oq yoki deyarli oq rangli liofilizatlangan kukun yoki g‘ovaksimon massa. Ampuladagi erituvchi: inyektsiya uchun suv – 5 ml.

suyak rezorbtsiyasining ingibitori – bisfosfonat.

M05VA08.

Suyak metastazlarida preparatning farmakokinetikasi yuzasidan ma’lumotlar 64 patsiyentga zoledron kislotasi 2, 4, 8 va 16 mg dozalarda bir marta va 5 hamda 15 minut orasida takroran yuborilgandan so‘ng olingan. Preparatning farmakokinetik parametrlari dozasiga bog‘liq emas. Infuziya boshlanganidan so‘ng qon zardobidagi kontsentratsiyasi tez oshadi, infuziyani yakunida cho‘qqiga yetadi, keyinchalik kontsentratsiyani tez kamayishi 4 soatdan so‘ng 10% ga, 24 soatdan so‘ng – cho‘qqi kontsentratsiyasida 1% dan kamroq qiymatga kamayishi, so‘ngra takroriy infuziyadan oldin 28 kuni maksimal kontsentratsiyasining 0,1% dan oshmaydigan past kontsentratsiyalarini uzoq davri aniqlanadi. Vena ichiga yuborilgan zoledron kislotasi buyraklar orqali uch bosqichda chiqariladi: preparatni tizimli qon oqimidan muvofiq 0,24 va 1,87 soatlik yarim chiqarilish davridan iborat bo‘lgan ikki bosqichli tez chiqarilishi, 146 soatdan tashkil topgan, yakuniy yarim chiqarilish davridan iborat bo‘lgan davomli bosqich. Preparat har 28 kunda takroran yuborilganida uning kumulyatsiyasi aniqlanmagan. Zoledron kislotasi metabolizmga uchramaydi va buyraklar orqali o‘zgarmagan holda chiqariladi. Zoledron kislotasi odamdagi tsitoxrom R450 izofermentlar tizimini ingibitsiya qilmaydi. Birinchi 24 soat davomida siydikda yuborilgan dozaning 39±16% aniqlanadi. Preparatning qolgan miqdori asosan suyak to‘qimasi bilan bog‘lanadi. So‘ngra zoledron kislotasini suyak to‘qimasidan tizimli qon oqimiga asta-sekin ajralib chiqishi va buyraklar orqali chiqarilishi yuz beradi. Preparatning umumiy plazma klirensi soatiga 5,04±2,5 l ni tashkil etadi va u preparatning dozasi, patsiyentning jinsi, yoshi, irqiy mansubligi va tana vazniga bog‘liq emas. Infuziyaning davomiyligini 5 minutdan 15 minutgacha oshishi zoledron kislotasining kontsentratsiyasini infuziya oxirida 30% ga kamayishiga olib keladi, lekin “kontsentratsiya-vaqt” egri chizig‘i ostidagi maydon (AUC) ga ta’sir qilmaydi. Giperkaltsiyemiya yoki jigar faoliyatini yetishmovchiligi bo‘lgan patsiyentlarda farmakokinetik tadqiqotlar o‘tkazilmagan. In vitro sharoitlarida olingan ma’lumotlarga ko‘ra, zoledron kislotasi odamdagi tsitoxrom R450 izofermentlar tizimini ingibitsiya qilmaydi va biotransformatsiyaga uchramaydi, bu jigar faoliyatining holati zoledron kislotasining farmakokinetikasiga biron-bir ahamiyatli ta’sir qilmaydi deb taxmin qilish imkonini beradi. Preparatning dozasini 3% dan kamroq qismi ichak orqali chiqariladi. Zoledron kislotasining buyrak klirensi kreatinin klirensi (KK) bilan ijobiy mos keladi va tadqiqotga kiritilgan 64 nafar patsiyentlarda o‘rtacha 84±29% (minutiga         22-143 ml oraliq) ni tashkil qiluvchi kreatinin klirensidan 75±33% ni tashkil qiladi. Populyatsiyani tahlil qilish, og‘ir darajadagi (kreatinin klirensi ≤ 20 ml/min) yoki o‘rtacha darajadagi (kreatinin klirensi minutiga 20-50 ml) buyrak yetishmovchiligi bo‘lgan patsiyentlarda zoledron kislotasining hisoblangan klirensi, kreatinin klirensi ≥ 84 ml/min bo‘lgan patsiyentlardagi zoledronatning klirensi ko‘rsatkichlaridan muvofiq ravishda 37% va 72% ni tashkil qilishini ko‘rsatdi. Og‘ir darajadagi buyrak yetishmovchiligi (kreatinin klirensi minutiga 30 ml dan kam) bo‘lgan patsiyentlar uchun cheklangan farmakokinetik ma’lumotlar olingan. Zoledron kislotasini qon komponentlarigi yaqinligini pastligi, plazma oqsillari bilan bog‘lanishi pastligi (taxminan 56%) va preparatning kontsentratsiyasiga bog‘liq emasligi ko‘rsatilgan.

