Antipsixotik vositalar. Boshqa antipsixotik vositalar.

N05AX08

So‘rilishi Risperidon peroral qabul qilinganidan so‘ng to‘liq so‘rilib, plazmada maksimal kontsentratsiyasiga 1-2 soatdan keyin erishadi. Ovqatlanish risperidonning so‘rilishiga ta’sir qilmaydi, shuning uchun uni ovqatlanishdan qat’iy nazar qabul qilish mumkin. Risperidon muvozanatli kontsentratsiyasiga ko‘pchilik patsiyentlarda 1 kun davomida erishiladi. 9-gidroksirisperidon muvozanatli kontsentratsiyasiga 4-5 kundan keyin erishadi. Taqsimlanishi Risperidon organizmga tez taqsimlanadi. Taqsimlanish hajmi 1-2 l/kg ni tashkil etadi. Plazmada risperidon albumin va α1-kislotali glikoprotein bilan bog‘lanadi. Risperidonni plazma oqsillari bilan bog‘lanishi 90% ni, 9-gidroksirisperidonni bog‘lanishi esa 77% ni tashkil etadi. Metabolizmi Risperidon jigarda tsitoxrom CYP2D6 fermentlar ishtirokida metabolizmga uchrab, risperidonning faolligiga o‘xshash antipsixotik faollikka ega bo‘lgan 9-gidroksirisperidonni hosil qiladi. Risperidon va 9-gidroksirisperidon faol antipsixotik fraktsiyalarni hosil qiladi. CYP2D6 genetik polimorfizmga ega. CYP2D6 ning ekstenziv metabolizatorlari risperidonni 9-gidroksirisperidonga tez aylantirishi, CYP2D6 ning kuchsiz metabolizatorlari esa bu jarayonni sekinroq amalga oshirishiga qaramasdan, risperidon bir marta yoki takroran qabul qilinganidan so‘ng risperidon va 9-gidroksirisperidon (faol antipsixotik fraktsiyasi) ning umumiy farmakokinetikasi o‘xshashdir. Risperidonning boshqa metabolizm yo‘li bo‘lib N-dealkilizatsiya hisoblanadi. Chiqarilishi Preparat qabul qilinganidan so‘ng bir haftadan keyin dozaning 70% siydik bilan va 14% esa – ahlat bilan chiqariladi. Siydikda risperidon va 9-gidroksirisperidonning miqdori qabul qilingan dozaning 35-45% ni tashkil etadi. Qolgan qismini faol bo‘lmagan metabolitlar tashkil etadi. Psixoz bilan xastalangan patsiyentlar peroral qabul qilganlaridan so‘ng risperidon taxminan 3 soatlik yarim chiqarilish davri bilan chiqariladi. 9-gidroksirisperidon va faol antipsixotik fraktsiyasining yarim chiqarilish davri 24 soatni tashkil etadi. Proportsionallik Plazmadagi risperidonning kontsentratsiyasi terapevtik dozalar diapazonida dozasigi proportsionaldir.

shizofreniyani davolash;bipolyar buzilishlarda o‘rtacha darajadan og‘ir darajagacha bo‘lgan maniakal holatlarni davolash;nofarmakologik davolash usullariga beriluvchan bo‘lmagan, o‘rtacha darajadan og‘ir darajadagacha bo‘lgan Altsgeymer kasalligi bilan xastalangan patsiyentlarda va o‘zlariga va atrofdagilarga zarar yetkazish xavfi bo‘lgan turg‘un agressiyani qisqa muddatli (6 haftagacha) davolash;intellektual darajasi past bo‘lgan yoki oligofreniya bilan xastalangan 5 yoshdan oshgan bolalar va o‘smirlarda hulq-atvor buzilganida kuzatiladigan turg‘un agressiya, agar agressiya yoki sotsial xulq-atvorni boshqa buzilishning og‘irlik darajasi farmakologik davolashni talab etadigan holatlarda qisqa muddatli simptomatik davolash (6 haftagacha) uchun qo‘llanadi. Farmakologik davolash psixologik va ilmiy aralashuvlardan iborat bo‘lgan majmuaviy davolash dasturining tarkibiy qismi bo‘lishi kerak.

Rostalept-Rota ovqatlanishdan qat’iy nazar ko‘p bo‘lmagan miqdordagi suv bilan ichga qabul qilinadi. Davolash to‘xtatishga qaror qilinganida preparatni asta-sekin bekor qilish tavsiya etiladi.

Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000). Har bir uchrash guruhida nojo‘ya samaralar ularning og‘irlik darajasini kamayish tartibida keltirilgan. Infektsiyalar va invaziyalar: tez-tez – pnevmoniya, bronxit, yuqori nafas yo‘llarining infektsiyalari, sinusit, siydik chiqarish yo‘llarining infektsiyalari, quloq infektsiyalari, gripp; tez-tez emas – nafas yo‘llarining infektsiyalari, tsistit, ko‘z infektsiyalari, tonzillit, onixomikoz, teri osti yog‘ kletchatkasini mahalliy infektsion yallig‘lanishi, virusli infektsiya, akrodermatit. Qon va limfa tizimi tomonidan kuzatiladigan buzilishlar: tez-tez emas – neytropeniya, qonda leykotsitlarning darajasini pasayishi, trombotsitopeniya, anemiya, gematokritni pasayishi, eozinofillarning miqdorini oshishi; juda kam hollarda – agranulotsitoz. Immun tizimi tomonidan kuzatiladigan buzilishlar: tez-tez emas – o‘ta yuqori sezuvchanlik; kam hollarda – anafilaktik shok. Endokrin tizimi tomonidan kuzatiladigan buzilishlar: tez-tez – giperprolaktinemiya; kam hollarda – antidiuretik gormon sekretsiyasini buzilishi, siydikda glyukozani aniqlanishi. Moddalar almashinuvi va oziqlanish tomonidan kuzatiladigan buzilishlar: tez-tez – tana vaznini oshishi, ishtahani kuchayishi, ishtahani pasayishi; tez-tez emas – qandli diabet, giperglikemiya, polidipsiya, tana vaznini kamayishi, anoreksiya, qonda xolesterinning darajasini oshishi; kam hollarda – suv intoksikatsiyasi, gipoglikemiya, giperinsulinemiya, qonda triglitseridlarning miqdorini oshishi; juda kam hollarda – diabetik ketoatsidoz. Ruhiyatni buzilishlari: juda tez-tez – uyqusizlik; tez-tez – uyquni buzilishi, ajitatsiya, depressiya, havotirlik; tez-tez emas – maniya, ongni chalkashishi, libidoni susayishi, asabiylik, tungi qo‘rquvlar; kam hollarda – affektiv buzilishlar, anorgazmiya. Nerv tizimi tomonidan kuzatiladigan buzilishlar: juda tez-tez – sedatsiya/uyquchanlik, parkinsonizm, bosh og‘rig‘i; tez-tez – akatiziya, distoniya, bosh aylanishi, diskineziya, tremor; tez-tez emas – kechki diskineziya, tserebral ishemiya, qo‘zg‘atuvchilarga nisbatan reaktsiyani yo‘qligi, xushni yo‘qolishi, ongni susayishi, tirishishlar, xushdan ketish, o‘ta yuqori psixomotor faollik, muvozanatni buzilishi, harakatlar koordinatsiyasini buzilishi, postural bosh aylanishi, diqqatni buzilishi, dizartriya, ta’m bilishni buzilishi, gipesteziya, paresteziya; kam hollarda – xavfli neyroleptik sindrom, tserebrovaskulyar buzilishlar, diabetik koma, boshni ritmik chayqatishi. Ko‘rish a’zolari tomonidan kuzatiladigan buzilishlar: tez-tez – ko‘rishni noaniqligi, kon’yunktivit; tez-tez emas – yorug‘likdan qo‘rqish, ko‘zlarni qurishi, ko‘z yoshini kuchli oqishi, ko‘zlar giperemiyasi; kam hollarda – glaukoma, ko‘z harakatini buzilishi, ko‘z olmasini aylanma harakatlanishi, qovoqlarning chetlarida qatqaloqni hosil bo‘lishi, bo‘shashgan rangdor parda sindromi (intraoperatsion). Eshitish va muvozanat a’zolari tomonidan kuzatiladigan buzilishlar: tez-tez emas – vertigo, quloqlarni shang‘illashi, quloqlarda og‘riq. Yurak tomonidan kuzatiladigan buzilishlar: tez-tez – taxikardiya; tez-tez emas – bo‘lmachalar fibrillyatsiyasi, atrioventrikulyar blokada, yurak o‘tkazuvchanligini buzilishi, elektrokardiogrammada QT intervalini uzayishi, bradikardiya, elektrokardiogrammada o‘zgarishlar, yurak urishini his etish; kam hollarda – sinusli aritmiya. Qon tomirlar tomonidan kuzatiladigan buzilishlar: tez-tez – gipertenziya; tez-tez emas – gipotenziya, ortostatik gipotenziya, giperemiya; kam hollarda – o‘pka