antatsid vosita; antatsid preparatlar yel haydovchi vosita bilan majmuada.

A02AF02

Preparat deyarli so‘rilmaydi va organizmda elektrolitlar muvozanatini izdan chiqarmaydi. Alyuminiy gidroksidi qayta so‘rilishi juda yomon bo‘lgan, ammo me’da-ichak yo‘llari orqali ajralib chiqadigan alyuminiy xloridi va alyuminiyning ishqoriy tuzlarini hosil qilib, me’dada ortiqcha xlorid kislotani neytrallaydi. Bunda qon zardobidagi alyuminiy ionlarining miqdori deyarli o‘zgarmaydi. Magniy gidroksidi ham me’adada magniy xloridiga aylanib, xlorid kislotasini neytrallaydi. Ichakda bu tuz qayta so‘rilishi yomon bo‘lgan magniy karbonatini hosil qiladi va qonda magniy ionlarining kontsentratsiyasini o‘zgartirmaydi. Surunkali buyrak yetishmovchiligi bo‘lgan bemorlarda qon zardobidagi magniy va alyuminiy ionlarining darajasi ularni organizmdan chiqarilishini buzilishi natijasida toksik qiymatlargacha oshishi mumkin. Simetikon butun me’da-ichak yo‘llari bo‘ylab ta’sir qiladi va inert birikma hisoblanadi. U boshqa moddalarni so‘rilishiga ta’sir qilmaydi, to‘planmaydi va to‘planishiga olib kelmaydi, MIYning rN va kimyoviy muhitini o‘zgartirmaydi va o‘zgarmagan holda chiqariladi.

Ovqat hazm qilish yo‘llarining sekretor faoliyati normal bo‘lishi va oshishi, meteorizm (ichakda gazlarni hosil bo‘lishini oshishi) bilan kechuvchi kasalliklari. Quyidagi kasalliklar: me’da va o‘n ikki barmoq ichak yara kasalligini zo‘rayish bosqichi;o‘tkir gastrit, surunkali gastritni zo‘rayish bosqichi;me’da va o‘n ikki barmoq ichak eroziyasi; peptik yara; diafragmaning qizilo‘ngach teshigi churrasi;reflyuks-ezofagit;duodeno-gastral reflyuksda boshqa dori vositalari bilan majmuada qo‘llanadi. Shuningdek noto‘g‘ri ovqatlanish natijasida epigastriydagi diskomfort va og‘riq, jig‘ildon qaynashi, nordon kekirishda, alkogol, kofe va nikotin haddan tashqari ko‘p iste’mol qilinganida ham preparatni qo‘llash mumkin.

Ichga qabul qilish uchun suspenziya. Kattalar 10 ml dan sutkada 4 marta, ovqatdan 1 soat keyin (agar shifokor boshqacha buyurmagan bo‘lsa) qabul qiladilar. Reflyuks-ezofagitda preparat ovqatdan keyin qisqa vaqt o‘tgach qabul qilinadi. Davolash kursi 2-3 oy. Vaqti-vaqti bilan qo‘llanganida (noto‘g‘ri ovqatlanish natijasidagi diskomfortda) –     10 ml 1 marta qabul qilinadi. 10 yoshdan katta bolalarda dozani davolovchi shifokor belgilaydi (odatda kattalarda qo‘llanadigan dozaning 1¤2 ni tashkil etadi).

Buyrak yetishmovchiligi bo‘lgan bemorlarda alyuminiy, magniy intoksikatsiyasi rivojlanishi mumkin. Altsgeymer kasalligi va suyak-bo‘g‘im kasalliklarini (keksa yoshdagi odamlarda) zo‘rayishi mumkin. Kam hollarda me’da-ichak yo‘llarining a’zolari tomonidan ta’m bilishni buzilishi, ko‘ngil aynishi, qayd qilish, diareya va qabziyat kuzatilishi mumkin.

Simalgel preparatining komponentlariga yuqori sezuvchanlik; buyrak faoliyatini yaqqol buzilishi (qon zardobida alyuminiy va magniy ionlarining kontsentratsiyasini oshish xavfi borligi tufayli, ularni buyrak orqali chiqarilishini sekinlashishi sababli); 10 yoshgacha bo‘lgan bolalarda qo‘llash mumkin emas.

Simalgel preparati boshqa dori vositalari: tetratsiklin qatori antibiotiklari, N2-gistamin retseptorlarining blokatorlari, angishvonagul glikozidlari, temir tuzlari, tsiprofloksatsin, fenotiazin, izoniazid, beta-adrenoblokatorlar, indometatsin va ketokonazol va boshqalar bilan bir vaqtda qo‘llanganida ularning terapevtik samarasi pasayishi mumkin.

Suspenziyani qabul qilishdan oldin flakonni yaxshilab chayqatish kerak! Simalgel va boshqa dori vositalar birga qo‘llanganida ularni qabul qilishlar orasidagi oraliq kamida 2 soatni tashkil etishi kerak. Buyrak, jigar faoliyatini buzilishi bo‘lgan patsiyentlarga va keksa yoshdagi patsiyentlarga ehtiyotkorlik bilan buyuriladi – bunday holatlarda buyurilganida davolovchi shifokorning nazorati ostida bo‘lishi kerak. Preparat uzoq muddat qo‘llanganida qonda fosfor va magniyning miqdorini nazorat qilish tavsiya etiladi. Homiladorlik va laktatsiya davrida, shuningdek 10 yoshgacha bo‘lgan bolalarga Simalgel preparatini buyurish tavsiya etilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda 25oS dan yuqori bo‘lmagan haroratda saqlansin. Muzlatish mumkin emas!

Simptomlari: kaltsiy, magniy, fosfor almashinuvini buzilish belgilari (holsizlik, suyaklarda og‘riq, terini qizarishi, adekvat bo‘lmagan hatti-harakat) bo‘lishi mumkin.

Retseptsiz

Ichga qabul qilish uchun suspenziya 125 ml yoki 180 ml yoki 300 ml dan flakonlarda. 1 flakon qo‘llash bo‘yicha yo‘riqnomasi va dozalash uchun qalpoqcha bilan birga karton qutiga joylangan.

3 yil.