xavfli o‘smalar tomonidan induktsiyalangan giperkaltsiyemiya (albumin bo‘yicha muvofiqlashtirilgan zardobdagi kaltsiyning kontsentratsiyasi ≥ 12 mg/dl yoki 3 mmol/l);xavfli solid o‘smalar va miyeloma kasalligida suyaklarni metastatik shikastlanishida (suyaklarni patologik sinishlar havfi, orqa miyani kompressiyasi, o‘sma sabab bo‘lgan giperkaltsiyemiyani kamaytirish uchun va nur terapiyasini o‘tkazishga bo‘lgan talabni kamaytirish uchun) qo‘llanadi.

Vena ichiga kamida 15 minut davomida tomchilab yuboriladi. Suyak metastazlarida va ko‘psonli miyelomadagi osteolitik o‘choqlarda tavsiya qilingan doza 4 mg ni tashkil qiladi har 3-4 haftada yuboriladi. Qo‘shimcha ravishda ichga kaltsiyni sutkada 500 mg dozada va D vitaminini sutkada 400 XB dozada buyurish tavsiya qilinadi. Xavfli o‘smalar oqibatidagi giperkaltsiyemiyada (albuminning darajasi bo‘yicha muvofiqlashtirilgan kaltsiyning kontsentratsiyasi ≥ 12 mg/dl yoki 3 mmol/l) tavsiya qilingan doza, 4 mg ni tashkil qiladi, bir marta yuboriladi. Infuziya patsiyent adekvat ravishda gidratatsiya qilinadigan sharoitda o‘tkaziladi.

A’zolar va a’zolar tizimi bo‘yicha quyida keltirilgan noxush reaktsiyalar, ularni uchrash tezligi bo‘yicha ko‘rsatilgan. Uchrash tezligi mezonlari: juda tez-tez (≥ 1/10), tez-tez (≥°1/100, < 1/10), ba’zida (≥ 1/1000, < 1/100), kam hollarda (≥ 1/10000, < 1/1000), juda kam (< 1/10000), shu jumladan ayrim xabarlar. Qon yaratish a’zolari tomonidan: tez-tez – anemiya, ba’zida – trombotsitopeniya, leykopeniya; kam hollarda – pantsitopeniya. Nerv tizimi tomonidan: tez-tez – bosh og‘rig‘i; ba’zida – bosh aylanishi, parasteziyalar, ta’m sezishni buzilishlari, gipesteziya, giperesteziya, tremor, havotirlik hissi, uyquni buzilishi; kam hollarda – ongni chalkashishi. Ko‘rish a’zolari tomonidan: tez-tez – kon’yunktivit; ba’zida – ko‘rishni “noaniqligi”; juda kam hollarda – uveit, episklerit. Me’da-ichak yo‘llari tomonidan: tez-tez – ko‘ngil aynishi, qusish, anoreksiya; ba’zida – diareya, qabziyat, abdominal og‘riqlar, dispepsiya, stomatit, og‘izni qurishi. Nafas tizimi tomonidan: ba’zida – hansirash, yo‘tal. Teri va teri hosilalari tomonidan: ba’zida – qichishish, toshma (shu jumladan eritematoz va makulyar), kuchli terlash. Suyak-mushak tizimi tomonidan: tez-tez – suyaklarda og‘riq, mialgiya, artralgiya, tarqalgan og‘riqlar; ba’zida – mushak tirishishlari. Yurak-qon tomir tizimi tomonidan: ba’zida – arterial bosimni yaqqol oshishi yoki pasayishi; kam hollarda – bradikardiya. Chiqarish tizimi tomonidan: tez-tez – buyrak faoliyatini buzilishi; ba’zida – o‘tkir buyrak yetishmovchiligi, gematuriya, proteinuriya. Immun tizimi tomonidan: ba’zida – yuqori sezuvchanlik reaktsiyalari; kam hollarda – angionevrotik shish. Laboratoriya ko‘rsatgichlari tomonidan: juda tez-tez – gipofosfatemiya; tez-tez – kreatinin va mochevinaning zardobdagi kontsentratsiyalarini oshishi, gipokaltsiyemiya; ba’zida – gipomagniyemiya, gipokaliyemiya; kam hollarda – giperkaliyemiya, gipernatriyemiya. Mahalliy reaktsiyalar: preparat yuborilgan joyda og‘riq, ta’sirlanishi, shish, infiltratni hosil bo‘lishi. Boshqalar: tez-tez – isitma, grippsimon simptomlar (umumiy lanjlik, etni uvishishi, og‘riqlik holati, qizib ketishdan iborat), ba’zida – asteniya, periferik shishlar, ko‘krak qafasida og‘riq, tana vaznini oshishi. Patsiyentlarni bisfosfonatlar, shu jumladan zoledron kislotasi bilan davolaganda, ba’zida jag‘ osteonekrozini rivojlanish hollari (odatda tish olingandan keyin yoki boshqa stomatologik aralashuvdan keyin) aniqlangan. Juda kam hollarda, zoledron kislotasi bilan davolanish fonidagi arterial bosimni pasayishi hushdan ketishga yoki tsirkulyator kollapsga olib kelgan.

