oq rangli kukun.

Nafas yo‘llarining obstruktiv kasalliklarini davolash uchun preparatlar. Adrenergik va nafas yo‘llarining obstruktiv kasalliklarini davolash uchun boshqa vositalar.

R03AK10

Astma Relvar® Ellipta® preparati bronxial astmada samarani bir maromda ushlab turuvchi davolash sifatida ko‘rsatilgan. O‘pkaning surunkali obstruktiv kasalligi (O‘SOK) Relvar® Ellipta® preparati o‘pkaning surunkali obstruktiv kasalligi (O‘SOK), shu jumladan surunkali bronxit va/yoki o‘pka emfizemasi bo‘lgan bemorlarda nafas yo‘llarining obstruktsiyasida samarani bir maromda ushlab turuvchi davolash sifatida qo‘llash uchun ko‘rsatilgan. Relvar® Ellipta® preparatini qo‘llash anamnezi takroriy zo‘rayishlari bo‘lgan patsiyentlarda O‘SOK ning zo‘rayish sonini qisqartirish imkonini beradi.

Relvar® Ellipta® preparati faqat ingalyatsion qo‘llash uchun mo‘ljallangan. Relvar® Ellipta® preparatini sutkada bir marta, ertalab yoki kechqurun kunning bir vaqtida qo‘llash kerak. Ingalyatsiyadan keyin patsiyent uni yutmasdan, og‘izni suv bilan chayishi kerak. Astma Hatto bronxial astmaning simptomlari bo‘lmaganida ham Relvar® Ellipta® preparatini muntazam qo‘llash kerakligi haqida patsiyentlarni ogohlantirish kerak. Preparatni qabul qilish orasidagi davrda kasallik simptomlari yuzaga kelganida shoshilinch davolash sifatida qisqa ta’sirli beta2agonistlarining ingalyatsion shakllarini qo‘llash kerak. Patsiyentlar muntazam tibbiy ko‘rikdan o‘tishlari kerak, bu faqat shifokorning tavsiyasi bo‘yicha o‘zgartirilishi mumkin bo‘lgan patsiyent tomonidan Relvar® Ellipta® preparatining optimal dozasini qabul qilishni ta’minlash imkonini beradi. Kattalar va 12 yosh va undan katta o‘smirlar Relvar® Ellipta® preparatining tavsiya etilgan dozasi quyidagilarni tashkil qiladi: sutkada 100/25 mikrogramm bitta ingalyatsiya yoki sutkada 200/25 mikrogramm bitta ingalyatsiya Relvar® Ellipta® preparatining 100/25 mikrogramm boshlang‘ich dozasi uzoq ta’sirli beta-2 agonistlar bilan majmuada buyuriladigan ingalyatsion kortikosteroidlarning past yoki o‘rtacha dozalari talab etiluvchi patsiyentlarga buyuriladi. 200/25 mikrogramm Relvar® Ellipta® preparatini uzoq ta’sirli beta-2 agonistlar bilan majmuada qo‘llanadigan ingalyatsion kortikosteroidlarning yuqori dozalari talab etiluvchi patsiyentlarga buyurish kerak. Agar Relvar® Ellipta® preparatining 100/25 mikrogramm dozasi kasallikni adekvat nazoratini ta’minlamasa, dozani 200/25 mikrogrammgacha oshirish masalasi ko‘rib chiqiladi, bu bronxial astmani kechishi ustidan nazorat darajasini yaxshilashi mumkin. Bolalar 12 yoshdan kichik bolalarda Relvar® Ellipta® preparatini qo‘llashning xavfsizligi va samaradorligi aniqlanmagan. O‘SOK Kattalar Relvar® Ellipta® preparatining tavsiya etilgan dozasi quyidagilarni tashkil qiladi: sutkada 100/25 mikrogramm bitta ingalyatsiya. 200/25 mikrogramm Relvar® Ellipta® preparati O‘SOK bo‘lgan patsiyentlarni davolash uchun ko‘rsatilmagan. Bolalar O‘SOK rivojlanishining o‘rtacha yoshini hisobga olib, shuning uchun preparat bu ko‘rsatma bo‘yicha bolalarda qo‘llanilmaydi. Astma va O‘SOK Keksa yoshdagi patsiyentlar 65 yoshdan oshgan patsiyentlarda preparatning dozasini individual ravishda tanlash talab etilmaydi (Farmakokinetikasi –Patsiyentlarning alohida guruhlari bo‘limiga qarang). Buyrak funktsiyasini buzilishi Buyrak funktsiyasini buzilishi bo‘lgan patsiyentlarda preparatning dozasini individual ravishda tanlash talab etilmaydi (Farmakokinetikasi bo‘limiga qarang). Jigar funktsiyasini buzilishi

Anamnezida sut oqsiliga allergik reaktsiya yoki flutikazon furoati, vilanterol yoki preparatning tarkibiga kiruvchi biron-bir yordamchi moddalarga yuqori sezuvchanlikda Relvar® Ellipta® preparatini qo‘llash mumkin emas.

