oq yoki deyarli oq, yassi tsilindrik faskali tabletkalar.

tizimli qo‘llash uchun viruslarga qarshi vosita, bevosita ta’sirli viruslarga qarshi vosita, tsiklik aminla

J05ACO2

Remantadin amantadin hosilasi bo‘lib, viruslarga qarshi yaqqol faollikka ega vositadir. U A grippi virusiga qarshi samaralidir. Remantadin V grippi virusiga ta’sir qilmaydi yoki kuchsiz ta’sir ko‘rsatadi. Remantadin ehtimol, virus qobig‘ini shakllanishini buzib viruslarning replikatsiya tsiklining ilk bosqichlarida ingibitsiya qiladi. Genetik tadqiqotlar, Remantadinning A grippi virusiga nisbatan viruslarga qarshi ta’sirida M2 virioni genining spetsifik oqsili muhim ahamiyatga egaligini ko‘rsatdi. Remantadin in vitro sharoitida odamda ajratib olingan A grippi virusining barcha uchta antigen podtiplarini – H1N1, H2N2 va H3N2 ni replikatsiyasini ingibitsiya qiladi. Remantadin M2 oqsili membranasining ion kanallari faolligini sekinlashtiradi. Natijada virus qobig‘ini endosoma bilan fuziyasi (bog‘lanishi) uchun va ribonukleoprotein kompleksidan matritsaning M1 proteinining dissotsiatsiyasi uchun zarur bo‘lgan virusning ichki muhitini atsidifikatsiyasini susayishi yuz beradi. Shunday qilib, virusning replikatsiyasi infektsiyaning ilk bosqichlarida bloklanadi. In vitro sharoitlarda Remantadinga nisbatan A grippi virusining sezgirligi va dori vositasining klinik samaradorligi o‘rtasida korrelyatsiya aniqlanmagan. Sezuvchanlikni o‘rganish yuzasidan (hujayra kulturasida Remantadinning virus replikatsiyasini 50% va undan ortiqqa ingibitsiya qila oluvchi kontsentratsiyasi bilan ifodalangan) tekshirish natijalari eksperimentda ishlatilgan hujayra kulturasi, hujayralar yetishtiriladigan ozuqa muhiti va yuborilgan A grippi virusi shtammning miqdoriga qarab, 4 ng/ml dan 20 mkg/ mlgacha o‘zgarib turadi. A grippi virusining ajratib olingan epidemik shtammlari orasida Remantadinni yopiq muhitida qo‘llanganda ajratib olingan remantadinga chidamli shtammlari mavjud. Rezistent viruslar transmissiv bo‘lib, tipik grippga o‘xshash kasallikni chaqiradi. Remantadin A grippining faolsizlantirilgan vaktsinaning immunogenetik xususiyatlariga ta’sir qilmaydi. Vaktsinatsiyadan keyin, gripp epidemiyasi yuz berganda Remantadin, antitelalarni hosil bo‘lishi uchun zarur bo‘lgan 2-4 xafta davomiylikdagi, vaqt davomida kasallikdan himoya qilishi mumkin. Remantadin shuningdek kana entsefalitining qo‘zg‘atuvchilari hisoblangan flaviviruslarga nisbatan ham samaralidir.

Ichga qabul qilingandan keyin ta’sir etuvchi modda – rimantadin gidroxloridi me’da-ichak yo‘lidan yaxshi so‘riladi va yuqori biokiraolishlik xususiyatiga ega. Ta’sir etuvchi moddaning ta’minan 40% qonning plazma oqsillari bilan, asosan albuminlar bilan bog‘lanadi. Qon plazmasida maksimal kontsentratsiyasiga 5-7 soatdan so‘ng erishiladi. Remantadin jigarda jadal metabolizmga uchraydi, gidroksillanish, kon’yugatsiya va glyukuronidatsiyaga uchraydi. Kattalarda yarim chiqarilish davri o‘rtacha 25 soatni, keksa yoshdagi shaxslarda – 32 soatni, bolalarda – 13-38 soatni tashkil qiladi. Asosan siydik bilan 15% – buyrak orqali o‘zgarmagan holatda chiqariladi.

Kattalar va 7 yoshdan oshgan bolalarda grippni, kasallikning erta bosqichida davolash. Kattalar va 7 yoshdan oshgan bolalarda grippni oldini olish. Kattalarda virus etiologiyali kana entsefalitini oldini olish uchun qo‘llaniladi.

