tiniq, rangsiz yoki och-sariq rangli suyuqlik.

TIBP (tibbiy immunobiologik preparatlar) – viruslarga qarshi va o‘smalarga qarshi vosita.

L03AV04.

So‘rilishi Teri ostiga yoki mushak ichiga yuborilganidan so‘ng biokiraolishligi 80% dan oshadi. 36 mln XB dozasi teri ostiga yuborilganidan so‘ng zardobdagi maksimal kontsentratsiyasiga (1250 dan 2320 pg/ml gacha (o‘rtacha 1730 pg/ml)) o‘rtacha 7,3 soatdan keyin erishilgan. 36 mln XB dozasi mushak ichiga yuborilganidan so‘ng zardobdagi maksimal kontsentratsiyasiga (1500-2580 pg/ml (o‘rtacha 2020 pg/ml)) o‘rtacha 3,8 soatdan keyin erishilgan. Taqsimlanishi Odamda Roferon®-A preparatining farmakokinetikasi 3 mln XB dan 198 mln XB gacha dozalarda yuborilganida to‘g‘ri chiziqli xarakterga ega. Sog‘lom ko‘ngillilarga 36 mln XB doza vena ichiga infuziya qilinganidan so‘ng muvozanatli holatda taqsimlanish hajmi 0,22 l/kg dan 0,75 l/kg gacha (o‘rtacha 0,40 l/kg) o‘zgarib turgan. Sog‘lom ko‘ngillilar kabi disseminatsiyalangan raki bo‘lgan bemorlarda ham zardobda interferon alfa-2a ning kontsentratsiyasini katta individual tebranishlari kuzatiladi. Metabolizmi va chiqarilishi Interferon alfaning asosiy chiqarilish yo‘li buyrak katabolizmidir. Jigar metabolizmi va safro bilan chiqarilishi kamroq ahamiyatli eliminatsiya yo‘li hisoblanadi. Sog‘lom shaxslarda interferon alfa-2a ning yarim chiqarilish davri 36 mln XB dozasi vena ichiga infuziya qilinganidan so‘ng 3,7-8,5 soatni (o‘rtacha 5,1 soat), umumiy klirensi esa 2,14-3,62 ml/min/kg (o‘rtacha 2,79 ml/min/kg) ni tashkil etadi.

Limfa tizimi va qon yaratish tizimining o‘smalari: tukli xujayrali leykoz, miyeloma kasalligi, T-xujayrali teri limfomasi, Ph-musbat surunkali miyeloleykoz, miyeloproliferativ kasalliklardagi trombotsitoz, xavflilik darajasi past noxodjkin limfomasi (kimyoviy davolashga ad’yuvant davolash (nur bilan/nursiz davolash) ko‘rinishida). Solid o‘smalar: OITS bilan xastalangan bemorlarda anamnezida opportunistik infektsiyalar bo‘lmagan Kaposhi sarkomasi, tarqoq buyrak-xujayrali kartsinoma, metastazli xavfli melanoma, limfa tugunlarining shikastlanish va o‘smadan uzoqda joylashgan metastazlari bo‘lmaganida jarrohlik rezektsiyasidan keyingi melanoma. Virusli kasalliklar: virusli replikatsiyaning markerlariga ega bo‘lgan, ya’ni HBV-DNK, DNK-polimeraza yoki HBeAg bo‘yicha musbat va jigar dekompensatsiyasi belgilarisiz alaninaminotransferaza (AlAT) faolligini oshishi (Chayld-Pyu bo‘yicha A sinf) bo‘lgan bemorlarda surunkali faol V gepatiti;zardobda HCV RNK yoki virusli S gepatitiga antitelolar mavjud bo‘lgan va jigar dekompensatsiyasining belgilarisiz alaninaminotransferaza (AlAT) ning faolligini oshishi (Chayld-Pyu bo‘yicha A sinf) bo‘lgan kattalarda surunkali faol S gepatiti; surunkali S gepatitini davolashda Roferon®-A va ribavirin preparatlarining majmuasi optimal hisoblanadi; Roferon®-A preparatini ribavirin bilan majmuasi ilgari davolanmagan patsiyentlarga ham, ilgari interferon-alfa bilan davolashga javob bergan va so‘ngra davolash bekor qilinganidan keyin kasallikni qaytalanishi mavjud bo‘lgan bemorlarda ham qo‘llash uchun ko‘rsatilgan;o‘tkir uchli kondilomalarni davolash uchun qo‘llanadi.

