qattiq jelatinli, oq tiniq bo‘lmagan kapsulalar.

tutqanoqqa qarshi preparat.

N03AX16

Tavsiya qilingan sutkalik dozalar diapozonida pregabalinning farmakokinetikasi bir tekis xarakterga ega bo‘lib, shaxslararo o‘zgaruvchanligi past (<20%) bo‘lgan. Preparatning takror qo‘llangandagi farmakokinetikasini, bir martalik dozani qabul qabul qilish natijasida olingan ma’lumotlar asosida oldindan aytib berish mumkin. Demak, pregabalinning kontsentratsiyasini muntazam monitorlashga zarurat yo‘q. Pregabalin farmakokinetikasining ko‘rsatkichlari muvozanat holatdagi sog‘lom ko‘ngillilarda, tutqanoqqa qarshi davolayotgan tutqanog‘i bo‘lgan bemorlarda va preparatni surunkali og‘riqli sindromlar yuzasidan uni qabul qilayotgan patsiyentlarda o‘xshash bo‘lgan. So‘rilishi Pregabalin och qoringa qabul qilinganda tez so‘riladi. Preparatning plazmadagi cho‘qqi kontsentratsiyasiga (Smax) bir marta qabul qilinganda ham, takroriy qo‘llanganida ham       1 soatdan keyin erishiladi. Pregabalin ichga qabul qilinganida uning biokiraolishligi ≥90% tashkil qiladi va dozaga bog‘liq emas. Takroran qo‘llanganida muvozanat holatiga 24-48 soatdan keyin erishiladi. Preparatni ovqatlanishdan keyin qabul qilinganda Smax taxminan 25-30% ga pasayadi, Smax ga erishish vaqti (Tmax) taxminan 2,5 soatgacha oshadi. Biroq ovqat qabul qilish pregabalinni umumiy so‘rilishiga klinik ahamiyatli darajada ta’sir ko‘rsatmaydi. Taqsimlanishi Pregabalin ichga qabul qilinganidan keyin uning taxminiy taqsimlanish hajmi – Vd 0,56 l/kg ni tashkil qiladi. Preparat plazma oqsillari bilan bog‘lanmaydi. Metabolizmi Pregabalin metabolizmga deyarli uchramaydi. Nishonlangan pregabalin qabul qilinganidan keyin taxminan 98% radiofaol nishon siydikda o‘zgarmagan holda aniqlangan. Pregabalinning siydikda aniqlanadigan asosiy metaboliti bo‘lgan                       N-metillangan hosilasining ulushi, qabul qilingan dozaning 0,9% ni tashkil qiladi. Pregabalinning S-enantiomerini R-enantiomerga ratsemizatsiyasining belgilari aniqlanmagan. Chiqarilishi Pregabalin asosan buyraklar orqali o‘zgarmagan holda chiqariladi. O‘rtacha yarim chiqarilish davri 6,3 soatni tashkil qiladi. Pregabalinning plazmadagi klirensi va buyrak klirensi kreatinin klirensiga (KK) to‘g‘ri proportsionaldir. Alohida klinik holatlardagi farmakokinetikasi Patsiyentning jinsi pregabalinning plazmadagi kontsentratsiyasiga klinik ahamiyatli darajada ta’sir ko‘rsatmaydi. Buyrak faoliyatini buzilishi. Buyrak faoliyatini buzilishida pregabalinning klirensi kreatinin klirensiga to‘g‘ri proportsionalligini hisobga olish kerak. Preparat asosan buyraklar orqali chiqarilishi tufayli, buyraklar faoliyatini buzilishlari bo‘lgan bemorlarda pregabalinning dozasini kamaytirish tavsiya qilinadi. Bundan tashqari, pregabalin plazmadan gemodializda samarali yo‘qotiladi (4 soatlik gemodializ seansidan keyin pregabalinning plazmadagi kontsentratsiyasi taxminan 50% ga pasayadi), gemodializdan keyin preparatning qo‘shimcha dozasini buyurish kerak. Jigar faoliyatini buzilishi. Jigar faoliyatini buzilishlari bo‘lgan bemorlarda pregabalinning farmakokinetikasi maxsus o‘rganilmagan. Pregabalin deyarli metabolizmga uchramaydi va asosan o‘zgarmagan holda siydik bilan chiqariladi, shuning uchun jigar faoliyatini buzilishi preparatning plazmadagi kontsentratsiyasini ahamiyatli darajada o‘zgartirmasligi kerak. Preparatni 65 yoshdan oshgan keksa patsiyentlarga buyurilganda pregabalinning klirensi yosh o‘tgan sari pasayishini hisobga olish kerak, bu kreatinin klirensini yoshga doir pasayishini aks ettiradi. Buyraklar faoliyatining buzilishlari bo‘lgan keksa odamlarda preparatning dozasini pasaytirish talab qilinishi mumkin.

