Rangsiz, tiniq yoki bir oz tovlanuvchi suyuqlik.

Gemopoez rag‘batlantiruvchi vosita ATX kodi [V03XA01]

So‘rilishi Preparatni uremiyasi bo‘lgan bemorlarga teri ostiga yuborilganida zardobda preparat kontsentratsiyasi platosi uzoq muddatli so‘rilishini ta’minlaydi, maksimal kontsentratsiyasiga erishish vaqti –12-28 soatni tashkil etadi. Epoetin betaning biokiraolishligi vena ichiga yuborilishiga nisbatan, teri ostiga yuborilganida 23-42% ni tashkil etgan. Taqsimlanishi Taqsimlanish hajmi aylanib yuruvchi plazma hajmga teng yoki undan 2 marta ortiq bo‘ladi. Chiqarilishi Uremiyasi bo‘lgan bemorlarda va sog‘lom ko‘ngillilarda yarim chiqarilish davri vena ichiga yuborilganida 4-12 soatni tashkil etadi. Terminal fazaning yarim chiqarilish davri vena ichiga yuborishga nisbatan teri ostiga yuborilganida ko‘proq bo‘lib, o‘rtacha 13-28 soatni tashkil etadi.

Dializda bo‘lgan bemorlarda surunkali buyrak kasalligida simptomatik anemiyada.Dializ olmagan bemorlarda buyrak genezli simptomatik anemiyada.Ximioterapiya olayotgan, solid va gematologik nomiyeloid o‘smalari bo‘lgan katta yoshdagi bemorlarda simptomatik anemiyani davolashda.Keyingi autotransfuziya uchun mo‘ljallangan donor qoni hajmini oshishidada qo‘llanadi. Tromboemboliya holatlari yuzaga kelishining qayd etilgan xavfini e’tiborga olish lozim. Agar konservatsiya qilingan qonning yetarlicha miqdorini olish mumkin bo‘lmasa, rejali yirik elektiv jarrohlik aralashuvi esa katta hajmda qonni (≥4 birlik ayollar uchun yoki ≥5 birlik erkaklar uchun) talab qilishi mumkin bo‘lsa, ushbu ko‘rsatma bo‘yicha faqat o‘rtacha anemiyali (Nv 100-130 g/l (6,21-8,07 mmol/l), temir tanqisligi bo‘lmagan) bemorlarda foydalanish ko‘rsatilgan. Homiladorlikning 34-haftasigacha bo‘lgan muddatda chala tug‘ilgan, tana vazni 750-1500 g bo‘lgan chaqaloqlarda anemiyani oldini olishda qo‘llaniladi.

