Oqdan deyarli oq rangligacha bo‘lgan bir tomonida “5” gravirovkasi bo‘lgan dumaloq tabletkalar. Oqdan deyarli oq rangligacha bo‘lgan bir tomonida “10” gravirovkasi bo‘lgan dumaloq tabletkalar.

psixoleptik vositalar, antipsixotik vositalar

N05AH05

So‘rilishi Sublingval qo‘llangandan keyin azenapin tez so‘riladi, qon plazmasidagi maksimal kontsentratsiyalariga 0,5–1,5 soatdan keyin erishiladi. Sublingval azenapinning mutloq biokiraolishligi 5 mg dozada 35% ni tashkil qiladi. Yutib yuborilgandagi azenapinning mutloq biokiraolishligi past darajada (peroral qo‘llanadigan tabletka dori shakllari ishlatilganda <2%). Azenapin qo‘llanganidan keyin bir necha minut (2 yoki 5 minut) dan so‘ng, suv iste’mol qilinishi azenapinning kontsentratsiyalarini pasayishiga (muvofiq ravishda 19 va 10% ga pasayishiga) olib kelgan. Shuning uchun tabletka qabul qilingandan keyingi 10 minut davomida ovqat va ichimliklarni iste’mol qilishdan saqlanish lozim (“Qo‘llash usuli va dozalari” bo‘limiga qarang). Taqsimlanishi Azenapin organizmda tez va keng taqsimlanadi (taxminan 1700 l), bu qon tomirlaridan tashqarida ekstensiv taqsimlanishidan dalolat beradi. Azenapin plazma oqsillari, jumladan albumin va α1-kislotali glikoprotein bilan yuqori (95%) darajada bog‘lanadi. Metabolizmi Azenapin keng miqyosda metabolizmga uchraydi. Azenapin metabolizmining birlamchi mexanizmlari – bevosita glyukuronizatsiya (UGT1A4 yordamida) va tsitoxrom P450 (asosan 2D6 i 3A4 ishtirokidagi CYP1A2) yordamida oksidlanish va dimetillanishdan iborat. Odamda azenapinning nishonlangan radioizotoplari yordamida o‘tkazilgan in vivo tadqiqotlarda plazmada aniqlangan asosiy dori modda azenapin N+-glyukuronid bo‘lgan; N-desmetilazenapin, N-desmetilazenapin N-karbamoil glyukuronid va o‘zgarmagan azenapin kamroq miqdorda aniqlandi. Safris® dori vositasining faolligi asosan o‘zgarmagan azenapinga bog‘liqdir. Azenapin CYP2D6 izofermentining kuchsiz ingibitori hisoblanadi. U odam gepatotsitlarida CYP1A2 yoki CYP3A4 izofermentlari induktsiyasini chaqirmaydi. Azenapinni ushbu izofermentlarning ma’lum ingibitorlari, induktorlari yoki substratlari bilan bir vaqtda qo‘llanishi dori vositalarining o‘zaro ta’sirlarini o‘rganish bo‘yicha klinik tadqiqotlarda o‘rganilgan (“Dorilarning o‘zaro ta’siri” bo‘limiga qarang). Chiqarilishi Safris® – vena ichiga yuborilgandan keyin soatiga klirensi 52 l ga teng ega yuqori darajada chiqarilish xususiyatiga ega bo‘lgan preparatdir. Mass-balans tadqiqotida radioizotop bilan nishonlangan dori vositasi dozasining katta qismi siydik bilan (taxminan 50%) va axlat bilan (taxminan 40%) bilan chiqarilgan, bunda faqat ozgina miqdori ahlat bilan o‘zgarmagan holda (5–16%) chiqarilgan. Tezkor taqsimlanishning boshlang‘ich fazasidan keyin azenapinning yarim parchalanish davri taxminan 24 soatni tashkil qilgan. Dozani sutkada 2 marta 5 mg dan 10 mg gacha oshirilishi (ikki marta oshirish) kontsentratsiya – vaqt egri chizig‘i ostidagi maydonni (AUC) va maksimal kontsentratsiya (Cmax) noproportsional (1,7 marta) oshishiga olib keladi. Doza oshirib yuborilganda Cmax va AUC ko‘rsatkichlarni noproportsional oshishi sublingval qabul qilingandan keyin og‘iz bo‘shlig‘i shilliq qavati orqali so‘rilishni cheklanishi oqibatida yuz berishi mumkin. Preparatni sutkada ikki marta qabul qilinganida muvozanat holatiga 3 kun davomida erishiladi. Umuman olganda muvozanat holatidagi azenapinning farmakokinetikasi preparat bir marta qo‘llangandagiga o‘xshash bo‘ladi.

