Tsefroks 250; Tsefroks 500retsept bilan rasmini ko'rish

Ta'sir etuvchi modda(XPN):

tsefuroksim Dori shakli: plyonka qobiq bilan qoplangan tabletkalar. Tarkibi: Plyonka qobiq bilan qoplangan har bir tabletka quyidagilarni saqlaydi: faol modda: 250 mg va 500 mg tsefuroksimga ekvivalent bo‘lgan tsefuroksim aksetil; yordamchi moddalar: mikrokristall tsellyuloza PH101, natriy kraxmal glikolyati (A turi), natriy kroskarmelloza, kolloid kremniy dioksidi, magniy stearati, tozalangan talk, natriy larilsulfati, gidroksipropil metiltsellyuloza Ye5, titan dioksidi, polietilenglikol 6000, izopropil spirti**, metilenxlorid**. (** tayyor mahsulotda bo‘lmaydi). Ta’rifi: Tsefroks 250 mg: oq yoki deyarli oq rangli, kapsula shaklli, bir tomonidan “250” gravirovkasi, boshqa tomoni silliq bo‘lgan plyonka qobiq bilan qoplangan tabletkalar. Tsefroks 500 mg: oq yoki deyarli oq rangli, kapsula shaklli, bir tomonidan “500” gravirovkasi, boshqa tomoni silliq bo‘lgan plyonka qobiq bilan qoplangan tabletkalar.

Preparatning savdo nomi:

Tsefroks 250; Tsefroks 500

Farmakalogik guruhi:

antibiotiklar (tsefalosporinlar guruhi).

antibiotiklar (tsefalosporinlar guruhi).

J01DC02

Preparat ichga qabul qilinganida me’da-ichak yo‘llarida so‘riladi va qisman ichak qobig‘ida va qonda nospetsifik esterezalar ta’sirida tsefuroksimgacha gidrolizlanadi. Ovqat preparatni so‘rilishini tezlashtiradi. Ovqat qabul qilingandan so‘ng tsefuroksim aksetilning 125 mg, 250 mg va 500 mg li dozalari uchun qon plazmasidagi maksimal kontsentratsiyasi 3 soatdan keyin muvofiq 2,1 mkg/ml, 4,1 mkg/ml va 7 mkg/ml ni tashkil qilgan. Oqsillar bilan bog‘lanish darajasi 33% dan 50% gacha qiymatni tashkil qiladi. Organizmning to‘qima va suyuqliklarida taqsimlanadi. Orqa miya suyuqligida faqat meningitda terapevtik kontsentratsiyasiga erishiladi. Yo‘ldosh orqali o‘tadi, ko‘krak suti bilan ajralib chiqadi. Metabolizmga uchramaydi, buyrakda kalavalar filtratsiyasi va naychalar sekretsiyasi yo‘li bilan o‘zgarmagan holda chiqariladi. Yarim chiqarilish davri taxminan 1,2 soatni tashkil qiladi.

Preparatga sezgir mikroorganizmlar chaqirgan quyidagi infektsion-yallig‘lanish kasalliklarini davolash: nafas yo‘llarining infektsiyalari (shu jumladan o‘tkir va surunkali bronxit, bakterial pnevmoniya), o‘pka abstsessi, infektsiyalangan bronxoektazlar, ko‘krak qafasining operatsiyadan keyingi infektsiyalarida;quloq, tomoq, burun infektsiyalarida (shu jumladan sinusit, tonzillit, faringit, o‘tkir o‘rta quloq otiti);siydik-tanosil sohasidagi infektsiyalarda (shu jumladan o‘tkir va surunkali piyelonefrit, tsistit, uretrit, asimptomatik bakteriuriya);teri, yumshoq to‘qimalarning infektsiyalarida (shu jumladan furunkulez, piodermiya, impetigo);gonoreyada (shu jumladan gonokokkli uretrit va tservitsit);Laym kasalligining ilk bosqichini davolash va kattalarda va 12 yoshdan oshgan bolalarda kechki ko‘rinishlarini keyinchalik oldini olishda qo‘llanadi.

