oq, uzunchoq, ikki tomonlama qavariq, bir tomonida bo‘lish uchun chizig‘i va boshqa tomoni silliq bo‘lgan plyonka qobiq bilan qoplangan tabletkalar.

peroral gipoglikemik vosita (biguanidlar guruhi).

A10VA02.

Metforminning dozasi peroral qabul qilinganidan so‘ng maksimal kontsentratsiyasiga (Tmax) 2,5 soatdan keyin erishadi. Mutloq biokiraolishligi 50-60% ni tashkil etadi. Preparatning dozasi peroral qabul qilinganida so‘rilmagan va axlat bilan chiqariladigan fraktsiyasi 20-30 % ni tashkil etadi. Peroral qabul qilinganida metforminni so‘rilishi to‘liq emas va to‘yinish hususiyatiga ega. Metformin noto‘g‘ri proportsional farmakokinetikaga ega deb hisoblanadi. Tavsiya etilgan dozalarda va odatdagi qabul qilish oraliqlarida plazmada kontsentratsiyasiga nisbatan muvozanatli holatiga 24-48 soatdan keyin erishiladi. Odatda kontsentratsiyasi 1 mg/ml dan kam qiymatni tashkil etadi. Plazmada metforminning maksimal kontsentratsiyasi maksimal dozada qabul qilinganida 4 mg/ml dan oshmaydi. Ovqatlanish metforminni so‘rilishini kamaytiradi va biroz tormozlaydi. Plazma oqsillari bilan bog‘lanishi ahamiyatsiz darajada. Metformin siydik bilan o‘zgarmagan holda chiqariladi. Peroral qabul qilinganidan so‘ng yarim chiqarilish davri taxminan 6,5 soatni tashkil etadi. Buyrak faoliyati pasayganida buyrak klirensi kreatinin klirensiga proportsional ravishda pasayadi, shu sababli yarim chiqarilish davri uzayadi va plazmada metforminning kontsentratsiyasi oshadi.

Kattalarda qandli diabetning II tipi (insulinga qaram bo‘lmagan) (shu jumladan parhez bilan davolash samarasiz bo‘lganida), ayniqsa semirish bilan kechuvchi hollarda – monoterapiya ko‘rinishida, shuningdek sulfonilmochevina va glitazon preparatlari bilan birga qo‘llanadi. Insulin bilan majmuada – qandli diabetning II tipida insulinga ikkilamchi rezistentlik va yaqqol semizlik bo‘lgan hollarda qo‘llanadi. Semizlikni (shu jumladan alimentar, gipofiz kasalliklaridagi, Pikkvik sindromidagi semizlikni) majmuaviy davolashda qo‘llanadi.

Dozani qondagi glyukozaning darajasiga qarab, shaxsiy ravishda belgilanadi. Ovqat vaqtida yoki bevosita ovqatdan keyin chaynamasdan yetarli miqdordagi suyuqlik bilan birga qabul qilinadi. Insulin qabul qilmaydigan bemorlarga metformin 500-1000 mg dan birinchi haftada kuniga 2 marta (500 mg dan 1 tabletka yoki 500 mg dan 2 tabletka, yoki 1000 mg dan 1 tabletka) buyuriladi; glikemiyaning darajasiga qarab, doza 1 haftalik oraliq bilan sutkada 500 mg ga 1000 mg dozagacha oshirib (500 mg dan 2 tabletka yoki 1000 mg dan 1 tabletka), kuniga 3 marta buyuriladi. Qo‘llash davomiyligi shifokor tomonidan belgilanadi. Samarani bir maromda saqlab turuvchi sutkalik doza – sutkada 1000-2000 mg (500 mg dan 2-4 tabletka yoki 1000 mg dan 2 tabletka) ni tashkil qiladi. Maksimal sutkalik doza – 3 g (500 mg dan 6 tabletka yoki 1000 mg dan 3 tabletka). 10 yoshdan oshgan bolalarda boshlang‘ich doza 500 mg kuniga 2-3 marta ovqatdan keyin yoki ovqat vaqtida qabul qilinadi, qondagi glyukozaning darajasini o‘lchash asosida har 10-15 kunda dozaga tuzatish kiritish bilan buyuriladi. Bolalar uchun maksimal doza 2000 mg; 2-3 marta qabulga bo‘linadi. Sutkada 40 TB dan kamroq dozadagi insulin bilan qo‘llanganida, dori vositasining dozalash tartibi monoterapiyadagi kabi bo‘ladi, bunda insulinning dozasini asta-sekin (kunora sutkada 4-8 TB ga) pasaytirish mumkin. Insulinning dozasi sutkada 40 TB dan ko‘p bo‘lganida metforminni qo‘llash va insulinning dozasini pasaytirish statsionarda o‘tkaziladi, odatdagi boshlang‘ich dozasi 500 mg sutkada 2-3 marta yoki sutkada 1 marta 1000 mg ni tashkil qiladi. Alimentar semizlikni davolashda jismoniy yuklamalar tartibi fonida majmuaviy davolash tarkibida 1000-2000 mg dozada (1000 mg dan 1-2 tabletka) sutkada bir marta qabul qilinadi.