emboliyasi, venalar trombozi. Nafas tizimi, ko‘krak qafasi va ko‘ks oralig‘i a’zolari tomonidan kuzatiladigan buzilishlar: hansirash, hiqildoq va halqum sohasida og‘riq, yo‘tal, burundan qon ketishi, burunni bitishi; tez-tez emas – aspiratsion pnevmoniya, o‘pkani dimlanishi, nafas yo‘llarini o‘tkazuvchanligini buzilishi, xirillash, xushtaksimon nafas, disfoniya, nafas faoliyatini buzilishi; kam hollarda – uyquda apnoe sindromi, giperventilyatsiya. Me’da-ichak yo‘llari tomonidan kuzatiladigan buzilishlar: tez-tez – qorinda og‘riq, qorin sohasida diskomfort, qusish, ko‘ngil aynishi, qabziyat, diareya, dispepsiya, og‘izni qurishi, tish og‘rig‘i; tez-tez emas – axlatni ushlay olmaslik, fekaloma, gastroenterit, disfagiya, meteorizm; kam hollarda – pankreatit, ichak tutilishi, tilni shishi, xeylit. Teri va teri osti to‘qimalari tomonidan kuzatiladigan buzilishlar: tez-tez – toshma, eritema; tez-tez emas – eshakemi, qichishish, alopetsiya, giperkeratoz, ekzema, terini qurishi, terining pigmentatsiyasini buzilishi, akne, seboreyali dermatit, terini yallig‘lanishi, terini shikastlanishi; kam hollarda – dori vositalari ta’sirida rivojlangan dermatit, qazg‘oq; juda kam hollarda – angionevrotik shishi. Skelet-mushak va biriktiruvchi to‘qimalar tomonidan kuzatiladigan buzilishlar: tez-tez – mushak spazmlari, mushaklarda og‘riq, belda og‘riq, artralgiya; tez-tez emas – qonda kreatinfosfokinazaning darajasini oshishi, qomatni buzilishi, bo‘g‘imlarni tangligi, bo‘g‘imlarni shishi, mushaklarni bo‘shligi, bo‘yinda og‘riq; kam hollarda – rabdomioliz. Buyraklar va siydik chiqarish yo‘llari tomonidan kuzatiladigan buzilishlar: siydikni ushlolmaslik; tez-tez emas – pollakiuriya, siydikni tutilishi, dizuriya. Homiladorlikni kechishiga, tug‘ruqdan keyingi va perinatal holatlarga ta’siri: kam hollarda – yangi tug‘ilgan chaqaloqlarda “bekor qilish” sindromi. Jinsiy a’zolar va sut bezlari tomonidan kuzatiladigan buzilishlar: tez-tez emas – erektil disfunktsiya, eyakulyatsiyani buzilishi, amenoreya, hayz ko‘rish tsiklini buzilishi, ginekomastiya, galaktoreya, seksual disfunktsiya, ko‘krakda og‘riq, ko‘krakda diskomfort, qindan ajralmalar ajralishi; kam hollarda – priapizm, hayz ko‘rishni kechikishi, sut bezlarini qattiqlashishi, sut bezlarini kattalashishi, sut bezidan ajralma ajralishi. Umumiy buzilishlar: tez-tez – ko‘krak qafasi sohasida shish, gipertermiya, og‘riq, asteniya, kuchli toliqish, og‘riq; tez-tez emas – yuzni shishi, et uvishishi, tana haroratini oshishi, qadam tashlashni buzilishi, chanqoqlik, ko‘krak qafasi sohasida diskomfort, lohaslik, diskomfort; kam hollarda – gipotermiya, tana haroratini pasayishi, qo‘l-oyoqlarni sovushi, “bekor qilish” sindromi. Jigar va o‘t chiqarish yo‘llari tomonidan kuzatiladigan buzilishlar: tez-tez emas – transaminazalarning faolligini oshishi, gamma-glutamiltransferazaning faolligini oshishi, jigar fermentlarining faolligini oshishi; kam hollarda – sariqlik. Patsiyentlarning ayrim populyatsiyasi. Quyida bolalar va dementsiya bilan xastalangan katta yoshdagi patsiyentlar o‘rtasida kattalarga nisbatan rivojlanish tezligi yuqori bo‘lgan nojo‘ya reaktsiyalar keltirilgan. Dementsiya bilan xastalangan keksa patsiyentlar: siydik chiqarish yo‘llari infektsiyasi, periferik shish, uyquchanlik, yo‘tal. Bolalar: uyquchanlik/sedatsiya, kuchli toliqish, bosh og‘rig‘i, ishtahani kuchayishi, qusish, yuqori nafas yo‘llari infektsiyalari, burunni bitishi, qorinda og‘riq, bosh aylanishi, yo‘tal, isitma, tremor, diareya va enurez bo‘lishi mumkin.