Ichga, ovqatdan keyin qabul qilinadi. Yoqimsiz ta’mi tufayli, tabletkani chaynash tavsiya etilmaydi. Kattalarga va 12 yoshdan oshgan bolalarga tavsiya qilinadigan doza o‘rtacha 250 mg ni tashkil qilib, sutkada 2 marta qabul qilinadi. Sezgirligi kam bo‘lgan mikroorganizmlar chaqirgan og‘ir infektsiyalarda sutkada 500 mg dan 2 marta qabul qilinadi. Laym kasalligida kattalarga va 12 yoshdan oshgan bolalarga 500 mg dan sutkada 2 marta, 20 kun davomida buyuriladi. Siydik-tanosil tizimining asoratlanmagan infektsiyalarida 125 mg dan sutkada 2 marta qabul qilinadi. Asoratlanmagan gonoreyani davolashda 1 g dan 1 marta buyuriladi. Preparatni qabul qilish davomiyligi o‘rtacha 7 kun (5-10 kun) ni tashkil qiladi. Bolalarga sutkasiga o‘rtacha 125 mg dan buyuriladi. Maksimal sutkalik doza 500 mg.

Ovqat hazm qilish tizimi tomonidan: ko‘ngil aynishi, qusish, diareya, jigar fermentlari ALT, AST, LDG ning faolligini, bilirubinning darajasini vaqtinchalik oshishi, sariqlik, soxta membranoz kolit hollari ta’riflangan. Qon yaratish a’zolari tomonidan: gemolitik anemiya, eozinofiliya, leykopeniya, neytropeniya, trombotsitopeniya. Allergik reaktsiyalar: teri toshmalari, qichishish, eshakemi, isitma, ko‘p shaklli eritema, Stivens-Djonson sindromi, toksik epidermal nekroliz, yakka hollarda anafilaksiya bo‘lishi mumkin. Markaziy nerv tizimi tomonidan: bosh og‘rig‘i. Boshqalar: Kumbsning musbat reaktsiyasi bo‘lishi mumkin.

Tsefalosporin guruhi antibiotiklariga yuqori sezuvchanlikda qo‘llanmaydi. Homiladorlik va laktatsiya davri. Homiladorlikning I uch oyligida va emizayotgan ayollarga laktatsiya davrida ehtiyotkorlik bilan qo‘llanadi.

Tsefuroksim ichak florasini pasaytirib, K vitaminini sinteziga to‘sqinlik qiladi, shuning uchun trombotsitlar agregatsiyasini pasaytiruvchi preparatlar (nosteroid yallig‘lanishga qarshi vositalar, salitsilatlar, sulfinpirazon) bilan bir vaqtda qo‘llanganda qon ketishini rivojlanish xavfi oshadi. Xuddi shu sababli, antikoagulyantlar bilan bir vaqtda buyurilganda antikoagulyant ta’sirini kuchayishi kuzatiladi. Xalqali diuretiklar bilan bir vaqtda buyurilganda nefrotoksik ta’sirini rivojlanish havfi oshadi.

Preparat penitsillin qatori antibiotiklarga nisbatan sezuvchanligi yuqori bo‘lgan patsiyentlarga ehtiyotkorlik bilan buyuriladi, chunki allergik reaktsiyalar uchraganligi to‘g‘risida xabarlar mavjud. Tsefuroksim bilan davolash vaqtida patsiyentlar qonida glyukozani aniqlash uchun glyukooksidaza usulini qo‘llash tavsiya qilinadi. Preparat uzoq vaqt davomida qo‘llanganida chidamli mikroorganizmlarni (Candida, Enterococcus, Closridum difficile) tez o‘sib ketishi, davolashni to‘xtatishni talab qilishi mumkin. Laym kasalligini davolashda bakteritsid ta’sirning bevosita oqibati bo‘lgan Yarish-Gertsgeymer reaktsiyasi kuzatilishi mumkin. Patsiyentlarga bu odatda tezda va o‘z-o‘zidan o‘tib ketuvchi holat ekanligini tushuntirish zarur. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Simptomlari: Markaziy nerv tizimi tomonidan, qo‘zg‘aluvchanlik va tirishishlar bilan namoyon bo‘luvchi buzilishlar. Davolash: Simptomatik davolash o‘tkaziladi. Preparat gemodializ va peritoneal dializ yordamida chiqariladi. Chiqarilish shakli 10 tabletkadan blisterda. 1 yoki 2 blister qo‘llash bo‘yicha yo‘riqnomasi bilan birga karton qutiga joylangan.

Retsept bo‘yicha

2 yil.

Antibiotiklar