deyarli oq yoki sarg‘ish rangli, biroz gigroskopik, kristall kukun.

tsefalosporinlarning uchinchi avlodiga mansub, tizimli ta’sir qiluvchi antibakterial preparatlar.

J01DD04

Mushak ichiga/vena ichiga yuborilganida Rotatsef organizmning to‘qimalari va suyuqliklariga yaxshi o‘tadi. Mushak ichiga yuborilganida biokiraolishligi 100% ni tashkil etadi. Plazmada maksimal kontsentratsiyasiga mushak ichiga yuborilganida 2-3 soatdan keyin erishiladi. Plazma albuminlari bilan 85-95% ga qaytar bog‘lanadi va bu bog‘lanish uning qondagi kontsentratsiyasiga teskari proportsionaldir. Rotatsef interstitsial suyuqlikka tez diffuziya bo‘ladi, u yerda unga sezgir mikroorganizmlarga nisbatan o‘zining bakteritsid ta’sirini 24 soat davomida saqlab turadi. Yarim chiqarilish davri uzoq davom etadi, va kattalarda 8 soatni tashkil etadi, 75 yoshdan oshgan keksa yoshdagi odamlarda taxminan ikki marta uzayadi, yangi tug‘ilgan chaqaloqlarda esa 6,5-8 kunni tashkil etadi. Kattalarda Rotatsefning 50-60% siydik bilan o‘zgarmagan holda, 40-50% safro bilan chiqariladi. Yangi tug‘ilgan chaqaloqlarda Rotatsefning yuborilgan dozasining taxminan 70% buyraklar orqali chiqariladi. Kattalarda buyrak yoki jigar faoliyatini buzilishlari bo‘lganida, jigar va buyrak faoliyatini qayta taqsimlanishi: agar buyrak faoliyati buzilgan bo‘lsa, safro bilan chiqarilishi oshadi, agar jigarda patologiya bo‘lsa, buyraklar orqali chiqarilishi kuchayadi, shu sababli Rotatsefning farmakokinetikasi deyarli o‘zgarmaydi (yarim chiqarilish davri biroz uzayishi mumkin). Tseftriakson gematoentsefalik to‘siq orqali yaxshi o‘tadi.

Rotatsef unga sezgir bakteriyalarning shtammlari chaqirgan barcha infektsiyalarga nisbatan samaralidir: yuqori va quyi nafas yo‘llarining kasalliklari (shu jumladan, pnevmoniya, o‘pka abstsessi, plevra empiyemasi);qorin bo‘shlig‘i a’zolarining infektsiyalari (shu jumladan, xolangit, o‘t pufagi empiyemasi, me’da-ichak yo‘llarining, o‘t chiqarish yo‘llarining yallig‘lanish kasalliklari, peritonit);suyaklar va bo‘g‘imlarning infektsiyalari;teri va yumshoq to‘qimalarning infektsiyalari;siydik chiqarish yo‘llarining infektsiyalari (shu jumladan, piyelonefrit);jinsiy yo‘l orqali yuqadigan infektsiyalar (shu jumladan, gonoreya);infektsiyalangan jarohatlar va kuyishlar;bosh miya pardalarini yallig‘lanishi, sepsis;operatsiyadan keyingi infektsiyani oldini olish uchun qo‘llanadi.