Remantadin ovqatdan keyin, suv bilan birga qabul qilinadi. Grippda davolash Remantadinni qabul qilishni kasallikning birinchi simptomlari boshlanishidan keyin darhol 48 soat ichida boshlash kerak. Kattalarga Birinchi kuni 100 mg (2 tabletka) dan kuniga 3 marta, ikkinchi va uchinchi kunlari – 100 mg dan kuniga 2 marta, to‘rtinchi va beshinchi kunlari – 100 mg dan kuniga bir marta buyuriladi. Kasallikning birinchi kunida preparatni bir qabul qilishda 300 mg (6 tabletka) dan qo‘llash mumkin. Bolalarga Preparatni bolalar uchun qo‘llashni boshlashdan oldin shifokor bilan maslahatlashish kerak. 7-10 yoshgacha – 50 mg dan kuniga 2 marta, 11-14 yoshda – 50 mg dan kuniga 3 marta, 14 yoshdan oshganlarga kattalar uchun dozalari buyuriladi. Davolash kursining davomiyligi 5 kunni tashkil qiladi. Grippni oldini olish uchun Kattalarga 50 mg dan kuniga 1 marta gripp epidemiyasi vaqtida 30 kungacha. 7 yoshdan oshgan bolalarga – 50 mg dan kuniga bir marta gripp epidemiyasi vaqtida 15 kungacha. Kattalarda kana chaqqandan keyin virus chaqiradigan kana entsefalitni oldini olish: 100 mg dan kuniga 2 marta, 3 kun. Alohida hollarda (shifokor ko‘rsatmasiga binoan) – 5 kun. Remantadin bilan profilaktikani kana chaqqandan so‘ng darhol va chaqqandan so‘ng 48 soatdan kechiktirmasdan boshlash kerak. Kattalarda kana chaqmaganda virus chaqiradigan kana entsefalitini oldini olish Alohida hollarda (xavf guruhlari, o‘rmon joylarida sayohat ishtirokchilari, palatkalarda yashaganda va b.) kattalarga 100 mg dan kuniga 1 marta 15 kun davomida buyuriladi. Agar dori vositasini qabul qilishni o‘tkazib yuborgan bo‘lsangiz, bu haqda eslashingiz bilan uni darhol qabul qiling, biroq agar navbatdagi qabul qilishni vaqti kelgan bo‘lsa, uni o‘tkazib yuboring. Hech qachon dozani ikki marta oshirib qabul qilmang.

Remantadin boshqa dori vositalari kabi, barcha patsiyentlarda ham namoyon bo‘lavermaydigan nojo‘ya ta’sirlarni chaqirishi mumkin. MedDRA (Reglamentar faoliyat terminologiyasining tibbiy lug‘ati) tasnifi tizimi bo‘yicha nojo‘ya ta’sirlarning tez-tezligi: juda tez-tez (≥ 1/10); tez-tez (≥ 1/100 dan < 1/10 gacha); tez-tez emas (≥ 1/1000 dan < 1/100 gacha); kam hollarda (≥ 1/10 000 dan < 1/1000 gacha); juda kam hollarda (< 1/10 000); kelib chiqishi noma’lum (ma’lumotlarga asoslanib aniqlashni iloji yo‘q). Ruhiyatni buzilishi Tez-tez emas: depressiya, eyforiya, gallyutsinatsiyalar. Nerv tizimi tomonidan buzilishlar Tez-tez: uyqusizlik. Tez-tez emas: bosh aylanishi, bosh og‘rig‘i, kuchli qo‘zg‘aluvchanlik, e’tiborni buzilishi, ataksiya, uyquchanlik, giperkinez, tremor, o‘zini yo‘qotib qo‘yish, tirishishlar, hid bilishni o‘zgarishi yoki yo‘qolishi. Eshitish a’zolari tomonidan buzilishlar va labirint buzilishlar Tez-tez emas: quloqlarni shang‘illashi. Yurak tomonidan buzilishlar Tez-tez emas: yurakni urishi, yurak yetishmovchiligi, yurak blokadasi, taxikardiya. Qon tomirlar tomonidan buzilishlar Tez-tez emas: gipertenziya, bosh miyada qon aylanishini buzilishi, xushdan ketish. Nafas tizimi, ko‘krak qafasi va ko‘ks oralig‘i a’zolari tomonidan buzilishlar Tez-tez emas: xansirash, bronxospazm, yo‘tal. Me’da-ichak yo‘llari tomonidan buzilishlar Tez-tez: ko‘ngil aynishi, qusish. Tez-tez emas: anoreksiya, og‘izni qurishi, qorinda og‘riq, ich ketishi, dispepsiya. Teri va teri osti to‘qimalari tomonidan buzilishlar Tez-tez emas: teri toshmasi Noma’lum: qichishish, papulyoz toshma, yoyilgan toshma, eshakemi. Umumiy buzilishlar va yuborish joyidagi buzilishlar Tez-tez emas: asteniya, charchoq. Nojo‘ya ta’sirlar tez-tezligi ayniqsa me’da-ichak yo‘llari va nerv tizimi tomonidan nojo‘ya ta’sirlar tavsiya etilgan dozalar oshirilganida oshadi. Alohida hollarda, tavsiya etilgan dozalar oshirilganidan keyin ko‘z yoshini oqishi, tez-tez siyish, qaltirash, qabziyat, ko‘p terlash, stomatit, gipesteziya, ko‘zlarda og‘riq kuzatiladi. Ko‘pchilik hollarda dori vositasini qabul qilishni to‘xtatgandan so‘ng nojo‘ya ta’sirlar yo‘qoladi. Agar davolanish vaqtida yo‘riqnomada ko‘rsatilmagan qandaydir nojo‘ya ta’sirlar paydo bo‘lsa yoki eslatib o‘tilgan nojo‘ya ta’sirlarning birontasi ayniqsa kuchli namoyon bo‘lsa, shifokorga murojaat qilishni so‘raymiz.

