oq yoki deyarli oq rangli, o‘ziga xos hidli surtma.

sirtga qo‘llash uchun mikroblarga qarshi preparat, sulfanilamid.

D06BA01

So‘rilishi Mahalliy qo‘llanilganida jarohatga surtilgan surtmaning umumiy miqdoridan 1% gacha kumush ionlari va 10% gacha sulfadiazin so‘rilishi mumkin. Sog‘lom teri orqali qon oqimiga so‘rilmaydi, kuyish pufaklarida qo‘llanilganida so‘rilishi oshadi. Qonda sulfadiazinning kontsentratsiyasi 10-20 mkg/ml ga yetadi, preparatni tananing katta yuzalariga qo‘llanilganida yuqoriroq kontsentratsiyalariga erishish mumkin. Taqsimlanishi va metabolizmi Sulfadiazin organizmning to‘qima va suyuqliklarida keng taqsimlanadi, orqa miya suyuqligida 32-65% va qon zardobida 14-30% kontsentratsiyalarga erishib, gematoentsefalik to‘siq orqali o‘tadi, shuningdek yo‘ldosh to‘sig‘i orqali o‘tadi va ko‘krak sutiga ajraladi. Mikrobiologik faol bo‘lmagan, ammo toksik metabolitlarini hosil qilib jigarda metabolizmga uchraydi. Kumush asosan jigar va taloqqa tarqaladi, barcha a’zolar va to‘qimalarda melatonin, albumin va makroglobulinlarni bog‘laydi. Chiqarilishi Sulfadiazin organizmda to‘planmaydi va taxminan yarmi o‘zgarmagan shaklda siydik bilan tez chiqariladi; kamroq qismi safro bilan chiqariladi. 72 soat davomida so‘rilgan sulfadiazinning 60-80% metabolitlari va o‘zgarmagan shaklda siydikda aniqlanadi. Siydikning ishqoriy muhitida chiqarilishi kuchayadi. So‘rilgan kumushning katta qismi safro bilan chiqariladi.

Infektsiyalangan kuygan jarohatlarni oldini olish va davolash.Infektsiyalangan teri yaralari va yotoq yaralarni qo‘shimcha davolash.Terini ko‘chirib o‘tkazilgan sohalari va katta shilinishlarni infektsiyalanishini qo‘shimcha profilaktikasida qo‘llanadi.

Sirtga qo‘llanadi. Surtmani katta yuzalarda qo‘llanilganida buyrak va jigar faoliyatini va qon shaklli elementlari miqdorini nazorat qilish kerak. Patsiyentga ishqoriy suyuqlikni ko‘p miqdorda berish kerak. Nekrotik to‘qimalarni jarroxlik yo‘li bilan olib tashlanganidan keyin surtma shikastlangan sohaga sutkada 1-2 marta steril bog‘lam yoki ochiq usulda yupqa qavat qilib surtiladi. Maksimal bir martalik doza – 300 g ni tashkil etadi. Davolash 3 xaftagacha davom etadi.

Mahalliy reaktsiyalar Surtma kam hollarda mahalliy ta’sirlovchi ta’sir (qisqa muddatli achishish, og‘riq) chaqirishi mumkin, u 5-10 minutdan keyin o‘tib ketadi. Patsiyentda yuqori sezuvchanlik bo‘lganida allergik reaktsiyalar – achishish hissi, toshma, qichishish paydo bo‘lishi mumkin. Tizimli reaktsiyalar Kuygan katta sohalarni uzoq muddat davolaganda qon plazmasida sulfadiazinning tizimli qo‘llashda hosil bo‘ladigan kontsentratsiyasiga teng kontsentratsiyasi hosil bo‘lishi mumkin. Sulfanilamidlarga xarakterli nojo‘ya ta’sirlar: ko‘ngil aynishi, qusish, ich ketishi, glossit, bo‘g‘imlarda og‘riq, bosh og‘rig‘i, ongni chalkashishi, tirishishli spazmlar, kristalluriya, gematuriya, gormonlar sintezini susayishi, buyrakni toksik shikastlanishi, leykopeniya, trombotsitopeniya, eozinofiliya paydo bo‘lishi mumkin. Uzoq muddat davolash yoki terining katta yuzalarini davolash natijasida to‘qimalarda kumushni to‘planishi va argiriya (terini biroz kulrang tus olishi) paydo bo‘lishi mumkin.

