Tabletkalar 20 mg: dumaloq shaklli, ikki tomoni qavariq, bir tomonida “REP 20” va boshqa tomonida ‘Pfizer’ yozuvi bo‘lgan to‘q sariq  rangli plyonka qobiq bilan qoplangan tabletkalar. Tabletkalar 40 mg: dumaloq shaklli, ikki tomoni qavariq, bir tomonida “REP 40” va boshqa tomonida ‘Pfizer’ yozuvi bo‘lgan to‘q sariq  rangli plyonka qobiq bilan qoplangan tabletkalar.

migrenga qarshi vosita

So‘rilishi Eletriptan ichga qabul qilinganidan so‘ng, me’da-ichak yo‘llaridan (MIY) tez va yetarlicha to‘liq so‘riladi: (so‘rilishi taxminan 81% ni tashkil qiladi). Erkaklar va ayollarda ichga qabul qilinganida mutloq biokiraolishligi taxminan 50 % ni tashkil qiladi. Ichga qabul qilinganidan so‘ng maksimal kontsentratsiyasiga (TSmax) erishish vaqti o‘rtacha 1,5 soatni tashkil qildi. Terapevtik dozalar (20-80 mg) diapazonida elektriptanning farmakokinetikasi proportsional bog‘liqligi bilan xarakterlanadi. Eletriptanning maksimal kontsentratsiyasi (Smax) va egri chiziq ostidagi maydoni (AUC) yog‘li ovqat iste’mol qilinganidan keyin preparat qo‘llanganida taxminan 20-30% ga oshgan. Migren xuruji vaqtida dori vosita ichga qabul qilinganida AUC taxminan 30% ga pasaygan, qon plazmasida TCmax esa 2,8 soatgacha oshgan. 5-7 kun davomida (20 mg sutkada 3 marta) muntazam qo‘llanganida, eletriptanning farmakokinetikasi proportsional bo‘lib, to‘planishini oldindan bilish mumkin. Yuqoriroq dozalarda 7 kun davomida (40 mg sutkada 3 marta va 80 mg sutkada 2 marta) buyurilganida eletriptanni to‘planishi kutilganidan ko‘proq bo‘lgan (taxminan 40% ga). Taqsimlanishi Vena ichiga yuborilganida eletriptanning taqsimlanish hajmi 138 l ni tashkil qiladi, bu to‘qimalarda yaxshi taqsimlanishini ko‘rsatadi. Eletriptan oqsillar bilan o‘rtacha darajada  bog‘lanadi (taxminan 85%). Metabolizmi In vitro sharoitdagi tadqiqotlar shuni ko‘rsatdiki, eletriptanning metabolizmi tsitoxrom R450 ning CYP3A4 izofermenti orqali jigarda amalga oshiriladi. Buni CYP3A4 ni kuchli selektiv ingibitori bo‘lgan eritromitsin bilan bir vaqtda qabul qilinganida eletriptanning qon plazmasidagi kontsentratsiyasini oshishi tasdiqlaydi. In vitro sharoitda tadqiqotlar eletriptanning metabolizmida shuningdek CYP2D6 ni ham biroz ishtirok etishini namoyish qiladi, ammo klinik tadqiqotlarda bu fermentni eletriptanning farmakokinetikasiga samarasining polimorfligini aniqlamagan. Asosiy 2 metaboliti aniqlangan, bular S14 bilan nishonlangan eletriptan qonga yuborilgandan keyin plazmaning umumiy radiofaolligini asosiy qismini tashkil qiladilar. N-oksidlanish natijasida hosil bo‘ladigan metaboliti hayvonlarda in vitro sharoitdagi tadqiqotlarda faollikka ega bo‘lmagan, N–demetilizatsiya natijasida hosil bo‘ladigan metabolitning faolligi esa eletriptan bilan bir xil bo‘lgan. Radiofaol plazmaning uchinchi komponenti aniqlanmagan. U shuningdek buyraklar va ichak orqali chiqariladigan gidroksi guruxi qo‘shilgan metabolitlar aralashmasi deb taxmin qilinadi. N-demetilizatsiya qilingan metabolitining qon plazmasidagi kontsentratsiyasi eletriptan kontsentratsiyasining 10-20% ni tashkil qiladi va muvofiq ravishda uning terapevtik samaradorligiga ahamiyatli hissa qo‘shmaydi. Chiqarilishi Vena ichiga yuborilganidan keyin eletriptanning umumiy klirensi o‘rtacha soatiga 36 l ni tashkil qiladi, yarim chiqarilish davri (T1/2) esa taxminan 4 soat. Ichga qabul qilinganidan keyin o‘rtacha buyrak klirensi taxminan soatiga 3.9 l ni tashkil qiladi. Buyrakdan tashqari klirensi umumiy klirensining 90% ni tashkil qiladi, bu eletriptanni asosan buyraklar va ichak orqali metabolitlari ko‘rinishida chiqarilishini ko‘rsatadi.