Safris® katta yoshdagi patsiyentlarda I tipdagi bipolyar buzilishlar bilan bog‘liq bo‘lgan yengil va o‘rtacha darajadagi maniakal xurujlarni davolash uchun qo‘llaniladi.

Maniakal xurujlar Monoterapiya sifatida Safris® preparatining tavsiya etilgan boshlang‘ich dozasi sutkada 2 marta 10 mg ni tashkil qiladi. Bir dozani ertalab va yana bir dozani – kechqurun qabul qilish lozim. O‘tkazilgan klinik tadqiqotlar natijalariga ko‘ra, doza sutkada ikki marta 5 mg gacha pasaytirilishi mumkin. Majmuaviy davolash tarkibidagi tavsiya qilingan boshlang‘ich doza sutkada 2 marta 5 mg ni tashkil qiladi. Ayrim patsiyentlardagi klinik samaradorlik va o‘zlashtira olinishiga qarab, dozani sutkada 2 marta 10 mg gacha oshirish mumkin.

Azenapin bilan davolash vaqtida dori vositasiga nisbatan eng ko‘p xabar qilingan nojo‘ya ta’sirlar uyquchanlik va xavotirlilik bo‘lgan. Azenapinning terapiyasi bilan bog‘liq bo‘lgan dori vositasiga nisbatan nojo‘ya reaktsiyalarni rivojlanish tezligi quyidagi jadvalda keltirilgan. Jadvalda klinik tadqiqotlarda ro‘yxatga olingan nojo‘ya ta’sirlar taqdim etilgan. Barcha nojo‘ya reaktsiyalar a’zolar tizimlari sinfi va rivojlanishtezligi bo‘yicha sanab o‘tilgan; juda tez-tez (≥1/10), tez-tez (≥1/100 dan <1/10 gacha), kam hollarda (≥1/1000 dan <1/100 gacha) va juda kam hollarda (≥1/10000 dan <1/1000 gacha). Har bir guruhda nojo‘ya reaktsiyalar og‘irlik darajasini pasayib borishi tartibida keltirilgan. Postmarketing davrda qo‘llash vaqtida xabar qilingan nojo‘ya ta’sirlarni reaktsiyalarni rivojlanish tezligini aniqlab bo‘lmaydi, chunki ular to‘g‘risidagi ma’lumotlar spontan xabarlardan olingan. Shuning uchun bunday nojo‘ya reaktsiyalar tezligi “noma’lum” sifatida tasniflanadi.

Faol moddaga yoki preparatning har qanday boshqa komponentiga yuqori sezuvchanlikda qo‘llash mumkin emas.

Azenapinning markaziy nerv tizimiga (MNT) asosiy ta’sirini hisobga olib, undan MNT ga so‘saytiruvchi ta’sir ko‘rsatuvchi boshqa dori preparatlari bilan birga qo‘llanganda ehtiyotkorlikka rioya qilish lozim (“Nojo‘ya ta’sirlari” bo‘limiga qarang). Patsiyentlar Safris® preparati bilan davolanish vaqtida alkogolni iste’mol qilishdan saqlanishlari kerak.