Neyropatik og‘riq: kattalarda neyropatik og‘riqni davolash. Tutqanoq: ikkilamchi tarqalish bilan yoki usiz kechuvchi partsial tirishishlari bo‘lgan kattalarda yordamchi davolash vositasi sifatida. Tarqoq xavotirli buzilishlar kattalarda tarqoq xavotirli buzilishlarni davolash. Fibromialgiya: kattalarda fibromialgiyani davolash uchun qo‘llanadi.

Preparat ichga, ovqat qabul qilishdan qat’iy nazar, 150 dan 600 mg gacha bo‘lgan sutkalik dozada 2 yoki 3 martada qabul qilinadi. Neyropatik og‘riqda davolashni sutkada 150 mg dozadan boshlanadi. Erishilgan samarani va preparatni o‘zlashtira olinishini hisobga olib, 3-7 kundan keyin dozani sutkada 300 mg gacha, zarurati bo‘lganida yana 7 kundan keyin – maksimal doza sutkada 600 mg gacha oshirish mumkin. Tutqanoqda davolashni sutkada 150 mg dozadan boshlanadi. Erishilgan samarani va preparatni o‘zlashtira olinishini hisobga olib, 1 haftadan keyin dozani sutkada 300 mg gacha, yana 1 haftadan keyin – maksimal doza sutkada 600 mg gacha oshirish mumkin. Fibromialgiyada davolashni sutkada 2 marta 75 mg dozadan (sutkada 150 mg dozadan) boshlanadi. Erishilgan samarani va preparatni o‘zlashtira olinishini hisobga olib, 3-7 kundan keyin dozani sutkada 300 mg gacha oshirish mumkin. Ijobiy samara bo‘lmaganida dozani sutkada 450 mg gacha, zarurati bo‘lganida yana 7 kundan keyin – maksimal doza sutkada 600 mg gacha oshiriladi. Tarqoq xavotirli buzilishlarda davolashni sutkada 150 mg dozadan boshlanadi. Erishilgan samarani va preparatni o‘zlashtira olinishini hisobga olib, 7 kundan keyin dozani sutkada 300 mg gacha oshirish mumkin. Ijobiy samara bo‘lmaganida dozani sutkada 450 mg gacha, zarurati bo‘lganida yana 7 kundan keyin – maksimal doza sutkada 600 mg gacha oshiriladi. Regapen preparatini bekor qilish: agar davolashni to‘xtatish zarurati bo‘lsa, unda buni asta-sekin kamida 1 hafta davomida amalga oshirish tavsiya qilinadi. Buyrak faoliyatini buzilishi bo‘lgan patsiyentlarda doza shaxsiy ravishda KK bog‘liq holda tanlanadi (1-jadval), u quyidagi formula bo‘yicha hisoblanadi. Erkaklar uchun: KK (ml/min) = (tana vazni kg larda) x (140 – yosh (yillar hisobida)) /72 x zardob kreatinini (mg/dl). Ayollar uchun: KK (ml/min) = erkaklar uchun KK ko‘rsatkichi x 0,85. Gemodializda davolanayotgan patsiyentlarda pregabalinning sutkalik dozasi buyrak faoliyatiga bog‘liq holda tanlanadi. Bevosita har 4 soatlik gemodializ seansidan keyin qo‘shimcha doza buyuriladi (jadval).