Kumush sulfadiaziniga, boshqa sulfanilamidlarga va/yoki preparatning yordamchi moddalaridan birontasiga yuqori sezuvchanlik. Tug‘ma glyukozo-6-fosfatdegidrogenaza tanqisligi (katta yuzalarda qo‘llanilganida gemoliz paydo bo‘lishi mumkin). Ko‘p miqdorda ekssudatsiya bilan chuqur yiringli va kuygan jarohatlar (maqsadga muvofiq emas). Chala tug‘ilgan bolalar, yangi tug‘ilgan chaqaloqlar va 3 oylikgacha bo‘lgan bolalar (yadroli sariqlik paydo bo‘lishi xavfi sababli). Homiladorlik va emizish davrida qo‘llash mumkin emas.

Jarohatni fermentativ tozalaydigan vositalarni faolsizlantirishi mumkin, shuning uchun ushbu preparatlarni bir vaqtda qo‘llash tavsiya etilmaydi.

Kumush sulfadiazini yuqori kontsentratsiyalarda o‘rtacha tsitotoksiklikka ega va fibroblastlarni o‘sishini susaytirishi mumkin, shuning uchun II darajali kuyishlarda ehtiyotkorlik bilan qo‘llash kerak. Kumushning yarim chiqarilish davri davom muddatliligi, shuningdek sulfadiazinni buyrak parenximasining toksik shikastlanishini chaqirish qobiliyati tufayli, jigar va/yoki buyrak yetishmovchiligida ehtiyotkorlik bilan qo‘llash kerak. Sulfadiazin siydikda erimaydigan kristallarni hosil qilishi va buyrak yetishmovchiligi rivojlanishiga olib keluvchi buyrakda glomerulyar o‘zgarishlarni chaqirishi mumkin. Agar kumush sulfadiazini bilan davolashni uzoq muddat o‘tkazish yoki preparatni kuygan katta yuzalarga qo‘llanilsa, leykopeniya, trombotsitopeniya yoki eozinofiliya paydo bo‘lishi xavfi tufayli qon tarkibini muntazam nazorat qilish kerak. Mikroblarga qarshi ta’sirga ega boshqa preparatlarni qo‘llagandagi kabi superinfektsiya paydo bo‘lishi mumkin. Preparat yordamchi moddalar sifatida metilparagidroksibenzoat, propilparagidroksibenzoat saqlaydi, ular allergik reaktsiyalar (shu jumladan sekinlashgan turdagi), ayrim hollarda – bronxospazm chaqirishi mumkin. Surtma shuningdek mahalliy teri reaktsiyalari (masalan, kontakt dermatit) chaqiruvchi tsetostearil spirti va terini ta’sirlanishini chaqiruvchi propilenglikol saqlaydi.

Homiladorlik va emizish vaqtida kumush sulfadiazinini qo‘llashning xavfsizligini aniqlash bo‘yicha tadqiqotlar o‘tkazilmagan, shuning uchun bu davrda surtmani qo‘llash mumkin emas.

25oS dan yuqori bo‘lmagan haroratda saqlansin. Muzlatilmasin.

Kuygan katta sohalarni uzoq muddat davolaganda qon plazmasida sulfadiazinning tizimli qo‘llashda hosil bo‘ladigan kontsentratsiyasiga teng kontsentratsiyasi hosil bo‘lishi mumkin va shuning uchun barcha sulfanilamidlarni tizimli qo‘llash bilan bog‘liq nojo‘ya ta’sirlar paydo bo‘lishi mumkin (Nojo‘ya ta’sirlari bo‘limiga qarang). Davolash simptomatik.

Retsept bo‘yicha

50 g dan surtma alyumin tubada. 1 tuba qo‘llash bo‘yicha yo‘riqnomasi bilan karton qutida.

2 yil.