Nol o‘lchamli havorang qopqoq va oq korpusida “TNERAFLEX ADVANCE” yozuvli, kuchsiz hidli oq yoki deyarli oq kukun bilan to‘ldirilgan qattiq jelatin kapsulalar.

Yallig‘lanishga qarshi/revmatizmga qarshi vositalar majmuada. ATS kodi: M01V.

Glyukozamin sulfati. Me’da-ichak yo‘llaridan so‘rilishi 90%, biokiraolishligi 26%, yarim chiqarilish davri 70 soat. Ichga qabul qilinganidan keyin preparat tez tomirdan tashqari suyuqlikka, shu jumladan sinovial suyuqlikda taqsimlanadi. Glyukozaminni oqsillar bilan bog‘lanishi noma’lum. Metabolizmga uchramaydigan yoki plazma oqsillari bilan bog‘lanmaydigan glyukozaminning fraktsiyasi asosan siydik va axlat bilan chiqariladi. Xondroitin sulfati. Farmakokinetikasi ta’riflanmagan. Ibuprofen. Ichga qabul qilinganida ibuprofen qisman me’dada, va so‘ngra ingichka ichakda to‘liq so‘riladi. Jigardagi metabolik o‘zgarishlardan keyin (gidroksi va karboksi guruxlarini qo‘shilishi) farmakologik faol bo‘lmagan metabolitlari to‘liq asosan siydik (90%), shuningdek safro bilan chiqariladi. Sog‘lomlar g‘amda jigar va buyrak kasalliklari bo‘lgan bemorlarda yarim chiqarilish davri 1,8-3,5 soatni tashkil qiladi, oqsillar bilan bog‘lanishi – taxminan 99%. Peroral qabul qilinganida plazmadagi maksimal kontsentratsiyasiga 1-2 soat o‘tgach erishiladi. Buyrak faoliyatini buzilishi. Buyrak faoliyatini og‘irligi yengil darajadagi buzilishlari bo‘lgan patsiyentlarda, sog‘lom ko‘ngillilarga qaraganda, bog‘lanmagan (S)-ibuprofenni (S)-ibuprofenning  va (R/S) enantiomerlarning AUS yuqori. Gemodializda bo‘lgan, terminal bosqichdagi buyrak kasalliklari bo‘lgan patsiyentlarda, ibuprofenning erkin fraktsiyasining qiymati taxminan 3%, sog‘lom ko‘ngillilarda esa – taxminan 1% ni tashkil qiladi. Buyrak faoliyatini og‘ir buzilishi, ibuprofenning metabolitlarini to‘planishiga olib kelishi mumkin. Bu holatning ahamiyati noma’lum. Metabolitlari gemodializ yordamida yo‘qotilishi mumkin.

Osteoartrit, osteoartroz, tizza va son-chanoq bo‘g‘imlardagi va umurtqa pog‘onasining degenerativ-distrofik kasalliklaridagi og‘riqlarni zo‘rayishida va yallig‘lanishning boshqa simptomlarini qisqa muddatli yengillashtirish uchun qo‘llanadi.

Kattalarga 1-2 kapsuladan kuniga 2-3 marta ovqatdan keyin qo‘llanadi. Kapsulalar ichga, ozgina miqdordagi suv bilan yutiladi. Qabul qilishning maksimal davomiyligi 20 kundan oshmasligi kerak. Yaqqol og‘riq sindromi kamayganidan keyin, patsiyent glyukozamin- va xondroitin sulfat saqlovchi majmuaviy preparatlar bilan davolashni davom ettirishi mumkin.