Preparatni terapevtik dozalarda buyurilganda, ingalyatsion yuborilganda flutikazon furoati yoki vilanterolning plamzadagi kontsentratsiyalarini pastli tufayli, ularning klinik ahamiyatli dorilarning o‘zaro ta’siri ehtimoli kam. Beta-blokatorlar bilan o‘zaro ta’siri Beta-adrenoblokatorlar beta2-adrenomimetiklarning ta’sirini susaytirishi yoki antagonisti sifatida ta’sir ko‘rsatishi mumkin. Juda zarur holatlardan tashqari noselektiv va selektiv beta-blokatorlarni bir vaqtda qabul qilishdan saqlanish kerak. Tsitoxrom CYP3A4 izofermentining ingibitorlari bilan o‘zaro ta’siri Flutikazon furoati va vilanterol tsitoxrom CYP3A4 tizimi izofermenti yordamida jigarda tez birlamchi metabolizmga uchraydi. Preparatni tsitoxrom CYP3A4 izofermentining kuchli ingibitorlari (masalan ketokonazol, ritonavir) bilan bir vaqtda buyurganda ehtiyotkorlikka rioya qilish kerak, chunki bu flutikazon furoatining ham, vilanterolning ham tizimli ta’sirini kuchaytiradi, bu o‘z navbatida noxush reaktsiyalar rivojlanishi xavfini oshishiga olib kelishi mumkin (Farmakokinetikasi bo‘limiga qarang). R-glikoprotein ingibitorlari bilan o‘zaro ta’siri Flutikazon furoati va vilanterol R-glikoprotein (P-gr) substrati bo‘lib hisoblangan. Vilanterol va P-gr kuchli ingibitori va tsitoxrom CYP3A4 izofermentining o‘rtacha ingibitori – verapamil bilan bir vaqtda buyurilgan sog‘lom ko‘ngillilar ishtirokidagi klinik-farmakologik tadqiqot natijalari bo‘yicha vilanterolning farmakokinetikasiga ahamiyatli ta’sir aniqlanmagan. P-gr spetsifik ingibitori va flutikazon furoatini birga qo‘llashdagi klinik-farmakologik tadqiqot o‘tkazilmagan.

