimi tomonidan: Tsitobak Neo preparati bilan davolanishda, boshqa antibiotiklardagi kabi hammadan ko‘proq me’da-ichak yo‘llari faoliyatining buzilishi aniqlangan. Eng ko‘p diareya, kamroq darajada ko‘ngil aynashi va qusish kuzatilgan. Allergik reaktsiyalar: barcha penitsillinlar va tsefalosporinlar bilan davolashda bo‘lgani kabi makulo-papulyoz toshma, eshakemi kuzatilgan. Anamnezida allergik reaktsiyalari (ayniqsa penitsillinga) bo‘lgan bemorlarda ularning rivojlanish xavfi yuqori bo‘ladi. Butun organizm tomonidan: bosh og‘rig‘i, isitma, inyektsiyada og‘riqlar, etni uvishishi. Laborator ko‘rsatgichlar tomonidan: jigar faoliyatining ko‘rsatgichlari– AST, ALT, ЩF, bilirubinni o‘tkinchi oshishi. Mahalliy reaktsiyalar: ba’zida mushak ichiga inyektsiya qilingandan so‘ng o‘tkinchi og‘riq kuzatiladi. Tsitobak Neo preparati kateter yordamida vena ichiga yuborilganida (boshqa tsefalosporinlar va penitsillinlar kabi) infuziya joyida flebit rivojlanishi mumkin. Preparatni postmarketing qo‘llash vaqtida qo‘shimcha quyidagi nojo‘ya samaralari qayd etilgan: Allergik reaktsiyalar: anafilaktoid reaktsiyalar (shu jumladan, shok), Stivens-Djonson sindromi. Yurak-tomir tizimi tomonidan: arterial gipotenziya, vaskulit. Ovqat hazm qilish tizimi tomonidan: soxta membranoz kolit. Qon yaratish tizimi tomonidan: leykopeniya. Dermatologik reaktsiyalar: qichishish. Siydik chiqarish tizimi tomonidan: gematuriya. Tsitobak Neo odatda yaxshi o‘zlashtiriladi, ko‘pchilik nojo‘ya ta’sirlari yengil va o‘rtacha namoyon bo‘ladi va davolash davomida o‘tib ketadi.

Penitsillinlar, sulbaktam, tsefoperazon yoki har qanday boshqa tsefalosporinlarga yuqori sezuvchanlikda qo‘llash mumkin emas.

Tsitobak Neo va tarkibida spirt saqlovchi preparatlarni bir vaqtda qo‘llash yoki Tsitobak Neo preparati bilan davolash vaqtida yoki tugaganidan so‘ng 5 kun davomida alkogolni bir vaqtda qo‘llash disulfiram (teturam) ning ta’siriga o‘hshash samaralar: qorinda spazm, ko‘ngil aynishi, qusish, bosh og‘rig‘i, yurak urishini his etish, hansirash, yuzni qizarishiga olib kelishi mumkin. Bu samaralar alkogol iste’mol qilingandan so‘ng 15-30 minut davomida kuzatiladi va bir necha soatdan keyin o‘z-o‘zidan o‘tib ketadi. Bu tsefoperazon molekulasining strukturasida N-metiltiotetrazol yon zanjirini borligi bilan bog‘liq bo‘lib, u atsetaldegiddegidrogenaza fermentining faolligini susaytiradi, bu qonda, yuqorida sanab o‘tilgan nojo‘ya samaralarni chaqiradigan atsetaldegidni to‘planishiga olib keladi. Antikoagulyantlar (kumarin yoki indandionning hosilalari), geparin yoki biron-bir trombolitiklar bilan bir vaqtda qo‘llash qon ketish havfini oshiradi. Tsitobak Neo preparati qo‘llanganida siydikda glyukozaning miqdorini aniqlashda yoki Kumbs reaktsiyasi qo‘yilganida soxta musbat natijalar kuzatilishi mumkin. Farmatsevtik o‘zaro ta’siri Tsitobak Neo va aminoglikazidlarning eritmalarini, ular o‘rtasida fizik nomutanosiblikni hisobga olib, to‘g‘ridan-to‘g‘ri aralashtirish mumkin emas. Agar Tsitobak Neo preparati va aminoglikazidlar bilan majmuaviy davolash o‘tkaziladigan bo‘lsa, u holda ikkala preparat alohida ikkilamchi kateterlar yordamida ketma-ket infuziyalar yo‘li bilan yuboriladi, birlamchi kateterni esa preparatlarning dozalarini yuborish orasida adekvat eritma bilan yuviladi. Tsitobak Neo preparati va aminoglikozidlarni yuborishlar orasidagi intervallar kun davomida iloji boricha katta bo‘lishi kerak. Kukunni birlamchi eritish uchun Ringer laktat eritmasini, bu aralashmani nomutanosib ekanligini hisobga olib, ishlatish mumkin emas. Biroq, eritmani ikki bosqichda tayyorlash yo‘li bilan mutanosiblikka erishish mumkin – dastlab kukun inyektsiya uchun suvda eritiladi, so‘ngra esa Ringer laktat eritmasida suyultiriladi. Kukunni birlamchi eritish uchun lidokain gidroxloridining 2% eritmasini, ularning nomutanosib ekanligini hisobga olib, qo‘llash tavsiya etilmaydi. Biroq, eritmani ikki bosqichda tayyorlash yo‘li bilan mutanosiblikka erishish mumkin – dastlab kukun inyektsiya uchun suvda eritiladi, so‘ngra esa lidokain gidroxloridining 2% eritmasida suyultiriladi.

