GMG-KoA-reduktaza ingibitorlari.

S10AA07.

Rozuvastatin qon plazmasida maksimal kontsentratsiyasiga qabul qilingandan so‘ng taxminan 5 soatdan keyin erishiladi. Mutloq biokiraolishligi taxminan 20% ni tashkil etadi. Rozuvastatin jigar tomonidan faol ravishda qamrab olinadi, u yer xolesterin sintezini va PZLP-X chiqarilishini asosiy joyi hisoblanadi. Taxminan 90% rozuvastatin plazma oqsillari, asosan albumin bilan bog‘lanadi. Rozuvastatinning faqatgina cheklangan miqdori (taxminan 10%) metabolizmga uchraydi. Qabul qilingan dozaning taxminan 90% o‘zgarmagan holda axlat bilan, qolgan qismi siydik bilan chiqariladi, bunda taxminan 5% – o‘zgarmagan holda chiqariladi. Plazmadan yarim chiqarilish davri taxminan 19 soatni tashkil etadi. Yuqoriroq dozalarda qo‘llanganida yarim chiqarilish davri uzaymaydi. Tizimli ekspozitsiyasi qabul qilingan dozasiga proportsional ravishda oshadi. Preparat har kuni ko‘p marta qabul qilinganida farmakokinetik ko‘rsatkichlarni o‘zgarishi kuzatilmaydi.

Kattalar, o‘smirlar hamda 6 yosh va undan oshgan bolalarda birlamchi giperxolesterinemiya (IIa turi, shu jumladan geterozigotali oilaviy giperxolesterinemiya) yoki aralash dislipidemiya (II b turi) ni parhezga hamda nomedikamentoz davolashga (masalan, jismoniy mashqlar, tana vaznini pasayishi) qoniqarli javob reaktsiyasi bo‘lmaganida davolovchi parhezga qo‘shimcha sifatida davolash uchun qo‘llanadi. Gomozigotali oilaviy giperxolesterinemiyani parhezga va qonda lipidlarning darajasini pasaytirish bo‘yicha boshqa davolashda (masalan, PZLP aferezi) yoki bunday davolash mumkin bo‘lmaganida qo‘shimcha davolash uchun qo‘llanadi.

Davolashni boshlashdan oldin va butun davolanish davri davomida patsiyent standart gipoxolesterinli parhezga rioya qilishi kerak. Preparatning dozasi davolash maqsadi va davolashga nisbatan patsiyentning javob reaktsiyasiga qarab, zamonaviy qabul qilingan qo‘llanmalarni hisobga olgan holda individual ravishda tanlanishi kerak. Ichga qabul qilish uchun buyuriladi. Preparatni ovqatlanishdan qat’iy nazar, sutkaning istalgan vaqtida qabul qilish mumkin.

Rozuvastatin qo‘llanganida kuzatiladigan noxush reaktsiyalar odatda yengil darajada va o‘tkinchi bo‘ladi. Noxush reaktsiyalarni rivojlanish tezligi quyidagicha aniqlanadi: juda tez-tez (≥1/10), tez-tez (≥1/100 va <1/10), tez-tez emas (≥1/1000 va <1/100), kam hollarda (≥1/10000 va <1/1000), juda kam hollarda (<1/10000), rivojlanish tezligi noma’lum (mavjud ma’lumotlar asosida tezligini aniqlash mumkin emas). Quyida rozuvastatin uchun klinik tadqiqotlarning ma’lumotlari va yirik postmarketing tajribasi asosida aniqlangan noxush reaktsiyalar keltirilgan.