Rotatsef mushak ichiga va vena ichiga oqim bilan yoki tomchilab yuboriladi. Eritmani tayyorlash qoidasi va yuborilishi Mushak ichiga yuborish uchun: 500 mg Rotatsef 1% li lidokain gidroxloridi eritmasining 2 ml da eritiladi, 1 g Rotatsef 1% li lidokain gidroxloridi eritmasining 3,5 ml da eritiladi. Dumba mushagiga chuqur yuboriladi. Bir dumbaga ko‘pi bilan 1 g preparat yuborish tavsiya etiladi. Vena ichiga yuborish uchun: 500 mg Rotatsef 5 ml inyektsiya uchun suvda eritiladi, 1 g Rotatsef 10 ml inyektsiya uchun suvda eritiladi. Vena ichiga sekin 2-4 minut davomida yuboriladi. Yangi tug‘ilgan (ikki haftalikkacha bo‘lgan) chaqaloqlarga Rotatsef tana vazniga 20-50 mg/kg dozada sutkada bir marta buyuriladi. Yangi tug‘ilgan chaqaloqlarda fermentlar tizimi yetilmaganligi sababli preparatning dozasini oshirish mumkin emas. Ko‘krak yoshidagi bolalar va 12 yoshgacha bo‘lgan bolalar uchun Rotatsefning sutkalik dozasi tana vazniga 20-80 mg/kg ni tashkil etadi sutkada bir marta yuboriladi. Tana vazni 50 kg va undan ortiq bo‘lgan bolalarga kattalar uchun qo‘llanadigan odatdagi dozalarda yuboriladi. Kattalar va 12 yosh va undan oshgan bolalar: odatdagi dozalari 1-2 g dan Rotatsefni tashkil etadi, sutkada bir marta yuboriladi. Preparatni yuborishlar o‘rtasidagi interval – 24 soat. Og‘ir holatlarda yoki tseftriaksonga o‘rtacha sezgir bakteriyalar chaqirgan infektsiyalarda, preparatning sutkalik dozasi 4 g gacha oshirilishi mumkin. Preparatni tana vazniga 50 mg/kg dan ortiq dozada vena ichiga yuborilganida kamida        30 minut davomida tomchilab yuborish kerak. Davolash davomiyligi kasallikning xarakteri va og‘irlik darajasiga bog‘liq. Boshqa antibiotiklar qo‘llaganida bo‘lgani kabi, Rotatsef preparatini tana harorati normal bo‘lganidan so‘ng yana kamida 3 kun davomida yuborish tavsiya etiladi. Bakterial meningitda yangi tug‘ilgan chaqaloqlar va bolalarga preparat tana vazniga    100 mg/kg boshlang‘ich dozada sutkada bir marta yuborish buyuriladi. Maksimal sutkalik dozasi 4 g ni tashkil etadi. Qo‘zg‘atuvchi aniqlanganidan so‘ng doza kamaytirilishi mumkin. Gonoreyani davolashda Rotatsefning tavsiya etilgan dozasi 250 mg ni tashkil etadi, mushak ichiga bir marta yuboriladi. Jigar faoliyati normal bo‘lgan sharoitda buyrak faoliyatini buzilishlari bo‘lgan bemorlarga va buyrak faoliyati saqlangan sharoitda jigar faoliyatini buzilishlari bo‘lgan bemorlarga preparatning dozasini kamaytirish zarurati yo‘q. Yaqqol buyrak yetishmovchiligida (kreatinin klirensi < 10 ml/min.) Rotatsefning dozasini 2 g dan oshirish mumkin emas. Jigar va buyrak faoliyati bir vaqtda buzilganida, shuningdek gemodializdagi bemorlarda tseftraksonning qon zardobidagi kontsentratsiyasini muntazam ravishda nazorat qilish kerak. Operatsiyadan keyingi infektsiyalarni oldini olish uchun 1-2 g Rotatsef preparatini operatsiyadan 30-90 minut oldin bir marta yuborish tavsiya etiladi.

Rotatsef ko‘pchilik hollarda yaxshi o‘zlashtiriladi. Nojo‘ya samaralari, odatda qaytuvchan bo‘ladi va preparat bekor qilinganidan so‘ng yo‘qoladi. Ovqat hazm qilish tizimi tomonidan: ko‘ngil aynishi, qusish, diareya yoki qabziyat, meteorizm, abdominal og‘riqlar, ta’m bilishni buzilishi, stomatit, glossit, soxta membranoz enterokolit, jigar transaminazalari (kam hollarda – ishqoriy fosfataza, bilirubin, xolestatik sariqlik) ning faolligini oshishi, disbakterioz. Tseftriaksonni yuqori dozalarda qo‘llash soxta xolelitiazni rivojlanishiga olib kelishi mumkin. Gematologik o‘zgarishlar: leykopeniya, neytropeniya, granulotsitopeniya, limfotsitopeniya, trombotsitoz, trombotsitopeniya, gemolitik anemiya, qon ivishini buzilishi, protrombin vaqtini uzayishi, kam hollarda – eozonofiliya, yakka hollarda agranulotsitoz. Siydik chiqarish tizimi tomonidan: glyukozuriya, qon plazmasida mochevina va kreatininning miqdorini oshishi, tsilinduriya, gematuriya, oliguriya, anuriya. Allergik va immunopatologik reaktsiyalar: eshakemi, et uvishishi yoki isitma, toshma, qichishish, kam hollarda – bronxospazm, ko‘p shaklli eritema, Stivens-Djonson sindromi, toksik epidermal nekroliz, zardob kasalligi, angionevrotik shish, anafilaktik shok. Mahalliy reaktsiyalar: preparat vena ichiga yuborilganidan so‘ng flebit rivojlanishi mumkin. Preparatni sekin (2-4 minut davomida) yuborish yo‘li bilan uni rivojlanishidan saqlanish mumkin; preparatni mushak ichiga lidokainsiz inyektsiya qilish og‘riqli bo‘ladi, yuborilgan joyda infiltrat hosil bo‘lishi mumkin. Boshqalar: bosh og‘rig‘i, bosh aylanishi, burundan qon ketishlar, kandidoz.

tsefalosporinlar va penitsillinlarga yuqori sezuvchanlik;homiladorlikning birinchi uch oyligida qo‘llash mumkin emas. giperbilirubinemiyani rivojlanish havfi yuqori bo‘lganligi tufayli, preparatni yangi tug‘ilgan chaqaloqlarga, ayniqsa chala tug‘ilgan chaqaloqlarga ehtiyotkorlik bilan buyurish kerak.

