Dumaloq, yassitsilindrik, oq rangli, faskali tabletkalar.

Parkinsonizmga qarshi preparatlar. Antixolinergik vositalar. Uchlamchi aminlar.

N04AA01

So‘rilishi Peroral qabul qilinganda trigeksifenidil me’da-ichak yo‘lidan tez va to‘liq so‘riladi. Samarasi bir soat davomida erishiladi. Taqsimlanishi Qon plazmasida maksimal kontsentratsiyaga erishish vaqti odatda 2,5 soatdan kamroqni tashkil etadi. Qon plazmasida kontsentratsiyaning maksimal darajasi 2-3 soat davomida saqlanadi. Trigeksifenidil yaqqol lipotroplik qobiliyatiga ega ekanligi sababli u gematoentsefalik va yo‘ldosh to‘sig‘i orqali yaxshi o‘tadi. Metabolizmi va chiqarilishi Trigeksifenidil nospetsifik esteraza ta’siri ostida alkogol va organik kislotalarni hosil qilib, to‘qimalarda gidrolizlarga uchraydi; trigeksifenidilning ko‘p bo‘lmagan qismi o‘zgarmagan holda buyraklar orqali chiqariladi. Yarim chiqarilish davri 5-10 soatni tashkil qiladi. Keksa patsiyentlarga dozani kamaytirish lozim, chunki ular trigeksifenidilga ko‘proq sezgirdirlar. Jigar va buyrak faoliyati buzilishi bo‘lgan patsiyentlar: trigeksifenidilni chiqarilishini o‘zgarishi haqidagi ma’lumotlar yo‘q.

Parkinsonzm. Neytroleptik vositalar va shunga o‘xshash ta’sirga ega preparatlar chaqirgan ekstrapiramidal buzilishlarda qo‘llanadi.

Doza shaxsiy ravishda tanlanadi. Preparatni ovqatdan oldin yoki ovqatlanish vaqtida qo‘llash lozim. Agar preparat og‘izni qurishi hissini chaqirsa, uni ovqatdan oldin qo‘llash afzalroq, chunki aks holda ko‘ngil aynishi kuzatilishi mumkin. Davolashni kuniga 1 mg dozadan boshlanadi. Dozani asta- sekin 3-5 kunda 2 mg ga oshiriladi. Tutib turuvchi dozasi odatda kuniga 3-4 qabulda 6-10 mg ni tashkil qiladi. Og‘ir holatlarda dozani kuniga 3-4 ta qabulda 12-16 mg gacha oshirish zarurati bo‘lishi mumkin. Maksimal sutkalik dozasi 20 mg ni tashkil qiladi. Davolashni tugatayotganda yoki muqobil davolashni boshlayotganda, trigeksifenidilning dozasini 1-2 hafta davomida to‘liq bekor qilishga qadar asta−sekin kamaytiriladi. Trigeksifenidilni to‘satdan bekor qilish kasallik belgilarining xurujlari hisobiga tasodifan holatning yomonlashuviga olib kelishi mumkin. Parkisonizmga qarshi boshqa vositalar bilan bir vaqtda qo‘llanganida ikkala preparatlarning dozasini kamaytirish lozim. Bunday holatda trigeksifenidil gidroxloridni kuniga 2 qabulda 3-6 mg dan qo‘llash yetarli hisoblanadi. Davolash davomiyligini har bir holatda shifokor shaxsiy ravishda belgilaydi. Keksa yoshli patsiyentlar ushbu preparatga ko‘proq moyildir, shuning uchun ularda preparatni kamroq terapevtik dozalarda qo‘llash lozim. 18 yoshgacha bo‘lgan bolalarda qo‘llanilmaydi. Agar Siz navbatdagi preparatni qabul qilishni o‘tkazib yuborgan bo‘lsangiz, uni darhol qabul qiling. O‘tazib yuborilgan dozani o‘rnini bosish uchun ikkilangan dozani qabul qilmang. Shifokor tavsiyasiga ko‘ra qabul qilishni davom ettiring.

Og‘izni qurishi, ko‘zlarni qurishi, me’da-ichak buzilishlari, ter ajralishini kamayishi tez-tez uchraydigan buzilishlar hisoblanadi. Yuqori sezuvchanlik reaktsiyalari, siydik ajralishini buzilishi kamroq kuzatiladi. Yurak- tomir tizimi tomonidan buzilishlar. Taxikardiya, yurak urishini tezlashishi, gipotenziya, postural gipotenziya, yengil bradikardiya. Markaziy nerv tizimi tomonidan (MNT) buzilishlar Dezoriyentatsiya, ongning chalkashishi, xotirani yo‘qolishi, gallyutsinatsiyalar, psixoz, qo‘zg‘aluvchanlik, asabiylik, alahsirash, deliriy, paranoyya, eyforiya, hayajonlanish, apatiya, bosh aylanishi, xushdan ketishdan oldingi holat, bosh og‘rig‘i, depressiya, uyquchanlik, holsizlik, vertigo, yopiq burchakli glaukoma, midriaz, fotofobiya. Me’da−ichak tizimi tomonidan buzilishlar Qorinda og‘riq, qabziyat, ko‘ngil aynishi, qusish. Teri tomonidan buzilishlar Toshmalar. Preparatni yuqori dozalarda qo‘llanganida yoki yo‘ldosh omillari (ateroskleroz, keksa shaxslar yoki avval biron-bir preparatga idiosinkraziya aniqlangan patsiyentlar) bo‘lgan patsiyentlarni davolashda ongni yoki ruhiyatning buzilishlari, kayfiyatni g‘ayrioddiy yaxshilanishi, qo‘zg‘aluvchanlik, yengil qo‘zg‘aluvchanlik, qusish yoki ko‘ngil aynishi paydo bo‘lishi mumkin. Bunday hollarda davolashni to‘xtatish lozim. Dozani kamaytirganda yoki davolashni to‘xtatilganda nojo‘ya ta’sirlar yo‘qoladi. Sanab o‘tilgan nojo‘ya reaktsiyalar paydo bo‘lganida, shuningdek yo‘riqnomada ko‘rsatib o‘tilmagan nojo‘ya ta’sirlar vujudga kelganida, darhol shifokorga murojaat qilish zarur.