Shifokorga o‘zingizni kasallik tarixingiz haqida ma’lumot bering, ayniqsa quyidagilar haqida: buyrak va jigar bilan bog‘liq bo‘lgan muammolar, me’da bilan bog‘liq bo‘lgan muammolar, spirtli ichimliklarni iste’mol qilish, allergiya (ayniqsa penitsillinlarga, tsefalosporinlarga yoki boshqa preparatlarga allergiya). Ushbu dori vositasini uzoq vaqt davomida yoki takroriy davrlarda qo‘llash ikkilamchi infektsiyalar (masalan, og‘iz bo‘shlig‘i, siydik-tanosil tizimi yoki qinni zamburug‘lii infektsiyalari) ga olib kelishi mumkin. Ba’zi bemorlarda, tsefoperazon bilan davolash, boshqa antibiotiklar bilan bo‘lgani kabi, organizmda K vitaminining tanqisligiga olib kelishi mumkin, bu ehtimol, ichakda ushbu vitaminni ishlab chiqaradigan mikroflorani susayishi bilan bog‘liq. Bunday havfga kuchsizlangan patsiyentlar, ovqatlanishi cheklangan patsiyentlar, mukovistsidoz bo‘lgan bemorlar, shuningdek uzoq vaqt davomida parenteral oziqlantirishda bo‘lgan patsiyentlar ko‘proq moyil bo‘ladilar. Bunday hollarda protrombinning darajasini nazorat qilish va zarurat bo‘lganida K vitamini preparatlarini buyurish kerak. Shunday nazorat antikoagulyantlar bilan davolanayotgan patsiyentlarda ham amalga oshirilishi kerak. Tsitobak Neo preparatini uzoq vaqt davomida qo‘llash chidamli mikroorganizmlarni o‘sishini kuchayishiga olib kelishi mumkin, shuning uchun bemorning ahvolini sinchiklab nazorat qilish kerak. Buyrak, jigar va qon yaratish tizimining faoliyatini vaqti-vaqti bilan buzilishiga tayyor bo‘lish kerak. Bu ayniqsa, yangi tug‘ilgan chaqaloqlarda, hususan chala tug‘ilgan chaqaloqlarda, shuningdek boshqa go‘daklarda juda muhim. Buyrak faoliyatini buzilishlarida qo‘llanishi. Buyrak faoliyatini turli darajada buzilishlari bo‘lgan patsiyentlarga Tsitobak Neo preparati qo‘llanganida sulbaktamning umumiy klirensi aniqlangan kreatinin klirensi bilan mos keladi. Buyrak faoliyatini og‘ir darajadagi buzilishlari bo‘lgan patsiyentlarda sulbaktamning yarim yashash muddatini ahamiyatli darajada oshishi kuzatiladi. Gemodializ sulbaktamning yarim yashash muddati, umumiy klirensi va taqsimlanish hajmiga ahamiyatli darajada ta’sir qiladi. Buyrak yetishmovchiligi bo‘lgan bemorlarda tsefoperazonning farmakokinetikasida biron-bir o‘zgarishlar aniqlanmagan. Jigar faoliyatini buzilishlarida qo‘llanishi. Tsefoperazon safro bilan ahamiyatli darajada ajralib chiqadi. Jigar kasalliklari va/yoki o‘t chiqarish yo‘llarini obstruktsiyasi bo‘lgan bemorlarda plazmada tsefoperazonning yarim yashash davri uzayadi, siydik bilan chiqarilishi esa oshadi. Hatto jigar faoliyatini og‘ir darajadagi buzilishlarida safroda tsefoperazon terayevtik kontsentratsiyalarda aniqlanadi, plazmada yarim yashash davri esa 2-4 marta oshadi.

Tsefoperazon va sulbaktam yo‘ldosh to‘sig‘i orqali o‘tadi. Shuning uchun Tsitobak Neo preparatini homiladorlik va laktatsiya davrida, ona uchun kutilayotgan foyda homila yoki bola uchun potentsial xavfdan ustun  bo‘lgan holdagina qo‘llash mumkin. Tsefoperazon va sulbaktam ko‘krak suti bilan juda kam miqdorda ajralib chiqadi, shuning uchun laktatsiya davrida Tsitobak Neo preparati qo‘llanganida emizishni to‘xtatish masalasini hal qilish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Quruq, yorug‘likdan himoyalangan joyda, xona haroratida saqlansin.

Tsitobak Neo preparatini odamdagi o‘tkir toksikligi yuzasidan ma’lumotlar cheklangan. Simptomlari: preparatning dozasi oshirib yuborilganida, preparat qo‘llanganida qayd etilgan noxush samaralar paydo bo‘lishini kutish mumkin. Orqa miya suyuqligida beta-laktam antibiotiklarining kontsentratsiyasini yuqori bo‘lishi nevrologik buzilishlarga, shu jumladan tirishishlarga olib kelishi mumkinligini inobatga olish kerak. Davolash: Tsefoperazon ham, sulbaktam ham gemodializda qondan yo‘qotiladi, shuning uchun buyrak faoliyatini buzilishlari bo‘lgan bemorlarda dozani oshirib yuborilishi, davolashning shu usuli organizmdan preparatni chiqarilishiga yordam berishi mumkin.

Retsept bo‘yicha Ulashish: 23 220 Views

Inyektsiya uchun eritma tayyorlash uchun kukun 1,0 g dan flakonlarda.

2 yil.