Noxush reaktsiyalarning quyida ko‘rsatilgan tez-tezligi quyidagi mezonlar asosida aniqlangan: juda tez-tez (≥1/10), tez-tez (≥1/100 – <1/10), tez-tez emas (≥1/1000 – <1/100), kam hollarda (≥1/10000 – <1/1000), juda kam hollarda (<1/10000), noma’lum (bor bo‘lgan ma’lumotlar asosida aniqlash mumkin emas). Glyukozamin sulfati Me’da-ichak yo‘llari tomonidan buzilishlar. Tez-tez – diskomfort va qorin og‘rig‘i, dispepsiya, qabziyat, ko‘ngil aynishi, meteorizm, diareya. Teri va teri osti to‘qimalari tomonidan buzilishlar. Tez-tez emas – qichishishi, eritema, teri toshmasi; noma’lum – soch to‘kilishi. Immun tizimi tomonidan buzilishlar. Tez-tez emas – allergik reaktsiyalar, bronxial astma. Nerv tizimi tomonidan buzilishlar. Tez-tez – bosh og‘rig‘i, uyquchanlik, charchoqlik; noma’lum – bosh aylanishi. Ko‘rish a’zolari tomonidan. Tez-tez emas – ko‘rishni buzilishi. Qon tomonidan buzilishlar. Tez-tez emas – qonda glyukoza miqdorini oshishi. Xondroitin sulfati Teri va teri osti kletchatkasi tomonidan: eritema, eshakemi, dermatit, qichishish bilan yoki usiz va/yoki shish bilan kechuvchi makulopapulyoz toshma. Me’da-ichak yo‘llari tomonidan: kam hollarda – ko‘ngil aynishi va qusishni. Ibuprofen Quyida sanab o‘tilgan nojo‘ya ta’sirlar ibuprofen bilan davolashda, shu jumladan revmatizmi bo‘lgan patsiyentlarni yuqori dozalar bilan davomli davolash o‘tkazilganida aniqlangan. Aniqlangan tez-tezlik, shu jumladan juda kam hollar, peroral shakllar uchun 1200 mg gacha bo‘lgan va suppozitoriylar uchun 1800 mg gacha bo‘lgan ibuprofenning sutkalik dozalarida qisqa muddatli davolashga taalluqli. Eng ko‘p uchraydi – me’da-ichak yo‘llari tomonidan. Yara kasalligi, perforatsiya yoki me’da-ichak qon ketishlarini, ba’zida o‘lim bilan yakunlanuvchi, ayniqsa keksa yoshdagi patsiyentlarda rivojlanishi mumkin. Ibuprofen qabul qilgandan keyin ko‘ngil aynishi, qusish, diareya, meteorizm, qabziyat, dispepsiya, qorin og‘riqlari, qatronsimon axlati, yarali stomatit, shuningdek nospetsifik yarali kolit va Kron kasalligini zo‘rayishi paydo bo‘lishi haqida xabarlar bor. Gastrit rivojlanishi haqida kam hollarda xabar berilgan. Me’da-ichak yo‘llaridan qon ketishini paydo bo‘lishini xavfi ibuprofenning dozasi va qo‘llashning davomiyligiga bog‘liq. NYAQP bilan davolash fonida shish rivojlanishi, arterial bosimni oshishi va yurak yetishmovchiligini rivojlanishi haqida xabar berilgan. Ibuprofenni qo‘llash, ayniqsa yuqori dozalarda (sutkada 2400 mg/24 kapsula), shuningdek davomli davolash, arteriyalarning trombozi chaqirgan holatlar (masalan, miokard infarkti yoki insult) rivojlanishi xavfini ahamiyatsiz oshishi bilan bog‘liq bo‘lishi mumkin. Yurak tomonidan buzilishlar. Juda kam hollarda – yurak urishini tezlashishi, yurak yetishmovchiligi, miokard infarkti. Qon va limfatik tizimi tomonidan buzilishlar. Juda kam hollarda – qon yaratilishini buzilishi (anemiya, leykopeniya, trombotsitopeniya, patsitopeniya, agranulotsitoz). Preparat bilan davomli davolashda muntazam qonning umumiy tahlilini o‘tkazish kerak. Nerv tizimi tomonidan buzilishlar. Ba’zida – bosh og‘rig‘i, bosh aylanishi, uyqusizlik, qo‘zg‘alish, ta’sirchanlik yoki charchoqlik kabi markaziy nerv tizimi tomonidan buzilishlar. Ko‘rish a’zolari tomonidan buzilishlar. Ba’zida – ko‘rishni buzilishi. Quloq va labirint tomonidan buzilishlar. Kam hollarda – quloqlarda shovqin. Me’da-ichak yo‘llari tomonidan buzilishlar. Tez-tez – jig‘ildon qaynashi, qorin og‘rig‘i, ko‘ngil aynishi, qusish, meteorizm, diareya, qabziyatga shikoyatlar, shuningdek me’da-ichak yo‘llaridan ahamiyatsiz qon ketishlar, ular alohida hollarda anemiyaga olib kelishi mumkin. Ba’zida: qon ketishi va perforatsiya rivojlanishi ehtimoli bilan me’da/o‘n ikki barmoq ichak yarasi. Yarali stomatit, nospetsifik yarali kolit yoki Kron kasalligini zo‘rayishi, gastrit. Juda kam hollarda: ezofagit, pankreatit, ichakning diafragmasimon strikturalarini paydo bo‘lishi. Qorinning yuqori qismida kuchli og‘riq, qatronsimon ahlat yoki qonli qusish  paydo bo‘lgan holda Terafleks Advans preparatini darhol to‘xtatish va shifokorga murojaat qilishi kerak. Buyraklar va siydik chiqarish yo‘llari tomonidan. Juda kam hollarda: shishlarni paydo bo‘lishi, ayniqsa arterial gipertenziyasi yoki buyrak yetishmovchiligi bo‘lgan patsiyentlarda; nefrotik sindrom; interstitsial nefrit, u o‘tkir buyrak yetishmovchiligi bilan birga kechishi mumkin. Kam hollarda – qonda siydik kislotasining kontsentratsiyasini oshishi bilan buyrak to‘qimasini shikastlanishi (buyrak so‘rg‘ichlarini nekrozi). Shuning uchun buyrak faoliyatini muntazam nazorat qilish kerak. Teri va teri osti yog‘ kletchatkasi tomonidan buzilishlar. Juda kam hollarda: bullyoz reaktsiyalar, shu jumladan Stivens-Djonson sindromi va toksik epidermal nekroliz. Suvchechakda istisno hollarda og‘ir teri infektsiyalari va yumshoq to‘qimalar tomonidan asoratlar rivojlanishi mumkin. Infektsion va parazitar kasalliklar. Juda kam hollarda – NYAQP ni qo‘llash bilan bog‘liq bo‘lgan infektsion kelib chiqishga ega yallig‘lanish jarayonlarini zo‘rayishi (masalan, nekrozlovchi fastsiitni rivojlanishi). Terafleks Advans preparati bilan davolanish vaqtida infektsiyalarning belgilari yoki ularning o‘sishi paydo bo‘lganda, darxol shifokorga murojaat qilish kerak. Bunda infektsiyani antibakterial davolashga ko‘rsatmalar bor-yo‘qligini tekshirish kerak. Ibuprofen bilan davolashda juda kam hollarda aseptik meningitning simptomlari kuzatilgan: ensa mushaklarining rigidligi, bosh og‘rig‘i, qusish, xaroratni oshishi yoki ongni xiralashishi. Bunday holatlarni paydo bo‘lishiga autoimmun kasalliklari (tizimli qizil yugurik, aralash kollagenoz) bo‘lgan patsiyentlar moyil bo‘ladilar. Qon tomirli buzilishlar. Juda kam hollarda: arterial gipertenziya.