Halqali diuretiklar (masalan, furosemid) bilan bir vaqtda qo‘llanganida buyrak faoliyatini buzilishi kuzatilmaydi. Nosteroid yallig‘lanishga qarshi vositalar va trombotsitlar agregatsiyasining boshqa ingibitorlari bilan bir vaqtda qo‘llanganida qon ketish ehtimoli oshadi. Rotatsef va aminoglikozidlar ko‘pchilik grammanfiy bakteriyalarga nisbatan sinergizmga ega. Bunday majmua og‘ir darajadagi va hayot uchun havf tug‘diruvchi infektsiyalar (masalan, Pseudomonas aeruginosa kabi qo‘zg‘atuvchilar chaqirgan infektsiyalar) ni davolashda isbotini topgan. Rotatsef preparatini bir flakon yoki shpritsda boshqa antibiotiklar bilan aralashtirish mumkin emas.

Boshqa tsefalosporinlar qo‘llanganida bo‘lgani kabi, Rotatsef preparati bilan davolashda ham anafilaktik reaktsiyalar rivojlanishi mumkinligini inobatga olish kerak. Preparat bilan uzoq vaqt davomida davolanganda periferik qon manzarasini muntazam ravishda nazorat qilish kerak. Kam hollarda ultratovush diagnostikasida o‘t pufagini soyasi paydo bo‘lishi mumkin, u preparat bekor qilinganidan so‘ng yo‘qoladi. Hatto agar bu holat o‘ng qovurg‘a osti sohasidagi og‘riqlar bilan kechsa, simptomatik davolash fonida preparatni qo‘llashni davom ettirish tavsiya etiladi. Homiladorlik va emizish davrida qo‘llanishi Homiladorlik vaqtida, ona uchun davolashdan kutilagan foyda homila uchun potentsial xavfdan ustun bo‘lgan hollardagina Rotatsef preparatini qo‘llash mumkin (tseftriakson yo‘ldosh to‘sig‘i orqali o‘tadi). Laktatsiya davrida preparatni qo‘llash zarurati bo‘lganida emizishni to‘xtatish xaqidagi masalani hal qilish kerak, chunki tseftriakson ko‘krak suti bilan ajralib chiqadi. Avtomobilni va boshqa mexanizmlarni boshqarish qobiliyatiga ta’siri Avtotransportni haydash va mexanizmlarni boshqarish qobiliyatiga Rotatsefni ta’sir qilishi yuzasidan ma’lumotlar yo‘q. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Rotatsef 0,5 g yoki 1,0 g №1 erituvchi (1% lidokain gidroxloridi eritmasi) bilan majmuada Yorug‘likdan himoyalangan joyda, 15oS-25oS haroratda saqlansin. Tayyor eritma 18oS-25oS haroratda 6 soat davomida barqarordir. Rotatsef 0,5 g yoki 1,0 g №1 Yorug‘likdan himoyalangan joyda, 15oS-25oS haroratda saqlansin. Rotatsef 0,5 g yoki 1,0 g №10 Yorug‘likdan himoyalangan joyda, 15oS-25oS haroratda saqlansin.

Preparatning dozasini oshirib yuborilishi yuzasidan ma’lumotlar yo‘q.

Shifokor retsepti bo‘yicha

Rotatsef 0,5 g yoki 1,0 g №1 erituvchi bilan majmuada Inyektsiya qilish uchun eritma tayyorlash uchun kukun 0,5 g yoki 1,0 g dan erituvchi bilan majmuada. Inyektsiya qilish uchun eritma tayyorlash uchun kukun bo‘lgan 1 flakon va erituvchi bo‘lgan 1 ampula qo‘llash bo‘yicha yo‘riqnomasi bilan birga karton qutiga joylangan. Rotatsef 0,5 g yoki 1,0 g №10 Inyektsiya qilish uchun eritma tayyorlash uchun kukun 0,5 g yoki 1,0 g dan flakonlarda. 10 flakon kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan. Rotatsef 0,5 g yoki 1,0 g №1 Inyektsiya qilish uchun eritma tayyorlash uchun kukun 0,5 g yoki 1,0 g dan flakonlarda. 1 flakon qo‘llash bo‘yicha yo‘riqnomasi bilan birga karton qutiga joylangan.

3 yil.