Roferon®-A teri ostiga (t/o) yuboriladi.

Preparatning nojo‘ya ta’sirlari yuzasidan quyida keltirilgan ma’lumotlar, turli xavfli kasalliklari bo‘lgan, ayniqsa dastlabki davolashga refrakter va kechki bosqichlarda bo‘lgan, shuningdek surunkali V gepatiti hamda surunkali S gepatiti bo‘lgan bemorlarni davolash tajribalariga asoslangan.

Rekombinant interferon alfa-2a ga yoki preparatning har qanday komponetiga yuqori sezuvchanlik. Yurakning mavjud bo‘lgan yoki o‘tkazilgan og‘ir kasalliklari (preparatning bevosita kardiotoksik ta’sir qilishiga ko‘rsatmalar yo‘q, biroq o‘tkir, o‘z-o‘zidan yo‘qoladigan, ko‘proq Roferon®-A preparati bilan davolashda yuz beradigan toksik samaralar (masalan, tana haroratini oshishi, et uvishishi) mavjud bo‘lgan yurak kasalliklarini zo‘rayishini chaqirish ehtimoli mavjud). Buyrak, jigar faoliyatini og‘ir darajadagi buzilishlari, qon yaratilishining miyeloid bo‘g‘inini o‘sishi. Tirishishlar va/yoki markaziy nerv tizimi faoliyatini boshqa buzilishlari. Yaqqol dekompensatsiyalangan surunkali gepatit. Steroidlar bilan qisqa muddatli davolashdan tashqari, yaqinda immunodepressantlar qabul qilgan yoki qabul qilayotgan bemorlardagi surunkali gepatit. Agar bemorda HLA bo‘yicha o‘xshash qarindoshi bo‘lsa va unga yaqin kelajakda suyak ko‘migini allogen transplantatsiyasini o‘tkazish yoki o‘tkazilishi mumkin bo‘lgan surunkali miyeloleykoz. 3 yoshgacha bo‘lgan bolalar (konservant sifatida benzil spirtini saqlaydi, mavjud bo‘lgan ma’lumotlarga ko‘ra, u nerv-ruhiy rivojlanishida jiddiy buzilishlar va poliorgan yetishmovchiligiga olib kelishi mumkin). Homiladorlikda, ribavirin bilan majmuaviy davolash o‘tkazilganida (shuningdek ribavirin uchun tibbiyotda qo‘llash bo‘yicha yo‘riqnomasiga qarang) qo‘llash mumkin emas.

Alfa interferonlar tsitoxrom R450 tizimining jigar mikrosomal fermentlari faolligini pasaytirib, oksidlanish metabolik jarayonlarini buzishi mumkin. Ushbu yo‘l bilan metabolizmga uchraydigan dori vositalari bilan bir vaqtda buyurilganida buni hisobga olish kerak. Alfa interferonlar bir vaqtda buyurilganidan keyin teofillinning klirensini pasayishi ta’riflangan. Interferonlar, ular bilan bir vaqtda yoki ilgari buyurilgan preparatlarning neyrotoksik, gematotoksik yoki kardiotoksik ta’sirlarini kuchaytirishi mumkin. O‘zaro ta’siri markaziy ta’sir qiluvchi preparatlar bir vaqtda buyurilganidan keyin kuzatilishi mumkin. Ribavirin bilan majmuaviy davolash o‘tkazilganida – ribavirin uchun o‘zaro ta’sirga qarang. Avastin (bevatsizumab) interferon alfa-2a ning farmakokinetikasiga ahmiyatli ta’sir ko‘rsatmaydi.

