och sariq rangli kristall kukun. Eritilganida limon hidli, och sariq rangli, tiniq bo‘lmagan eritma hosil bo‘ladi.

o‘tkir respirator kasalliklar (O‘RK) simptomlarini bartaraf qilish uchun vosita.

N02BE51

Yuqori harorat, et uvishishi va isitma, bosh og‘rig‘i, tumov, burunni bitishi, aksirish va mushaklardagi og‘riqlar bilan birga kechuvchi infektsion-yallig‘lanish kasalliklari (O‘RVI, gripp) ni davolash uchun qo‘llanadi.

Bitta paket ichidagisi 1 stakan qaynatilgan issiq suvda eritiladi; issiq holatda iste’mol qilinadi. Ta’miga qarab qand qo‘shish mumkin. Takroriy dozalarni har 4 soatdan keyin qabul qilish mumkin, ammo 24 soat davomida 3 dozadan oshmasligi kerak. Isitma tushiruvchi vosita sifatida qabul qilish davomiyligi 3 kundan oshmasligi kerak.

Allergik reaktsiyalar (teri toshmasi, qichishish, eshakemi, angionevrotik shish), ko‘ngil aynishi, epigastriyda og‘riqlar, anemiya, trombotsitopeniya, agranulotsitoz. Yuqori qo‘zg‘aluvchanlik, bosh aylanishi, arterial bosimni oshishi, yurakni urib ketish hissi, uyquga ketishni buzilishi. Ko‘z ichki bosimini oshishi, og‘izni qurishi, siydikni tutilishi bo‘lishi mumkin. Yuqori dozalarda uzoq muddat qo‘llanganida gepatotoksik va nefrotoksik ta’sirlari (buyrak sanchig‘i, glyukozuriya, interstitsial nefrit, papillyar nekroz), gemolitik anemiya, aplastik anemiya, metgemoglobinemiya, pantsitopeniya bo‘lishi mumkin.

Arterial gipertoniya, qandli diabet, yopiq burchakli glaukoma, jigar, buyrak, yurak, qalqonsimon bezi, o‘pka (shu jumladan bronxial astma), qovuqning og‘ir kasalliklari, me’da va o‘n ikki barmoq ichakni yara kasalligi, me’da osti bezining kasalliklari, prostata bezi adenomasida siyishni qiyinlashuvi, qon tizimi kasalliklari, glyukozo-6-fosfat degidrogenaza fermentining tanqisligi, preparatning ayrim komponentlariga yuqori sezuvchanlikda qo‘llash mumkin emas. Homiladorlik va laktatsiya davri. 12 yoshgacha bo‘lgan bolalarga qo‘llash mumkin emas.

Monoaminooksidaza ingibitorlari, sedativ dori vositalari, etanolning samarasini kuchaytiradi. Etanol antigistamin dori vositalarining sedativ ta’sirini kuchaytiradi. Antidepressantlar, parkinsonizmga qarshi va antipsixotik dori vositalari, fenotiazin hosilalari siydikni tutilishi, og‘izni qurishi, qabziyatlar rivojlanishi xavfini oshiradi. Glyukokortikosteroidlar ko‘z ichki bosimini rivojlanishi xavfini oshiradi. Paratsetamol urikozurik dori vositalarining samaradorligini kamaytiradi va bilvosita antikoagulyantlarning samaradorligini oshiradi. Tritsiklik antidepressantlar simpatomimetik ta’sirini kuchaytiradi, galotanni bir vaqtda buyurish qorinchalar aritmiyasi rivojlanishi xavfini oshiradi. Guanetidinning gipotenziv ta’sirini kamaytiradi, u o‘z navbatida fenilefrinning alfa-adrenoretseptorlarni rag‘batlantiruvchi faolligini kuchaytiradi.

Shifokor ko‘rsatmasisiz preparatni homilador ayollarga va emizikli onalarga, shuningdek boshqa dori vositalarini, xususan monoaminooksidaza ingibitorlarini qo‘llash bilan davolash kursini o‘tayotgan bemorlarda qo‘llash mumkin emas. Preparat 12 yoshgacha bo‘lgan bolalarga buyurilmaydi. Preparatni qabul qilganda avtomobilni yoki boshqa mexanizmlarni boshqarish, spirtli ichimliklarni, markaziy nerv tizimining faoliyatini susaytiruvchi vositalarni (uxlatuvchi vositalari, trankvilizatorlar va shunga o‘xshashlar) iste’mol qilish tavsiya etilmaydi. Preparatning yaroqlilik muddati tugaganidan so‘ng qo‘llash mumkin emas va preparatni bolalar ololmaydigan joyda saqlash kerak.

Quruq, yorug‘likdan himoyalangan joyda, 25oS yuqori bo‘lmagan haroratda saqlansin.

Simptomlari (paratsetamol bilan bog‘liq): teri qoplamalarini oqarishi, ishtahani pasayishi, ko‘ngil aynishi, qusish, gepatonekroz. Kattalarda paratsetamol 10-15 g dan ortiq dozada ichga qabul qilinganidan keyin kuzatiladigan toksik ta’sirlari: “jigar” transaminazalari faolligini oshishi, protrombin vaqtini oshishi (qabul qilinganidan 12-48 soatdan keyin); jigarni shikastlanishini to‘liq klinik manzarasi 1-6 kundan keyin namoyon bo‘ladi. Kam hollarda jigar yetishmovchiligi yashin tezligida rivojlanadi va buyrak yetishmovchiligi (tubulyar nekroz) bilan asoratlanishi mumkin. Davolash: SH-guruhi donatorlarini va glutation-metionin sintezi o‘tmishdoshlarini doza oshirib yuborilganidan so‘ng 8-9 soatdan keyin va N-atsetiltsisteinni esa 12 soatdan keyin yuborish mumkin. Qo‘shimcha terapevtik tadbirlarni o‘tkazish zarurati paratsetamolning qondagi kontsentratsiyasiga, shuningdek uni qabul qilgandan so‘ng o‘tgan vaqtga qarab aniqlanadi.

Retseptsiz

Ichga qabul qilish uchun eritma tayyorlash uchun kukun 21,5 g dan sasheda. 10 sashe qo‘llash bo‘yicha yo‘riqnomasi bilan birga karton qutiga joylanadi.

3 yil.