och sarg‘ish-oq yoki pushtiroq-oq rangli cho‘zinchoq, ikki tomoni qabariq, bo‘luvchi chizig‘i bo‘lgan qobiq bilan qoplangan tabletkalar.

mikroblarga qarshi vosita, ftorxinolon.

J01MA12.

Levofloksatsin ichga qabul qilinganidan keyin tez va amalda to‘liq so‘riladi, ovqat qabul qilish so‘rilishiga kam ta’sir qiladi. Ichga qabul qilinganidan keyin to‘liq biokiraolishligi 99­100% ni tashkil qiladi. Levofloksatsinni bir martalik 500 mg dozasi qabul qilinganidan so‘ng maksimal kontsentratsiyasiga 1­2 soat davomida erishiladi va 5,2+1,2 mkg/ml ni tashkil qiladi. Levofloksatsinning farmakokinetikasi 50 dan 1000 mg doza diapazonida proportsional hisoblanadi. 500 mg levofloksatsin sutkada 1 yoki 2 marta qabul qilinganda levofloksatsinning qon plazmasidagi kontsentratsiyasini turg‘un holatiga 48 soat davomida erishiladi. Tavanik® 500 mg preparati 10 kun davomida sutkada 1 marta ichga qabul qilinganida levofloksatsinning qon plazmasidagi maksimal kontsentratsiyasi 5,7+1,4 mkg/ml ni tashkil qilgan, levofloksatsinning qon plazmasidagi minimal kontsentratsiyasi (navbatdagi dozani qabul qilishdan oldingi kontsentratsiyasi) esa 0,5+0,2 mkg/ml ni tashkil qilgan. Tavanik® 500 mg preparati 10 kun davomida sutkada 2 marta ichga qabul qilinganida levofloksatsinning qon plazmasidagi maksimal kontsentratsiyasi 7,8+1,1 mkg/ml ni tashkil qilgan, levofloksatsinning qon plazmasidagi minimal kontsentratsiyasi (navbatdagi dozani qabul qilishdan oldingi kontsentratsiyasi) esa 3,0+0,9 mkg/ml ni tashkil qilgan.

Kattalardagi levofloksatsinga sezgir bakteriyalar chaqirgan infektsiyalarni davolash: – o‘tkir sinusit; – surunkali bronxitni zo‘rayishi; – kasalxonadan tashqaridagi pnevmoniya; – siydik chiqarish yo‘llarining asoratlanmagan infektsiyalari; – siydik chiqarish yo‘llarining asoratlangan infektsiyalari (piyelonefritni ham qo‘shib); – surunkali bakterial prostatit; – teri qoplamalari va yumshoq to‘qimalarning infektsiyalari; – tuberkulyozning dorilarga chidamli shakllarini majmuaviy davolash uchun; – kuydirgini havo­tomchi orqali yuqishini oldini olish va davolashda qo‘llaniladi. Tavanik® preparatini qo‘llaganda antibakterial preparatlarni qo‘llashda tegishli  rasmiy milliy tavsiyalarni, shuningdek muayyan bir mamlakatda patogen mikroorganizmlarni sezuvchanligini e’tiborga olish kerak (“Maxsus ko‘rsatmalar” bo‘limiga qarang).

Tavanik® 250 mg yoki 500 mg tabletkalari ichga kuniga bir yoki ikki marta qabul qilinadi. Tabletkalarni chaynamasdan, yetarli miqdordagi suyuqlik bilan (0,5 dan 1 stakangacha) qabul qilish kerak. Zarurati bo‘lganida tabletkalarni bo‘luvchi o‘ymalaridan sindirish mumkin. Preparatni ovqatlanish oldidan yoki ovqat qabul qilish orasidagi har qanday vaqtda qabul qilish mumkin, ovqat qabul qilish preparatning so‘rilishiga ta’sir qilmaydi (“Farmakokinetikasi” bo‘limiga qarang). Preparatni magniy va/yoki alyumin, temir tuzlari yoki sukralfat saqlovchi antatsid preparatlarini qabul qilishdan 2 soat oldin yoki 2 soat keyin qabul qilish kerak (“Boshqa dori vositalari bilan o‘zaro ta’siri” ga qarang). Tavanik® preparatini tabletkalarda qabul qilganda levofloksatsinning biokiraolishligi 99­100% ga teng ekanligini hisobga olib, patsiyentni Tavanik® preparatining vena ichiga infuziyasidan tabletkalariga o‘tkazish hollarida davolashni vena ichiga infuziya qilishdagi xuddi o‘sha dozada davom ettirish kerak (“Farmakokinetikasi” bo‘limiga qarang). Preparatning bir yoki bir nechta dozasini o‘tkazib yuborilishi Agar behosdan preparatni qabul qilish o‘tkazib yuborilsa, navbatdagi dozasi imkon boricha tezroq qabul qilish va keyinchalik Tavanik® preparatini tavsiya qilingan dozalash tartibiga ko‘ra qabul qilish kerak.