Patsiyentning tibbiy hujjatlarida preparatning savdo nomini ko‘rsatish kerak. Roferon®-A preparatini har qanday biologik preparatga almashtirish davolovchi shifokor bilan kelishuvni talab etadi. Ushbu yo‘riqnomada keltirilgan ma’lumot faqat Roferon®-A preparatiga tegishlidir. Roferon®-A preparatini muvofiq ko‘rsatmalar bo‘yicha davolash tajribasiga ega bo‘lgan shifokorning nazorati ostida buyurish kerak. Asosiy kasallik va asoratlarini tegishli davolashni faqat ularning adekvat diagnostik va terapevtik imkoniyatlari mavjud bo‘lganidagina o‘tkazish mumkin. Buyrak, jigar yoki suyak ko‘migining faoliyati yengil va o‘rtacha darajada buzilganida, ularning funktsional holatini sinchiklab nazorat qilish kerak. Jigar faoliyatini o‘zgarishi. Anamnezida autoimmun kasalliklari bilan kechuvchi surunkali gepatit bo‘lgan bemorlarni interferon alfa bilan davolashda ehtiyotkorlikka rioya qilishi kerak. Roferon®-A preparati bilan davolashda jigarning funktsional sinamalarini patologik o‘zgarishi paydo bo‘lgan har bir bemorni sinchiklab kuzatish va zarurati bo‘lganida preparatni bekor qilish kerak. Alfa interferon bilan davolashda jigar faoliyatini og‘ir darajadagi buzilishlari va jigar yetishmovchiligi kam hollarda kuzatilgan. Surunkali faol V gepatiti bilan xastalangan, shuningdek odam immun tanqisligi virusi (OITV) bilan infektsiyalangan patsiyentlarda Roferon®-A preparati samarasiz deb topilgan. Psixonevrologik o‘zgarishlar. Interferonlarni, shu jumladan Roferon®-A preparatini qabul qilayotgan bemorlarda og‘ir darajadagi ruxiy nojo‘ya reaktsiyalar kuchayishi mumkin. Depressiya, suitsidal fikrlari va o‘z joniga qasd qilish anamnezida ruxiy kasalliklari bo‘lgan ham, bo‘lmagan patsiyentlarda ham rivojlanishi mumkin. Anaznezida depressiyasi bo‘lgan bemorlarni Roferon®-A preparati bilan davolashda ehtiyot bo‘lish kerak. Depressiyani aniqlash maqsadida Roferon®-A preparatini qabul qilayotgan patsiyentlarni sinchiklab kuzatish tavsiya etiladi. Davolashni boshlashdan oldin depressiya rivojlanishi mumkinligi haqida patsiyentlarga axborot berish kerak, patsiyentlar esa depressiyaning har qanday belgilari paydo bo‘lganida darhol shifokorga xabar berishlari kerak; depressiya rivojlanganida psixiatrning maslahati va davolashni bekor qilish maqsadga muvofiqligi haqidagi masala hal qilinishi kerak. Miyelosupressiya. Og‘ir darajadagi miyelosupressiyasi bo‘lgan bemorlarda Roferon®-A preparatini juda ehtiyotkorlik bilan qo‘llash kerak, chunki interferon-alfa suyak ko‘migining faoliyatini susaytirib, leykotsitlar sonini (ayniqsa, granulotsitlar), trombotsitlar sonini va kam hollarda gemoglobinning darajasini pasaytiradi. Bu infektsiyalanish yoki qon ketishi xavfini oshishiga olib keladi. Roferon®-A preparati bilan davolashni boshlashdan oldin va davolash jarayonida bemorlarda bu o‘zgarishlarni diqqat bilan kuzatish va qonning kengaytirilgan tahlilini muntazam ravishda o‘tkazish kerak. Infektsiyalar. Isitma interferon bilan davolashda tez-tez kuzatiladigan grippsimon sindrom bilan qo‘shilishi mumkin. Doimiy davom etuvchi isitmada, ayniqsa neyropeniyasi bo‘lgan patsiyentlarda infektsiyani istisno qilish kerak. Interferon-alfa, shu jumladan Roferon®-A preparati bilan davolash fonida og‘ir infektsiyalarni (bakterial, virusli, zamburug‘li) rivojlanish hollari qayd etilgan. Og‘ir darajadagi infektsion asoratlar rivojlanganida interferonni bekor qilish va muvofiq davolashni buyurish kerak. Oftalmologik o‘zgarishlar. Boshqa interferonlar bilan davolash vaqtida bo‘lgani kabi, Roferon®-A preparati bilan davolashda retinopatiya (to‘r pardaga qon quyilishi, paxtali ekssudatlar, ko‘ruv nerv diskini shishi, ko‘zning to‘r pardasi markaziy arteriyasi va venasining trombozi) va ko‘rishni yo‘qolishiga olib kelishi mumkin bo‘lgan orqa ishemik neyropatiyani rivojlanish hollari qayd etilgan. Ko‘rish o‘tkirligini yomonlashishi yoki ko‘rishni yo‘qolishiga shikoyatlar paydo bo‘lganida bu bemorlarni oftalmologik tekshiruvdan o‘tkazish kerak. Qandli diabeti, arterial gipertenziyasi bo‘lgan patsiyentlarga davolashni buyurishdan oldin ko‘z tubi patologiyasini aniqlash uchun bemorlarni oftalmologik tekshiruvdan o‘tkazish kerak. Roferon®-A preparati yoki Roferon®-A/ribavirin preparatlari bilan davolashni oftalmologik kasalliklar rivojlanganida yoki yomonlashganida bekor qilish kerak. O‘ta yuqori sezuvchanlik reaktsiyalari. Interferonlar, shu jumladan interferon alfa-2a bilan davolash vaqtida zudlik bilan kechuvchi jiddiy o‘ta yuqori sezuvchanlik reaktsiyalari (eshakemi, angionevrotik shish, bronxospazm va anafilaksiya) kuzatiladi. Roferon®-A preparati yoki Roferon®-A/ribavirin preparatlari bilan davolashda bunday reaktsiyalar rivojlanganida davolash bekor qilinadi va darhol tegishli medikamentoz davolash buyuriladi. O‘tkinchi toshma davolashni bekor qilishni talab etmaydi. Endokrin tizimi tomonidan kuzatiladigan o‘zgarishlar. Roferon®-A preparati bilan davolash fonida kam hollarda giperglikemiya kuzatiladi. Giperglikemiyaning klinik belgilari mavjudligida qonda glyukozaning kontsentratsiyasini nazorat qilish va muvofiq, tarzda kuzatish kerak. Qandli diabet bilan xastalangan bemorlarda qandning miqdorini pasaytiruvchi preparatlarning dozasiga tuzatish kiritish talab etilishi mumkin. Autoimmun buzilishlar: Interferon-alfa bilan davolash vaqtida turli autoantitelalarni hosil bo‘lish hollari qayd etilgan. Interferonlar bilan davolashda autoimmun kasalliklarni klinik kechishi, ko‘proq bu kasalliklar rivojlanishiga moyilligi bo‘lgan bemorlarda rivojlanadi. Inteferon-alfa bilan davolash kam hollarda psoriazni zo‘rayishi yoki rivojlanishi bilan qo‘shiladi. Transplantatsiyadan keyin (masalan, buyrak yoki suyak ko‘migi) bemorlarda medikamentoz immunosupressiya kamroq samarali bo‘lishi mumkin, chunki interferonlar immun tizimiga rag‘batlantiruvchi ta’sir ko‘rsatadi. Boshqa interferon-alfalar qo‘llanganida bo‘lgani kabi, Roferon®-A preparatini olayotgan patsiyentlarda transplantatni ko‘chish hollari kuzatilgan. Ribavirin bilan majmuaviy davolash o‘tkazilganida – shuningdek ribavirin uchun ehtiyotkorlik choralariga qarang.

