Pushti rangli bo‘lgan o‘ziga xos hidli donador kukun. Kukunni 50 ml issiq suvda eritilganda, o‘ziga xos pushti rangli eritma hosil bo‘ladi.

O‘RK simptomlarini bartaraf qilish uchun vosita.

N02BE51

Paratsetamol: so‘rilishi – ichga qabul qilingach, ichakning yuqori qismida to‘liq va tez so‘riladi, uglevod miqdori yuqori bo‘lgan ovqat qabul qilinganida esa – sekin. Odatdagi og‘riqni qoldiruvchi dozada oqsillar bilan kam bog‘lanadi. Taxminan 90-95% jigarda metabolizmga uchraydi. Qondagi cho‘qqi kontsentratsiyasiga 30-90 minutdan so‘ng erishiladi. Yarim chiqarilish davri 1-4 soat, buyrak yetishmovchiligida o‘zgarmaydi, ammo jigar kasalliklarida va doza oshirib yuborilganida, chaqaloqlarda va qariyalarda uzayishi mumkin. Organizmdan buyrak orqali chiqariladi. Xlorfeniramin maleati: so‘rilishi – ichga qabul qilinganida me’da-ichak yo‘llaridan yaxshi so‘riladi. Oqsillar bilan bog‘lanishi yuqori (72%). Biotransformatsiyasi jigarda, hamda buyrakda kechadi. Yarim chiqarilish davri 14-25 soat. Organizmdan buyrak orqali metabolitlar ko‘rinishida chiqariladi.

2 yosh va undan katta bolalarda gripp va yallig‘lanish kasalliklarining simptomlarini yengillashtirish uchun qo‘llanadi.

Paket ichidagisini ichga, ovqat qabul qilishdan qat’iy nazar, qabul qilishdan oldin 150 ml iliq suv bilan eritib qabul qilinadi. Bir martalik doza 2­5 yosh bolalar uchun 1 paketchani, 6­12 yosh bolalar uchun 2 paketchani tashkil qiladi. Zarurati bo‘lganida har 4­6 soatda takroran qabul qilish mumkin, lekin sutkada 3 dozadan oshmasligi kerak. Davolashning umumiy davomiyligi 5 kundan oshmasligi kerak. Preparatni keyinchalik faqat shifokor maslahatidan so‘ng qo‘llash mumkin.

Moil shaxslarda uyquchanlik, reaktsiyaning sekinlashishi, qorin sohasida og‘riq, ko‘ngil aynishi, qusish, ich ketishi, qon yaratilishining buzilishi, allergik reaktsiyalar kamdan­kam yuzaga kelishi mumkin.

Preparatning komponentlariga shaxsiy yuqori sezuvchanlik. Jigar va buyrak faoliyatini yaqqol buzilishlari. Ikki yoshgacha bo‘lgan bolalarda qo‘llash mumkin emas.

Rinomaks Kids preparatini barbituratlar, difenin, tirishishga qarshi vositalar, rifampitsin, butadion bilan bir vaqtda qo‘llashda gepatotoksik ta’sir rivojlanish xavfi oshadi. Levomitsetin (xloramfenekol) bilan bir vaqtda qabul qilishda levomitsetinning toksikligi oshishi mumkin. Varfarin va boshqa kumarin hosilalarining antikoagulyant samarasi paratsetamolni uzoq vaqt muntazam qabul qilinganda kuchayishi mumkin, bu qon ketish xavfini oshiradi.

2 yoshgacha bo‘lgan bolalarga Rinomaks Kids preparatini faqat shifokor ko‘rsatmasi bo‘yicha berish mumkin. Qonda siydik kislotasi va qand miqdorini aniqlash uchun tekshirishlar o‘tkazilganda shifokorga Rinomaks Kids preparatini qabul qilinayotganligi haqida xabar bering. Preparatni 7 kundan ortiq vaqt mobaynida qabul qilganda periferik qon ko‘rsatkichlarini va jigarning funktsional holatini nazorat qilish tavsiya etiladi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Simptomlari: Paratsetamol bilan o‘tkir zaharlanish belgilari bo‘lib ko‘ngil aynishi, qusish, me’dada og‘riq, terlash, teri qoplamalarini oqarishi hisoblanadi. 1-2 sutkadan keyin jigar shikastlanishining belgilari (jigar soxasida og‘riqlar, jigar fermentlari faolligini oshishi) aniqlanadi. Og‘ir xollarda jigar yetishmovchiligi, entsefalopatiya va koma holati rivojlanadi. Uzoq vaqt davomida tavsiya qilingan dozadan yuqori dozada qabul qilinsa, gepatotoksik va nefrotoksik ta’sirlar kuzatilishi mumkin (buyrak sanchig‘i, nospetsifik bakteriuriya, interstitsial nefrit, papillyar nekroz). Davolash: Preparat qabul qilishni to‘xtatish va zudlik bilan shifokorga murojaat qilish zarur. Me’dani yuvish va enterosorbentlarni (faollashtirilgan ko‘mir, polifepan) qabul qilish. Paratsetamol bilan zaharlanishda spetsifik antidot bo‘lib atsetiltsistein hisoblanadi. Tasodifan dozani oshirib yuborilgan hollarda, garchi bola o‘zini yaxshi his qilsa ham, darhol tibbiy yordamga murojaat qilish lozim.

Retseptsiz

10 g dan kukun paketchalarda joylangan. 5, 10, 25 yoki 50 paketchalar mos ravishdagi yo‘riqnomalar bilan birga karton qutiga joylangan.

3 yil.