Oq rangli liofilizatsiya qilingan kukun. Ayrim fragmentlarning mavjud bo‘lishiga yo‘l qo‘yiladi. Erituvchi – tiniq, rangsiz suyuqlik.

Immunodepressantlar. Interleykin ingibitorlari. Baziliksimab.

So‘rilishi Vena ichiga 30-minutlik 20 mg infuziyadan keyin qon zardobida maksimal kontsentratsiyasi 7,1±5,1 mg/l ni tashkil etadi. Smax (qon zardobida maksimal kontsentratsiyasi) va AUC (“plazmadagi kontsentratsiya-vaqt” egri chizig‘i ostidagi o‘rtacha teng mutanosib maydon) ko‘rsatkichlarining dozaga nisbatan to 60 mg bir martalik yuqori dozasiga qadar proportsional oshishi mavjud. Taqsimlanishi Muvozanat holatida taqsimlanish hajmi 8,6±4,1 l ni tashkil etadi. Organizmning turli sohalarida taqsimlanish kengligi va darajasi to‘liq o‘rganilmagan. Simulekt® preparati faqat limfotsitlar va makrofaglar/monotsitlar bilan bog‘lanishi aniqlangan. Chiqarilishi Yarim chiqarilishining terminal davri 7,2±3,2 sutka. Klirensning yig‘indisi ko‘rsatkichi soatiga 41±19 ml ni tashkil etadi.

preparat buyrak birinchi bor ko‘chirib o‘tkazilgan patsiyentlarda (kattalar va bolalarda) transplantatni o‘tkir qabul qilmaslikni oldini olishda qo‘llaniladi. Preparatdan reaktiv antitelalar darajasi 80% dan kam bo‘lgan patsiyentlarda immunosupressiya uchun tsiklosporin (mikroemulsiya) va kortikosteroidlar bilan birgalikda qo‘llanilganida yoki tsiklosporin (mikroemulsiya), kortikosteroidlar va azatioprinni yoki mofetil mikofenolatni saqlaydigan uch marta qo‘llab-quvvatlovchi immunosupressiv tartibda foydalanilishi kerak.

Tavsiya etiladigan doza Preparatning standart yig‘indi dozasi 40 mg ni tashkil etadi va uni har biri 20 mg dan

Simulekt® preparati a’zolar transplantatsiyasini o‘tkazgan bemorlarda ularning asosiy kasalligi va immunodepressantlar hamda boshqa preparatlarni birgalikda qo‘llanilishi oqibatida kuzatiladigan sezilarli nojo‘ya ta’sirlarning umumiy manzarasiga qo‘shimcha nojo‘ya ta’sirlarni keltirib chiqarishi aniqlanmagan.

baziliksimabga yoki preparat tarkibidagi har qanday boshqa komponentga ma’lum yuqori sezuvchanlikda;homiladorlik va laktatsiya davrida qo‘llash mumkin emas.