Teri ostiga yoki vena ichiga (2 minut davomida) yuboriladi. Gemodializda bo‘lgan bemorlarga dializ seansi yakunida arteriovenoz shunt orqali yuboriladi. Gemodializ seansini qabul qilmayotgan bemorlarga periferik venalarni punktsiyasiga yo‘l qo‘ymaslik uchun preparatni teri ostiga yuborgan afzalroq. Davolash maqsadi – gemoglobin (Hb) 100-120 g/l ko‘rsatkichiga erishish. Hb 120 g/l dan oshmasligi kerak. Hb 4 haftada 20 g/l (1,3 mmol/l) dan ortiq oshib ketganida preparat dozasini kamaytirish lozim. Arterial gipertenziya, yurak-qon tomir va tserebrovaskulyar kasalliklari bo‘lgan bemorlarda Hb ko‘rsatkichini hafta davomida o‘sib borishini va uning maqsadli ko‘rsatkichlarini klinik manzaraga qarab,   individual ravishda aniqlash lozim. Preparatning maksimal ta’sirini ta’minlash uchun yetarli bo‘lgan minimal dozani tanlash maqsadida patsiyentni sinchkovlik bilan kuzatish lozim. Rekormon® preparati bilan davolash 2 bosqichda o‘tkaziladi. Dozaga tuzatish kiritish bosqichi Teri ostiga – boshlang‘ich doza – haftada 3 marta 20 XB/kg. Hb yetarlicha oshmaganida (haftada 2,5 g/l dan kam) dozani har 4 haftada haftasiga 3 marta 20 XB/kg ga oshirish mumkin. Preparatning umumiy haftalik dozasini shuningdek har kunlik yuboriladigan dozalarga bo‘lib yuborish mumkin. Vena ichiga – boshlang‘ich doza – haftada 3 marta 40 XB/kg. Hb yetarlicha oshmaganida bir oy o‘tgach dozani haftada 3 marta 80 XB/kg gacha oshirish mumkin. Zarurati bo‘lganida, keyinchalik dozani bir oylik interval bilan haftada 3 marta 20 XB/kg ga oshirish lozim. Yuborish usulidan qat’iy nazar, maksimal doza haftada 720 XB/kg dan oshmasligi kerak. Samarani bir maromda ushlab turuvchi davolash Hb ning maqsadli ko‘rsatkichini (100-120 g/l) tutib turish uchun dozani dastavval oldingisidan 2 marta kamaytirish lozim. Keyinchalik samarani bir maromda ushlab turuvchi doza 2 yoki 4 haftalik interval bilan individual ravishda tanlanadi. Teri ostiga yuborilganida haftalik dozani 1 qabul qilishda yuborish mumkin yoki haftada 3 yoki 7 yuborishga bo‘lish mumkin. Preparatni haftada bir marta yuborish fonida ahvol barqarorlashganida ikki haftalik interval bilan bir marta yuborishga o‘tish mumkin, ushbu holda dozani oshirish kerak bo‘ladi. Rekormon® preparati bilan davolash, odatda uzoq vaqt davomida olib boriladi. Zarurati bo‘lganida uni istalgan vaqtda to‘xtatish mumkin.

Yurak-qon tomir tizimi. Tez-tez: arterial gipertenziyani yuzaga kelishi yoki mavjud bo‘lganini kuchayishi (>1%, <10%), ayniqsa gematokrit tezda oshganida; entsefalopatiya ko‘rinishlari bilan kechuvchi gipertonik kriz (bosh og‘riqlari va ongni chalkashishi, sezuvchanlik va harakatlanishni buzilishlari – nutq, qadam tashlashning to tonik-klonik tirishishlargacha bo‘lgan buzilishlari), onkologik bemorlarda (>0,1%, <1%) va autotransfuziyaga tayyorlanayotgan patsiyentlarda tromboembolik asoratlar (preparat bilan aniq sabab bog‘liqligi aniqlanmagan). Nerv tizimi. Bosh og‘riqlari (>1%, <10%), shu jumladan to‘satdan yuzaga keladigan migrenga o‘xshash bosh og‘riqlari. Qon yaratish tizimi. Trombotsitlar sonining dozaga bog‘liq ravishda (norma chegarasidan tashqariga chiqmaydigan va davolash davom ettirilganida yo‘qoladigan), ayniqsa preparatni vena ichiga yuborilganidan keyin oshishi. Kam hollarda: trombotsitoz (<0,01%). Shuntlarning trombozi (>0,01%, <0,1%) (ehtimol noadekvat geparinizatsiyada), ayniqsa arterial bosim (AB) pasayishi moyilliga ega yoki arteriovenoz fistula asoratlari (masalan, stenoz, anevrizma va boshqalar) bo‘lgan bemorlarda. Laboratoriya ko‘rsatkichlari. Zardobda bir vaqtda Hb oshishi bilan ferritin kontsentratsiyasining pasayishi, temir almashinuvi zardob ko‘rsatkichlarini pasayishi. Uremiyasi bo‘lgan bemorlarda – o‘tuvchan giperkaliyemiya (preparatni qabul qilish bilan aniq sabab bog‘liqligi aniqlanmagan), giperfosfatemiya. Chala tug‘ilgan chaqaloqlarda. Zardobda ferritin kontsentratsiyasining pasayishi (>10%), trombotsitlar sonini ozgina, ayniqsa hayotining 12-14 kunlariga qadar oshishi. Boshqalar. Kam hollarda (≥1/10000 dan ≤1/1000 gacha) – terining allergik reaktsiyalari: toshma, qichishish, eshakemi; inyektsiya joyida reaktsiyalar. Juda kam hollarda (≤1/10000) – anafilaktoid reaktsiyalar; grippsimon simptomlar (ayniqsa davolash boshlanishida), odatda kuchsiz yoki o‘rtacha ifodalangan va bir necha soat yoki bir necha kun o‘tgach yo‘qoladi: isitma, qaltirash, bosh og‘riqlari, qo‘l-oyoqlarda yoki suyaklarda og‘riqlar, lohaslik. Postmarketing kuzatuv: Rekormon® preparati bilan davolash fonida neytralizatsiya qiluvchi anti-eritropoetin antitelalarning hosil bo‘lishidan kelib chiqqan partsial qizil hujayrali aplaziyaning (“Maxsus ko‘rsatmalar” bo‘limiga qarang) ayrim hollari qayd etilgan (Rekormon® preparatidan buyrak genezli anemiyani davolash uchun vena ichiga va teri ostiga yuborish uchun foydalanilganida 10000 patsiyent-yil uchun 0,107 ta holat va Rekormon® preparatidan buyrak genezli anemiyani davolash uchun teri ostiga yuborish uchun foydalanilganida 10000 patsiyent-yil uchun 0,158 ta holat).