Aurali va aurasiz migren xurujlarini bartaraf qilishda qo‘llanadi.

Ichga buyuriladi. Tabletkalarni butunligicha suv bilan birga yutish kerak. Migrensimon bosh og‘rig‘i paydo bo‘lganida Relpaks®ni iloji boricha erta qo‘llash kerak, lekin dori vositasi migren xurujining kechki bosqichida ham samarador. Kattalar (18-65 yosh) Tavsiya etiladigan boshlang‘ich doza 40 mg ni tashkil qiladi. Agar bosh og‘rig‘i 24 soat ichida yana paydo bo‘lsa: agar migrensimon bosh og‘rig‘i bosilib, lekin so‘ngra 24 soat davomida yana qayta boshlansa, unda Relpaks®ni shu dozada yana buyurish mumkin. Agar ikkinchi doza kerak bo‘lsa, uni birinchi dozadan so‘ng kamida 2 soatdan keyin qabul qilish lozim. Samarasi bo‘lmaganida: agar Relpaks®ning birinchi dozasi 2 soat davomida bosh og‘rig‘ini kamayishiga olib kelmasa, unda xurujni bartaraf etish maqsadida ikkinchi dozani qabul qilish kerak emas, chunki klinik tadqiqotlarda bunday davolashning samaradorligi isbotlanmagan. Bunda xurujni bartaraf etish mumkin bo‘lmagan bemorlar, navbatdagi xurujda samarali klinik javob berishi mumkin. Agar 40 mg dozada preparatni qabul qilish adekvat samaraga erishish imkonini bermasa, unda keyingi migren xurujlarida 80 mg doza samarali bo‘lishi mumkin. Sutkalik doza 160 mg dan oshmasligi lozim. Jigar faoliyatini yengil yoki o‘rtacha buzilishi bo‘lgan bemorlarda dozani o‘zgartirish talab qilinmaydi.

Umuman olganda, Relpaks® yaxshi o‘zlashtiriladi. Odatda nojo‘ya ta’sirlari o‘tkinchi xususiyatiga ega bo‘lib, kuchsiz yoki o‘rtacha ifodalangan va qo‘shimcha davolashsiz o‘z-o‘zidan o‘tib ketadi. Xurujlarini bartaraf etish uchun bir xil dozadagi dori vositani 2 marta qo‘llagan bemorlarda, nojo‘ya ta’sirlarning uchrash tez-tezligi va og‘irlik darajasi, uni bir marta qabul qilgan patsiyentlardagi bilan bir xil bo‘lgan. Relpaks® bilan davolashda qayd qilingan asosiy nojo‘ya ta’sirlari, 5-NT1 retseptorlari agonistlarining butun sinfi uchun xosdir. 5-NT1 retseptorlari agonistlarini, shu jumladan Relpaks® preparatini xam, ba’zi xollarda o‘lim bilan yakunlangan jiddiy yurak-qon tomir tomonidan nojo‘ya samaralari haqida xabar berilgan. Bu reaktsiyalar juda kam hollarda aniqlangan va asosan yondosh xavf omillari bo‘lgan patsiyentlarda kuzatilgan. Relpaks®ni terapevtik dozalarda qabul qilgan patsiyentlarda quyidagi nojo‘ya reaktsiyalar kuzatilgan (platsebo bilan solishtirganda ≥1% va yuqori tez-tezlikda). Bu ko‘rinishlar tez-tezligiga muvofiq quyidagi mezonlarga muvofiq taqsimlangan: tez-tez (≥1/100 dan <1/10 gacha), tez-tez emas (≥1/1000 dan 1/100 gacha) yoki kam hollarda (≥1/10000 dan 1/1000 gacha).