Rozuvastatinga yoki preparatning tarkibiga kiruvchi har qanday komponentiga o‘ta yuqori sezuvchanlik;jigar kasalliklarini faol fazasida, shu jumladan etiologiyasi aniqlanmagan holatlar; qon zardobidagi transaminazalarni turg‘un oshishi va transaminazalarning darajasini normaning yuqori chegarasidan uch marta oshishi;og‘ir darajadagi buyrak yetishmovchiligi (kreatinin klirensi < 30 ml/min);miopatiya;tsiklosporin bilan yondosh davolash;homiladorlik va emizish davrida qo‘llash mumkin emas. Shuningdek preparatni tegishli kontratseptsiya usullaridan foydalanmaydigan tug‘ruq yoshidagi ayollarda qo‘llash mumkin emas. 40 mg dozasini miopatiya / rabdomiolizni rivojlanishiga moyillik omillari bo‘lgan patsiyentlarda qo‘llash mumkin emas: o‘rtacha darajadagi buyrak yetishmovchiligi (kreatinin klirensi < 60 ml/min);gipotireoz;shaxsiy va oilaviy anamnezda mushaklarning tug‘ma kasalliklari;anamnezida boshqa GMG-KoA-reduktaza ingibitorlari yoki fibratlarning ta’sirida mushaklarni toksik shikastlanishi;alkogolni xaddan ziyod iste’mol qilish;qon plazmasida preparatning darajasi oshishi mumkin bo‘lgan holatlarda;kelib chiqishi osiyolik bo‘lgan shaxslarda;fibratlar yondosh qo‘llanganda preparatni qo‘llash mumkin emas.

Transport oqsillarning ingibitorlari: rozuvastatin ma’lum transport oqsillar, shu jumladan jigarda moddalarni qamrab olishga javobgar OATP1B1 tashuvchisi va BCRP chiqaruvchi tashuvchilar uchun substrat hisoblanadi. Rozuvastatinni ushbu transport oqsillarning ingibitorlari hisoblangan preparatlar bilan birga qo‘llash rozuvastatinning plazmadagi kontsentratsiyasini oshishiga va miopatiyani rivojlanish xavfini oshishiga olib kelishi mumkin. Tsiklosporin: tsiklosporin bilan davolanayotgan patsiyentlarda rozuvastatinni qo‘llash mumkin emas. Proteaza ingibitorlari: rozuvastatinning ekspozitsiyasi ahamiyatli darajada oshishi mumkin. Rozuvastatinni va proteaza ingibitorlarining ba’zi majmuasini birga qo‘llash rozuvastatinning ekspozitsiyasini kutilgan oshishiga muvofiq ravishda, rozuvastatinning dozasiga tuzatish kiritish zaruriyati yaxshilab baholangandan so‘ng ruxsat etiladi. Gemfibrozil va lipidlarning darajasini pasaytiruvchi boshqa preparatlar: fenofibrat bilan farmakokinetik ahamiyatli o‘zaro ta’siri kutilmaydi, shunday bo‘lsa-da, farmakodinamik o‘zaro ta’sir qilishi mumkin. Gemfibrozil, fenofibrat, boshqa fibratlar va niatsin (nikotin kislotasi) terapevtik dozalarda (sutkada 1 g va undan ortiq dozada) GMG-KoA-reduktaza ingibitorlari bilan bir vaqtda qo‘llanganida miopatiyani rivojlanish xavfini oshiradi. Fibratlar bilan bir vaqtda qo‘llanganida 40 mg li dozani qo‘llash mumkin emas. Bunday patsiyentlarni davolashni 5 mg li doza bilan boshlash kerak. Ezetimib: rozuvastatin va ezetimib o‘rtasida farmakodinamik o‘zaro ta’siri (nojo‘ya samaralarni rivojlanishi yuzasidan) kuzatilishi mumkin. Antatsidlar: rozuvastatinning plazmadagi kontsentratsiyasini pasaytiradi. Ushbu samarasini antatsidlarni rozuvastatinni qabul qilgandan so‘ng 2 soatdan keyin qabul qilish bilan bartaraf qilish mumkin. Eritromitsin: rozuvastatinning ekspozitsiyasini pasaytiradi. Tsitoxrom R450 fermentlari: metabolizmini tsitoxrom R450 fermentlar tizimining fermentlari bilan birga bog‘liq o‘zaro ta’siri kutilmaydi. Rozuvastatinning dozasiga tuzatish kiritish talab etilgan o‘zaro ta’sirlar (quyidagiga qarang): rozuvastatinni, uning dozasini oshirishi mumkin bo‘lgan boshqa preparatlar bilan birga qo‘llash zarurati bo‘lganida, rozuvastatinning dozasiga tuzatish kiritish kerak. Agar rozuvastatinni ekspozitsiyasini 2 marta va undan ortiq oshishi taxmin qilinayotgan bo‘lsa, rozuvastatin bilan davolashni sutkada bir marta 5 mg dozasi bilan boshlash kerak. Rozuvastatinning maksimal sutkalik dozasiga shunday tuzatish kiritish kerak-ki, bunda uning taxmin qilingan ekspozitsiyasi 40 mg sutkalik dozasi yondosh o‘zaro ta’sir qiluvchi preparatlarsiz qo‘llanganida erishiladigan ekspozitsiyasidan oshmasin. Masalan, gemfibrozil bilan birga qo‘llanganida (ekspozitsiyani 1,9 marta kutilgan oshishi) rozuvastatinni 20 mg dozada qo‘llash kerak, atazanavir / ritonavir majmuasi bilan birga qo‘llanganida (3,1 marta oshishi), rozuvastatinni 10 mg dozada qo‘llash kerak. Rozuvastatinning ekspozitsiyasiga yondosh dori vositalarini ta’siri (AUC; yaqqollik darajasini pasayishi tartibida) Ekspozitsiyasini oshiradigan preparatlar: tsiklosporin 7,1 marta, atazanavir / ritonavir 3,1 marta, lopinavir / ritonavir 2,1 marta, gemfibrozil 1,9 marta, eltrombopag 1,6 marta, dorunavir / ritonavir 1,5 marta, tipranavir / ritonavir 1,4 marta, dronedaron 1,4 marta, itrakonazol 1,4 marta, ezetimib 1,2 marta oshiradi. Ekspozitsiyasiga ta’sir qilmaydigan preparatlar: fosamprenavir / ritonavir, aleglitazar, silimarin, fenofibrat, rifampin, ketokonazol, flukonazol. Ekspozitsiyasini pasaytiradigan preparatlar: eritromitsin 28% ga, baykalin 47% ga pasaytiradi.