Anamnezda epoetin betaga yoki preparatning har qanday komponentiga yuqori sezuvchanlikda; nazorat qilib bo‘lmaydigan arterial gipertenziyada. O‘tgan oy davomidagi miokard infarkti yoki insultda, nostabil stenokardiya yoki chuqur venalar trombozining yuqori xavfida (anamnezda venalar tromboemboliyasida) – autogemotransfuziya uchun donor qoni hajmini oshirish uchun buyurilganida qo‘llash mumkin emas.

Patsiyentning tibbiy hujjatlarida preparatning savdo nomini ko‘rsatish lozim. Rekormon® preparatini har qanday biologik dori preparati bilan almashtirish davolovchi shifokor bilan kelishishni talab qiladi. Preparatni sog‘lom odamlar tomonidan noadekvat qo‘llanilishi (masalan, doping sifatida) yurak-qon tomir tizimi tomonidan hayotga xavf soluvchi asoratlar bilan kechadigan Hb ko‘rsatkichining keskin oshishini keltirib chiqarishi mumkin. Ayrim hollarda anafilaktoid reaktsiyalar qayd etilganligi tufayli, preparatning birinchi dozasi shifokor nazorati ostida yuborilishi kerak. Rekormon® preparati bilan davolash fonida trombotsitlar, gematokrit va Nb ko‘rsatkichlarini muntazam nazorat qilib borish lozim. Blasttransformatsiyaga uchragan hujayralar mavjud bo‘lganida refrakter anemiyada, tutqanoq, trombotsitoz va surunkali jigar yetishmovchiligida Rekormon® preparatini ehtiyotkorlik bilan qo‘llash lozim. Rekormon® preparati bilan davolash boshlanishidan oldin V12 vitamini va folat kislotasi tanqisligini istisno etish zarur, chunki ular davolash samaradorligini pasaytiradi. Rekormon® preparati bilan davolash boshlanishidan oldin, shuningdek davolashning butun davri davomida temir tanqisligini istisno etish lozim. Zarurati bo‘lganida klinik tavsiyalarga muvofiq temir preparatlari bilan qo‘shimcha davolash buyurilishi mumkin. Fenilketonuriyaning og‘ir shakllari bo‘lgan bemorlarni davolashda yordamchi modda sifatida fenilalaninning: har bir shprits-tyubikda – 0,3 mg gacha (1000 XB, 2000 XB dozalarida) yoki 0,6 mg gacha (10000 XB, 20000 XB, 30000 XB dozalarida) mavjudligini e’tiborga olish lozim.