Eletriptanga yoki preparatning boshqa har qanday boshqa komponentiga yuqori sezuvchanlik. Jigar faoliyatini og‘ir buzilishlari. 18 yoshgacha bo‘lgan bolalar (chunki bu gurux bemorlarida preparatni qo‘llashning samaradorligi va xavfsizligi bo‘yicha ma’lumotlar cheklangan). CYP3A4 ingibitorlari (ketokonazol, itrakonazol, eritromitsin, klaritromitsin, djozamitsin) va proteaza ingibitorlari (ritonavir, indinavir va nelfinavir) bilan bir vaqtda qabul qilish. I tur (5-NT) 5-gidroksitriptamin retseptorlarining boshqa agonistlari kabi, uning farmakodinamik xususiyatlariga ko‘ra quyidagi holatlarda eletriptanni qo‘llash mumkin emas: boshqarib bo‘lmaydigan arterial gipertenziya,koronar arteriyalar spazmi, yurak ishemik kasalligi (stenokardiya, Printsmetal stenokardiyasi, o‘tkazilgan miokard infarkti, tasdiqlangan simptomsiz miokard ishemiyasi) yoki uning borligiga shubha;aritmiyalar;yurak yetishmovchiligi;periferik qon tomirlarning okklyuzion kasalliklari;bosh miya qon aylanishini buzilishlari yoki anamnezdagi tranzitor ishemik xujum;boshqa 5-NT retseptorlarining agonistlari bilan birga qo‘llash;eletriptan qabul qilingunicha yoki qabul qilinganidan keyin 24 soat davomida ergotamin yoki uning hosilalarini, shu jumladan metisergidni qo‘llash mumkin emas (“Dorilarning o‘zaro ta’siri” bo‘limiga qarang). Relpaks® gemiplegik, oftalmoplegik yoki bazilyar migrenni bartaraf qilish uchun ko‘rsatilmagan. Laktozani o‘zlashtiraolmaslik, laktoza tanqisligi yoki glyukozo-laktoz malabsorbtsiya kabi kam uchraydigan nasliy kasalliklari bo‘lgan patsiyentlar preparatni qabul qilmasliklari kerak.