Dementsiya fonida psixozi bo‘lgan keksa yoshli patsiyentlar Antipsixotik preparatlar qo‘llanganda dementsiya fonidagi psixozi bo‘lgan keksa yoshli patsiyentlarda o‘lim bilan yakunlanish xavfini oshishi aniqlangan. Safris® preparati dementsiya bilan bog‘liq psixozi bo‘lgan patsiyentlarni davolash uchun ma’qullanmagan va maxsus patsiyentlar guruhida undan foydalanish tavsiya qilinmaydi. Xavfli neyroleptik sindrom Antipsixotik preparatlar, shu jumladan Safris® qo‘llanganda xavfli neyroleptik sindromi (XNS) rivojlanishi mumkin, uning uchun tana haroratini oshishi, mushaklarni rigidligi, vegetativ buzilishlar, ruhiy holatni o‘zgarishi va qon zardobida kreatinin fosfokinaza darajasini oshishi xarakterlidir. Qo‘shimcha klinik belgilar mioglobinuriya (rabdomioliz) va o‘tkir buyrak yetishmovchiligini o‘z ichiga olishi mumkin. XNS ni ko‘rsatuvchi belgilar va simptomlar yuz bergan hollarda Safris® ni bekor qilish lozim. Tutqanoq  xurujlari Klinik tadqiqotlarda preparat bilan davolash vaqtida tirishish xurujlari to‘g‘risida kam xabar berilgan. Shuning uchun anamnezda tutqanoq xurujlari bo‘lgan yoki tirishishga tayyorlik bo‘sag‘asini pasaytiruvchi omillar ta’siriga moyil bo‘lgan patsiyentlarda Safris® ni ehtiyotkorlik bilan qo‘llash kerak. O‘z joniga qasd qilishga urinishlar Psixotik buzilishlar va bipolyar buzilishlar o‘z joniga qasd qilishni (suitsidni) yuz berish xavfi bilan bog‘liqdir, shuning uchun dori vositasi qo‘llanganda suitsidal xatti-harakatlar xavfi yuqori bo‘lgan patsiyentlarni sinchkov nazorat qilish talab etiladi. Ortostatik gipotenziya Safris®, ayniqsa davolashni boshida, ehtimol o‘zining α1-adrenergik retseptorlarini bloklash xususiyatini namoyish qilib, ortostatik gipotenziya va hushdan ketishni chaqirishi mumkin. Keksa yoshdagi patsiyentlarda ortostatik gipotenziyani rivojlanish xavfi yuqori bo‘ladi. Klinik tadqiqotlarda preparat bilan davolash vaqtida hushdan ketish holatlari to‘g‘risida juda kam xabar berilgan. Preparatni keksa yoshdagi patsiyentlarda va yurak-qon tomir kasalliklari (masalan, yurak yetishmovchiligi, miokard infarkti yoki yurak ishemik kasalligi, yurak o‘tkazuvchanligini buzilishi), tserebrovaskulyar kasalliklari bo‘lgan patsiyentlarda yoki patsiyentlarda gipotenziyani keltirib chiqarishi mumkin bo‘lgan kasalliklari (masalan, suvsizlanish va gipovolemiyasi) bo‘lgan patsiyentlarda ehtiyotkorlik bilan qo‘llash lozim. Kechki diskineziya Dofamin retseptorlarini bloklash xususiyatiga ega bo‘lgan dori preparatlari asosan til va/yoki yuzni ixtiyorsiz ritmik harakatlari xarakterli bo‘lgan kechki diskineziyani keltirib chiqarish xususiyatiga egadir. Klinik tadqiqotlarda Safris® preparati bilan davolash vaqtida kechki diskineziya holatlari to‘g‘risida juda kam xabar berilgan. Kechki diskineziyani yuz berish xavf omili, bu ekstrapiramid buzilishlarni mavjudligi hisoblanadi. Preparatni qabul qilayotgan patsiyentlarda kechki diskineziya belgilari va simptomlari yuz bergan hollarda, preparatni bekor qilish masalasini ko‘rib chiqish kerak. Giperprolaktinemiya Safris® preparatini qabul qilgan ayrim patsiyentlarda prolaktin darajasini oshishi kuzatilgan. Klinik tadqiqotlarda prolaktinning patologik darajalari bilan bog‘liq bo‘lgan nojo‘ya ta’sirlar to‘g‘risida kam xabar berilgan. QT intervalini o‘zgarishi QT intervalini klinik ahamiyatli uzayishi, ehtimol azenapin bilan bog‘liq emas. Yurak-qon tomir kasalliklari bo‘lgan yoki oilaviy anamnezda QT intervalini uzayishi bo‘lgan patsiyentlarda va QT intervalini uzaytirish xususiyatiga ega bo‘lgan boshqa dori vositalari bilan birga qo‘llanganda preparatni ehtiyotkorlik bilan qo‘llash lozim. Giperglikemiya va qandli diabet Azenapinni qabul qilish fonida kamdan-kam hollarda giperglikemiya yoki ilgari mavjud bo‘lgan diabetni zo‘rayish holatlari aniqlangan. Antipsixotik preparatlarni qabul qilish va glyukoza almashinuvini buzilishlari o‘rtasidagi o‘zaro sababli bog‘liqligini baholash, shizofreniyasi yoki bipolyar buzilishi bo‘lgan patsiyentlarda qandli diabetni rivojlanish xavfini yuqoriligi va umumiy populyatsiyada qandli diabetni rivojlanish tezligi yuqori ekanligini hisobga olinsa, qiyin hisoblanadi. Diabeti bo‘lgan patsiyentlarda va qandli diabetni rivojlanish xavfi omillari bo‘lgan patsiyentlarda izchil klinik nazorat olib borish tavsiya qilinadi. Disfagiya Antipsixotik preparatlarni qabul qilish qizilo‘ngach motorikasini buzilishi va aspiratsiyani chaqirishi mumkin. Safris® preparati bilan davolanish vaqtida kamdan-kam hollarda disfagiya holatlari to‘g‘risida xabar berilgan. Termoregulyatsiya Antipsixotik preparatlarning o‘ziga xos xususiyati bo‘lib, organizmni tana haroratini pasaytirish qobiliyatini yo‘qotishi hisoblanadi. Klinik tadqiqotlar vaqtida termoregulyatsiyani klinik ahamiyatli buzilishlari azenapinni qo‘llash bilan bog‘liq emasligi to‘g‘risida xulosa qilingan. Tana haroratini oshishiga olib keluvchi holatlarni (kuch ishlatib bajariladigan jismoniy mashqlar, xaddan tashqari yuqori harorat, antixolinergik ta’sirga ega bo‘lgan yondosh qo‘llanilayotgan preparatlar yoki suvsizlanish) his etishi mumkin bo‘lgan patsiyentlarga dori vositasini ehtiyotkorlik bilan buyurish tavsiya qilinadi. Jigar faoliyatini og‘ir darajada buzilishi bo‘lgan patsiyentlar Jigar faoliyatini og‘ir darajada buzilishi (Chayld-Pyu shkalasi bo‘yicha S sinfi) bo‘lgan patsiyentlarda azenapinning kontsentratsiyasini 7 marta ortishi kuzatilgan. Shuning uchun bunday patsiyentlarda Safris® preparatini qo‘llash tavsiya qilinmaydi. Parkinson kasalligi va Levi tanachalari bilan kechuvchi dementsiya Shifokorlar Parkinson kasalligi yoki Levi tanachalari bilan kechuvchi dementsiyasi bo‘lgan patsiyentlarga antipsixotik preparatlar, shu jumladan Safris® preparatini buyurilganda xavfni afzalliklar bilan taqqoslab ko‘rishlari kerak, chunki har ikkala guruhdagi patsiyentlarda xavfli neyroleptik sindromni rivojlanishi, shuningdek antipsixotik preparatlarga yuqori sezuvchanlikni rivojlanish xavfi yuqori bo‘lishi mumkin. Bunday yuqori sezuvchanlikni namoyon bo‘lishi ongni chalkashishi, sezgirlikni susayishi, ekstrapiramid simptomlarga qo‘shimcha ravishda tez-tez yiqilishlar bilan postural beqarorlikni o‘z ichiga olishi mumkin.

