Oq rangli, dumaloq shaklli, bir tomoni chiziqli, tabletkalar.

Analgetiklar-antipiretiklar.

N02BE51

Paratsetamol. Ichga qabul qilinganidan keyin paratsetamol me’da-ichak yo‘llarining yuqori bo‘limlarida tez va to‘liq so‘riladi. Qon plazmasidagi maksimal kontsentratsiyasiga (Smax) 10-60 minut davomida erishiladi. Qon plazmasi oqsillari bilan bog‘lanishi 10% dan kamni tashkil qiladi. Organizmning ko‘pchilik to‘qimalarida tez va bir tekis taqsimlanadi. Yarim chiqarilish davri (T1/2) 1-4 soatni tashkil qiladi. Asosan jigarda glyukuronid bilan kon’yugatsiyalanish, sulfatlar bilan kon’yugatsiyalanish va jigarning aralash oksidazalari va tsitoxrom R450 ishtirokida oksidlanish yo‘li orqali metabolizmga uchraydi. Jigarda va buyraklarda aralash oksidazalar ta’sirida juda oz miqdorda hosil bo‘ladigan va odatda glyutation bilan bog‘lanishi yo‘li bilan zararsizlantiriladigan, salbiy ta’sirga ega bo‘lgan gidroksillangan metaboliti – N-atsetil-r-benzoxinonimin – paratsetamolning dozasi oshirib yuborilganda to‘planishi va to‘qimalarni shikastlanishini chaqirishi mumkin. Kofein. Asosan buyraklar orqali chiqariladi. Ichakda yaxshi so‘riladi, plazmadagi T1/2 5-10 soatni tashkil qiladi, buyraklar orqali metabolitlar ko‘rinishida chiqariladi. Qo‘llanilishi bosh og‘rig‘i;migren;tish og‘rig‘i;bel og‘rig‘i;nevralgiya;mushak va revmatik og‘riq;og‘riqli hayz ko‘rishlar;shamollash kasalliklarini va grippni simptomatik davolash (yuqori tana haroratini pasaytirish uchun). Qo‘llash usuli va dozalari Kattalar va 12 yoshdan oshgan bolalarga 1-2 tabletkadan sutkada 3-4 marta buyuriladi. Qabul qilishlar orasidagi interval – kamida 4 soat bo‘lishi kerak. Maksimal bir martalik doza – 2 tabletka, maksimal sutkalik doza – 8 tabletkani tashkil qiladi. Preparatni og‘riq qoldiruvchi sifatida 5 kundan ortiq va isitma tushiruvchi vosita sifatida 3 kundan ortiq shifokorning ko‘rsatmasisiz va kuzatuvisiz qo‘llash tavsiya qilinmaydi. Preparatning sutkalik dozasini yoki davolash davomiyligini faqat shifokorning kuzatuvchi ostida oshirish mumkin.

Tavsiya qilingan dozalarda preparat odatda yaxshi o‘zlashtiriladi. Biroq quyidagilar yuz berishi mumkin: Allergik reaktsiyalar: ba’zida teri toshmasi, qichishish, eshakemi, Kvinke shishi. Qon yaratish a’zolari tomonidan: kam – leykopeniya, trombotsitopeniya, metgemoglobinemiya, agranulotsitoz, gemolitik anemiya. Ovqat-hazm qilish tizimi tomonidan: dispeptik buzilishlar (shu jumladan ko‘ngil aynishi, epigastral og‘riq). Markaziy nerv tizimi tomonidan: qo‘zg‘alish holati, uyqusizlik. Yurak-tomir tizimi tomonidan: aritmiya, arterial gipertenziya. Boshqalar: kam hollarda – uyquni buzilishi, taxikardiya. Yuqori dozalarda uzoq vaqt qo‘llanganda gepototoksik va nefrotoksik ta’sirini va pantsitopeniyani ehtimoli oshadi.

jigar faoliyatini yaqqol buzilishlari;buyraklar faoliyatini yaqqol buzilishlari;arterial gipertenziya;glaukoma;uyquni buzilishi;tutqanoq;12 yoshgacha bo‘lgan bolalar;preparatning komponentlariga yuqori sezuvchanlik. Preparatni xavfsiz giperbilirubinemiyada (shu jumladan Jilber, sindromida), virusli gepatitda, jigarning alkogolli shikastlanishida, glyukozo-6-fosfatdegidrogenaza tanqisligida, alkogolizmda, homiladorlikda va laktatsiya davrida ehtiyotkorlik bilan qo‘llash lozim.

