O‘RK simptomlarini bartaraf qilish uchun vosita.

N02BE51

Levotsetirizin – ichga qabul qilinganida tez so‘riladi; ovqatlanish so‘rilishning to‘liqligiga ta’sir ko‘rsatmaydi, ammo uning tezligini sekinlashtiradi. Biokiraolishligi – 100% ni tashkil etadi. Maksimal kontsentratsiyasiga erishish vaqti (TCmax) – 0,9 soat, maksimal kontsentratsiyasi (Cmax) – 207 ng/ml ni tashkil etadi. Preparatning 14% dan kamroq qismi jigarda O-dezalkillanish yo‘li bilan metabolizmga uchrab, farmakologik jihatdan nofaol metabolitini hosil qiladi. Yarim chiqarilish davri (T1/2) – 7-10 soat. Umumiy klirensi – 0,63 ml/min/kg ni tashkil etadi. 96 soat davomida organizmdan butunlay chiqariladi. Buyraklar orqali (85,4%) chiqariladi. Ko‘krak sutiga o‘tadi. Paratsetamol – so‘rilishi yuqori darajada, maksimal kontsentratsiyasi (Cmax) 5-20 mkg/ml, maksimal kontsentratsiyasiga erishish vaqti (TCmax) 0,5-2 soatni tashkil etadi. Plazma oqsillari bilan bog‘lanishi – 15%. Gematoentsefalik to‘siq orqali o‘tadi. Emizikli ayol qabul qilayotgan paratsetamolning 1% dan kamroq dozasi ko‘krak sutiga o‘tadi. Yarim chiqarilish davri (T1/2) 1-4 soat. Buyraklar orqali metabolitlar ko‘rinishida, taxminan 3% – o‘zgarmagan holda chiqariladi. Keksa yoshdagi bemorlarda preparatning klirensi pasayadi va T1/2 uzayadi. Fenilefrin gidroxloridi – peroral qo‘llanganida me’da-ichak yo‘llarida ahamiyatli darajada parchalanishi tufayli, biokiraolishligini pastligi (38%) bilan xarakterlanadi. Odamda fenilefrinning markaziy taqsimlanish hajmi taxminan 40 l ni tashkil etadi. Peroral qabul qilinganida fenilefrin jigarda tizim oldi metabolizmiga uchrab, fenol kon’yugatlarini hosil qiladi. Moddaning 86% dozasi qabul qilinganidan so‘ng taxminan 48 soatdan keyin siydik bilan chiqariladi, bunda 2,6% erkin aminlar shaklida bo‘ladi. Kofein – kofein va uning suvda eruvchan tuzlari ichakda (shu jumladan yo‘g‘on ichakda) yaxshi so‘riladi. T1/2 taxminan 5 soatni tashkil etadi, ayrim shaxslarda – 10 soatgacha bo‘lgan vaqtni tashkil etadi. Asosiy qismi demetillanadi va oksidlanadi. Taxminan 10% buyraklar orqali o‘zgarmagan holda chiqariladi.

Shamollash, gripp, allergiya yoki nafas tizimining boshqa kasalliklari (sinusit, bronxit kabilar) oqibatida yuzaga keladigan simptomlarni vaqtinchalik yengillashtirish uchun qo‘llanadi. Ko‘z/burun/tomoqni qichishishi, ko‘z yoshini oqishi, tumov va aksirishni yengillashtirish uchun qo‘llanadi. Burundagi shish va/yoki quloqlarni bitishini yo‘qotish uchun qo‘llanadi.

Kattalar va 12 yoshdan oshgan bolalar: 1 tabletkadan kuniga 2 marta buyuriladi. 6-12 yoshli bolalar: ½ tabletkadan kuniga 2 marta yoki shifokorning ko‘rsatmasi bo‘yicha buyuriladi.

Uyquchanlik, bosh aylanishi, og‘iz/burun/tomoqni qurishi, bosh og‘rig‘i, me’da faoliyatini buzilishi, qabziyat, uyquda muammolar bo‘lishi mumkin. Kamroq ifodalangan nojo‘ya samaralar kayfiyatni o‘zgarishi, quloqlarni shang‘illashi, siyishni qiyinlashishi, ko‘rishni o‘zgarishi (masalan, xiralashishi / jismlarni ikkilanishi) dan iborat bo‘lishi mumkin.

Preparatning komponentlaridan birortasiga yuqori sezuvchanlik. 6 yoshgacha bo‘lgan bolalar. Homilador va emizikli ayollarga qo‘llash tavsiya etilmaydi.

Quyidagi preparatlar: gipotenziv vositalar, MAO ingibitorlari, uyquchanlikni chaqiradigan preparatlar, shuningdek alkogol, antigistamin preparatlar (masalan, tsetirizin, dimedrol), uyqusizlikda va havotirlanishda qo‘llanadigan dori vositalar (masalan, alprazolam, diazepam, zolpidem), miorelaksantlar va narkotik og‘riq qoldiruvchilar (masalan, kodein) bilan bir vaqtda qo‘llashdan saqlanish kerak.

Nafas faoliyati bilan muammolari (masalan, astma, o‘pka emfizema), qandli diabet, glaukoma, yurak muammolari, yuqori qon bosimi, buyrak muammolari, jigar kasalliklari, tirishishlar, MIY kasalliklari (masalan, me’da yarasi), qalqonsimon bez faoliyatining faolligini oshishi (gipertireoz), siyishni qiyinlashishi (masalan, prostata bezini kattalashishi tufayli) bo‘lgan patsiyentlarga qo‘llanganida ehtiyotkorlikka rioya qilish kerak. Bosh aylanishi yoki uyquchanlik rivojlanishi mumkin, demak patsiyentlar avtomobilni boshqarish xavfi borligi yuzasidan ogohlantirilgan bo‘lishlari kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda, quruq, yorug‘likdan himoyalangan joyda saqlansin.

Dozani oshirib yuborilish simptomlari yurakni nomuntazam urishi, gallyutsinatsiyalar, xushni yo‘qolishi va tirishishlardan iborat bo‘lishi mumkin. Davolash simptomatik va tutib turuvchi bo‘lishi kerak.

Retseptsiz

Plyonka qobiq bilan qoplangan 10 tabletkadan alyumin blisterda; 1 alyumin blister qo‘llash bo‘yicha yo‘riqnomasi bilan birga karton qutiga joylangan.

3 yil.