Rozuvastatinning katta dozalari (ayniqsa 40 mg dozasi) qo‘llanganida asosan buyrak naychalaridagi o‘zgarishlar tufayli rivojlangan, buyrakni o‘tkir yoki zo‘rayib boruvchi shikastlanishini prognostik omil hisoblanmagan o‘tkinchi yoki davriy proteinuriya kuzatilgan (“Nojo‘ya ta’sirlari” ga qarang). 40 mg dozasi qo‘llanganida standart kuzatishga buyrak faoliyatini baholashni kiritish kerak.

Homiladorlik va emizish davrida preparatni qo‘llash mumkin emas. Tug‘ruq yoshidagi ayollar muvofiq kontratseptiv vositalardan foydalanishlari kerak. Agar ushbu preparat bilan davolanish vaqtida patsiyent homilador bo‘lib qolsa, davolashni zudlik bilan to‘xtatish kerak. Rozuvastatinni odamning ko‘krak sutiga o‘tish hususiyati yuzasidan ma’lumotlar mavjud emas.

Davolanish vaqtida bosh aylanishi rivojlanishi mumkinligini inobatga olish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

25oS dan yuqori bo‘lmagan haroratda namlikdan himoya qiluvchi original o‘ramida saqlansin.

Preparatning dozasi oshirib yuborilganida spetsifik davolash yo‘q. Zarurat bo‘lganida simptomatik va tutib turuvchi davolashni buyurish kerak. Jigar faoliyati va KFKning darajasini nazorat qilish kerak. Bunday holatlarda gemodializning samaradorlik ehtimoli kam.

Retsept bo‘yicha beriladi

Alyumin blisterda. Qobiq bilan qoplangan tabletkalar 28 (4x7) dan o‘ramga joylangan.

2 yil.