C10AA07

Rozuvastatin me’da-ichak yo‘llari orqali to‘liq so‘rilmaydi, biokiraolishligi taxminan 20% tashkil qiladi. Plazmadagi cho‘qqi kontsentratsiyasiga preparat ichga qabul qilinganidan so‘ng taxminan 5 soat davomida erishiladi. Rozuvastatin preparatning birinchi ta’sir qilish joyi hisoblangan jigarda to‘planadi. Preparat asosan tsitoxrom R450 tizimining CYP2C9 izofermenti tomonidan kamroq darajada biotransformatsiyaga uchraydi. Plazma oqsillari bilan bog‘lanishi taxminan 90% tashkil qiladi. Plazmadan T1/2 – taxminan 19 soat. Rozuvastatinning dozasini taxminan 90% axlat bilan o‘zgarmagan holda chiqariladi; preparatning taxminan 5% siydik bilan o‘zgarmagan holda chiqariladi.

Giperlipidemiya va aralash dislipidemiya: Rozatin (rozuvastatin) umumiy XS va XS-YUZLP, ApoV, noYUZLP-xolesterin va triglitseridlarning kontsentratsiyasini pasaytirish uchun va birlamchi giperlipidemiya yoki aralash dislipidemiyasi bo‘lgan katta yoshdagi patsiyentlarda XS-YUZLP oshishi uchun parhezga qo‘shimcha davolash sifatida qo‘llanadi. Lipidlarning darajasini korrektsiya qiluvchi preparatlarni parhez yoki boshqa nofarmakologik davolash yetarli darajada samarali bo‘lmaganida, to‘yingan yog‘lar va xolesterol iste’mol qilishni istisno qiluvchi parhez bilan bir vaqtda qo‘llash kerak. Gipertriglitseridemiya:  Rozatin (rozuvastatin) gipertriglitseridemiyasi bo‘lgan katta yoshdagi patsiyentlarni davolash uchun parhezga qo‘shimcha davolash uchun qo‘llanadi. Oilaviy gomozigot giperxolesterinemiya: Rozatin (rozuvastatin) parhezga va lipidlarni pasaytiruvchi boshqa davolashga (masalan, PZLP-aferez) yoki shunga o‘xshash davolash yetarli darajada samarali bo‘lmagan hollarda qo‘llanadi. Aterosklerozni zo‘rayib borishini sekinlashtirish: Rozatin (rozuvastatin) aterosklerozni zo‘rayib borishini sekinlashtirish uchun umumiy XS va XS-PZLP ning kontsentratsiyasini pasaytirish uchun davolashga ko‘rsatma bo‘lgan patsiyentlarda parhezga qo‘shimcha davolash sifatida qo‘llanadi.

Umumiy tavsiyalar: Rozatinning dozasi kuniga 5 dan 40 mg gacha tebranadi. Preparatni ovqatlanishdan qat’iy nazar sutkani har qanday vaqtida kuniga bir marta qabul qilish maumkin. GMG-KoA reduktazani boshqa ingibitorlaridan rozuvastatin qibul qilishga o‘tkazilgan patsiyentlarni Rozatin bilan davolashni boshlang‘ich dozasidan boshlash kerak, va shundan so‘ng davolash samaradorligi va organizmni individual reaktsiyasiga qarab tegishli dozasini tanlash kerak. Preparatning 40 mg dozasini preparatning 20 mg dozasi bilan davolashda kerakli davolash samarasiga erishilmagan hollardagina qo‘llash mumkin. Giperlipidemiya, aralash dislipidemiya, gipertriglitseridemiya va aterosklerozni zo‘rayib borishini sekinlashtirish: Rozatinning tavsiya qilingan boshlang‘ich dozasi kuniga bir marta 10 mg tashkil qiladi. Giperlipidemiya aniqlangan (XS-PZLP > 190 mg/dl) patsiyentlar uchun preparatning boshlang‘ich dozasi kuniga bir marta 20 mg tashkil qiladi. 2-4 hafta davolashdan so‘ng va/yoki preparatni dozasi oshirilganida lipidlar almashinuvi ko‘rsatkichlarini nazorat qilish kerak (zarurat bo‘lganida preparatning dozasini to‘g‘rilash talab qilinadi). Oilaviy gomozigot giperxolesterinemiya : Rozatinning tavsiya qilingan boshlang‘ich dozasi kuniga bir marta 20 mg tashkil qiladi. Bunda davolashning samaradorligi PZLP-aferez darajasi bo‘yicha aniqlanadi. Pediatriyada qo‘llanishi: Bolalarda qo‘llash tajribasi oilaviy gomozigot giperxolesterinemiyasi bo‘lgan patsiyentlarning kichik guruhi (8 yosh va undan katta) cheklangan. Keksa yoshdagi patsiyentlarga preparatning dozasini to‘g‘rilash talab qilinmaydi. Yengil va o‘rtacha og‘irlik darajasidagi buyrak yetishmovchiligi bo‘lgan patsiyentlarda preparatning dozasini to‘g‘rilash talab qilinmaydi. Buyraklar faoliyati o‘rtacha darajada buzilgan patsiyentlarga preparatning boshlang‘ich dozasi 5 mg tavsiya qilinadi.