Homiladorlik Roferon-A olayotgan erkaklar va ayollar, kontratseptsiyaning ishonchli usullaridan foydalanishlari kerak. Homiladorlikda preparat, faqat davolashdan kutiladigan foyda, homila uchun mumkin bo‘lgan xavfdan ustun bo‘lgan holdagina buyurilishi kerak. Garchi hayvonlarda o‘tkazilgan tajribalar preparatning teratogenligidan dalolat bermasa ham, homiladorlik vaqtida uni qo‘llash homilaga zarar yetkazishi mumkinligini istisno qilib bo‘lmaydi. Makaka-rezuslarga homiladorlikning erta va o‘rta muddatlarida klinika uchun tavsiya etilgan dozalardan ancha yuqori dozalar yuborilganida, ularda bola tashlashlar sonining oshishi kuzatilgan. Preparatning tarkibida to‘ldiruvchi sifatida saqlanuvchi benzil spirti yo‘ldosh to‘sig‘i orqali o‘tishi mumkin. Roferon®-A preparati bevosita tug‘ishdan yoki kesarev kesish operatsiyasidan oldin buyurilganida chala tug‘ilgan chaqaloqlarga toksik ta’sir qilishi mumkinligini yodda tutish kerak. Homilador ayollar Roferon®-A preparatini ribavirin bilan majmuada qo‘llashlari mumkin emas. Roferon®-A preparatini ribavirin bilan majmuada olayotgan tug‘ish yoshidagi ayollar va tug‘ish yoshidagi ayollarning sheriklari-erkaklar kontratseptsiyaning ishonchli usullaridan foydalanishlari kerak (shuningdek, ribavirinning qo‘llash bo‘yicha yo‘riqnomasiga qarang). Emizish davrida qo‘llanishi Roferon®-A preparatini ko‘krak suti bilan chiqarilishi noma’lum. Emizishni to‘xtatish yoki preparatni bekor qilish haqidagi masala ona uchun davolashning muhimligiga qarab hal qilinishi kerak.