Trigeksifenidilga va/yoki har qanday yordamchi moddalardan biriga yuqori sezuvchanlik, davolanmagan siydikni tutib turolmaslik, siydik tutilishi bilan birga kechuvchi prostata bezi gipertrofiyasi, yopiq burchakli glaukoma, ovqat hazm qilish yo‘llari obstruktsiyasi, taxiaritmiyalar, alkogol, psixotrop preparatlar yoki opiatlar bilan o‘tkir zaharlanish, o‘kir deliriy va maniya. Kechki diskineziya. Dementsiya. Homiladorlik va emizish davri, 18 yoshgacha bo‘lgan bolalarda qo‘llash mumkin emas.

Trigeksifenidilning hususiyatlariga o‘xshash bo‘lgan xolinoblokatorlar (masalan, amantadin, ayrim antigistamin preparatlar, fenotiazin hosilalari, tritsiklik antidepressantlar), shuningdek monoaminooksidaza (MAO) ingibitorlari bilan bir vaqtda qo‘llanganda, trigeksifenidilning nojo‘ya ta’siri kuchayishi mumkin. Sanab o‘tilgan preparatlar bilan trigeksifenidilni bir vaqtda qo‘llanganida og‘izni qurishi, ko‘rishni noaniqligi, siydikni tutilishi va qabziyat kabi nojo‘ya ta’sirlar paydo bo‘lishi mumkin. Trigeksifenidil va parasimpatomimetik preparatlar antagonist hisoblanadi. Trigeksifenidilni bir vaqtda qo‘llanganida til ostiga qo‘llaniladigan  nitratlarning ta’siri kamayadi (og‘izni qurishi tufayli). Trigeksifenidil ichak motorikasini sekinlashtirgani sababli, boshqa preparatlarni so‘rilishi buzilishi mumkin. Trigeksifenidil metoklopramid va domperidolni ovqat hazm qilish yo‘llariga ta’sirini kamaytiradi. Alkogol va boshqa preparatlarni (kannabionidlar, barbituratlar, opiatlar) trigeksifenidil bilan bir vaqtda qo‘llanganda MNT susaytiruvchi ta’siri kuchayishi mumkin. Antiaritmik preparatlar antixolinergik ta’siri samarasini kuchaytiradi. Masalan, xinidinni trigeksifenidil bilan bir vaqtda qo‘llanganida antixolinergik kardiovaskulyar ta’sirini kuchaytirishini (asosan o‘tkazuvchanlikni buzilishini) chaqirishi mumkin.

Homiladorlik va laktatsiya davrida qo‘llanishi Trigeksifenidilni yo‘ldosh to‘sig‘idan o‘tish qobiliyati tufayli, homilaga toksik ta’siri xavfini istisno qilish maqsadida, uni homiladorlik vaqtida qo‘llash mumkin emas. Trigeksifenidil ko‘krak sutiga chiqariladi, shuning uchun uni emizish vaqtida qo‘llash mumkin emas. Avtomobilni va murakkab mexanizmlarni boshqarish qobiliyatiga ta’siri Davolanish davrida avtotransportni boshqarish va boshqa diqqatni jamlashni va psixomotor reaktsiyalar tezligini talab etuvchi potentsial xavfli turdagi faoliyat bilan shug‘ullanishda ehtiyotkorlikka rioya qilish zarur. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25°Sdan yuqori bo‘lmagan haroratda saqlansin.

Simptomlari: trigeksifenidilning yuqori dozalari parasimpatik nerv tizimining postganglionar innervatsiyasi blokadasini chaqiradi. Zaharlanish manzarasi atropin bilan zaxarlanish belgilariga (midriaz, shilliq qavatlarni qurishi, taxikardiya, ichak va o‘t yo‘llari atoniyasi, tana haroratining oshishi va boshq.) mos keladi. Trigeksifenidil, shuningdek MNT buzilishlarini (qo‘zg‘aluvchanlikni oshishi, ongni buzilishi, derealizatsiya va ruhiyatning boshqa buzilishlari) chaqiradi. Og‘ir zaharlanishda koma yoki nafas markazining falaji rivojlanishi mumkin. Davolash: spetsifik antidoti yo‘q. Simptomatik davolash: sovuq kompresslar qo‘yish, ko‘proq suyuqlik ichish lozim. Me’dani yuvish va medikamentni so‘rilishini kamaytiruvchi boshqa usullardan foydalanish lozim. Xolinesteraza ingibitorlarni (masalan, fizostigmin) qo‘llash mumkin; yurak faoliyatiga bilan bog‘liq bo‘lgan asoratlarni davolash uchun natriy gidrokarbonati yoki natriy laktati, tirishishlarda – diapezam, deliriyni bartaraf etish uchun – fizostigmin qo‘llaniladi. Gemodializ va gemoperfuziya faqat qabul qilgandan keyin birinchi soatlar davomida va hatto ularning ahamiyati noma’lum bo‘lganda buyuriladi.

Retsept bo‘yicha

25 tabletkadan polivinilxlorid plyonka va alyumin folgali blisterda. 2 ta blister qo‘llash bo‘yicha yo‘riqnoma bilan birga karton qutida.

5 yil.