zoledron kislotasiga, boshqa bisfosfonatlarga yoki preparatning tarkibiga kiruvchi har qanday boshqa komponentlariga yuqori sezuvchanlik.yaqqol buyrak yetishmovchiligi (kratinin klirensi minutiga 30 ml dan kam);homiladorlik va emizish davri;bolalar va o‘smirlar (qo‘llash xavfsizligi va samaradorligi aniqlanmagan) da qo‘llash mumkin emas.

Erituvchi sifatida tarkibida kaltsiy saqlovchi eritmalarni, xususan Ringer eritmasini ishlatish mumkin emas. O‘smalarga qarshi dori vositalari, diuretiklar, antibiotiklar, analgetiklar bilan bir vaqtda qo‘llanganida klinik jihatdan ahamiyatli o‘zaro ta’sirlar aniqlanmagan. Bisfosfonatlar va aminoglikozidlar qon zardobidagi kaltsiyning kontsentratsiyasiga bir tomonga yo‘naltirilgan ta’sir ko‘rsatadi, shuning uchun ular bir vaqtda buyurilganida gipokaltsiyemiya va gipomagniyemiyani rivojlanish xavfi oshadi. Gipokaltsiyemiya, gipofosfatemiya yoki gipomagniyemiya rivojlanganida muvofiq moddalarni qisqa muddatga qo‘shimcha yuborish zarurati tug‘ilishi mumkin. Davolanmagan giperkaltsiyemiyasi bo‘lgan patsiyentlarda, odatda buyrak faoliyatini buzilishi bo‘ladi, shuning uchun ushbu patsiyentlar toifasida buyrak faoliyatini sinchkov monitoring o‘tkazish kerak. Suyak metastazlari bo‘lgan patsiyentlarni zoledron kislotasi bilan davolash masalasini hal qilishda, terapevtik samarasi zoledron kislotasi bilan davolash boshlanganidan so‘ng 2-3 oydan keyin kuzatilishini e’tiborga olish kerak. Zolendron kislotasini potentsial nefrotoksik ta’sirga ega bo‘lgan preparatlar bilan bir vaqtda qo‘llanganida ehtiyotkorlikka rioya qilish kerak. Ko‘p sonli miyelomasi bo‘lgan patsiyentlarda bisfosfonatlarni talidomid bilan majmuada vena ichiga yuborilganida buyraklar faoliyatini buzilishlarini rivojlanish xavfi oshishi mumkin. Yuqorida ta’riflangan asoratlarni rivojlanish havfi zoledron kislotasi 4 mg dozada kamida 15 minut davomida yuborilishiga qaramasdan, buyrak faoliyatini buzilish ehtimoli saqlanib qoladi. Zoledron kislotasi birinchi marta yoki bir marta qo‘llanganida buyrak faoliyatini yomonlashishi, buyrak yetishmovchiligini zo‘rayib borishi va gemodializ o‘tkazish zaruratini rivojlanish hollari kuzatilgan. Preparatni boshqa dori vositalari bilan aralashtirish mumkin emas.