Boshqa dori vositalarni eletriptanning farmakokinetikasiga ta’siri CYP3A4 ning kuchli spetsifik ingibitorlari bo‘lgan eritromitsin (1000 mg) va ketokonazol (400 mg) bilan bir vaqtda buyurilganida, eletriptanning Cmax mos ravishda 2 va 2,7 marta va AUC mos ravishda 3,6 va 5,9 marta oshgan. Bunda samaralar eletriptanning T1/2 eritromitsin qo‘llanganida 4,6 soatdan 7,1 soatgacha, ketokonazol qo‘llanganida 4,8 soatdan 8,3 soatgacha oshgan. (“Farmakokinetikasi” bo‘limiga qarang). Shunday qilib, Relpaks®ni CYP3A4ning kuchli ingibitorlari, xususan ketokonazol, itrakonazol, eritromitsin, klaritromitsin, djozamitsin va proteaza ingibitorlari (ritonavir, indinavir va nelfinavir) bilan birga qo‘llash mumkin emas. Relpaks®ni beta-adrenoblokatorlar, tritsiklik antidepressantlar, seratoninni qayta qamrab olinishining selektiv ingibitorlari va flunarizin bilan o‘zaro ta’siri aniqlanmagan, lekin yuqoridagi dori vositalari va eletriptanning o‘zaro ta’sirini aniqlash maqsadidagi maxsus klinik tadqiqotlarning natijalari hozircha ma’lum emas (propranololdan tashqari, pastga qarang). Klinik tadqiqotlarning populyatsion farmakokinetik tahlili shuni ko‘rsatadiki, quyidagi dori vositalarini Relpaks®ning farmakokinetikasiga biron-bir ta’sir ko‘rsatishi mavhum: beta-adrenoblokatorlar, tritsiklik antidepressantlar, seratoninni qayta qamrab olinishining selektiv ingibitorlari, estrogen saqlovchi gormonal o‘rinbosarpreparatlar, estrogen saqlovchi kontratseptiv preparatlar va kaltsiy kanallarining blokatorlari. Eletriptan MAO substrati emasligi tufayli, Relpaks® va MAO ingibitorlarining farmakokinetik o‘zaro ta’sirining ehtimoli kam va ularning o‘zaro ta’sirini maxsus tadqiqotlari o‘tkazilmagan. Propranolol 160 mg dozada, verapamil 480 mg dozada yoki flukonazol 100 mg dozada bir vaqtda qo‘llanganida eletriptanning Smax mos ravishda 1,1, 2,2 va 1,4 marta, AUC esa – 1,3, 2,7 va 2,0 marta oshgan. Bu o‘zgarishlar klinik ahamiyatli hisoblanmaydi, chunki ular arterial bosimni oshishi yoki eletriptanning bir o‘zi qo‘llanganidagi bilan solishtirilganida nojo‘ya ta’sirlarining tez-tezligini oshishi bilan birga kechmagan. Relpaks® qabul qilinganidan so‘ng 1 va 2 soat keyin kofein/ergotaminni qabul qilish, arterial bosimni biroz, lekin additiv oshishiga olib keladi, buni ushbu dori vositalarning farmakologik xususiyatlari asosida oldindan bilish mumkin. Shuning uchun ergotamin va ergotaminsimon vositalarni (masalan, digidroergotamin) saqlovchi preparatlarni Relpaks® qabul qilinganidan keyin 24 soat davomida buyurish mumkin emas. Aksincha ergotamin saqlovchi preparatlar qabulidan keyin 24 soat o‘tgach Relpaks®ni buyurish mumkin. Eletriptanni boshqa dori vositalarga ta’siri Terapevtik dozalarda tsitoxrom R450 tizimiga preparatning ta’siri (ingibitsiya yoki induktsiya qiluvchi) aniqlanmagan. Serotoninergik preparatlar bilan o‘zaro ta’siri 5-NT retseptorlarining agonistlarini, shu jumladan eletriptanni, SQQOSI (serotoninni qayta qamrab olinishining selektiv ingibitorlari) va SNQQOSI (serotoninni va noradrenalinni qayta qamrab olinishining selektiv ingibitorlari) kabi serotoninergik faollikka ega bo‘lgan preparatlar bilan bir vaqtda qo‘llash, serotonin sindromini rivojlanishining xavfini oshirishi mumkin. Eletriptan va serotoninergik preparatlarni bir vaqtda qo‘llashning klinik zarurati bo‘lganida ehtiyotkorlikka rioya qilish kerak. Bunday patsiyentlarni sinchiklab kuzatish kerak, ayniqsa davolashni boshida va har bir preparatning dozasi oshirilganida.