– levofloksatsinga yoki boshqa xinolonlarga, shuningdek Tavanik® preparatining har qanday yordamchi moddalariga o‘ta yuqori sezuvchanlik; – tutqanoq; ­ psevdoparalitik miasteniyasi (myasthenia gravis) (“Nojo‘ya ta’siri”, “Maxsus ko‘rsatmalar” bo‘limiga qarang); – anamnezida ftorxinolonlarni qabul qilish bilan bog‘liq paylarning shikastlanishi; – bolalik va 18 yoshgacha o‘smirlik yoshi (skelet o‘sishi tugallanmaganligi sababli, chunki o‘sishning tog‘ay nuqtalarini shikastlanishini butunlay istisno qilib bo‘lmaydi); – homiladorlik (homilada o‘sishning tog‘ay nuqtalarini shikastlanishini butunlay istisno qilib bo‘lmaydi); – laktatsiya davri (bolada o‘sishning tog‘ay nuqtalarini shikastlanishini butunlay istisno qilib bo‘lmaydi).

Ko‘k yiringli tayoqcha (Pseudomonas aeruginosa) chaqirgan gospital infektsiyalarda kombinatsiyalangan davolash talab qilinishi mumkin. Mikroorganizmlar shtammlari chaqirgan orttirilgan rezistentlikning tarqalishi geografik region va vaqt o‘tishi bilan bog‘liq ravishda o‘zgarishi mumkin. Shu sababli muayyan mamlakatda preparatga rezistentlik haqida ma’lumotlar talab qilinadi. Og‘ir infektsiyani davolash uchun yoki davolash samarasiz bo‘lganida qo‘zg‘atuvchini ajratib chiqarish va uni levofloksatsinga sezgirlini aniqlash bilan mikrobiologik tashxis qo‘yilishi kerak.

+250S dan yuqori bo‘lmagan haroratda saqlansin. Bolalar olaolmaydigan joyda saqlansin!

Hayvonlarda o‘tkazilgan tadqiqotlardagi ma’lumotlardan kelib chiqqan holda, Tavanik® preparatining dozasini oshirib yuborilishidagi juda muhim simptomlar markaziy nerv tizimi tomonidan namoyon bo‘lgan simptomlar (ongni buzilishi, shu jumladan  ongni chalkashishi, bosh aylanishi va tirishishlar) hisoblanadi. Preparatni postmarketing qo‘llaganda dozasi oshirib yuborilganida markaziy nerv tizimi tomonidan samaralar, shu jumladan ongni chalkashishi, tirishishlar, gallyutsinatsiya va tremor kuzatilgan. Ko‘ngil aynishi va me’da-ichak yo‘llarining eroziyasi kuzatilishi mumkin. Levofloksatsinni terapevtik dozalardan yuqori bo‘lgan dozalari bilan o‘tkazilgan kliniko-farmakologik tekshirishlarda, QT intervalini uzayishi ko‘rsatilgan.

Retsept bo‘yicha beriladi

Qobiq bilan qoplangan tabletkalar, 250 mg 3, 5, 7 yoki 10 tabletkadan PVX/alyumin folga blisterda. Bir blisterdan qo‘llash bo‘yicha yo‘riqnomasi bilan birga karton qutida. Qobiq bilan qoplangan tabletkalar, 500 mg 5, 7 yoki 10 tabletkadan PVX/alyumin folga blisterda. Bir blister qo‘llash bo‘yicha yo‘riqnomasi bilan birga karton qutida.

5 yil. Preparat o‘ramda ko‘rsatilgan yaroqlilik muddati o‘tganidan so‘ng qo‘llanilmasin.