Pregabalinni klinik qo‘llanishi bo‘yicha mavjud bo‘lgan tajriba bo‘yicha 12000 dan ko‘proq patsiyentlarda eng tarqalgan nojo‘ya holatlar bosh aylanishi va uyquchanlik bo‘lgan. Kuzatiladigan holatlar odatda yengil yoki o‘rtacha darajada bo‘lgan. Pregabalin va platseboni nojo‘ya reaktsiyalari tufayli bekor qilish tez-tezligi muvofiq ravishda 14 va 7% ni tashkil qilgan. Davolashni to‘xtatilishini talab qiluvchi asosiy nojo‘ya samaralari ularni subyektiv o‘zlashtiraolishligiga qarab, bosh aylanishi (4%) va uyquchanlik (3%) bo‘lgan. Preparatni bekor qilinishiga olib kelgan yana boshqa nojo‘ya samaralar: ataksiya, ongni chalkashishi, asteniya, diqqatni buzilishi, ko‘rishni noaniqligi, koordinatsiyani buzilishi, periferik shishlar. Jadvalda barcha nojo‘ya holatlar sanab o‘tilgan, ularning tez-tezligi platsebo guruhidagidan ortiq bo‘lgan (1 odamdan ko‘pida kuzatiladigan) va asosiy kasallik va/yoki yo‘ldosh davolash bilan bog‘liq bo‘lishi mumkin bo‘lgan. Nojo‘ya reapktsiyalarning tez-tezligi tasnifi: juda tez-tez (>1/10), tez-tez (>1/100, <1/10), tez-tez emas (>1/1000, <1/100) va kam (<1/1000).

Bolalar va 17 yoshgacha bo‘lgan o‘smirlar (qo‘llash bo‘yicha ma’lumotlar yo‘q);Kam uchraydigan nasliy kasalliklar, shu jumladan galaktozani o‘zlashtiraolmaslik, laktaza yetishmovchiligi va glyukoza/galaktozani so‘rilishini buzilishi;preparatning komponentlariga yuqori sezuvchanlikda qo‘llash mumkin emas. Preparatni buyrak yetishmovchiligida, yurak yetishmovchiligida ehtiyotkorlik bilan buyurish kerak. Pregabalinni nazoratsiz qo‘llashning yakka hollari qayd etilganligi tufayli, uni anamnezida doriga qaramlik bo‘lgan patsiyentlarda ehtiyotkorlik bilan buyurish lozim (bunday patsiyentlar preparat bilan davolanish vaqtida sinchkov tibbiy kuzatuvga muhtojdirlar).

Pregabalin asosan o‘zgarmagan holda siydik bilan chiqariladi, odamda minimal metabolizmga uchraydi (metabolitlar ko‘rinishida siydik bilan dozaning 2% dan kami chiqariladi), in vitro sharoitida boshqa dori vositalarining metabolizmini ingibirlamaydi va plazma oqsillari bilan bog‘lanmaydi, shuning uchun u farmakokinetik o‘zaro ta’sirga kirishish qobiliyatiga ega emas. Pregabalinni fenitoin, karbamazepin, valproat kislotasi, lamotridjin, gabapentin, lorazepam, oksikodon va etanol bilan klinik ahamiyatli darajadagi farmakokinetik o‘zaro ta’sirining belgilari aniqlanmagan. Peroral gipoglikemik preparatlar, diuretiklar, insulin, fenobarbital, tiagabin va topiramatni pregabalinning klirensiga klinik ahamiyatli daraja ta’sir ko‘rsatmasligi aniqlangan. Noretisteron va/yoki etinilestradiol saqlovchi peroral kontratseptivlar pregabalin bilan bir vaqtda qo‘llanganida ikkala preparatning muvozanatli farmakokinetikasi o‘zgarmagan. Pregabalinni va markaziy nerv tizimini susaytiruvchi boshqa preparatlarni bir vaqtda qo‘llanganda nafasni buzilishi va komani rivojlanish holatlari to‘g‘risida xabar berilgan. Shuningdek qabziyatni chaqiruvchi dori vositalar (masalan, opioid analgetiklar) bilan bir vaqtda qo‘llanganida me’da-ichak yo‘llarining faoliyatiga pregabalinning salbiy ta’siri (shu jumladan ichakni tutilishi, paralitik ileus, qabziyatni rivojlanishi) to‘g‘risida xabar berilgan. Pregabalinni oksikodon, lorazepam yoki etanol bilan takroran peroral qo‘llanilishi nafas olishga klinik ahamiyatli darajada ta’sir ko‘rsatmagan. Pregabalin, ehtimol oksikadon chaqirgan kognitiv va harakat buzilishlarini kuchaytirsa kerak. Pregabalin etanol va lorazepamning samaralarini kuchaytirishi mumkin.