Relpaks®ni CYP3A4 ning maxsus kuchli ingibitorlari, xususan ketokonazol, itrakonazol, eritromitsin, klaritromitsin, djozamitsin va ritonavir, indinavir va nelfinavir kabi proteaza ingibitorlari bilan birga qo‘llash tavsiya etilmaydi (“Dorilarning o‘zaro ta’siri” bo‘limiga qarang). Bundan tashqari, CYP3A4 ingibitorlarini qabul qilish yakunlanganidan keyin 72 soat davomida Relpaks®ni qabul qilish mumkin emas. 5-NT1 retseptorlarining  boshqa agonistlari kabi, Relpaks®ni faqat migren tashxisiga gumon bo‘lmagan hollarda qo‘llash kerak. 5-NT1 retseptorlarining boshqa agonistlari kabi, Relpaks®ni jiddiy kasalliklar (insult, anevrizmani yorilishi) bilan bog‘liq bo‘lishi mumkin bo‘lgan “atipik” bosh og‘riqlarini davolash uchun buyurish mumkin emas, chunki bunda bosh miya qon tomirlarini torayishi zararli bo‘lishi mumkin. 5-NT1 retseptorlarining agonistlarini qo‘llash fonida bosh miyaga qon quyilishi, subaraxnoidal qon quyilishi, insult yoki ayrim xollarda o‘lim bilan yakunlangan boshqa tserebrovaskulyar buzilishlar rivojlanishi xolatlari aniqlangan. Bir necha xollarda tserebrovaskulyar buzilishlar asosiy kasallik bo‘lgan va simptomlarni migren belgisi xisoblab, 5-NT1 retseptorlarining agonistlari noo‘rin qo‘llangan. Migreni bo‘lgan patsiyentlarda tserebrovaskulyar asoratlarning (masalan, insult, qon quyilishi va o‘tkinchi ishemik xujum) xavfi yuqori bo‘lishi mumkinligini hisobga olish kerak. Eletriptan va SQQOSI (masalan, fluoksetin, paroksetin, sertralin, fluvoksamin, tsitalopram, estsitalopram) va SNQQOSI (masalan, venlafaksin, duloksetin) bir vaqtda qo‘llanganida potentsial hayotga xavf tug‘diruvchi serotoninli sindrom rivojlanishi mumkin (“Ehtiyotkorlik bilan” va “Dorilarning o‘zaro ta’siri” bo‘limiga qarang). Bu sindrom quyidagi simptomlar bilan namoyon bo‘lishi mumkin: ruhiy statusni buzilishi (masalan, ajitatsiya, gallyutsinatsiyalar, koma), vegetativ nerv tizimining beqarorligi (masalan, taxikardiya, arterial bosimni o‘zgarishi, gipertermiya), nerv-mushak tizimi faoliyatini buzilishi (masalan, giperrefleksiya, koordinatsiyani buzilishi) va/yoki ovqat hazm qilish tizimi faoliyatini buzilish simptomlari (masalan, ko‘ngil aynishi, qusish, diareya). Relpaks® preparatini yurak ishemik kasalligi (masalan, arterial gipertenziya, giperxolesterinemiya, chekish, semizlik, qandli diabet, og‘irlashgan oilaviy anamnez, jarrohlik yoki fiziologik menopauza holatida bo‘lgan ayollar yoki 40 yoshdan oshgan erkaklar) rivojlanishini xavf omillari bo‘lgan patsiyentlarda, qon aylanish tizimini sinchiklab tekshirish o‘tkazilmagunicha va yurak-qon tomir kasalligi istisno qilinmaguncha qo‘llash tavsiya etilmaydi. Yurak-qon tomir tizimi holatini baholashning usullarini sezgirligi yetarlicha kam. Shuning uchun, agar patsiyentning anamnezida, EKG da yoki boshqa tashxis muolajalarni o‘tkazishda, arterial vazospazm yoki miokard ishemiyasi uchun xarakterli belgilar aniqlansa, eletriptanni qo‘llash tavsiya etilmaydi (“Qo‘llash mumkin bo‘lmagan holatlar” bo‘limiga qarang). Yurak-qon tomir kasalliklarining xavf omillari bo‘lgan patsiyentlarda, lekin ularda yurak-qon tomir tizimi holatini baholash qoniqarli natija ko‘rsatgan, eletriptanning birinchi dozasini, ilgari eletriptan qabul qilgan patsiyentlardan tashqari, shifokor kuzatuvi ostida qabul qilish tavsiya etiladi. Miokard ishemiyasi klinik simptomlar bo‘lmaganida ham paydo bo‘lishi mumkinligi tufayli, Relpaks® preparati qabul qilinganidan keyin darxol elektrokardiografik tekshirishlarni o‘tkazish imkoniyatini ko‘rish kerak. Yuqorida ta’riflanganidek, eletriptanni uzoq vaqt, lekin tanaffuslar bilan qabul qilayotgan, yurak-qon tomir kasalliklarning xavf omillari bo‘lgan patsiyentlar, vaqti-vaqti bilan yurak-qon tomir tizimining tekshiruvidan o‘tishlari kerak, chunki ular eletriptan bilan davolashni davom ettirayaptilar. Yuqorida bayon qilingan tavsiyalarga muntazam rioya qilish, tashxis qilinmagan yurak-qon tomir kasalliklari bo‘lgan eletriptan bilan davolanayotgan patsiyentlar hollarini pasayishiga olib keladi. 