jigarrang yoki to‘q-jigarrang rangli, erimagan zarrachalardan holi bo‘lgan eritma.

Antianemik vosita (temir preparatlari).

V03AS02

100 mg temir saqlovchi Rekafer preparati vena ichiga bir marta yuborilganidan keyin qon plazmasida temirning maksimal kontsentratsiyasiga (o‘rtacha 538 mkmol) inyektsiyadan keyin 10 minut o‘tgach erishiladi. Yarim chiqarilish davri – 6 soat. Turg‘un holatda taqsimlanish hajmi taxminan 8 l ni tashkil qiladi, bu organizmning suyuq muhitlarida temirni past taqsimlanishini ko‘rsatadi. Yuborilganidan keyingi dastlabki 4 soatda kuzatiladigan temirning buyraklar orqali chiqarilishini, umumiy klirensning 5% dan kamrog‘ini tashkil qiladi. 24 soatdan keyin qon zardobidagi temirning kontsentratsiyasi dastlabki (yuborishdan oldingi) ko‘rsatkichga qaytadi va saxarozaning taxminan 75% qon oqimidan chiqariladi.

temir tanqisligi (shu jumladan temir tanqisli va o‘tkir postgemorragik anemiya) bo‘lgan patsiyentlarda temir o‘rnini tez to‘ldirishning zarurati bo‘lganida;ichga qabul qilish uchun temir preparatlarini o‘zlashtiraolmaydigan patsiyentlarda;temir preparatlarini ichga qabul qilish imkoniyati bo‘lmagan me’da-ichak yo‘llarining kasalliklarida qo‘llanadi.

Faqat vena ichiga yuborish uchun!

Hozirgi vaqtda Rekafer preparatini yuborish sabab bo‘lishi mumkin vaqtinchalik bo‘lgan quyidagi noxush ko‘rinishlari ma’lum. Hamma simptomlar juda kam xollarda kuzatilgan (paydo bo‘lish tez-tezligi 0,01% dan kam va 0,001% ga teng yoki katta). Nerv tizimi tomonidan: bosh aylanishi, bosh og‘rig‘i, hushdan ketish, paresteziyalar. Yurak-qon tomir tizimi tomonidan: yurak urishini his qilish, taxikardiya, arterial bosimni pasayishi, kollaptoid holat, issiqlik hissi, yuzga qonni “oqib kelishi”, periferik shishlar. Nafas a’zolari tomonidan: bronxospazm, hansirash. Ovqat-hazm qilish tizimi tomonidan: ta’m sezishni buzilishi, og‘izda “metall” ta’mi, qorin sohasida tarqalgan og‘riqlar, epigastral sohada og‘riq, diareya, ko‘ngil aynishi, qusish. Teri qoplamalari tomonidan: eritema, terini qichishishi, toshma, pigmentatsiyani buzilishi, ko‘p terlash. Tayanch-harakat apparati tomonidan: artralgiya, bo‘g‘imlarni shishi, mialgiya, qo‘l-oyoqlarda og‘riq. Immun tizimi tomonidan: allergik, anafilaktoid reaktsiyalar, shu jumladan yuzning angionevrotik shishi, halqumni shishi. Boshqalar: asteniya, ko‘krakda og‘riq, ko‘krakda og‘irlik hissi, xolsizlik, teri qoplamalarini oqarishi, loxaslik hissi, tana haroratini oshishi, qaltirash. Mahalliy reaktsiyalar: yuborish joyida og‘riq va shish (ayniqsa preparatni ekstravazal tushishida). Flebit, achishish hissi, gematoma.

Preparatni quyidagi holatlarda qo‘llash mumkin emas: temir tanqisligi bilan bog‘liq bo‘lmagan kamqonlik;temir miqdorini oshishining belgilari (gemosideroz, gemoxromatoz) yoki uning utilizatsiyasi jarayonlarini buzilishi;Rekafer preparati yoki uning faol bo‘lmagan komponentlariga yuqori sezuvchanlik bo‘lganida;fruktozani o‘zlashtiraolmaslik va glyukoza/galaktozani so‘rilishini buzilishi sindromi yoki saxaroza/izomaltaza tanqisligi;homiladorlikning I uch oyligida (“Homiladorlik va emizish davrida qo‘llanishi” bo‘limiga qarang) qo‘llash mumkin emas.