Zo‘rayish Bronxial astmaning o‘tkir simptomlarini yoki O‘SOK simptomlarini zo‘rayishini bartaraf etish uchun Relvar® Ellipta® preparatini qo‘llash mumkin emas, bunday hollarda qisqa ta’sirli bronxodilatatorlarni buyurish talab etiladi. Zo‘rayishni bartaraf etish maqsadida qisqa ta’sirli bronxodilatatorlarni qo‘llash tez-tezligini oshishi kasallikni nazorat qilish yomonlashishi va shifokor maslahati zarurligidan dalolat beradi. Bronxial astmasi yoki O‘SOK bo‘lgan patsiyentlarda Relvar® Ellipta® preparati bilan davolashni shifokor kuzatuvisiz to‘xtatish mumkin emas, chunki preparat bilan davolashni to‘xtatish kasallikni zo‘rayishiga olib kelishi mumkin. Relvar® Ellipta® preparati bilan davolash fonida bronxial astmani kechishi yoki O‘SOK ni zo‘rayishi bilan bog‘liq noxush ko‘rinishlar rivojlanishi mumkin. Patsiyentlarni davolashni davom ettirish haqida ishontirish kerak. Kasallikni ustidan nazorat yo‘qligida yoki Relvar® Ellipta® preparati bilan davolash boshlanganidan keyin holatni yomonlashishi kuzilsa, shifokor bilan maslahatlashish kerak. Paradoksal bronxospazm Ingalyatsion davolashning boshqa turlarida bo‘lgani kabi, preparatni qabul qilgandan keyin hushtaksimon xirillashlarni tez kuchayishi bilan kechuvchi paradoksal bronxospazm rivojlanishi mumkin. Bunday hollarda qisqa ta’sirli ingalyatsion bronxodilatatorni shoshilinch buyurish va Relvar® Ellipta® preparati darhol bekor qilish kerak. Patsiyent shifokor tomonidan ko‘rikdan o‘tishi kerak va zarurati bo‘lganida muqobil davolash buyurilishi mumkin. Yurak-qon tomir tizimi tomonidan buzilishlar Simpatomimetiklarni, shu jumladan Relvar® Ellipta® preparatini qabul qilganda yurak-qon tomir tizimi tomonidan yurak aritmiyalari, masalan qorinchalar usti taxikardiya va ekstrasistoliya kabi noxush reaktsiyalar kuzatilishi mumkin. Platsebo-nazoratli tadqiqotlarda anamnezida yoki yurak-qon tomir kasalliklari xavfi yuqori bo‘lgan patsiyentlarda yurak-qon tomir ko‘rinishlari, jiddiy yurak-qon tomir ko‘rinishlari xavfinini oshishi yoki yurak-qon tomir patologiyasi tufayli o‘limning tasdiqlangan holatlari platseboga nisbatan flutikazon furoati/vilanterol qabul qilgan patsiyentlarda yuqori bo‘lgan (Nojo‘ya ta’siri bo‘limiga qarang). Lekin og‘ir shakldagi yurak-qon tomir kasalliklari bo‘lgan patsiyentlarda Relvar® Ellipta® preparatini ehtiyotkorlik bilan buyurish kerak. Jigar funktsiyasini buzilishi bo‘lgan patsiyentlar O‘rtacha va og‘ir darajadagi jigar funktsiyasini buzilishi bo‘lgan patsiyentlarda 100/25 mkg dozani buyurish kerak. Patsiyentlarni kortikosteroidlar chaqirgan tizimli noxush reaktsiyalar mavjudligi yuzasidan muntazam ko‘rikdan o‘tkazish kerak (Qo‘llash usuli va dozalari, Farmakokinetikasi bo‘limlariga qarang). Kortikosteroidlarni qabul qilish chaqirgan tizimli reaktsiyalar Ingalyatsion kortikosteroidlarni qo‘llaganda, ayniqsa yuqori dozalarda uzoq vaqt qo‘llaganda tizimli nojo‘ya samaralar rivojlanishi mumkin. kortikosteroidlarni peroral qabul qilganga nisbatan bunday nojo‘ya samaralar kamroq rivojlanadi. Kuzatilishi mumkin bo‘lgan noxush tizimli ta’sirlarga quyidagilar kiradi: gipotalamo-gipofizar-buyrak usti bezi tizimi funktsiyasini susayishi, suyaklarning mineral zichligini pasayishi, bolalar va o‘smirlarda o‘sish tezligini pasayishi, katarakta va glaukoma. Tarkibiga kortikosteroidlar kiruvchi boshqa dori vositalari kabi Relvar® Ellipta® preparatini o‘pka tuberkulyozi yoki surunkali yoki davolanmagan infektsion kasalliklari bo‘lgan bemorlarga ehtiyotkorlik bilan buyurish kerak. Pnevmoniya Relvar® Ellipta® preparatini qabul qilayotgan O‘SOK bo‘lgan patsiyentlarda pnevmoniya rivojlanishi tez-tezligini, shuningdek patsiyentning gospitalizatsiyasini talab etuvchi pnevmoniyaning og‘ir shakllarini yuzaga kelishi tez-tezligini oshishi kuzatilgan. Ayrim hollarda pnevmoniyaning klinik epizodlari o‘limga olib kelgan (Nojo‘ya reaktsiyalari bo‘limiga qarang). Shuning uchun shifokor bu infektsiyaning klinik belgilari O‘SOK ni zo‘rayish simptomlari bilan mos kelishini unutmasdan O‘SOK bo‘lgan patsiyentlarda pnevmoniya rivojlanishi mumkinligi yuzasidan hushyor bo‘lishi kerak. O‘SOK fonida va Relvar® Ellipta® preparatini qabul qilish fonida pnevmoniya rivojlanishining eng yuqori xavfi quyidagi patsiyentlar guruhida kuzatiladi: chekuvchi patsiyentlar, avval pnevmoniya o‘tkazgan patsiyentlar, tana vazni indeksi <25 kg/m2 bo‘lgan patsiyentlar va jadal nafas chiqarishni kutilgan xajmi (OFV1)<50% bo‘lgan patsiyentlar. Relvar® Ellipta® preparati bilan davolash buyurilganda yuqoridagi omillarni e’tiborga olish va pnevmoniya yuzaga kelganda davolashni takroran ko‘rib chiqish kerak. Bronxial astmasi bo‘lgan patsiyentlarda pnevmoniya yuzaga kelishi tez-tezligi past bo‘lgan. 200/25 mikrogramm dozada Relvar® Ellipta® preparatini qabul qilgan bronxial astmasi bo‘lgan patsiyentlarda ehtimol, Relvar® Ellipta® preparatining pastroq dozasini (100/25 mikrogramm) yoki platsebo qabul qilgan patsiyentlarga nisbatan pnevmoniyani rivojlanishi xavfi yuqoriroq bo‘lgan. Xavf omillari aniqlanmagan. Homiladorlik va laktatsiya davrida qo‘llanishi Fertillik Odam fertilligiga ta’siri bo‘yicha ma’lumotlar yo‘q. Hayvonlarda o‘tkazilgan tadqiqotlarda vilanterol va flutikazon furoatini fertillikka ta’siri kuzatilmagan. Homiladorlik Homiladorlik vaqtida preparatning ekspozitsiyasi cheklangan. Hayvonlarda o‘tkazilgan tadqiqotlarda beta2-agonistlar va kortikosteroidlarni qo‘llaganda reproduktiv toksiklik aniqlangan. Homilador ayollarda Relvar® Ellipta® preparatini faqat agar ona uchun potentsial foyda homila uchun kuzatilishi mumkin bo‘lgan xavfdan yuqori bo‘lgandagina qo‘llash mumkin. Laktatsiya davri Flutikazon furoati yoki vilanterol yoki ularning metabolitlarini odam ko‘krak sutiga kirishi haqida ma’lumotlar yetarli emas. Lekin boshqa kortikosteroid preparatlar va beta2-agonistlar ko‘krak sutida aniqlanadi. Preparatni ko‘krak suti bilan yangi tug‘ilgan chaqaloq/bola organizmiga tushishi xavfini inkor etib bo‘lmaydi. Ona uchun davolashdan va bola uchun emizishdan foyda nisbatini e’tiborga olib, preparatni bekor qilish yoki emizishni to‘xtatish haqidagi masalani hal qilish kerak. Fikr qilishni, harakat yoki kognitiv ko‘nikmalarni ishlatishni talab etuvchi vazifalarni bajarish qobiliyatiga ta’siri Relvar® Ellipta® preparatining avtotransportni boshqarish va mexanizmlar bilan ishlash qobiliyatiga ta’sirini o‘rganish yuzasidan tadqiqotlar o‘tkazilmagan. Flutikazon furoati yoki vilanterolning farmakologiyasidan kelib chiqib, preparatning bu faoliyat turlariga noxush ta’siri kutilmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