5-NT1 retseptorlarining agonistlari qo‘llanganda yurak faoliyatini og‘ir buzilishi hollari, shu jumladan preparat qabul qiligandan keyin birinchi bir necha soatda rivojlanuvchi miokard infarkti, yurak ritmini hayotga xavf soluvchi buzilishlari va o‘lim bilan yakunlanuvchi hollari haqida xabar berilgan. Migreni bo‘lgan patsiyentlarda 5-NT1 retseptorlarining agonistlari keng qo‘llanishini hisobga olib, bu reaktsiyalar paydo bo‘lishini tez-tezligi juda past. Klinik tadqiqotlarni o‘tkazish vaqtida quyidagi xabarlar olingan. Diagnostik koronar angiografiya o‘tkazilgan patsiyentlar orasida, vena ichiga eletriptan qabul qilayotgan (Smax 127 ng/ml, bu ichga qabul qilish uchun 60 mg eletriptanga ekvivalent) anamnezida stenokardiya, arterial gipertenziya va giperxolesterinemiya bo‘lgan bir patsiyentda, ko‘krak qafasida qisilish xissi paydo bo‘lgan, shuningdek, ishemiya uchun xarakterli bo‘lgan EKG da o‘zgarishlarsiz koronar angiospazm (angiografiya bilan tasdiqlangan) epizodi aniqlangan. Bundan tashqari, anamnezida ritmni shunday buzilishi bo‘lgan patsiyentda bo‘lmachalar fibrillyatsiyasini rivojlanishining bir holati haqida xabar berilgan. Postmarketing davrda og‘ir yurak-qon tomir asoratlar rivojlanishi hollari haqida xabar berilgan, ulardan ayrimlari o‘lim bilan yakunlangan. Juda kam hollarda bu asoratlar yurak-qon tomir kasalliklarning biron-bir belgilari bo‘lmaganda paydo bo‘lgan. Shunga qaramay, postmarketing davrida olingan xabarlarning nazorat qilishni qiyinligini hisobga olib, bu hollarni eletriptan qabul qilish bilan o‘zaro aloqasini oxirigacha aniqlash mumkin emas. Relpaks®ni yurak-qon tomir kasalliklarini bo‘lishining ehtimoli yoki ularni rivojlanishining yuqori xavfi bo‘lgan bemorlarga oldindan tekshirmasdan buyurish mumkin emas (“Qo‘llash mumkin bo‘lmagan holatlar” bo‘limiga qarang). Yurak yetishmovchiligi bo‘lgan bemorlarda eletriptanni tizimli o‘rganish o‘tkazilmagan. 5-NT1 –retseptorlarning boshqa agonistlari kabi, eletriptanni bu bemorlarda qo‘llash tavsiya etilmaydi. Relpaks® aura va aurasiz migrenni va menstrual tsikliga yondosh migrenni davolashda samarali. Aura paydo bo‘lgan vaqtida qabul qilingan Relpaks® bosh og‘rig‘i rivojlanishiga to‘sqinlik qilmaydi, shuning uchun uni faqat bosh og‘rig‘i fazasida qabul qilish lozim. Relpaks®ni shuningdek ko‘ngil aynishi, qusish, fotofobiya, fonofobiya kabi migren bilan birga kechuvchi simptomlarni bartaraf etish uchun ham va xuruj davomida bosh og‘rig‘ini qaytalanishini davolashda samaradorligi klinik tadqiqotlarda aniqlangan. Relpaks®ni oldini olish maqsadida qo‘llash mumkin emas. Relpaks® 60 mg va undan ortiq terapevtik dozalarda qo‘llanganida arterial bosimni biroz va o‘tkinchi oshishi qayd qilingan. Arterial bosim buyrak faoliyatini buzilishi bo‘lgan patsiyentlarda (dastlabki darajadan maksimal sistolik bosim 14-17 mm sim. ust. diastolik esa 14-21 mm sim. ust. oshgan va sog‘lom ko‘ngillilarga qaraganda 3-4 mm sim. ust. yuqori bo‘lgan) va keksa odamlarda ko‘proq oshgan. Migrenga qarshi dori vositalarni cheklanmagan qo‘llash surunkali har kungi bosh og‘riqlarga olib kelishi mumkinligini hisobga olish kerak. Har qanday triptanlarni haddan ziyod qo‘llash hollari hammadan ko‘proq har kuni bosh og‘rig‘i bo‘lgan patsiyentlarda kuzatiladi. Homiladorlik va laktatsiya davri Relpaks®ni homiladorlikda qo‘llashning klinik tajribasi yo‘q. Hayvonlarda o‘tkazilgan tadqiqotlarda preparat teratogen ta’sir ko‘rsatmagan. Relpaks®ni faqat ona uchun kutilayotgan foyda, homila uchun mumkin bo‘lgan xavfdan axamiyatli yuqori bo‘lgan holdagina buyurish kerak. Relpaks® ayollarda ko‘krak suti bilan chiqariladi. Relpaks® bir marta 80 mg dozada qabul qilinganida 24 soat davomida ko‘krak suti bilan chiqarilishi qabul qilingan dozaning o‘rtacha 0.02% ni tashkil qilgan. Yangi tug‘ilgan chaqaloqqa dori vositaning ta’sirini, agar uni eletriptan qo‘llanganidan so‘ng 24 soat davomida emizish to‘xtatilsa minimalga yetkazish mumkin.