Homiladorlik Safris® preparatini homiladorlikda qo‘llash tajribasi yetarli emas. Hayvonlarda o‘tkazilgan tajribalarda azenapin teratogen ta’sir ko‘rsatmagan, biroq ona va homila uchun toksik ta’sirlar aniqlangan. Onalari homiladorlikning uchinchi uch oyligida antipsixotik preparatlar (shu jumladan Safris®) qabul qilgan chaqaloqlarda nojo‘ya ta’sirlar, shu jumladan ekstrapiramid simptomlar va/yoki tug‘ruqdan keyin bekor qilish sindromini rivojlanish xavfi bo‘ladi. Chaqaloqlarda ajitatsiya, arterial gipertoniya va gipotoniya, tremor, uyquchanlik, raspirator distress-sindrom va ovqatlanishni buzilishini rivojlanishi to‘g‘risida xabarlar olingan. Shuning uchun chaqaloqlarni sinchkovlik bilan tekshirish kerak. Safris® preparatini homiladorlik vaqtida, potentsial foyda homila uchun kuzatilishi mumkin bo‘lgan xavfdan ustun bo‘lgan hollardan tashqari hollarda qo‘llash mumkin emas. Emizish Azenapin kalamushlarda laktatsiya davrida sut bilan ajralib chiqqan. Azenapinni ayollarda ko‘krak suti bilan ajralib chiqishi yoki chiqmasligi ma’lum emas. Safris® preparatini qabul qilayotgan ayollarga emizish tavsiya qilinmaydi.

