Oq yoki sarg‘ish-oq rangli, botiq yuzali, ikki tomonida “RENNIE” gravirovkasi bo‘lgan, apelsin hidli kvadrat tabletkalar.

Antatsid vositalarning boshqa majmualari. ATS kodi: A02AX

Jig‘ildon qaynashi va kislotali reflyuksda qo‘llaniladi.

Kattalar va 12 yoshdan oshgan bolalar: bir martalik doza 1-2 tabletka, og‘riqlarda kuniga 4 tabletkadan 8 tabletkagacha. Tabletkalarni chaynash yoki to‘liq so‘rilib ketgunicha og‘izda tutib turish mumkin. Kuchli og‘riqlarda doza qisqa vaqtga kuniga 12 tabletkagacha oshirilishi mumkin. Dori vositasini qabul qilish davomiyligi 10 kundan oshmasligi kerak.

Immun tizimi tomonidan: juda kam hollarda allergik reaktsiyalar – toshma, eshakemi, Kvinke shishi va anafilaksiya. Me’da ichak yo‘llari tomonidan: ko‘ngil aynishi, qusish, me’da faoliyatini buzilishi va ich ketishi. Moddalar almashinuvi va oziqlanish tomonidan: buyrak faoliyatini buzilishi bo‘lgan patsiyentlarda preparatni qo‘llash dozani oshirib yuborilishi bilan bog‘liq bo‘lgan gipermagniyemiya, giperkaltsiyemiya va alkaloz reaktsiyalari paydo bo‘lishiga olib kelishi mumkin, bu me’da ichak yo‘llari tomonidan simptomlarni paydo bo‘lishini (ko‘ngil aynishi, qusish, qabziyat) va mushak kuchsizligini qo‘zg‘atishi mumkin. Skelet-mushak va biriktiruvchi to‘qima tomonidan: mushak kuchsizligi. Nerv tizimi tomonidan: ta’m bilishni yo‘qolishi, bosh og‘rig‘i. Buyrak va siydik chiqarish yo‘llari tomonidan: azotemiya. Sut kislotali-ishqoriy sindromi bilan bog‘liq, nojo‘ya reaktsiyalar: asteniya va kaltsinoz. Nojo‘ya reaktsiyalar paydo bo‘lganida, shu jumladan ushbu yo‘riqnomada ko‘rsatilmagan nojo‘ya reaktsiyalar paydo bo‘lgan hollarda dori vositasini qabul qilishni to‘xtatish va shifokorga murojaat qilish kerak.

Nefrokaltsinoz, og‘ir jigar yetishmovchiligi, giperkaltsiyemiya, giperkaltsiuriya, gipofosfatemiya; fruktozani o‘zlashtiraolmaslik, glyukoza-galaktoza yoki saxaroza- izomaltoza yetishmovchiligi bilan bog‘liq nasliy kasalliklar; preparat ingrediyentlariga yuqori sezuvchanlik, miasteniya, ichak tutilishida qo‘llash mumkin emas.

Hayvonlardagi teratogenez xaqidagi aniq ma’lumotlar mavjud emas. Yuqori dozalarda buyurilganda va kaltsiy karbonatini uzoq vaqt yuborilganda ossifikatsiya ko‘rinishidagi anomaliyalarni rivojlanishi aniqlangan. Tavsiya etilgan dozalarda odamlarga buyurilganda rivojlanish nuqsonlarini paydo bo‘lishi yoki embriotoksik samaralar haqida ma’lumotlar aniqlanmagan. Shunga qaramay, ushbu xavfni kutilishini istisno qilish uchun dori vositasini homilador ayollarni qabul qilishi hollari haqida ma’lumotlar yetarlicha emas. Shuning uchun preparatni ayollarga homiladorlik vaqtida buyurilishi faqat mutloq zarur bo‘lgan xollardagina ko‘rib chiqiladi. Dori vositasini homilador ayollarga buyurilganda, magniy tuzlari diareya chaqirishi mumkinligini, kaltsiy tuzlarini yuqori dozalarda uzoq vaqt davomida qabul qilinganda ichki a’zolar kaltsinozi, shu jumladan buyrak kaltsinozi bilan kechuvchi giperkaltsiyemiyani rivojlanish xavfi mavjud. Emizish davrida Rennini qo‘llash bo‘yicha tavsiyalariga rioya qilingan shartlardagina buyurish mumkin. Qabul qilishda ehtiyotkorlikka rioya qilish kerak.

25°S dan yuqori bo‘lmagan xaroratda, bolalar ololmaydigan joyda saqlansin.

Asosan buyrak faoliyatini buzilishi bo‘lgan patsiyentlarda preparatni yuqori dozalarda uzoq vaqt qo‘llash, buyrak yetishmovchiligiga, gipermagniyemiya, giperkaltsiyemiya va alkalozga olib kelishi mumkin. Bunday hollarda preparatni qabul qilishni to‘xtatish va yetarlicha miqdorda suyuqlik qabul qilish kerak. Dozani oshirib yuborilishining og‘ir hollarida (masalan, sut kislotali-ishqoriy sindromi) shifokor bilan maslahatlashish kerak, chunki suv balansini tiklash uchun qo‘shimcha choralar talab qilinishi mumkin. Davolash simptomatik.

12 tabletkadan perforatsiyali blisterda (PVX/Al). 2 blisterdan ilova-varaqasi bilan birga karton qutiga joylangan.

3 yil. O‘ramda ko‘rsatilgan yaroqlilik muddati tugagandan so‘ng ishlatilmasin.