2-8oS haroratda, yorug‘likdan himoyalangan joyda saqlansin. Muzlatilmasin.

Dozani oshirib yuborilishi yuzasidan ma’lumotlar yo‘q, biroq interferonning katta dozalarini takroran yuborish chuqur letargiya, holsizlik, prostratsiya va koma bilan kechishi mumkin. Bunday bemorlarni kuzatish va tegishli saqlab turuvchi davolash choralarini o‘tkazish uchun shifoxonaga yotqizish kerak.

Retsept bo‘yicha

Teri ostiga yuborish uchun eritma 3 mln XB/0,5 ml, 4,5 mln XB/0,5 ml, 6 mln XB/0,5 ml yoki 9 mln XB/0,5 ml Preparat 3 mln XB/0,5 ml, 4,5 mln XB/0,5 ml, 6 mln XB/0,5 ml yoki 9 mln XB/0,5 ml dan korpusi shishadan tayyorlangan (YEF bo‘yicha I gidrolitik sinf), porsheni – plastmassadan tiqini ftorpolimer bilan laminatsiya qilingan butilkauchukdan tayyorlangan shprits tyubikda. Shprits tyubik boshqa tomondan ftorpolimer bilan laminatsiya qilingan butilkauchukdan tayyorlangan uchlik bilan berkitilgan. Inyektsiya uchun 1 steril igna germetik berkitilgan polietilen konteynerga joylangan. 1 shprits-tyubik konteyner, inyektsiya uchun igna va qo‘llash bo‘yicha yo‘riqnomasi bilan birga karton qutiga joylanadi.

2 yil.