Infuziyadan oldin patsiyentga adekvat ravishda gidratatsiya o‘tkazilganligiga ishonch hosil qilish kerak. Zarurat bo‘lganida, zoledron kislotasini infuziya qilishdan oldin, parallel ravishda yoki undan keyin fiziologik eritmani yuborish tavsiya etiladi. Yurak-qon tomir tizimi tomonidan asoratlarni rivojlanish xavfi borligi tufayli patsiyentni gipergidratatsiyasiga yo‘l qo‘ymaslik kerak. Preparat yuborilganidan so‘ng qon zardobida kaltsiy, magniy, fosfor va kreatininning kontsentratsiyasini doimo nazorat qilish kerak. Zoledron kislotasi bilan davolash fonida buyrak faoliyatini sinchiklab kuzatish kerak. Buyrak faoliyatini buzilishini rivojlanish xavf omillariga degidratatsiya, mavjud bo‘lgan buyrak yetishmovchiligi, zoledron kislotasi yoki boshqa bisfosfonatlarni ko‘p marta yuborish, shuningdek nefrotoksik dori vositalarni qo‘llanishi va preparatni haddan tashqari tez yuborish kiradi. Atsetilsalitsil kislotasiga sezuvchan bo‘lgan bronxial astma bilan xastalangan patsiyentlarga, boshqa bisfosfonatlar buyurilganida bronxospazm hollari aniqlanganini nazarda tutish kerak, biroq zoledron kislotasi qo‘llanganida bunday holatlar hali qayd qilinmagan. Bisfosfonatlar bilan, shu jumladan zoledron kislotasi bilan davolanish fonida, onkologik bemorlarda jag‘ osteonekrozini rivojlanish holatlari ta’riflangan, shuning uchun bisfosfonatlar bilan davolashni boshlashdan oldin stomatologik tekshiruv o‘tkazish kerak va xavf omillari (anemiya, koagulopatiya, infektsiyalar, gigiyenaga rioya qilmaslik yoki og‘iz bo‘shlig‘ini kasalliklari, yo‘ldosh kimyo- yoki nur bilan davolash, kortikosteroidlar bilan davolash) bo‘lganida tegishli profilaktik muolajalarni o‘tkazish kerak. Xavf omillari bo‘lgan bemorlarni zoledron kislotasi bilan davolash fonida, iloji boricha stomatologik operativ aralashuvlardan saqlanish kerak. Homilador ayollar va emizish davridagi ayollar, bolalarga preparatni tibbiy qo‘llash xususiyatlari Homiladorlik va emizish davrida preparatni qo‘llash mumkin emas. Bolalar va o‘smirlik yoshida preparatni qo‘llash mumkin emas, chunki preparatni qo‘llash havfsizligi va samaradorligi aniqlanmagan. Avtomobilni va boshqa mexanizmlarni boshqarish qobiliyatiga ta’siri Transport vositalarini boshqarish va murakkab mexanizmlar bilan ishlash qobiliyatiga preparatning ta’siri yuzasidan tekshirishlar o‘tkazilmagan. MNT tomonidan nojo‘ya samaralar kuzatilganida diqqatni jamlash va ruhiy hamda harakat reaktsiyalarining tezligini talab etuvchi faoliyatlarni bajarishdan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘liqdan himoyalangan joyda, 250S dan yuqori bo‘lmagan haroratda saqlansin. Tayyorlangan eritma: 5oS dan 25oS gacha bo‘lgan haroratda saqlansin.

Zoledron kislotasining dozasi oshirib yuborilganida buyrak faoliyatini buzilishi, shu jumladan buyrak yetishmovchiligi, qon plazmasida elektrolitlar tarkibini, shu jumladan kaltsiy, fosfatlar va magniyning kontsentratsiyasini o‘zgarishi bo‘lishi mumkin. Doza behosdan oshirib yuborilganida patsiyent doimiy kuzatuv ostida bo‘lishi lozim. Klinik ko‘rinishlari bilan kechuvchi gipokaltsiyemiya rivojlanganida kaltsiy glyukonatini infuziya qilish ko‘rsatilgan.

Retsept bo‘yicha

4,0 mg zoledron kislotasini (quruq moddaga qayta hisoblanganida) saqlovchi liofilizat 10 ml sig‘imli to‘q rangli neytral shisha flakonlarda, rezina tiqin bilan germetik berkitilgan, alyumin-plastik qalpoqcha bilan mahkamlangan. 5 ml dan erituvchi (“Inyektsiya uchun suv”) ochish uchun tortish halqasiga ega yoki sindirish nuqtasi bo‘lgan yoki bo‘lmagan neytral shisha ampulalarda. Preparatli 1 flakon va erituvchili 1 ampula (“Inyektsiya uchun suv”) kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Liofilizat – 3 yil. Tayyorlangan eritma – 24 soat. Erituvchi (“Inyektsiya uchun suv”) – 5 yil. O‘ramining yaroqlilik muddati eng kam yaroqlilik muddatiga ega bo‘lgan komponenti bo‘yicha belgilanadi.