oq rangdan sarg‘ish-oq rangacha bo‘lgan granulyatsiyalangan kukun saqlagan, to‘q qizil/qizil rangli, “2” o‘lchamli kapsulalar.

zamburug‘larga qarshi vosita

J02AC01

Preparat me’da-ichak yo‘llari (MIY) dan tez va yetarlicha to‘liq so‘riladi (ovqat so‘rilish tezligiga ta’sir qilmaydi). Biokiraolishligi 90% ni tashkil etadi. Maksimal kontsentratsiyasiga och qoringa qabul qilingandan so‘ng 0,5-1,5 soatdan keyin erishadi. Plazma oqsillari bilan bog‘lanishi 11-12%. Organizmning barcha suyuqliklariga yaxshi o‘tadi. Ko‘krak suti, bo‘g‘im suyuqligi, so‘lak, balg‘am va peritoneal suyuqliklarda faol moddaning kontsentratsiyasi qon plazmasidagi kontsentratsiyasi bilan bir xil bo‘ladi. Qin sekretida doimiy qiymatlarga ichga qabul qilingandan so‘ng 8 soatdan keyin erishiladi va ushbu darajada kamida 24 soat saqlanib turadi. Ter bezlarining sekreti, epidermis va muguz qavatida zardobdagi kontsentratsiyasidan yuqori kontsentratsiyalarga (selektiv to‘planishi) erishadi, 80% buyraklar orqali o‘zgarmagan holda, qolgan qismi metabolitlar ko‘rinishida organizmdan chiqariladi. Qonda aylanib yurgan metabolitlari aniqlanmagan. Yarim chiqarilish davri taxminan 30 soatni tashkil etadi. Flukonazolning farmakokinetikasi buyrak faoliyatiga ahamiyatli darajada bog‘liq, bunda yarim chiqarilish davri va kreatinin klirensi o‘rtasida teskari proportsional bog‘liqlik mavjud. 3 soat davomidagi gemodializdan so‘ng flukonazolning qon plazmasidagi kontsentratsiyasi 50% ga pasayadi.

genital kandidoz; o‘tkir va qaytalanuvchi vaginal kandidoz; vaginal kandidozni qaytalanishlar tez-tezligini (yiliga 3 va undan ortiq) kamaytirish maqsadida oldini olish; kandidozli balanitni davolash uchun;orttirilgan immunitet tanqisligi sindromi (OITS) bo‘lgan bemorlarda orofaringeal kandidozni qaytalanishini oldini olish uchun;teri mikozlari, shu jumladan oyoq kafti, tana, chov sohasi mikozlari, kepaksimon temiratki, onixomikozlar va terining kandidozli infektsiyalarini davolash uchun qo‘llanadi.

Kapsulalar ichga qabul qilinadi. Kapsula ovqatlanishdan qat’iy nazar, butunligicha yutiladi. Flukonazolning sutkalik dozasi zamburug‘li infektsiyaning xarakteri va og‘irligiga bog‘liq. Zamburug‘larga qarshi preparatni takroran qabul qilish talab etilgan infektsiyalarda, davolashni zamburug‘li infektsiyaning klinik va laborator belgilari butunlay yo‘qolgunicha davom ettirish kerak. 18 yoshgacha bo‘lgan bolalar va 60 yoshdan oshgan patsiyentlarga preparatni shifokorning tavsiyasisiz bir martalik dozada qo‘llash tavsiya etilmaydi.

Nojo‘ya samaralarni rivojlanish tez-tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha). Ovqat hazm qilish tizimi tomonidan: tez-tez – ko‘ngil aynishi, diareya, qorinda og‘riq; tez-tez emas – ishtahani pasayishi, qabziyat, meteorizm, tish og‘rig‘i; kam hollarda – jigar faoliyatini buzilishi (skleralarni sarg‘ayishi, sariqlik, giperbilirubinemiya, alaninaminotransferaza, aspartataminotransferaza va ishqoriy fosfatazaning faolligini oshishi). Nerv tizimi tomonidan: tez-tez – bosh og‘rig‘i; tez-tez emas – bosh aylanishi, haddan tashqari kuchli toliqish; kam hollarda – tirishishlar. Qon yaratish a’zolari tomonidan: kam hollarda – leykopeniya, trombotsitopeniya (qon ketishi, petexiyalar), neytropeniya, agranulotsitoz. Allergik reaktsiyalar: tez-tez – teri toshmalari; kam hollarda – ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), anafilaktoid reaktsiyalar. Boshqalar: kam hollarda – buyrak faoliyatini buzilishi, alopetsiya, giperxolesterinemiya, gipertriglitseridemiya, gipokaliyemiya.

flukonazolga ma’lum yuqori sezuvchanlik;QT oralig‘ini uzaytiruvchi preparatlarni (shu jumladan terfenadin yoki astemizol) bir vaqtda qabul qilishda qo‘llash mumkin emas.