Ta’sir etuvchi moddaga, adamantan guruhi hosilalariga va/yoki preparatning har qanday yordamchi moddalariga yuqori sezuvchanlik. jigar va/yoki buyrak funktsiyasini og‘ir buzilishlari; tireotoksikoz; homiladorlik va emizish davrida qo‘llash mumkin emas.

Paratsetamol va atsetilsalitsil kislotasi Remantadinning samaradorligini pasaytiradi. Tsimetidin Remantadinning metabolizmini sekinlashtiradi va qon plazmasida uning kontsentratsiyasini oshirishi mumkin. Alkogolni iste’mol qilishdan saqlanish kerak, chunki markaziy nerv tizimi tomonidan kutilmagan reaktsiyalar paydo bo‘lishi mumkin.

Dori vositasini me’da-ichak yo‘llarining kasalliklari, jigar va/yoki buyrak funktsiyasini yengil va o‘rtacha og‘irlik darajadagi buzilishlari, yurakning og‘ir kasalliklari, shu jumladan yurak ritmini buzilishlari bo‘lgan patsiyentlarga, shuningdek keksa yoshdagi shaxslarga ehtiyotkorlik bilan qo‘llash lozim. Bunday hollarda dori vositasining dozasini kamaytirish tavsiya etiladi. Anamnezda tutqanoq borligiga va o‘tkazilayotgan tutqanoqqa qarshi davolashga ko‘rsatmalar bo‘lsa, Remantadinni qo‘llash fonida tutqanoq hurujlarini rivojlanish xavfi oshadi. Bunday hollarda Remantadinning dozasini kuniga 100 mg gacha kamaytiriladi. Agar hurujlar rivojlansa, dori vositasini qabul qilish to‘xtatiladi. Remantadinning 50 mg li tabletkasi laktoza monogidrati saqlaydi. Ushbu dori vositasini galaktozani tug‘ma o‘zlashtiraolmasligi bo‘lgan, Lapp laktaza tanqisligi yoki glyukoza –galaktoza maladsorbtsiya sindromi bo‘lgan patsiyentlarda qo‘llash mumkin emas.

Remantadinni homiladorlik va emizish davrida qo‘llash xaqidagi ma’lumotlar yo‘q. Xayvonlarda o‘tkazilgan tadqiqotlarda Remantadin yo‘ldosh to‘sig‘i orqali o‘tishi, ko‘krak suti bilan chiqarilishi aniqlangan. Remantadinni homiladorlik va emizish davrida qo‘llash mumkin emas. Fertillikni o‘rganish bo‘yicha tadqiqotlarda hayvonlarda serpushtlikni susaytirishi aniqlangan.

Dori vositasini qabul qilish vaqtida bosh aylanishi, bosh og‘rig‘i yoki markaziy nerv tizimi tomonidan boshqa nojo‘ya ta’sirlar kuzatilgan patsiyentlar ehtiyotkorlikka rioya qilishlari lozim. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 250 S dan yuqori bo‘lmagan haroratda saqlansin.

Dozani oshirib yuborilishiga gumon qilinganda, darhol shifokorni chaqirish kerak. Dozani oshirib yuborilishi holatlari haqida xabar berilmagan. Zaharlanish holatlarida organizmning hayot uchun muhim bo‘lgan funktsiyalarini bir maromda ushlab turishni ta’minlash lozim. Remantadinning kimyoviy analogi – amantadin bilan zaharlanish holatlari ma’lum. Simptomlari: qo‘zg‘aluvchanlik, gallyutsinatsiyalar, aritmiya, letal holat. Davolash: fizostigminni kattalarga 1-2 mg dan va bolalarga 0,5 mg dan zarurat bo‘lganida takrorlash bilan vena ichiga yuboriladi, biroq kuniga 2 mg dan ko‘p emas. Remantadin gemodializ yo‘li bilan chiqarilmaydi.

Retseptsiz.

10 tabletkadan kontur uyali o‘ramda. 2 konturuyali o‘ram (20 tabletka) dan qo‘llash bo‘yicha yo‘riqnomasi bilan birga karton qutiga joylangan.

5 yil.