preparatning komponentlariga yuqori sezuvchanlik;laktatsiya (emizish) davrida qo‘llash mumkin emas.

Risperidon preparati antiaritmik preparatlar (masalan, xinidin, dizopiramid, prokainamid, propafenon, amiodaron, sotalol), tritsiklik antidepressantlar (amitriptilin), tetratsiklik antidepressantlar (maprotilin), ba’zi antigistamin preparatlar, boshqa antipsixotik dori vositalari, ayrim bezgakka qarshi preparatlar (xinin va mefloxin) kabi QT intervalini uzaytirish hususiyatiga ega bo‘lgan preparatlar va elektrolitlar muvozanatini izdan chiqaradigan preparatlar (gipokaliyemiya, gipomagniyemiyani chaqiradi), bradikardiyani chaqiradigan preparatlar yoki jigarda risperidonning metabolizmini ingibitsiya qiladigan preparatlar bilan birga qo‘llanganida ehtiyotkorlikka rioya qilish tavsiya etiladi. Rostalept-Rota preparatini markaziy nerv tizimiga ta’sir etuvchi vositalar va alkogol bilan birga ehtiyotkorlik bilan qo‘llash kerak. Risperidon levodopa va dopamin retseptorlarning boshqa agonistlarining samaradorligini kamaytiradi. Gipotenziv dori vositalari va risperidon bir vaqtda qabul qilinganida klinik jihatdan ahamiyatli gipotenziya kuzatiladi. Risperidon litiy, valproat kislotasi, digoksin yoki topiramatning farmakokinetikasiga klinik jihatdan ahamiyatli ta’sir ko‘rsatmaydi. Karbamazepin va jigar fermentlarining boshqa induktorlari bilan bir vaqtda qo‘llanganida qon plazmasida faol antipsixotik fraktsiya (risperidon va faol metaboliti) ning kontsentratsiyasi kamayadi (ushbu preparatlar bekor qilinganida risperidonning dozasiga tuzatish kiritish talab etiladi). Fluoksetin yoki paroksetin buyurilganida va bekor qilinganidan so‘ng preparatning dozasiga tuzatish kiritish kerak (fluoksetin va paroksetin qon plazmasida risperidonning kontsentratsiyasini oshiradi). Verepamil risperidonning plazmadagi kontsentratsiyasini oshiradi. Fenotiazin hosilalari, tritsiklik antidepressantlar va ba’zi β-adrenoblokatorlar plazmada risperidonning kontsentratsiyasini oshirishlari mumkin, ammo faol antipsixotik fraktsiyasining kontsentratsiyasiga ta’sir qilmaydilar. Amitriptilin, eritromitsin va xolinesteraza ingibitorlari (galantamin va donepezil) risperidon hamda faol antipsixotik fraktsiyasining farmakokinetikasiga ta’sir qilmaydilar. Tsimetidin va ranitidin risperidonning biokiraolishligini oshiradilar, ammo faol antipsixotik fraktsiyasining kontsentratsiyasiga minimal darajada ta’sir qiladilar. Risperidon va paliperidonni bir vaqtda qabul qilish tavsiya etilmaydi, chunki paliperidon risperidonning metaboliti hisoblanadi va faol antipsixotik fraktsiyasining umumiy ta’siri haddan tashqari kuchayishi mumkin.