Rekaferni ichga qabul qilish uchun temirning boshqa dori shakllari bilan bir vaqtda buyurish mumkin emas, chunki me’da-ichak yo‘llaridan temirning so‘rilishini kamayishiga olib keladi. Ichga qabul qilish temir preparatlari bilan davolashni oxirgi inyektsiyadan kamida 5 kundan keyin boshlash mumkin.

Rekafer faqat anemiya tashhisi muvofiq laboratoriya ma’lumotlari (masalan, qon zardobida ferretin yoki gemoglobin va gematokrit, eritrotsitlar va ularning ko‘rsatkichlari – eritrotsitning o‘rtacha hajmi yoki eritrotsitdagi gemoglobinning o‘rtacha miqdori) bilan tasdiqlangan bemorlarga buyurilishi kerak. Rekafer preparatini yuborish tezligiga qat’iy rioya qilish kerak (preparatni tez yuborilganda arterial bosim pasayishi mumkin). Rekafer preparatini yuborish vaqtida gemodinamika ko‘rsatkichlarini nazorat qilish kerak. Temir preparatlari vena ichiga qo‘llanganida xayot uchun potentsial xavfli bo‘lgan allergik va anafilaktoid reaktsiyalarni chaqirishi mumkin. Bronxial astma, ekzema, atopik kasalliklar, polivalent allergiya, temirning boshqa preparatlariga allergik reaktsiya, shuningdek qon zardobining temirni bog‘lash qobiliyati past bo‘lgan/ yoki folat kislotasi yetishmovchiligi bo‘lgan patsiyentlarda allergik yoki anafilaktoid reaktsiyalarning yuqori xavfi mavjud (“Ehtiyotkorlik bilan” bo‘limiga qarang). Preparatni vena atrofi bo‘shlig‘iga tushishidan saqlanish kerak, chunki tomirdan tashqariga tushishi to‘qimalar nekrozi va teri qoplamalarini jigarrang rangga bo‘yalishiga olib keladi. Bunday asorat rivojlangan hollarda natriy xloridining 0,9% eritmasini (agar igna hali tomirda bo‘lsa) ko‘p bo‘lmagan miqdorda yuborish kerak. Temirni chiqarilishini tezlashtirish va uni atrof to‘qimalarga kirishini davom etishini oldini olish uchun, inyektsiya joyiga geparin saqlovchi preparatlarni surtish tavsiya qilinadi (gel va surtma yengil harakatlar bilan ishqalamasdan surtiladi). Cho‘kma mavjudligida preparatni yuborishga yo‘l qo‘yilmaydi. Rekafer preparati saxaroza saqlaydi. Qandli diabeti bo‘lgan patsiyentlarda buni hisobga olish kerak. Ko‘rsatmalarga qarab preparatni tomchilab yuborishda maksimal o‘zlashtira olinadigan temirning bir martalik dozasi 500 mg gacha yetishi mumkin, bu 8,5 g (0,7 NB) saxarozaga to‘g‘ri keladi. Temir ko‘pchilik mikroorganizmlarning o‘sishini rag‘batlantirishi tufayli, o‘tkir bakterial infektsiyalar rivojlanganida temir preparatlarini bekor qilish kerak.

Rekaferni homiladorlikning I uch oyligida qo‘llash mumkin emas. Homiladorlikning II va III uch oyligida preparat ona uchun kutilayotgan foyda, homila uchun potentsial xavfdan yuqori bo‘lgan hollarda buyuriladi. Emizish davrida preparatni qo‘llash xavfsizligi aniqlanmagan. Emizishni to‘xtatish (preparatni qo‘llash zarurati bo‘lganida) yoki preparatni bekor qilish tavsiya etiladi.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin. Muzlatilmasin.

Simptomlari: arterial bosimni yaqqol pasayishi (kollaps belgilari 30 minut davomida namoyon bo‘ladi), gemosideroz simptomlari. Davolash: simptomatik, zarurati bo‘lganida – temirni bog‘lab oluvchi dori vositalari (xelatlar), masalan deferoksamin.

Retsept bo‘yicha

5 ml dan tiniq shisha ampulalarda. 5 ampula qo‘llash bo‘yicha yo‘riqnomasi bilan birga karton qutiga joylangan.

2 yil.