Qandli diabeti bo‘lgan ayrim bemorlarda pregabalin bilan davolash fonida tana vaznini oshishi hollarida, gipoglikemik preparatlarning dozasini to‘g‘rilash talab qilinishi mumkin. Angionevrotik shish simptomlari (masalan, yuzni shishi, perioral shish yoki yuqori nafas yo‘llarini shishi) rivojlangan hollarda pregabalinni bekor qilish lozim. Tutqanoqqa qarshi preparatlar, shu jumladan pregabalin suitsidal fikr yoki xatti-harakatlarni paydo bo‘lish xavfini oshirishi mumkin. Shuning uchun bu preparatlarni qabul qilayotgan patsiyentlarni depressiyani yuz berishi yoki og‘irlashishi, suitsidal fikr yoki xatti-harakatlarni paydo bo‘lishi yuzasidan sinchkovlik bilan kuzatish kerak. Pregabalin bilan davolash bosh aylanishi va uyquchanlik bilan kechgan, ular keksa odamlarda tasodifiy jarohatlar (yiqilish) xavfini oshiradi. Preparatni postmarketing qo‘llanishi davrida shuningdek hushdan ketish, ongni chalkashishi va kognitiv faoliyatni buzilishlari kabi holatlar aniqlangan. Shuning uchun bemorlar preparatning bo‘lishi mumkin bo‘lgan samaralarini baholab bo‘lmagunicha, ehtiyotkorlikka rioya qilishlari kerak. Pregabalin bilan tirishishlar bostirilganida boshqa tirishishga qarshi vositalarni bekor qilish mumkinligi va bu preparat bilan monodavolash maqsadga muvofiqligi to‘g‘risidagi ma’lumotlar yetarli emas. Pregabalinni qo‘llash fonida yoki davolash tugaganidan keyin o‘sha zahoti tirishishlar, shu jumladan tutqanoq holati va kichik xurujlarni rivojlanishi to‘g‘risida xabarlar bor. Pregabalin bilan davolanish vaqtida ko‘rishni noaniqligi yoki ko‘rish a’zolari tomonidan boshqa buzilishlar kabi nohush reaktsiyalar paydo bo‘lganida, preparatni bekor qilish ko‘rsatilgan simptomlarni yo‘qolishiga olib kelishi mumkin. Shuningdek buyrak yetishmovchiligini rivojlanish hollari aniqlangan, ayrim hollarda pregabalin bekor qilinganidan keyin buyrak faoliyati tiklangan. Pregabalin bilan davolashning qisqa yoki uzoq muddatlari tugaganidan keyin quyidagi uyqusizlik, bosh og‘rig‘i, ko‘ngil aynishi, diareya, grippsimon sindrom, depressiya, kuchli terlash, bosh aylanishi, tirishishlar va xavotirlik kabi nohush holatlar kuzatilgan. Pregabalinni bekor qilish sindromini ko‘rinishlarini tezligi va yaqqolligini, preparat bilan davolash davomiyligi va uning dozasi bilan bog‘liqligi to‘g‘risida ma’lumotlar mavjud emas. Preparatni postmarketing qo‘llash vaqtida ayrim patsiyentlarda pregabalin bilan davolash fonida surunkali yurak yetishmovchiligini rivojlanishi to‘g‘risida xabar berilgan. Bu reaktsiyalar asosan yurak faoliyatini buzilishlari bo‘lgan keksa yoshdagi  va preparatni nevropatiya yuzasidan qabul qilgan bemorlarda kuzatilgan. Shuning uchun pregabalinni ushbu toifa patsiyentlarda ehtiyotkorlik bilan qo‘llash kerak. Pregabalin bekor qilinganidan keyin bunga o‘xshash reaktsiyalarning ko‘rinishlari yo‘qolishi mumkin. Markaziy nerv tizimi tomonidan, ayniqsa uyquchanlik kabi nohush holatlarning tez-tezligi, orqa miyani shikastlanishi bilan bog‘liq bo‘lgan markaziy neyropatik og‘riqni davolashda oshadi, ammo bu pregabalin va boshqa parallel qabul qilinayotgan vositalar (masalan, antispastik vositalar) ning samaralarni yig‘indisi oqibatida yuz berishi mumkin. Bu holatni pregabalinni ushbu ko‘rsatma yuzasidan buyurishda e’tiborga olish lozim. Pregabalin qo‘llanganida doriga qaramlikni rivojlanishi to‘g‘risida xabarlar bor. Anamnezida doriga qaramlik bo‘lgan patsiyentlar pregabalinga qaramlik simptomlari yuz berishi yuzasidan sinchkov kuzatuvga muhtojdirlar. Entsefalopatiya holatlari, ayniqsa entsefalopatiyani rivojlanishiga olib kelishi mumkin bo‘lgan yo‘ldosh kasalliklari bo‘lgan patsiyentlarda aniqlangan. Pediatriyada ishlatilishi Pregabalin preparatining 12 yoshgacha bo‘lgan bolalarda va 17 yoshgacha bo‘lgan o‘smirlarda xavfsizligi va samaradorligi aniqlanmagan, shuning uchun preparatni ushbu toifa patsiyentlarda buyurish mumkin emas. Avtotransportni haydash va mexanizmlarni boshqarish qobiliyatiga ta’siri Pregabalin bosh aylanishi va uyquchanlikni chaqirishi mumkin va muvofiq ravishda avtomobilni boshqarish va murakkab texnikadan foydalanish qobiliyatiga ta’sir qilishi mumkin. Patsiyentlar preparatni qabul qilishga bo‘lgan shaxsiy reaktsiya aniqlanmagunicha avtomobilni boshqarmasliklari va murakkab texnikadan foydalanmasliklari yoki boshqa potentsial xavfli faoliyat turlarini bajarmasliklari lozim. Buyrak faoliyatini buzilishida qo‘llanishi Buyrak yetishmovchiligida preparatni ehtiyotkorlik bilan qo‘llash kerak. Buyrak faoliyatini buzilishi bo‘lgan patsiyentlarga dozani kreatinin klirensi (KK) ga bog‘liq holda tanlanadi. Jigar faoliyatini buzilishida qo‘llanishi Jigar faoliyatini buzilishi bo‘lgan bemorlarda dozani to‘g‘rilash talab qilinmaydi