Har qanday ta’sir etuvchi yoki yordamchi moddalaridan biriga o‘ta yuqori sezuvchanlik; anamnezda atsetilsalitsil kislotasi yoki boshqa nosteroid yallig‘lanishga qarshi vositalarni (NYAQV) qabul qilgandan keyingi bronxial astma, rinit yoki eshakemining mavjudligi; kelib chiqishi aniqlanmagan qon yaratilishini buzilishi; hozirgi vaqtda va/yoki o‘tmishda qaytalanuvchi peptik yara/qon ketishlarni (tasdiqlangan yara kasalligi yoki qon ketishlarning ikki yoki ko‘proq alohida epizodlari); anamnezda NYAQV bilan oldingi buyurilgan davolash bilan bog‘liq bo‘lgan me’da-ichak qon ketishlari yoki yaraning perforatsiyasini mavjudligi; hozirgi vaqtda mavjud bo‘lgan tserebrolvaskulyar qon ketishi yoki boshqa qon ketishlar; jigar yoki buyrak faoliyatini og‘ir buzilishlari (kreatinin klirensi <30 ml/min); og‘ir yurak yetishmovchiligi; homiladorlikning oxirgi uch oyligi; bolalar va 18 yoshgacha bo‘lgan o‘smirlarda qo‘llash mumkin emas.

Qo‘llash mumkin emas. Fertillik: tsiklooksigenaza/prostaglandinlar sintezini ingibitsiya qiluvchi dori vositalari ayollarning reproduktiv qobiliyatiga ovulyatsiyasi jarayoniga  ta’sir qilishi orqali salbiy ta’sir qilish qobiliyatiga ega ekanligi haqida ma’lumotlar bor. Qabul qilish to‘xtatilganidan keyin bu samara qaytuvchan xarakterga ega.

25oS dan yuqori bo‘lmagan haroratda, bolalar ololmaydigan joyda saqlansin.

Glyukozamin va xondriotin sulfati uchun dozani oshirib yuborish simptomlari noma’lum. Dozani oshirib yuborilishi aniqlanganida davolash simptomatik. Ibuprofen. Dozani oshirib yuborilish simptomlari: nerv tizimi tomonidan buzilishlar – bosh og‘rig‘i, bosh aylanishi, hushdan ketish oldi holati va xushdan ketish (bolalarda mioklonik tirishishlar bilan), shuningdek qorin og‘riqlari, ko‘ngil aynishi va qusish. Me’da-ichak qon ketishlari, shuningdek jigar va buyraklar tomonidan funktsional buzilishlar ham rivojlanishi mumkin. Shuningdek arterial bosimni pasayishi, nafasni susayishi va tsianoz bo‘lishi mumkin. Doza oshirib yuborilganida davolash choralari. Ibuprofenning spetsifik antidoti mavjud emas. Davolash intoksikatsiyaning og‘irlik darajasi va klinik simptomlariga qarab, umumiy qabul qilingan jadal davolash amaliyotiga muvofiq o‘tkaziladi.

Kapsulalar 60 va 120 donadan flakonda. Flakon ilova-varaqa bilan birga karton qutiga joylangan. Ulashish: 9 289 Views