Rostalept-Rota preparati bilan davolashni boshlashda, agar ushbu harakat klinik jihatdan tasdiqlangan bo‘lsa, oldingi davolashni asta-sekin bekor qilish tavsiya etiladi. Agar patsiyent antipsixotik vositalarning depo-shakllari bilan davolashga o‘tkazilayotgan bo‘lsa, u holda preparatni qabul qilishni navbatdagi rejalashtirilayotgan inyektsiyaning o‘rniga boshlash tavsiya etiladi. Parkinsonizmga qarshi preparatlar bilan ayni vaqtda davolashni davom ettirish zaruriyatini vaqti-vaqti bilan baholash kerak. Dementsiya bilan xastalangan keksa patsiyentlarga risperidon va furosemid yoki boshqa kuchli diuretik birga buyurilganida ehtiyotkorlikka rioya qilish kerak. Insultni rivojlanish havf omillari bo‘lgan patsiyentlarga Rostalept-Rota preparatini ehtiyotkorlik bilan qo‘llash kerak. Tserebrovaskulyar nojo‘ya samaralarni rivojlanish havfi oshishi mumkinligi tufayli, dementsiyani aralash yoki vaskulyar turi bilan xastalangan patsiyentlarni davolash uchun risperidonni qo‘llash tavsiya etilmaydi. Ortostatik gipotenziyani rivojlanish havfi borligi tufayli, yurak qon-tomir tizimining kasaliklarida (masalan, yurak yetishmovchiligida, miokard infarktida, yurak o‘tkazuvchanligini buzilishlarida, degidratatsiya, gipovolemiya yoki bosh miya tomirlarini kasalliklarida) preparatni ehtiyotkorlik bilan qo‘llash va dozasini asta-sekin oshirish kerak. Anamnezida leykotsitlarning miqdorini klinik jihatdan ahamiyatli kamayishi bo‘lgan patsiyentlarga yoki risperidon bilan davolashning birinchi uch oyi davomida preparatga bog‘liq leykopeniya / neytropeniya bo‘lgan patsiyentlarga to‘liq qon tahlilini o‘tkazish va leykotsitlarning miqdori klinik jihatdan ahamiyatli darajada kamayganida preparatni qabul qilishni to‘xtatishni qayta ko‘rib chiqish tavsiya etiladi. Klinik jihatdan ahamiyatli neytropeniya bo‘lgan patsiyentlarda tana haroratini oshishi yoki infektsiyani rivojlanishini aniqlash maqsadida ularni kuzatish tavsiya etiladi va simptomlar paydo bo‘lganida zudlik bilan davolashni boshlash kerak. Neytropeniyaning og‘ir shaklida (neyrofillar 1×109 /l dan kam) risperidon qabul qilishni neytrofillarning miqdori normal darajaga yetgunicha to‘xtatish kerak. Keski diskineziya belgilari va simptomlari (ixtiyorsiz ritmik harakatlar, asosan tilni va yuz mushaklarini harakatlari) rivojlanganida barcha antipsixotik vositalarni bekor qilish haqidagi masalani ko‘rib chiqish kerak. Gipertermiya, mushaklarni rigidligi, avtonom faoliyatlarni beqarorligi, ongni buzilishlari va kreatinfosfokinazaning darajasini oshishi bilan xarakterlanadigan havfli neyroleptik sindrom rivojlanganida barcha antipsixotik dori vositalar, shu jumladan risperidonni bekor qilish kerak. Havfli neyroleptik sindromni rivojlanish havfini oshishi va antipsixotik preparatlarga sezuvchanlik (og‘riq sezuvchanligini susayishi, ongni chalkashishi, tez-tez kuzatiladigan yiqilishlar bilan kechuvchi harakat koordinatsiyasini buzilishi va ekstrapiramid simptomlar) ni oshishi tufayli Parkinsonizm kasalligi yoki Levi tanachalari bo‘lgan dementsiya bilan xastalangan patsiyentlarga preparatni ehtiyotkorlik bilan buyurish kerak. Qandli diabet bilan xastalangan va qandli diabetni rivojlanish havf omillari bo‘lgan patsiyentlar o‘rtasida klinik monitoring o‘tkazish tavsiya etiladi. Risperidon qabul qilinganida tana vazni ahamiyatli darajada oshishi mumkin. Giperprolaktinemiya yoki prolaktinga bog‘liq o‘smalarni rivojlanishi mumkin bo‘lgan patsiyentlarga Rostalept-Rota preparati ehtiyotkorlik bilan qo‘llanishi kerak. Yurak-qon tomir kasalliklari, QT intervalini nasliy