Och-jigarrangdan to‘q–jigarrang ranggacha bo‘lgan o‘ziga xos hidli donador kukun. Oq rangli kristallar va oson sochiluvchan qumoqlar bo‘lishi mumkin. Kukunni 250 ml issiq suvda eritilganda, o‘ziga xos na’matak damlamasining mazasi bo‘lgan jigarrang rangli eritma hosil bo‘ladi.

O‘RK simptomlarini bartaraf qilish uchun vosita.

N02BE51

Yuqori harorat, etni uvishishi, bosh og‘rig‘i, bo‘g‘imlar va mushaklardagi og‘riqlar, burunning bitishi, tomoq va burun bo‘shliqlarining og‘rig‘i bilan birga kechuvchi infektsion-yallig‘lanish kasalliklarida (O‘RK, O‘RVI, gripp) qo‘llanadi.

Bir paketcha ichidagisi stakanga solinadi, qaynoq suv quyiladi, to‘liq erib ketguncha aralashtiriladi va qaynoq holida ichiladi. Kattalarga va 12 yoshdan oshgan bolalarga: 1 paketchadan har 4-6 soatda qabul qilinadi, ammo 24 soat davomida 4 paketchadan ortiq emas. 12 yoshgacha bo‘lgan bolalarga shifokor ko‘rsatmasi bo‘yicha qo‘llanilsin. Preparatni og‘riq qoldiruvchi vosita sifatida 5 kundan ortiq va isitmani tushiruvchi vosita sifatida 3 kundan ortiq qabul qilish tavsiya etilmaydi. Agar shamollash va gripp simptomlari saqlansa, shifokorga murojaat qilish lozim.

Paratsetamolning ta’siri bilan bog‘liq nojo‘ya ta’sirlari: allergik reaktsiyalar (teri toshmasi, eshakemi, angionevrotik shish); kam xollarda – trombotsitopeniya, leykopeniya, agranulotsitoz kuzatilishi mumkin. Fenilefrinning ta’siri bilan bog‘lik nojo‘ya ta’sirlari: ko‘ngil aynishi, bosh og‘rig‘i, arterial bosimni biroz oshishi, kam hollarda yurak urib ketishi (preparat bekor qilinganidan keyin o‘tib ketadi). Uzoq muddat yuqori dozalarda qo‘llanganida jigar va buyraklar funktsiyasining buzilishini havfi kuzatilishi mumkin. Noxush reaktsiyalar paydo bo‘lganida shifokorga murojaat qilish lozim.

MAO ingibitorlari, sedativ vositalar, etanolning samarasini kuchaytiradi. Antidepressantlar, parkinsonizmga qarshi va antipsixotik vositalar va fenotiazin hosilalari siydikni tutilishi, og‘izni qurishi, qabziyat xavfini oshiradi. Glyukokortikosteroidlar glaukomaning rivojlanishi xavfini oshiradi. Paratsetamol diuretik preparatlarining samaradorligini pasaytiradi. Galotan qorinchalar aritmiyasi xavfini oshiradi. Guanetdin fenilefrinning alfa-adrenostimulyatsiya qiluvchi, tritsiklik antidepressantlar – simpatomimetik samarasini kuchaytiradi. Bir vaqtda barbituratlar, difenin, karbamazepin, rifampitsin, zidovudin va jigarning mikrosomal fermentlarining boshqa induktorlari qabul qilinganida gepatotoksik ta’sirining rivojlanishini xavfi oshadi.

Metoklopramid, domperidon, kolestiramin, antikoagulyantlar (varfarin) qabul qilayotgan patsiyentlarga preparatni bir vaqtda buyurish zaruratini shifokor individual ravishda aniqlaydi. Homiladorlikda preparatni buyurish zaruratini shifokor individual ravishda hal qiladi. Jigarni paratsetamol bilan toksik shikastlanishidan saqlanish uchun, preparatni alkogol bilan qabul qilishdan saqlanish kerakligi to‘g‘risida patsiyentlarni xabardor qilish lozim. Preparatni surunkali alkogolizmi bo‘lgan patsiyentlarga buyurish tavsiya qilinmaydi. Preparatning faol komponentlari sedativ ta’sir ko‘rsatmasligi tufayli, tavsiya qilingan dozalarda avtomobilni haydash va mexanizmlar bilan ishlashga cheklanishlar yo‘q. Preparatni bolalar ololmaydigan joyda saqlash va uni yaroqlilik muddati o‘tgach ishlatmasin.

Quruq, yorug‘likdan himoyalangan joyda, 250S yuqori bo‘lmagan haroratda saqlansin.

Dozani oshirib yuborilish hollarida, jigarning jiddiy shikastlanishining muddati kechikkan belgilarining paydo bo‘lishini xavfi bor. Preparat dozasini oshirib yuborilishi, paratsetamolning ta’siri bilan bog‘liq bo‘lishi mumkin. Simptomlari: teri qoplamalarining oqarishi, anoreksiya, ko‘ngil aynishi, qusish, jigar transaminazalarining faolligini oshishi, gepatonekroz, protrombin vaqtini oshishi. Davolash: me’dani yuvish, faollashtirilgan ko‘mirni buyurish, simptomatik davolash. Paratsetamol bilan zaharlanishda maxsus antidoti N-atsetiltsisteindir.

Retsept bo‘yicha

Ichga qabul qilish uchun eritma tayyorlash uchun na’matak ta’mli kukun 5 va 10 g dan paketchalarda. 5, 10, 25, yoki 50 paketchalarda qo‘llash bo‘yicha yo‘riqnomasi bilan birga karton qutiga joylangan.

3 yil.