Oq yoki och-sariq tusli oq rangli kukun.

Antibiotik (karbopenem guruhi).

J01DN02

Sog‘lom ko‘ngillilarga Remopenemni bir martalik dozasini vena ichiga 30 minut davomida yuborish qon plazmasida preparatni 500 mg dozasi uchun 23 mkg/ml va 1 g dozasi uchun 49 mkg/ml teng bo‘lgan cho‘qqi kontsentratsiyasiga olib keladi. 500 mg dozasi vena ichiga yuborilganidan so‘ng 6 soatdan keyin qon plazmasida meropenemni darajasi 1 mkg/ml va undan kam darajagacha pasayadi. Meropenem buyraklar faoliyati normal bo‘lgan patsiyentlarga 8 soatlik interval bilan ko‘p marta yuborilganida preparatni to‘planishi kuzatilmaydi. Buyraklar faoliyati normal bo‘lgan patsiyentlarda preparatni yarim chiqarilish davri taxminan 1 soatni tashkil qiladi. Plazma oqsillari bilan bog‘lanishi taxminan 2%. Meropenem organizmni ko‘pchilik to‘qima va suyuqliklariga, shu jumladan bakterial meningiti bo‘lgan bemorlarning tserebrospinal suyuqligiga yaxshi o‘tib, ko‘pchilik bakteriyalarni bostirish uchun kerak bo‘ladigan kontsentratsiyalardan ortiq kontsentratsiyalarga erishadi. Bolalarda o‘tkazilgan tadqiqotlar, bolalarda va kattalarda meropenemning farmakokinetikasi o‘xshashligini ko‘rsatdi. 3 oylikdan 2 yoshgacha bo‘lgan bolalarda meropenemni yarim chiqarilish davri taxminan 1,5 soat, tana vazniga 10-40 mg dozalar diapazonida chiziqli bog‘liqlik kuzatiladi. Buyrak yetishmovchiligi bo‘lgan bemorlarda meropenemni klirensi kreatinin klirensi bilan korrelyatsiya bo‘ladi. Bunday bemorlarda dozasini to‘g‘rilash kerak. Keksa yoshdagi patsiyentlarda meropenemning klirensini pasayishi kreatinin klirensini pasayishi bilan yoshga bog‘liq ravishda korrelyatsiya bo‘ladi. Jigar kasalliklari bo‘lgan patsiyentlarda preparatning farmakokinetikasini o‘rganish bo‘yicha o‘tkazilgan tadqiqotlar ushbu patologik o‘zgarishlar meropenemning farmakokinetikasiga ta’sir etmasligini ko‘rsatdi.

Remopenem kattalar va bolalarda meropenemga sezuvchan bir yoki bir necha qo‘zg‘atuvchilar chaqirgan quyidagi infektsiyalarni davolash uchun ko‘rsatilgan: sepsis;dizenteriya;endokardit;qorin bo‘shlig‘i a’zolari infektsiyalari (shu jumladan, appenditsit, peritonit, pelvioperitonit);ginekologik infektsiyalar (shu jumladan, endometrit);teri va yumshoq to‘qimalar infektsiyalari (shu jumladan, saramas, impetigo, ikkilamchi infektsiyalangan dermatozlar);bakterial meningit;quyi nafas yo‘llari infektsiyalari (shu jumladan, pnevmoniya, hamda gospital pnevmoniya);siydik chiqarish tizimi infektsiyalari (shu jumladan, piyelonefrit, piyelit);febril neytropeniya simptomlari bo‘lgan katta yoshdagi patsiyentlarda infektsiyaga taxmin qilinganida empirik davolash (monoterapiya holida yoki viruslarga qarshi yoki zamburug‘larga qarshi dori vositalar bilan majmuada). Remopenem polimikrob infektsiyalarni davolashda boshqa mikroblarga qarshi dori vositalari bilan majmuada yoki monoterapiya sifatida qo‘llanadi. Remopenemni monoterapiya holida yoki boshqa antibakterial vositalar bilan majmuada vena ichiga yuborish mukovistsidoz va quyi nafas yo‘llarini surunkali infektsiyalari bo‘lgan patsiyentlarga samarali ta’sir qiladi.