uzayishi, bradikardiya, elektrolitlar muvozanatini buzilishlari (gipokaliyemiya, gipomagniyemiya) bo‘lgan patsiyentlarga preparat buyurilganida va QT intervalini uzaytiruvchi preparatlar bilan birga qo‘llanganida ehtiyotkorlikka rioya qilish kerak. Anamnezida tutqanoq hurujlari yoki tirishish bo‘sag‘asini pasayishiga olib keladigan boshqa buzilishlari bo‘lgan patsiyentlarga Risperidon preparatini ehtiyotkorlik bilan qo‘llash kerak. Antipsixotik dori vositalari qabul qilinganida organizmning termoregulyatsiyasi izdan chiqishi mumkinligi tufayli, ichki tana haroratini oshishi mumkin bo‘lgan patsiyentlarga (jadal jismoniy harakatlar, yuqori haroratni ta’siri, organizmni suvsizlanishida va antixolinergik faollikka ega bo‘lgan preparatlar bir vaqtda qo‘llanganida) risperidon buyurilganida ehtiyotkorlikka rioya qilish kerak. Preparatni buyurishdan oldin venoz tromboemboliyani barcha potentsial rivojlanish havf omillarini aniqlash va profilaktik choralarni ko‘rish kerak. Preparat tarkibida laktoza saqlaydi, shuning uchun uni galaktozani o‘zlashtirolmaslik, Lapp laktaza tanqisligi yoki glyukoza-galaktoza malabsorbtsiyasi kabi kam uchraydigan nasliy kasalliklar bo‘lgan patsiyentlarga qo‘llash mumkin emas. Homiladorlik va laktatsiya davrida qo‘llanishi Homiladorlikda davolashdan kutiladigan foyda homila yoki yangi tug‘ilgan chaqaloq uchun potentsial havfdan ustun bo‘lgan holatdagina Rostalept-Rota preparatini qo‘llash mumkin. Laktatsiya davrida preparatni qo‘llash zarurati bo‘lganida emizishni to‘xtatish kerak, chunki risperidon hamda 9-gidroksirisperidon ko‘krak suti bilan ajralib chiqadi. Pediatriyada qo‘llanishi 5 yoshdan kichik bo‘lgan bolalarda hulq-atvor buzilishlarini risperidon bilan davolash yuzasidan ma’lumotlar yetarli emas. Hulq-atvorni buzilishlari bo‘lgan bolalar va o‘smirlarga preparatni buyurishdan oldin ularning tajavuzkor harakatlarini jismoniy hamda ijtimoiy sabablarini yaxshilab o‘rganib chiqish kerak. Ta’lim olish qobiliyatiga ta’sir qilishi mumkinligi tufayli, preparatning sedativ samarasini sinchiklab kuzatish kerak. Uzoq muddatli giperprolaktinemiya bolalar va o‘smirlarning jismoniy hamda jinsiy rivojlanishiga ta’sir ko‘rsatishi mumkinligi tufayli, ularning endokrinologik holatlarini, jumladan bo‘yi, tana vazni, jinsiy rivojlanishi, hayz ko‘rish tsiklini monitoring o‘tkazish va boshqa potentsial prolaktin samaralarni kuzatish kerak. Ekstrapiramid simptomlar va boshqa harakat buzilishlarini aniqlash uchun muntazam ravishda kuzatish kerak. Avtotransportni haydash va mexanizmlarni boshqarish qobiliyatiga ta’siri Davolanish vaqtida diqqatni jamlash va psixomotor reaktsiyalar tezligini talab etuvchi potentsial havfli faoliyat turlarini bajarishdan saqlanish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

25°S dan yuqori bo‘lmagan haroratda saqlansin.

Simptomlari: sedativ ta’sirini kuchayishi, uyquchanlik, taxikardiya, arterial gipotenziya, ekstrapiramid simptomlar, QT intervalini uzayishi, tirishishlar bo‘lishi mumkin. Davolash: nafas yo‘llarining o‘tkazuvchanligini tutib turish, me’dani yuvish, faollashtirilgan ko‘mir, surgi vositalarini qabul qilish, kuzatilishi mumkin bo‘lgan aritmiyalarni aniqlash maqsadida EKGni monitoring o‘tkazish, simptomatik hamda tutib turuvchi davolash o‘tkazish, doimiy tibbiy kuzatuv o‘tkazish kerak. Ekstrapiramid simptomlar paydo bo‘lganida – antixolinergik vositalarni yuborish kerak.

Retsept bo‘yicha

Plyonka qobiq bilan qoplangan tabletkalar. 10 tabletkadan blisterda. 2 blister qo‘llash bo‘yicha yo‘riqnomasi bilan birga karton qutiga joylangan.

3 yil.