Simulekt® preparati immunoglobulin bo‘lganligi tufayli, bir vaqtda qo‘llaniladigan boshqa dori preparatlari bilan biron-bir metabolik o‘zaro ta’sirlar kutilmaydi. Transplantatsiyada an’anaviy ravishda buyuriladigan ayrim preparatlarning (tizimli viruslarga qarshi, antibakterial, zamburug‘larga qarshi vositalar, analgetiklar, beta-adrenoblokatorlar yoki kaltsiy kanallari blokatorlari kabi antigipertenziv vositalar, diuretiklar) mikroemulsiya shaklidagi tsiklosporin, glyukokortikosteroidlar, azatioprin va mofetil mikofenolatiga qo‘shimcha holda qo‘llanilishi noxush ko‘rinishlar tez-tezligi ko‘payishiga olib kelmagan. Transplantatsiyadan keyin birinchi 3 oyda transplantatni qabul qilmaslikning o‘tkir holatlari (Simulekt® preparatini qabul qilgan guruhdagi 14% bemorlarda va platseboni qabul qilgan guruhdagi 27% bemorlarda) yuz bergan bo‘lib, ularni davolash uchun antitelalar preparatlari (masalan, OKT 3 yoki ATG/ALG) qo‘llanilgan. Bunda Simulekt® preparatini qabul qilgan guruhda platseboni qabul qilgan guruhdagiga nisbatan infektsiya kasalliklari yoki boshqa noxush ko‘rinishlar rivojlanishi tez-tezligini ko‘payishi aniqlanmagan. Uchta klinik tadqiqot davomida yoki azatioprin yoxud mofetil mikofenolatini ichiga olgan uch komponentli davolash sxemasi majmuasida Simulekt® preparatini qo‘llanilishi o‘rganilgan. Mikroemulsiya shaklida tsiklosporin va kortikosteroidlarni ichiga olgan ikki komponentli davolashda azatioprin qo‘shilganida Simulekt® preparatining umumiy klirensi o‘rtacha 22% ga pasayishi qayd etilgan. Mikroemulsiya shaklida tsiklosporin va kortikosteroidlarni ichiga olgan ikki komponentli davolashda mofetil mikofenolati qo‘shilganida Simulekt® preparati umumiy klirensining pasayishi o‘rtacha 51% ni tashkil etgan. Azatioprin yoxud mofetil mikofenolatini ichiga olgan uch komponentli davolash sxemasi fonida Simulekt® preparati qo‘llanilganida infektsiya kasalliklari yoki boshqa noxush ko‘rinishlar tez-tezligining biron-bir ko‘payishi (platsebo guruhi bilan taqqoslanganda) qayd etilmagan. Simulekt® preparatini qabul qilgan bemorlarda odam sichqonlarga qarshi antitelalariga immunologik javob (HAMA reaktsiyasi) kam hollarda (3,5%) kuzatilgan. Simulekt® preparatining qo‘llanilishi sichqon antilimfotsitar antitelalari preparatlari bilan keyingi davolashga to‘sqinlik qilmaydi.

Simulekt® preparati faqat adekvat laboratoriya va qo‘llab-quvvatlovchi resurslar bilan, shu jumladan og‘ir o‘ta yuqori sezuvchanlik reaktsiyalarini davolash uchun dori vositalari bilan jihozlangan va ta’minlangan muassasalarda ishlaydigan, a’zolar transplantatsiyasidan keyin immunosupressiv davolashni qo‘llash tajribasiga ega bo‘lgan shifokorlar tomonidan buyurilishi kerak. Dori preparatlari majmuasi qo‘llanilgan holda immunosupressiv davolash infektsiyalarga, shu jumladan opportunistik, fatal infektsiyalarga va sepsisga beriluvchanlikni kuchaytiradi; umumiy immunosupressiv davolash kuchayishi bilan xavf kuchayib boradi.

2°S dan 8°S gacha bo‘lgan haroratda original o‘ramida saqlansin.

Klinik tadqiqotlarda baziliksimabni insonlarga 60 mg gacha bo‘lgan bir martalik dozalarda va 24 kun davomida 150 mg gacha bo‘lgan ko‘p martalik dozalarda biron-bir o‘tkir noxush samaralarsiz yuborilgan.

Retsept bo‘yicha

20 mg dan I gidrolitik sinfdagi rangsiz shishali, sig‘imi 6 ml bo‘lgan, ftor smolasidan tayyorlangan laminat bilan qoplangan kul rang butil rezinali tiqinlar bilan tiqinlangan va ko‘k rangli “flip-off” turidagi plastik qopqoqli alyumin qalpoqchalar bilan siqilgan flakonlarda. 5 ml dan erituvchi I tipdagi rangsiz shishali, bitta sindirish nuqtasi va chizig‘i bo‘lgan ampulalarda. Preparat saqlovchi 1 flakon va erituvchi saqlovchi 1 ampula davlat va rus tillaridagi qo‘llash bo‘yicha yo‘riqnomasi bilan birga karton qutiga joylangan.

3 yil.