Statinlar guruhiga mansub preparatlarni eng ko‘p kuzatilgan nojo‘ya samaralarga me’da-ichak yo‘llari (MIY) tomonidan kuzatiladigan buzilishlar hisoblanadi. Kuzatilgan boshqa ilgan nojo‘ya samaralarga bosh og‘rig‘i, teri toshmasi, bosh aylanishi, ko‘rishni xiralashishi, uyqusizlik va ta’m bilish hissini buzilishi kiradi. Zardobdagi aminotransferazalarning kontsentratsiyasini qaytar oshishi kuzatilishi mumkin, shu sababli davolash boshlanishidan oldin jigar faoliyatini boshqarish va keyinchalik preparatning oxirgi dozasi qabul qilingan kundan boshlab yil davomida monitoring o‘tkazish tavsiya qilinadi. Gepatit va pankreatit kuzatilgan. Shuningdek yuqori sezuvchanlik reaktsiyalari, jumladan anafilaktik shok va Kvinke shishi kuzatilgan. Shuningdek, mialgiya va mushaklar kuchsizligi bilan xarakterlanadigan va ayniqsa, bir vaqtda tsiklosporin, fibrat kislotasi yoki nikotin kislotasi hosilalarini qabul qilgan patsiyentlarda kreatinfosfokinazaning kontsentratsiyasini oshishi bilan bog‘liq bo‘lgan miopatiya kuzatilgan. Juda kam hollarda o‘tkir buyrak yetishmovchiligi bilan rabdomioliz rivojlanishi mumkin.

Rozuvastatin va preparatning boshqa ingradiyentlariga yuqori sezuvchanlik. Faol bosqichdagi jigar kasalliklari (jumladan, jigar tarnsaminazalari faolligini turg‘un oshishi yoki transaminazalar faolligini normani yuqori chegarasiga nisbatan 3 martadan ko‘proq oshishi).

Dori vositalarini statinlar bilan o‘zaro ta’sirining eng jiddiy oqibatlari bo‘lib miopatiya yoki rabdomiolizni rivojlanishi hisoblanadi. Dori vositalarining o‘zi miopatiyani chaqirishi mumkin, barcha statinlar bilan bir vaqtda qo‘llanganida miopatiyani rivojlanish havfini oshiradilar; bu preparatlarga fibrat kislotasining hosilalari (fibratlar yoki gemfibrozil) va nikotin kislotasi kiradi. Miopatiyani rivojlanish havfi, shuningdek, statinlarning metabolizmini bostirish yo‘li orqali plazmada ularning darajasini oshiradigan preparatlar bilan bir vaqtda qo‘llanganida oshadi. Rozuvastatin asosan tsitoxrom R450 fermentlar tizimining CYP2C9 izofermenti bilan qisman metabolizmga uchraydi va ferment ingibitorlari bilan simvastatin kabi o‘zaro ta’sir qiladi. Biroq, plazmada rozuvastatinning kontsentratsiyasini oshishi tsiklosporin, va kamroq darajada gemfibrozil bilan bir vaqtda qo‘llanganida kuzatilgan, shuning uchun ularni birga qo‘llashdan saqlanish kerak. Agar shunday bo‘lsa ham, ularni bir vaqtda qo‘llash zarurati bo‘lsa, rozuvastatining dozasini kamaytirish kerak. Statinlar boshqa preparatlarga ta’sir ko‘rsatishi mumkin. Preparatni kumarin qatori antikoagulyantlari bilan bir vaqtda qabul qilgan patsiyentlarda qon ketishi va protrombin vaqtini oshishi kuzatilgan.

Statinlar guruhi preparatlarini jigarni faol bosqichdagi kasalliklari bo‘lgan patsiyentlarga yoki zardobdagi aminotransferazalarning kontsentratsiyasi etiologiyasi noma’lum, doimiy yuqori bo‘lgan patsiyentlarga buyurish mumkin emas. Homilada xolesterolni sinteziga ta’sir qilishi mumkinligi sababli, homiladorlik vaqtida preparatni qo‘llash mumkin emas; statinlarni qabul qilish bilan bog‘liq bo‘lgan tug‘ma buzilishlar xaqida bir qancha ma’lumotlar mavjud. Zardobdagi aminotransferazalar yoki kreatinfosfokinazaning darajasini domiy oshishi aniqlanganida yoki miopatiyaga tashxis qo‘yilganida statinlar guruhi preparatlarini qo‘llashni to‘xtatish kerak. Og‘ir buyrak yetishmovchiligi bo‘lgan patsiyentlarga rozuvastatinni ehtiyotkorlik bilan buyurish kerak.

Homiladorlik va laktatsiya davrida preparatni qo‘llash mumkin emas. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 30oS yuqori bo‘lmagan haroratda saqlansin.

Doza oshirib yuborilganida maxsus davolash yo‘q. Doza oshirib yuborilganida simptomatik davolash va tutib turuvchi tadbirlarni o‘tkazish tavsiya qilinadi. Jigar faoliyatini va kreatinfosfokinazaning darajasini nazorat qilish kerak. Bunday holda gemodializ, ehtimol, kam samarali.

Retsept bo‘yicha

10 tabletkadan alyumin folga blisterda. 3 blisterdan qo‘llash bo‘yicha yo‘riqnoma bilan birga karton qutida.

3 yil.