+25°S dan yuqori bo‘lmagan haroratda saqlansin. Sovutgichda saqlaganda qo‘llashdan kamida bir soat oldin ingalyatorni hona haroratida isitish kerak.

Simptomlari va belgilari Klinik tadqiqotlar o‘tkazilganda Relvar® Ellipta® preparatining dozasini oshirib yuborilishi haqida ma’lumotlar olinmagan. Relvar® Ellipta® preparatining dozasini oshirib yuborilishi preparatning alohida komponentlarining ta’siri bilan bog‘liq simptomlarni, shu jumladan beta2-agonistlar va ingalyatsion kortikosteroidlar dozasini oshirib yuborganda kuzatiladigan ma’lum ko‘rinishlar rivojlanishini chaqirishi mumkin (Maxsus ko‘rsatmalar bo‘limiga qarang). Davolash Relvar® Ellipta® preparatining dozasini oshirib yuborilishini spetsifik davosi yo‘q. Doza oshirib yuborilishi rivojlanganda simptomatik davolash buyuriladi va zarurati bo‘lganida bemorni tegishli kuzatish ta’minlanadi. Kardioselektiv beta-adrenoblokatorlarni qo‘llashni faqat klinik jihatdan samarani bir maromda ushlab turuvchi davolashga berilmaslik bilan namoyon bo‘luvchi vilanterolning dozasi oshirib yuborilishining samaralari kuchli yaqqollikda bo‘lganida ko‘rib chiqish kerak. Anamnezida bronxospazm epizodlari kuzatilgan patsiyentlarga kardioselektiv beta-adrenoblokatorlarni ehtiyotkorlikka rioya qilish kerak. Doza oshirib yuborilgan bemorlarni parvarish qilish klinik asoslangan bo‘lishi va Milliy toksikologiya markazining tavsiyalariga (agar mavjud bo‘lsa) mos kelishi kerak.

Retsept bo‘yicha

Ingalyatsiya uchun dozalangan kukun, 100/25 mkg, 200/25 mkg. 30 dozadan och-kulrang rangli korpusli, och-pushti rangli qopqoqli mundshtuk va doza hisoblagichli plastik ingalyator. Ingalyator ikkita alyumin strip saqlaydi, ularning har biri oq rangli kukun saqlovchi 30 uyalar saqlaydi. Ingalyator namyutgichli paketcha saqlovchi alyumin folgali ko‘p qavatli konteynerga joylangan. Konteyner yengil ochiluvchan folga bilan berkitilgan. 1 konteynerdan qo‘llash bo‘yicha yo‘riqnomasi bilan karton qutida.

24 oy. O‘ram ochilgandan keyin preparat maksimum 6 xaftagacha saqlanishi mumkin. Yorliqning maxsus ajratilgan joyiga ingalyatorni utilizatsiya qilish sanasini yozib qo‘ying. Ingalyator konteynerdan olingan zahotiyoq sanani yozib qo‘yish kerak.