Uzoq muddat davomida qabul qilinganda preparat bilvosita antikoagulyantlarni (varfarin va boshqa kumarinlar) ta’sirini kuchaytiradi, bu qon ketish xavfini oshiradi. Preparat MAO ingibitorlarining ta’sirini kuchaytiradi. Barbituratlar, fenitoin, etanol, rifampitsin, fenilbutazon tritsiklik antidepressantlar va mikrosomal oksidlanishning boshqa rag‘batlantiruvchilari dozani unchalik katta bo‘lmagan oshirib yuborilishida gidroksillangan faol metabolitlarni ishlab chiqarilishini oshirib, og‘ir intoksikatsiyalarni rivojlanishiga olib kelishi mumkin. Mikrosomal oksidlanish ingibitorlari (tsimetidin) gepatoksik ta’sir xavfini oshiradi. Paratsetamolning ta’siri ostida xloramfenikolni chiqarilish vaqti 5 marta oshadi. Kofein bosh og‘rig‘ida atsetilsalitsil kislotasi, paratsetamol va boshqa nonarkotik analgetiklarning ta’sirini kuchaytiradi. Bu ularning biokiraolishligini yaxshilanishi bilan bog‘liq deb taxmin qilinadi. Shuningdek ergotaminni (“migrenga qarshi preparatlarning” ko‘p uchraydigan komponentini) me’da-ichak yo‘llaridan so‘rilishi ham yaxshilanadi. Metoklopromid va domperidon paratsetamolni so‘rilish tezligini oshiradi, xolestiramin esa pasaytiradi. Preparat urikozurik preparatlarning samaradorligini pasaytirishi mumkin. Paratsetamol va alkogolli ichimliklarni bir vaqtda qabul qilish gepatotoksik samaralarni va o‘tkir pankreatit xavfini oshiradi.

Yuqori dozalarda uzoq vaqt davomida qo‘llanganda qon manzarasini nazorat qilish lozim. Preparatni qabul qilish vaqtida choy va qahvani haddan ziyod istyemol qilish tavsiya qilinmaydi, chunki bu qo‘zg‘alishga, uyquni buzilishiga, taxikardiyaga, yurak aritmiyasiga olib kelishi mumkin. Jigarni toksik shikastlanishidan saqlanish uchun preparatni alkogolli ichimliklar bilan birga qo‘llash, shuningdek alkogolni surunkali isyemol qilishga moyilligi bo‘lgan shaxslar tomonidan qabul qilinishi mumkin emas. Atopik bronxial astma, pollinozlar bilan og‘rigan bemorlarda allergik reaktsiyalarni rivojlanishini yuqori xavfi bor. Preparatni qabul qilish sportchilarda doping-nazoratining tahlil natijalarini o‘zgartirishi mumkin. Preparatni bolalar ola olmaydigan joyda saqlash va uni yaroqlilik muddati o‘tgach ishlatmaslik lozim.

Preparatni faqat tavsiya qilingan dozalarda qabul qilish lozim. Tavsiya qilingan dozalardan oshirilgan hollarda, xatto o‘zini yaxshi his qilsa ham, darhol tibbiy yordam uchun murojaat qilish lozim, chunki jigarni kechikan jiddiy shikastlanish xavfi mavjud. Simptomlari: ko‘ngil aynishi, qusish, qorinda og‘riqlar, metgemoglobinemiya, teri va tirnoqlar tsianozi, og‘ir holatlarda – qo‘zg‘alish, so‘ngra markaziy nerv tizimini susayishi, stupor, gipotermiya, taxipnoe; yurak urishini tezlashishi, arterial bosimni pasayishi, qon aylanishi yetishmovchiligi, koma, gepatit, sariqlik, o‘tkinchi azotemiya, buyrak naychalarining nekrozi, gipoglikemiya, metabolik atsidoz va miya shishi. Davolash: dozani oshirib yuborilishiga shubha tug‘ilganda, bemor darhol gospitalizatsiya qilinishi va simptomatik davo olishi kerak. Agarda dori yaqinda qabul qilingan bo‘lsa (ko‘pi bilan 4 soat o‘tgan bo‘lsa), qusishni chaqirish, me’dani yuvish lozim. Birinchi 10-16 soatda antidot sifatida atsetiltsisteinni (og‘iz orqali 140 mg/kg, keyin 70 mg/kg dozada har 4 soatda 72 soat davomida, hammasi bo‘lib 17-18 dozani) qo‘llash tavsiya qilinadi. Bir vaqtda faollashtirilgan ko‘mir va surgi vositalarini qo‘llash mumkin emas, chunki ular ichga qabul qilingan atsetiltsisteinni so‘rilishini pasaytiradi. Protrombin vaqti, mochevinaning qoldiq azoti, qonda qand, ALT, AST, bilirubin, kreatinin miqdori va shuningdek elektrolitlarning kontsentratsiyalari aniqlanadi. Suv-elektrolit muvozanatini tiklash va gipoglikemiya bo‘lsa, uni to‘g‘rilashni o‘tkazish lozim. Buyrak va jigar yetishmovchiligini rivojlanishi hollarida davolash chora-tadbirlarini laboratoriya ko‘rsatkichlari me’yorlashgunicha davom ettirish lozim. Gemodializni o‘tkazish kerak.

Retseptsiz

«Taylol® Plyus», tabletkalar, №10, №20.

5 yil.