Oq yoki sarg‘ish yoki kremsimon tusli oq rangli, torpedasimon shaklli suppozitoriylar. Suppozitoriyning ko‘ndalang kesimida dog‘lar bo‘lmasligi kerak, havoli o‘zak yoki voronkasimon chuqurlik bo‘lishiga yo‘l qo‘yiladi.

Majmuaviy og‘riqni qoldiruvchi vosita (NYAQP + psixostimullovchi vosita).

N02BA55.

yengil va o‘rtacha og‘irlikdagi og‘riq sindromida og‘riqsizlantiruvchi vositasi sifatida: nevralgiya, mialgiya, ishias, lyumbago; tayanch-harakat apparatining degenerativ-distrofik kasalliklari (osteoxondroz, osteoartroz, ankilozlovchi spondilit), bosh va tish og‘rig‘i, migren; dismenoreya (og‘riqli hayz ko‘rish);isitmani tushiruvchi vosita sifatida: shamollash, infektsion, yallig‘lanish kasalliklardagi isitma sindromida qo‘llanadi.

Rektal buyuriladi. Suppozitoriy kontur uyali o‘ramidan chiqariladi va ichak o‘z-o‘zidan yoki tozalovchi klizmadan so‘ng bo‘shalganidan keyin to‘g‘ri ichakka 1 suppozitoriydan, kuniga 1-3 marta chuqur qilib kiritiladi. Patsiyent suppozitoriylar kiritilganidan so‘ng 30-40 minut davomida gorizontal holatda bo‘lish lozim.

Preparatning komponentlariga o‘ta yuqori sezuvchanlik, me’da va o‘n ikki barmoq ichak yara kasalligi (zo‘rayish bosqichida), bronxial astmaning to‘liq yoki noto‘liq qo‘shilishi, burun va burunning yon bo‘shliqlarini qaytalanuvchi polipozi va atsetilsalitsil kislotasi yoki boshqa NYAQV ni (shu jumladan anamnezdagi) o‘zlashtiraolmaslik, gipokoagulyatsiya, og‘ir jigar va/yoki buyrak yetishmovchiligi, arterial gipertenziya, yurak-qon tomir tizimining organik kasalliklari, yurak yetishmovchiligi, qon kasalliklari, shishlar, vestibulyar apparatning patologiyasi, yuqori qo‘zg‘aluvchanlik, uyqusizlik, yopiq burchakli glaukoma, bolalar (16 yoshgacha), homiladorlik va laktatsiya davrida qo‘llash mumkin emas.

Naproksen beta-adrenoblokatorlarning gipotenziv ta’sirini kamaytiradi. Bir vaqtda qo‘llanganida naproksen furosemidning diuretik samarasini kamaytirishi mumkin. Naproksen fenitoin, sulfanilamidlar, metotreksatning toksikligini oshiradi. Salitsilamid bilvosita antikoagulyantlarning, antiagregantlar, fibrinolitiklarning ta’sirini kuchaytiradi. Salitsilamid bir vaqtda qo‘llanganida glyukokortikosteroidlar, mineralokortikosteroidlar, estrogenlarning nojo‘ya samaralarini rivojlanish xavfini kuchaytiradi. Salitsilamid miyelotoksik dori vositalari bilan bir vaqtda qo‘llanganida suyak ko‘migida qon hosil bo‘lishini (gemopoez) susayish xavfi oshadi. Kofein yurak glikozidlarining so‘rilishini tezlashtiradi va ta’sirini kuchaytiradi, ularning toksikligini oshiradi. Kofeinni beta-adrenoblokatorlar bilan birga qo‘llash terapevtik samaralarini o‘zaro bostirilishiga olib kelishi mumkin; adrenergik bronxlarni kengaytiruvchi dori vositalari bilan – markaziy nerv tizimini qo‘shimcha rag‘batlantirilishiga va boshqa additiv toksik samaralarga olib keladi.

To‘g‘ri ichakda qichishish yoki noxushlik hissi paydo bo‘lganida preparatni qo‘llashni to‘xtatish va shifokorga murojaat qilish kerak.

25oS dan yuqori bo‘lmagan haroratda. Bolalar ololmaydigan joyda saqlansin.

Tsefekon® N preparatining dozasini oshirib yuborish hollari haqida xabar berilmagan.

Retseptsiz

Rektal suppozitoriylar. 5 suppozitoriydan kontur uyali o‘ramda. Ikki kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutida.

2 yil. Yaroqlilik muddati o‘tganidan so‘ng ishlatilmasin.