Preparatning eritmalari vena ichiga bolyusli (5 minut davomida) yoki infuzion (15-30 minut davomida) qo‘llanadi. Preparatning dozasi kasallikning kechishini og‘irligi, infektsiyani joylashishi va qo‘zg‘atuvchining sezgirligi, patsiyentning yoshi, tana vazni va buyraklarning faoliyatini hisobga olib shaxsiy belgilanadi. Vena ichiga bolyusli yuborish uchun eritmani tayyorlash qoidalari: 500 mg yoki 1 g preparat 10 yoki 20 ml inyektsiya uchun suvda eritish kerak, muvofiq (olingan eritmaning kontsentratsiyasi 50 mg/ml ni tashkil qiladi), 5 minut davomida asta-sekin vena ichiga yuboriladi. Vena ichiga infuziya uchun eritmani tayyorlash qoidalari: Birinchi eritishda olingan eritma 50-200 ml quyidagi erituvchilardan birida qo‘shimcha suyultiriladi: 0,9% natriy xloridi eritmasi;5% yoki 10% glyukoza eritmasi;0,9% natriy xloridi va 5% glyukoza eritmasi;5% glyukoza 0,15% kaliy xloridi eritmasi bilan;2,5% yoki 10% mannitol eritmasi;5% glyukoza eritmasi Normosol-M bilan. Olingan eritma tiniq, rangsiz yoki och-sariq bo‘lishi mumkin. Meropenemni boshqa preparatlarni saqlovchi eritmalar bilan aralashtirish mumkin emas.

Og‘ir darajadagi nojo‘ya samaralar kam kuzatiladi. Klinik tadqiqotlar vaqtida quyidagi nojo‘ya samaralar xaqida ma’lumotlar berilgan: vena ichiga yuborilgan sohada mahalliy reaktsiyalar: yallig‘lanish, tromboflebit, yuborilgan joyda og‘riq;dermatologik reaktsiyalar: qichishish, toshma, eshakemi; kam hollarda – ko‘p shaklli (ekssudativ) eritema, Stivens-Djonson sindromi va toksik epidermal nekroliz;ovqat hazm qilish tizimi tomonidan: qorinda og‘riq, ko‘ngil aynishi, qusish, diareya; ayrim hollarda – soxta membranoz kolit.

Meropenem va boshqa beta-laktam antibiotiklariga yuqori sezuvchanlik.

Probenetsid naychalar orqali chiqarilishiga nisbatan meropenem bilan raqobatlashadi, shunday qilib, renal sekretsiyani susaytiradi, bu meropenemni yarim chiqarilish davrini uzayishiga va plazmada kontsentratsiyasini oshishiga olib keladi. Probenetsidsiz yuborilgan Meropenemning ta’sirini davomiyligi va samaradorligi o‘xshash bo‘lganligi sababli, probenetsid va meropenemni bir vaqtda yuborish tavsiya etilmaydi. Meropenem boshqa dori vositalari bilan bir vaqtda bitta ham noxush farmakologik o‘zaro ta’sir kuzatilmasdan (yuqorida ko‘rsatilgan probenetsiddan tashqari) buyurilgan.

Boshqa karbopenemlar va beta-laktam antibiotiklar, penitsillinlar va tsefalosporinlar o‘rtasida kesishgan allergenlik mavjud. Meropenem bilan davolash boshlanishidan oldin ilgari beta-laktam antibiotiklariga o‘ta yuqori sezuvchanlik reaktsiyalari kuzatilganligini sinchkovlab so‘rash kerak. Anamnezida bunday holatlar kuzatilgan patsiyentlarga preparat ehtiyotkorlik bilan qo‘llanadi. Meropenemga nisbatan allergik reaktsiyalar rivojlanganida preparatni qo‘llashni to‘xtatish va tegishli choralarni ko‘rish kerak.

Homiladorlikda meropenemni klinik havfsizligi aniqlanmagan. Hayvonlarda o‘tkazilgan eksperimental tadqiqotlar rivojlanayotgan homilaga biron bir noxush samara kuzatilishini ko‘rsatmadi. Yagona noxush samarasi 13 ta maymunlarning urg‘ochilarida homila tashlash hollari bo‘ldi. Homiladorlikda va laktatsiya davrida homila, go‘dak va ona uchun preparatni qo‘llashdan mumkin bo‘lgan havf va potentsial foydani baholash kerak. Har bir holatda preparatni shifokorni bevosita nazorati ostida qo‘llash kerak. Meropenem hayvonlarning sutida juda kichik kontsentratsiyalarda aniqlanadi. Davolanish vaqtida emizishni to‘xtatish tavsiya etiladi. Preparatni bolalar olaolmaydigan joyda saqlansin va yaroqlilik muddati o‘tgach ishlatilmasin.

Yorug‘likdan himoyalangan joyda, 25oS dan yuqori bo‘lmagan haroratda saqlansin.

Davolanish vaqtida, ayniqsa buyraklar faoliyati buzilgan patsiyentlarda preparatning dozasini tasodifan oshishi kuzatilishi mumkin. Davolash: simptomatik davolash o‘tkaziladi. Normada preparatni buyraklar orqali tezkor eliminatsiyasi kuzatiladi. Buyraklar faoliyatini buzilishlari bo‘lgan patsiyentlarda gemodializ yordamida meropenem va uning metabolitlari samarali chiqariladi.

Retsept bo‘yicha

Vena ichiga yuborish uchun inyektsion eritma tayyorlash uchun kukun, 500 mg yoki 1 g dan flakonlarda. Flakonlar qo‘llash bo‘yicha yo‘riqnomasi bilan birga karton penalga joylanadi.

2 yil.