Epoetin beta hayvonlarda teratogen ta’sir ko‘rsatmaydi. Rekormon® preparatini homiladorlik, tug‘ruq va emizish davrida qo‘llash xavfsizligi haqidagi axborot preparatni postregistratsion davrda qo‘llanilganida olingan. Homiladorlik yoki tug‘ruq davrida Rekormon® preparatini ehtiyotkorlik bilan buyurish lozim, chunki homiladorlik yoki tug‘ruq davrida qo‘llanilishiga doir yetarlicha tajriba yo‘q. Endogen eritropoetin ko‘krak sutiga ajraladi va yangi tug‘ilgan chaqaloqning me’da-ichak yo‘llarida to‘liq so‘riladi. Emizishni davom ettirish yoki Rekormon® preparati bilan davolashni davom ettirish ona uchun davolashning foydasi va bola uchun emizishning foydasini inobatga olgan holda tanlanadi.

2-8°S haroratda, yorug‘likdan himoya qilingan joyda. Muzlatilmasin. Bolalar ololmaydigan joyda saqlansin.

Rekormon® preparatining terapevtik indeksi juda keng, biroq davolash boshlanishida davolashga nisbatan individual javobni e’tiborga olish lozim. Haddan tashqari farmakodinamik javob, ya’ni hayotga xavf soluvchi yurak-qon tomir asoratlari bilan kechuvchi haddan tashqari eritropoez kuzatilishi mumkin. Hb ning yuqori ko‘rsatkichida Rekormon® preparati bilan davolashni vaqtincha to‘xtatish zarur (“Qo‘llash usuli va dozalari” bo‘limiga qarang»). Zarurat bo‘lganida flebotomiya o‘tkazilishi mumkin.

Retsept bo‘yicha

1000 XB/0,3 ml, 2000 XB/0,3 ml, 10000 XB/0,6 ml, 20000 XB/0,6 ml, 30000 XB/0,6 ml dan eritma saqlovchi shprits-tyubiklar 1000 XB/0,3 ml, 2000 XB/0,3 ml, 10000 XB/0,6 ml, 20000 XB/0,6 ml, 30000 XB/0,6 ml dan eritma saqlovchi shprits-tyubiklar, ularning korpusi 1 gidrolitik sinfidagi (YEF) rangsiz shishadan tayyorlangan bo‘lib, korpus bir tomonidan plastmassadan tayyorlangan porshen bilan yopiladi, porshen uchida brombutil rezinadan ishlangan, ftorkauchuk bilan laminatsiya qilingan disk mavjud; ikkinchi tomonidan brombutil rezinadan ishlangan kulrang qalpoqcha bilan yopiladi. Inyektsiya uchun igna PVX/PE/A1 tripleks bilan germetik ravishda berkitilgan plastmassali konteynerga joylangan. 1000 XB/0,3 ml, 2000 XB/0,3 ml, 10000 XB/0,6 ml, 20000 XB/0,6 ml dan eritma saqlovchi 3 shprits-tyubik 3 inyektsiya uchun igna bilan birga polivinilxlorid plyonkali kontur uyali o‘ramga va laminatsiya qilingan qoplamali qog‘ozga alohida holda (1 shprits-tyubik va 1 igna) o‘ramlanadi. 2 kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi. 30000 XB/0,6 ml dan eritma saqlovchi 1 shprits-tyubik 1 inyektsiya uchun igna bilan birga kontur uyali o‘ramga (1 shprits-tyubik va 1 igna) o‘ramlanadi. 1 yoki 4 kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi.

2 yil. O‘ramida ko‘rsatilgan yaroqlilik muddati o‘tgach preparatdan foydalanish mumkin emas.