Ovqat hazm qilish tizimi tomonidan: davolashning boshida – ko‘ngil aynishi, qusish, og‘izda “metall” ta’mi, ishtahani pasayishi, dispepsiya, meteorizm, qorin og‘rig‘i. Ushbu nojo‘ya samaralarni, dori vositasini ovqatdan oldin yoki ovqatdan keyin qabul qilib, uning dozasini asta-sekin oshirish yo‘li bilan kamaytirish mumkin. Gepatobiliar tizim tomonidan: jigar faoliyatini buzilishi, dori gepatiti haqida yakka xabarlar bor, metformin bekor qilinganidan keyin ushbu ko‘rinishlar tez yo‘qoladi. Moddalar almashinuvi tomonidan: ayrim hollarda (doza oshirib yuborilganida, “Qo‘llash mumkin bo‘lmagan holatlar” bo‘limida keltirilgan kasalliklar bo‘lganida, alkogolizmda) – laktoatsidoz. Uzoq muddat qo‘llanganida, odatda klinik ahamiyatga ega bo‘lmagan va metformin bilan davolash to‘xtatilganida tez o‘tib ketadigan V12 vitaminini so‘rilishini buzilishi bo‘lishi mumkin. Qon yaratish a’zolari tomonidan: kam – megaloblast anemiya. Allergik reaktsiyalar: juda kam – eritema, qichishish, teri toshmasi. Nojo‘ya samaralari paydo bo‘lgan hollarda dozani kamaytirish yoki preparatni vaqtincha bekor qilish kerak.

metformin va boshqa biguanidlarga o‘ta yuqori sezuvchanlik;diabetik ketoatsidoz, diabetik prekoma va koma;surunkali buyrak yetishmovchiligi (zardobdagi kreatinining darajasi erkaklarda 1,5 mg/dl va ayollarda 1,4 mg/dl dan ortiq yoki kreatinin klirensi minutiga 60 ml dan kamroq bo‘lganida);jigar faoliyatini buzilishi (jigar faoliyatining yetishmovchiligi Chayld-Pyu bo‘yicha II darajadan yuqori);laktoatsidozni rivojlanishiga yordam berishi mumkin bo‘lgan holatlar, shu jumladan surunkali yurak yetishmovchiligi, o‘tkir miokard infarkti, nafasni buzilishi, miyada qon aylanishini o‘tkir buzilishi, degidratatsiya, alkogol bilan qabul qilish;laktoatsidoz (shu jumladan anamnezdagi);gipokaloriyali parhez (sutkada 1000 kkal dan kam);homiladorlik va laktatsiya davri;10 yoshgacha bo‘lgan bolalarda qo‘llash mumkin emas;dori vositasi jarrohlik muolajalari, kontrast dori vositalarini yuborish bilan o‘tkazilgan radioizotop, rentgenologik tekshiruvlardan 2 sutka oldin va ular o‘tkazilganidan keyin 2 sutka davomida buyurilmaydi.

Etanol, halqali diuretiklar, yod saqlovchi rentgenokontrast vositalar bilan nomutanosib, chunki laktoatsidozning xavfi oshadi, ayniqsa och qolgan holda yoki past kaloriyali parhezda. Metforminni qo‘llash vaqtida alkogolli ichimliklar va etanol saqlovchi dori vositalarini iste’mol qilishdan saqlanish kerak. Rentgenologik tekshirish o‘tkazilganda dori vositasini 48 soat oldin bekor qilish kerak va tekshirish o‘tkazilganidan keyin 2 sutka davomida qabul qilmaslik kerak. Bevosita antikoagulyantlar va tsimetidin bilan birga ehtiyotkorlik bilan buyuriladi. Sulfonilmochevina hosilalari, insulin, akarboza, monoaminooksidaza ingibitorlari (MAO), oksitetratsiklin, angiotenzin-aylanuvchi ferment (AAF) ingibitorlari, klofibrat, tsiklofosfamid va salitsilatlar metforminning ta’sirini kuchaytiradi. Glyukokortikosteroidlar, majmuaviy oral kontratseptivlar, epinefrin, glyukagon, tireoid gormonlar, fenatiazin hosilalari, nikotin kislotasi, tiazid diuretiklar bilan bir vaqtda qo‘llanganida metforminning ta’siri kamayishi mumkin. Nifedipin metforminni so‘rilishini, Cmax ni oshiradi, chiqarilishini sekinlashtiradi. Kation moddalar (amilorid, digoksin, morfin, prokainamid, xinidin, xinin, ranitidin, triamteren va vankomitsin) naychalardagi transport tizimlari uchun raqobatlashadilar va uzoq vaqt davolanganda Smax ni 60% ga oshirishi mumkin.

Davolash vaqtida buyraklar faoliyatini nazorat qilish kerak; plazmada laktatni aniqlashni yilda kamida 2 marta, shuningdek mialgiya paydo bo‘lganida ham o‘tkazish kerak. Degidratatsiya xavfi bo‘lganida buyurish tavsiya qilinmaydi. Rentgenokontrast vositalarni vena ichiga yuborish bilan tekshirish, jarrohlik muolajalari va jarohatlar, katta ko‘lamdagi kuyishlar, isitma sindromi bilan kechuvchi yuqumli kasalliklar, peroral gipoglikemik vositalarni bekor qilishni va insulinni buyurishni talab qilish mumkin. Insulin bilan davolash jarrohlik muolajasi yoki rentgenologik tekshiruvidan 2 kun oldin boshlanadi va undan keyin kamida 2 kun davomida davom ettiriladi. Sulfonilmochevina hosilalari bilan birga qo‘llanganida glikemiyani sinchiklab nazorat qilish kerak. Insulin bilan majmuaviy qo‘llashni statsionarda o‘tkazish tavsiya qilinadi.

25oS dan yuqori bo‘lmagan haroratda saqlansin.

Retsept bo‘yicha

10 tabletkadan kontur uyali o‘ramda. 10 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

2,5 yil.