Flukonazol gistamin vositalari (astemizol, terfenadin); qisqa vaqt ta’sir etuvchi benzodiazepinlar guruhiga kiruvchi anksiolitiklar (midazolam, triazolam); rifabutin, tsizaprid, fenitoin, zidovudin, takrolimus, tsiklosporinning farmakologik ta’sirini kuchaytiradi; teofillinning yarim chiqarilish davrini uzaytiradi va intoksikatsiyani rivojlanish xavfini oshiradi, bu uning dozasiga tuzatish kiritishni talab etadi. Gidroxlortiazid plazmada flukonazolning kontsentratsiyasini oshiradi, rifampitsin bilan bir vaqtda qabul qilganda flukonazolni qon plazmasidan yarim chiqarilish davrini qisqarishi kuzatiladi. Flukonazol peroral gipoglikemik dori preparatlari – sulfonilmochevina hosilalari (glibenklamid, glipizid, tolbutamid) ning yarim chiqarilish davrini uzaytiradi, shuningdek plazmada kontsentratsiyasini oshiradi. Ushbu dori preparatlari bir vaqtda qo‘llanganida gipoglikemiyani oldini olish maqsadida qondagi qandning darajasini yaxshilab nazorat qilish kerak. Flukonazol peroral homilaga qarshi dori preparatlari bilan bir vaqtda qo‘llanganida gormonlar (estradiol, levonorgestrel) ning kontsentratsiyasi o‘zgarishi mumkin, ushbu dori preparatlari bir vaqtda qabul qilinganida rivojlanishi mumkin bo‘lgan nojo‘ya samaralarni oldini olish uchun patsiyent ayollarning holatini yaxshilab nazorat qilish kerak. Kumarin antikoagulyantlarining samaradorligini oshiradi, protrombin vaqti uzayishi mumkin, shu sababli qon ketishi (gematomalar, burun va MIY dan qon ketishi, gematuriya, melena) rivojlanishi mumkin. Flukonazol va amfoteritsin B bir vaqtda buyurilganida ularning o‘zaro ta’sirida antagonistik hususiyatlarni hisobga olish kerak, biroq amaliyotda o‘zaro ta’sir natijasi qaysi modda ertaroq yuborilganligi va patogen zamburug‘ning turi bilan aniqlanadi.

Strekan tiazol birikmalariga yuqori sezuvchanligi bo‘lgan bemorlarga, kesishgan sezuvchanlik reaktsiyasi kuzatilishi mumkinligi sababli, ehtiyotkorlik bilan buyurilishi kerak. Flukonazol bilan davolashni kliniko-gematologik remissiya paydo bo‘lgunigacha davom ettirish kerak. Davolashni muddatidan oldin to‘xtatish qaytalanishlarga olib keladi. Davolashni ekish yoki boshqa laborator tahlillarning natijalari bo‘lmaganida boshlash mumkin, ammo ular bo‘lsa, fungitsid terapiyaga muvofiq ravishda tuzatish kiritish tavsiya etiladi. Davolanish vaqtida qon ko‘rsatkichlari, buyrak va jigar faoliyatini nazorat qilish kerak. Flukonazol bilan davolanish vaqtida jigarning yanada jiddiyroq shikastlanish belgilarini aniqlash maqsadida ushbu ko‘rsatkichlar izdan chiqadigan bemorlarni kuzatish kerak. Buyrak faoliyatini buzilishi rivojlanganida preparatni qabul qilishni to‘xtatish kerak. Flukonazolning gepatotoksik ta’siri odatda qaytuvchan, simptomlari davolash to‘xtatilgandan so‘ng yo‘qoladi. Bemorlarda teri toshmalari paydo bo‘lganida sinchiklab kuzatish kerak, va teri reaktsiyasi zo‘rayib borganida (Stivens-Djonson sindromi, toksik epidermal nekroliz, ko‘p shaklli eritemani rivojlanish havfi bor) davolashni to‘xtatish kerak. Yuzaki zamburug‘li infektsiya bois davolanayotgan bemorda flukonazolni qo‘llash bilan bog‘liq bo‘lishi mumkin bo‘lgan toshma paydo bo‘lganida, preparatni bekor qilish kerak. invaziv / tizimli zamburug‘li infektsiyalari bo‘lgan bemorlarda toshmalar paydo bo‘lganida ularni sinchiklab kuzatish va bullyoz shikastlanishlar paydo bo‘lganida flukonazolni bekor qilish kerak. Buyrak faoliyatini buzilishi bo‘lgan patsiyentlarga, yangi tug‘ilgan chaqaloqlar, OITS bilan xastalangan bemorlarga (va immunitet susaygan boshqa holatlarda), shuningdek aritmiyalarga olib keluvchi potentsial holatlardagi patsiyentlarga ehtiyotkorlik bilan buyuriladi. Homiladorlik va laktatsiya davrida qo‘llanishi Homiladorlikda vaqtida flukonazolni qo‘llash bo‘yicha adekvat klinik tadqiqotlar yo‘q. Homiladorlik vaqtida preparatni qo‘llashdan kutilgan potentsial foyda homila uchun havfdan ustun bo‘lgandagina, Strekan preparatini qo‘llash mumkin. Flukonazol ko‘krak sutida plazmadagi kontsentratsiyasi bilan  bir xil kontsentratsiyada aniqlanadi, shuning uchun uni laktatsiya davrida buyurish tavsiya etilmaydi. Pediatriyada qo‘llanishi 18 yoshgacha bo‘lgan bolalarda preparatni shifokorning tavsiyasisiz qo‘llash tavsiya etilmaydi. Avtotransportni haydash va mexanizmlarni boshqarish qobiliyatiga ta’siri Strekan avtomobilni haydash va psixomotor reaktsiyalarning yuqori tezligini talab etuvchi ishlarni bajarish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda, 25°S dan yuqori bo‘lmagan haroratda saqlansin.

Simptomlari: ko‘ngil aynishi, qusish, yanada og‘irroq holatlarda – tirishishlar. Davolash: simptomatik. Me’dani yuvish, jadallashtirilgan diurez. 3 soat davomida gemoliz o‘tkazish preparatning plazmadagi kontsentratsiyasini 50% ga pasaytiradi.

Retseptsiz

1 kapsula alyumin folgali stripda. 1 strip qo‘llash bo‘yicha yo‘riqnomasi bilan birga karton qutiga joylangan.

3 yil.