Plazma o‘rnini bosuvchi vosita.

Plazma o‘rnini bosuvchi preparat. Reologik, shokka qarshi, organizmni toksik moddalardan tozalovchi hamda ishqorlashtiruvchi ta’sirga ega. Asosiy farmakologik faol moddalar sorbitol va natriy laktati hisoblanadi. Jigarda sorbitol avval fruktozaga, keyin glyukozaga, so‘ng glikogenga aylanadi. Sorbitolning bir qismi shoshilinch energetik ehtiyojlar uchun sarflanadi, qolgan qismi esa glikogen shaklida zahira sifatida saqlanadi. Sorbitolning izotonik eritmasi dezagregant ta’sirga ega bo‘lib u shu tariqa to‘qimalar mikrotsirkulyatsiyasi va perfuziyasini yaxshilaydi. Bikarbonat eritmasidan farqli o‘laroq, natriy laktati yordamida metabolik atsidozning muvofiqlashtirish, uni moddalar almashinuviga kirishishiga qarab, nisbatan sekinroq hamda rN darajasining keskin o‘zgarishlarisiz kechadi. Natriy laktatining ta’siri yuborilgandan 20-30 minut o‘tib namoyon bo‘ladi. Natriy xloridi – dezintoksikatsion va regidratatsion ta’sirlarni namoyon qiladi. Turli patologik holatlarda natriy va xlor ionlari tanqisligini bartaraf qiladi. Kaltsiy xloridi – kaltsiy ionlari tanqisligini bartaraf qiladi. Kaltsiy ionlari nerv impulslarini o‘tkazish jarayoni, skelet va silliq mushaklarini qisqarishi, miokard faoliyati, suyak to‘qimasini shakllanishi hamda qon ivishi uchun zarurdir. Kaliy xloridi – suv-elektrolit muvozanatini tiklaydi. Manfiy xrono- va batmotrop ta’sir, yuqori dozalarda – manfiy ino-, dromotrop va o‘rtacha siydik xaydovchi ta’sirlarini namoyon etadi. Nerv impulslarini o‘tkazish jarayonida ishtirok etadi. Atsetilxolin miqdorini oshiradi va vegetativ nerv tizimining simpatik bo‘limini qo‘zg‘atadi. Mushak distrofiyasi va miasteniyada skelet mushaklarini qisqarish jarayonini yaxshilaydi.

Sorbitol umumiy modda almashinuvi jarayoniga tez kirishadi, uning 80-90% jigarda utilizatsiyaga uchraydi va glikogen ko‘rinishida to‘planadi. 5% miya to‘qimalarida, yurak mushagida va skelet mushaklarida to‘planadi. 6-12% siydik orqali chiqariladi. Qon tomiriga yuborilganda natriy laktatidan natriy, uglerod ikki oksidi va suv ajralib chiqadi, ular natriy bikarbonatini hosil qiladi, bu esa qon ishqoriy zahirasining ortishiga olib keladi. Yuborilgan natriy laktatining faqat yarmigina (L izomeri) faol hisoblanadi, qolgan yarmi esa (D izomeri) metabolizmga uchramaydi va siydik orqali chiqariladi. Natriy xlorid aylanayotgan qon hajmini (AQH) faqatgina vaqtinchalik oshirgan holda qondan tez chiqib ketadi. Diurezni kuchaytiradi.

Kapillyar qon oqimini yaxshilash uchun: travmatik, operatsion, gemolitik, toksik va kuyish shoklarining oldini olish va davolash maqsadida;og‘ir qon yo‘qotishda;kuyish kasalligida;intoksikatsiya bilan kechuvchi yuqumli kasalliklarda;surunkali gepatitni qaytalanishi va zo‘rayishida;sepsisda;operatsiyadan oldingi tayyorgarlik va operatsiyadan keyingi davrda;tromboz, tromboflebit, endoarteriit, Reyno kasalliklarining oldini olish va davolash maqsadida arterial va venoz qon aylanishini yaxshilash uchun qo‘llanadi.

Resorbilon kattalarga vena ichiga (t/i) oqim bilan yoki tomchilab yuboriladi. Travmatik, kuyish, operatsiyadan keyingi va gemolitik shoklarda – 600-1000 ml dan (tana vazniga 10-15 ml/kg) bir marta va takroran 600-1000 ml dan (tana vazniga 10-15 ml/kg) avval oqim bilan so‘ng – tomchilatib yuboriladi. Surunkali gepatitlarda – kattalarga 400 ml dan (tana vazniga 6-7 ml/kg) tomchilab yuboriladi. O‘tkir qon yo‘qotishlarda – kattalarga 1500-1800 ml dan (tana vaznidan 6-7 ml/kg gacha). Bunday hollarda Resorbilon infuziyalarini kasalxonagacha bo‘lgan davrda, maxsus “Tez yordam” mashinasida amalga oshirish tavsiya etiladi. Operatsiyadan oldingi va turli jarroxlik muolajalaridan so‘ng – 400 ml (tana vazni 6-7 ml/kg) dozada, tomchilab, bir marta yoki takroran, 3-5 kun mobaynida yuboriladi. Qon tomirlarining tromboobliteratsiyaga olib keluvchi kasalliklarida – tana vazni hisobidan 8-10 ml/kg, tomchilab, takroran, kunora yuboriladi. Davolash kursi – 10 ta infuziyagacha. 6 yoshgacha bo‘lgan bolalarga, preparatni yuborish dozasi tana vazni hisobidan 10 ml/kg, 6 yoshdan 12 yoshgacha bo‘lgan bolalarga – kattalarga beriladigan dozaning yarmi, 12 yoshdan katta bo‘lgan bolalarga – xuddi kattalarnikidek doza buyuriladi.

Alkaloz, anafilaktoid reaktsiyalar, angionevrotik shish, teri toshmasi, eshakemi, qichima, gipertermiya bo‘lishi mumkin. Yurak qon-tomir tizimi tomonidan: arterial bosimning ko‘tarilishi yoki pasayishi, taxikardiya, xansirash, akrotsianoz. Nevrologik buzilishlar: titrash, bosh og‘rig‘i, bosh aylanishi, umumiy holsizlik.

preparatning qandaydir tarkibiy komponentiga o‘ta yuqori sezuvchanlik;alkaloz;ko‘p miqdorda suyuqlik yuborish mumkin bo‘lmagan xolatlar (miyaga qon quyilishi, tromboemboliya, yurak-qon tomir dekompensatsiyasi, arterial gipertenziya III bos., terminal buyrak yetishmovchiligi);gipertonik degidratatsiya;

Resorbilonni tarkibida fosfat va karbonat saqlovchi eritmalar bilan aralashtirish mumkin emas. Boshqa dori vositalari uchun eritma-tashuvchi sifatida qo‘llanilmaydi.

Preparat qonning kislota-ishqor holati va elektrolitlari ko‘rsatkichlarini, shuningdek jigarning funktsional holati hamda arterial bosimni nazorat qilgan holda qo‘llaniladi. Kalkulyozli xoletsistiti bo‘lgan bemorlarda ehtiyotkorlik bilan qo‘llaniladi. Jigar faoliyati buzilishlarida qo‘llanilishi: jigar faoliyati buzilgan bemorlarga preparat ehtiyotkorlik bilan buyuriladi. Preparatni bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Resorbilonni homiladorlik va emizish davrlarida qo‘llanilishi xaqida ma’lumotlar yo‘q.

Quruq va yorug‘likdan himoyalangan joyda, 25oS dan yuqori bo‘lmagan haroratda saqlansin.

Retsept bo‘yicha

2 yil.