Homiladorlikda pregabalinni qo‘llanishi to‘g‘risida adekvat ma’lumotlar yo‘q. Hayvonlarda o‘tkazilgan eksperimental tadiqiqotlarda qo‘llanganida preparat reproduktiv faoliyatga toksik ta’sir ko‘rsatmagan. Shu sababli Regapen preparatini homiladorlarda faqat, agar ona uchun kutilgan foyda homila uchun mumkin bo‘lgan xavfdan aniq ustun bo‘lgan hollarda buyurish mumkin. Pregabalin bilan davolanishda reproduktiv yoshdagi ayollar kontratseptsiyaning adekvat usullaridan foydalanishlari kerak. Pregabalinni ayollarda ko‘krak suti bilan chiqarilishi to‘g‘risida ma’lumotlar yo‘q. Biroq eksperimental tadiqiqotlarda uni sut bilan chiqarilishi aniqlangan. Shu boisdan Regapen preparati bilan davolanish vaqtida emizish tavsiya qilinmaydi. Preparat bolalar ololmaydigan joyda saqlansin va yaroqlilik muddati o‘tganidan so‘ng ishlatilmasin.

25ºS dan yuqori bo‘lmagan haroratda saqlansin.

Simptomlari: preparatning dozasi oshirib yuborilganida (15 g gacha) yuqorida ta’riflanmagan biron-bir nojo‘ya reaktsiyalar qayd etilmagan. Postmarketing qo‘llash vaqtida ko‘proq affektiv buzilishlar, uyquchanlik, ongni chalkashishi, depressiya, ajitatsiya va xavotirlik kuzatilgan. Davolash: me’dani yuvish, tutib turuvchi davolash va zarurati bo‘lganida gemodializ o‘tkaziladi.

Retsept bo‘yicha

14 kapsuladan PVX folgali alyumin blisterda. 4 blister qo‘llash bo‘yicha yo‘riqnomasi bilan karton qutida.

2 yil.