2˚C dan 30˚C gacha bo‘lgan haroratda saqlansin. Yorug‘likdan va namlikdan himoya qilish uchun original o‘ramida saqlansin.

Azenapinning premarketing tadqiqotlarida dozani oshirib yuborilishi yuzasidan bir necha holatlar qayd qilingan. Taxmin qilingan 15-400 mg dozalar diapazonda qabul qilinishi to‘g‘risida xabar qilingan. Ko‘pchilik hollarda patsiyentlarni azenapinni sublingval qabul qilganliklari aniqlanmagan. Davolash bilan bog‘liq bo‘lgan nojo‘ya holatlar havotirlik va ongni chalkashishi, akatiziya, orofatsial distoniya, sedativ ta’sir va EKG dagi simptomsiz patologik buzilishlarni (bradikardiya, supraventrikulyar komplekslar, yurak qorinchalari bo‘ylab o‘tkazuvchanlikni tutilishi) o‘z ichiga oladi. Preparatning dozasini oshirib yuborilishini davolash bo‘yicha ma’lumotlar yo‘q. Safris® preparati uchun maxsus antidot mavjud emas. Boshqa dori preparatlarning o‘zaro ta’sirini ham hisobga olish lozim. Bo‘lishi mumkin bo‘lgan aritmiya holatlarini aniqlash uchun yurak-qon tomir tizimini nazorat qilib turish lozim. Dozani oshirib yuborilishini davolash samarasini bir maromda tutib turuvchi terapiya, organizmni kislorodga to‘yintirish, nafas yo‘llari ventilyatsiyasi va simtomlarni bartaraf etishni o‘z ichiga olishi kerak. Gipotenziya va qon tomirlari kollapsini qabul qilingan usullar: suyuqlik va/yoki simpatomimetiklarni vena ichiga yuborish bilan davolash kerak (epinefrin va dofaminni ishlatish mumkin emas, chunki beta-adrenoretseptorlarni rag‘batlantirilishi preparat tomonidan chaqirilgan alfa-adrenoretseptorlar blokadasi fonidagi gipotenziyani yomonlashtirishi mumkin). Og‘ir ekstrapiramid simptomlarda antixolinerik preparatlarni qo‘llash lozim. Sinchkov tibbiy nazorat va kuzatuv patsiyent to‘liq sog‘aygunicha davom ettirilishi kerak.

Retsept bo‘yicha

20, 60 yoki 100 tabletkadan alyuminiy/alyuminiy blister o‘ramlarda karton qutida

3 yil.