30oS dan yuqori bo‘lmagan haroratda saqlansin.

Doza oshirib yuborilganida arterial gipertenziya va yurak-qon tomir tizimi tomonidan boshqa buzilishlar rivojlanishini kutish mumkin. Davolash: me’dani yuvish, simptomatik davolash. Eletriptanning yarim chiqarilish davri (T1/2) taxminan 4 soatni tashkil qilishi tufayli, doza oshirib yuborilgan holda bemorni kamida 20 soat yoki klinik belgilari yo‘qolgunicha kuzatish kerak. Gemodializ va peritoneal dializni eletriptanning qon plazmasidagi kontsentratsiyasiga ta’siri noma’lum.

Retsept bo‘yicha

Plyonka qobiq bilan qoplangan tabletkalar 20 mg yoki 40 mg. 2, 3, 4, 6 yoki 10 tabletka PVX/alyuminiy folga blisterda. 1, 2, 3, 4, 5, 6 yoki 10 blister qo‘llash bo‘yicha yo‘riqnomasi bilan birga karton qutida. Birinchi ochilishini nazorat qilish maqsadida karton qutining yuzi tomoniga yarim halqani eslatuvchi teshilgan qator tushiriladi. Preparatni qadoqlaganda qutining yon yuzalari zich qilib yopishtiriladi.

3 yil.